اولياء امور مدرسة التكامل( صباح السالم )

[بشوشه]

هلووووووووووووووو حبيباتي
اصلا انا منصدمه ان عندي عيال لا و ابي ادرسهم يالا الهول
ابي امي ابي ابوي ابي زوجي هيء هيء هييء
وحده بكي جي 1 و الدعله الله يحفضة بكي جي 2 و بيروح الروضه السنه اليايه باذن الله
انا صج كنت متفوقه بالمدرسه و لا بعد جامعيه لكني ما اعرف ادرس مرات ودي ابجي احس اني كلش مو خوش ام


المهم
خل نتكلم عن المدرسه بجميع نواحيها ايجابياتها و سلبيتها و المدرسين الزينين يعني كل شي

 

[رفرف]

هلا حبيبتي ..

الله يخليلج عيالج يارب ..
انا بنتي بالتكامل كيجي2 بس مافهمت شنو اللي تبين تعرفينه بالضبط ؟

 

[طير الحب]

انا ولدى جريد 5 على الدراسه والله جايده بس الله كريم

 

[بشوشه]

اللي ابيه نتكلم عن المميزات و السلبيات
و الله يا رفرف ييتي بوقتج ما ادري ليش ولدي لمن كان بكي جي 1 احسن من كي جي تو مو عارفه ليش خضوضا

 

[بشوشه]

خصوصا بالتركيز كله يبي يلعب و الهوم وورك مو جنه صعب عليهم و يبونه احنا نحفظهم على طول طيب شنو يسوون عيل بالمدرسه

 

[بشوشه]

انا ما اقدر اعيب بالمدرسه لان ما عندب خبرة يمكن السبب و العيب في ولدي

 

[Miss_Tiger79]

هلا بشوشه
انا عيالي الاثنين الله يحفظهم بكي جي 1 وكي جي2
يمكن ولدج مدرسته مو حازمه معاه او ربعه الي بالصف مشوشين عليه

ولدج عند اي تيشر

 

[بشوشه]

تيجر فاطمه كي جي تو اي

 

[رفرف]

بشوشة عاد بالعكس احس كيجي1 كانت اكثرها لعب بس كيجي2 اللي صج صج احس بنتي استفادت ..
ومس فاطمة اتهبل انا ماعرفها بس اشوف تعاملها مع اليهال ..

ويمكن ولدج شيطون او ربعه مشوشين عليه مثل ماقالت تايقر انتي كلمي التيجر وشوفي شتقول ..
والهومووركات صج صعبة بس مايضرهم الياهل ذكي كثر ماتعطينه يستقبل والا شفرقهم عن الحكومة ؟
والحفظ لازم اتراجعين عليه بس عن نفسي مادرس من قلب بس أأكد ونراجع على لعب وطبعا اتابع حل الهوموورك ..

 

[ام الكتكوته]

بنات حبيت اسألكم


اهي اي صوب بصباح السالم يم الرؤيه والا بعيده عنها

وجم ياخذون بالسنه وشلون طريفة الدفع حق الكي جي 2

انا بنتي بروضة حكومه الحين بس

بنقلها ان شاء الله السنه اليايه مدرسه خاصه

اتمنى انكم تفيدوني

 

[Miss_Tiger79]

بشوشه انا ما اعرفها والله

بس انتي لازم تقوليلها
لا تخلين ولدج جذي
عشان تكون حريصه عليه اكثر وتحط بالها على تصرفاته وتصرفات ربعه
ورفرف حتى كي جي1 كانت مدرستهم وايد تجيك على الياهل ما حسيت فيها لعب وايد بس اخف من كي جي2

 

[كويتيه ذربه]

انا بنتي بقريد ون
هما زينين بس ديري بالج اذا الياهل تعبهم مايسجلونه بقريد ون ووايد ناس تشتكي من هالسالفة واذا عندج اي ملاحظه على المدرسه كلمي مس ساره حتى مس كاثي تساعد

 

[بشوشه]

عاد صج و الله اي ياهل يتعبهم ما يسجلونه
هذا اللي قالت لي سارة انا ادري انه شاطر و الله يتكلم انجليزي بطلاقه لان انا و الخدم نكلمه انجليزي اسم الله عليه و الافلام و الكرتون يفهم عددددددددددددددددل بس ليش انه شويطين شوي الظاهر يلعبون باعصابنا

 

[بشوشه]

و اشلون الجريد ون سهل ؟ و شلون الهوموورك لان رفيجتي عيالها بالغانم ثنائية اللغه تمدح و تقول ما يتعب ولي الامر معاهم بالتدريس كل شي بالمدرسه الا الهوموورك بسيط بالبيت
و الله يا خوفي ان العيب فيني و انا مو مهتمه
ما اعرف اتصرف و لا اعرف اسلوبي صح مع اليهال
دوم احسهم صغار و مرحلة الروضه ما تستاهل التعب
و صراحه الليترز الفونكس صعب احنا ما درسناه و هذا انا بعد تخصصيانجليزي و بالجامعه مساندي انجليزي طريقة النطق صعبه عالياهل

 

[Miss_Tiger79]

بدون اسم
بنتج عند اي مدرسه وشلونها واذا تعرفين احسن مدرسه بقريد1
وشلون التدريس
عطينا فكره حق السنه اليايه انشالله

بشوشه
ترى دزولنا ورقه من فتره انهم يسجلولج شريط فيديو فيه الساوند مال الاحرف اسهل

 

[ام الكتكوته]

انا ليش محد رد علي

 

[بشوشه]

كي جي 1 فضيييييييييييييييييييييعه مس جاكي
المدرسه مقابل قطعه 4 و مو بعيده عن الرؤيه

 

[بشوشه]

السعر تقريبا 1300

 

[Miss_Tiger79]

اهيه بسطره الرؤيه يعني خلي الرؤيه على يمينج وكملي سيده وراح تلاقينه على يمينج بروحها لونها اخضر
وطريقه الدفه براحتج تبين تدفعين كل المبلغ اول شي او اخر شي او دفعات او اقساط المهم شهر 1 تكونين خالصه فلوس السنه يعني اخر الكورس الاول تكونين دافعه المبلغ
وسوري ترى ما انتبهت على سؤالج

 

[ام الكتكوته]

مشكورين حبيباتي وما قصرتوا

على ردودمك

وان شاء الله بحاول ادخل بنتي فيها