اولياء امور مدرسة التكامل( صباح السالم )

[manarah]

بشوشه انا ما فهمت يعني بلغوج ان انقبل بقريد 1 والا لأ ..... وبالنسبه للكي جي انا لاحظت ان بكي جي 2 تركيز اكثر على المعلومات وصج مستواهم فرق عن كي جي 1 بس اعتقد هالسنه اهم متشددين بال كي جي ككل يعني عندي رفيجتي ولدها بكي جي 1 بلغوها ان مستواه مو اوكي واذا ظل جذي ماراح يقبلونه بكي جي 2 ...
بشوشه بالنسبه للساوند للاحرف هالطريقه وايد احسن لانها تساعدهم عالقراءه .

 

[كويتيه ذربه]

انا بنتي عند مس سلوى الصراحة كلش مو عاجبتني لانها باكستانيه واحس انها وايد بارده ماتعرف تتصرف
احسن مدرسه حق القريد ون هيا مس اليشيا مع انها كانت تدرس كي جي تو واول سنه تدرس قريد ون بس وايد قويه
بس لازم تحنين عليهم وايد من الحين حتى تخلين عند اي مدرسه تبين لان بدايه السنه مايبدلون
والواجبات مووايد بس كلمات ويركبون جمل

 

[كويتيه ذربه]

نلتقي انشاءالله اليوم باليوم الرياضي بحديقة مشرف

 

[رفرف]

شلونكم بنات مع اليوم الرياضي ؟؟

انا ما استانست بنتي مريضة وتتدلع وماتبي تلعب واااي يا دعالة البنات اهيه خلقه دعله هالمرة مريضة بعد ..
ما استانست الا ع الاخر ..

 

[كويتيه ذربه]

انا عندي اليوم الرياضي مال القريد ون وتو كان حلو احلى من العام

 

[نواره الحلوة]

آنا بعد وياكم
ولدي الله يسلمه بقريد 1 كان مدرسهم مستر بيل بعدين حطوا مس نادية خوش وحده بس مس اليشيا درسته بكي جي 2 وكانت صراحة ممتازة
اليوم ولدي وايد استانس من اليوم الرياضي وفريقه طلع الثاني

 

[كويتيه ذربه]

آنا بعد وياكم
ولدي الله يسلمه بقريد 1 كان مدرسهم مستر بيل بعدين حطوا مس نادية خوش وحده بس مس اليشيا درسته بكي جي 2 وكانت صراحة ممتازة
اليوم ولدي وايد استانس من اليوم الرياضي وفريقه طلع الثاني

اكيد ولدج اللون الاحمر لان بنتي بعد المركز الثاني

 

[كويتيه ذربه]

ماتدرون اي مس زينه حق قريد 2

 

[نواره الحلوة]

بس ولدي لأنه شيطان اموقفين اعادة قيده لي الأسبوع الياي عشان اسون له evaluation مع اني سجلت الثاني كي جي 1
تكفون ادعوله لأني قاعده على أعصابي ماأدري شسوي

 

[بشوشه]

امبي الدلع ماله والي بس شافوني عيالي يما لا تروحين و لما وصل البابا هاتك يا تميرض و تعبانين بس ما طولت 10 و نص طلعنا
اهم شي الولد وردي و البنت ازرق اليهال منقهرين و معصبين بس لما شافو كل اليهال لابسين صار الوضع عادي

 

[Miss_Tiger79]

بدون اسم
شلون مس دفيدا ما تعرفينها
اهيه امريكيه وتمدحها مس ساره

بنات تدرون امس المفروض بالحديقه نحط لوحه تجمع منتدى كويتيات عشان نتعرف على بعض



نواره الحلوه
لا تحاتين انشالله بيسووونله اعادة قيد بس اتوقع هذا عشان يحسسون الياهل اذا ما صرت ؤوكي ما راح ترد المدرسه
والله يسهل عليج

رفرف
شكلج استانستي آخر شي لما شفتيني
واثقه من نفسي

 

[كويتيه ذربه]

بدون اسم
شلون مس دفيدا ما تعرفينها
اهيه امريكيه وتمدحها مس ساره

بنات تدرون امس المفروض بالحديقه نحط لوحه تجمع منتدى كويتيات عشان نتعرف على بعض



نواره الحلوه
لا تحاتين انشالله بيسووونله اعادة قيد بس اتوقع هذا عشان يحسسون الياهل اذا ما صرت ؤوكي ما راح ترد المدرسه
والله يسهل عليج

رفرف
شكلج استانستي آخر شي لما شفتيني
واثقه من نفسي

يمدحونها بس عندج اليشيا اخلاقها حلوه وانا متحسفه كنت ابي يمها
وليش لا انحط لافته بالمدرسه بعد عشان نتعرف على بعض

 

[نواره الحلوة]

اليوم رحت سجلت الثاني بكي جي 1 انشالله تطلع مدرسته احليوه لأنه هذا حد الدعاله

 

[jolie_q8]

ماشاءالله متيمعين وانا مادري

شدعوه جان دزيتولي انفتيشن

انا عندي كي جي 2 و غريد 1

اللي بالروضه بصراحه ما اضغط عليه بس اشد عليه بالقراءة والكتابه اخليه يكتب على راحته

اما اللي بأولى لا .. بصراحه يوميا عندهم واجب والكلمات اسبوعيا عندهم املاء بعشر كلمات يديده

وغير الماث وغير العربي والدين مالهم خفيف ..

وباجي المواد ما ادري عنها يعطونهم اياه بالمدرسه وولدي عند مس سيلفيا .. ومستواها وايد زين والحمدلله ودلدي ماشي معاها

والله كريم

 

[نواره الحلوة]

بنات استلمتوا ورقة جدول السباحة مال pe موجنه برد على هاليهال ولدي بيبدون الأسبوع الياي قلت بدق على المدرسة وأقولهم لا يخلونه يسبح أخاف يستمرض يعني خل ينطرون اشوي لي شهر 5 وبعدين منو فيكم شافت حوض السباحة ؟ ومن بنشف هاليهال من الماي والله اني أحاتيهم :gr4uu::gr4uu::gr4uu:

 

[نواره الحلوة]

jolie -q8
حياج ربي حياج ويانا

 

[ام الدرر]

ياحليلكم يا كويتيات التكامل كي جي 1و2 وجريد ون وتحاتون عيل لما توصلون 5و6 شتسوون
نصيحه اللي تبي عيالها يستمرون بالخاص تشد عليهم من البدايه لازم متابعة يوميا بالواجبات واي تقصير راح ياثر عليهم بعدين
انا ولدي بدا بامريكا لحد جريد 2 وسجلته بالتكامل جريد 3 وكان مستواه اسم الله عليه توب وسابق المنهج بس لما وصلنا 6 بدت الصعوبه وصار علاماته تقل المنهج وايد صعب ومكثف ولازم الطالب يكون متمكن من اللغه عشان يستمر لاني اعرف وايد ناس طلعوا عيالهم من المدارس الخاصة لما وصلو 5و6 لصعوبة المنهج واستحالة المتابعة
فنصيحه حتى بالصيف والاجازات لاتهملون عيالكم دخلوهم معاهد تقوي اللغه عندهم لانه متى ماصار الطالب قوي بالانجليزي بيكون سهل انه يفهم ويتابع والله يوفق عيالنا وينجحهم​

 

[jolie_q8]

نواره .. الله يحييج

انا كنت مشركه ولدي سباحه حوضهم حلو وفيه مكان لتغيير الملابس

ام الدرر .. والله انه كلامج درر .. ما تقصرين ومشكوره على النصيحه

وياليت تفيدينا بتجربتج مدام احنا بالبدايه علشان انتجاوز الاخطاء اللي ممكن تواجهنا

وحياج الله معانا

 

[sara2000]

بناااااااااات تنصحون اختي تدخل بنتها مدرستكم بتروح كي جي 1 , اهيا مفكره فيكم مع جم مكان .. آراءكم ؟

 

[بشوشه]

انا قالت لي مس ساره ان اوكي بعد اسبوعين يبين ان انشالله من كلامها راح تقبله بجريد 1
و الله اهو يهبل و انجليزيته فضيعه ما شاء الله بس شوية شطانه
بس بنتي بكي جي 1 ررررررررررررروووووووووووعععععععععععععععه مع مس جاكي تهبل و التيجر تموت عليها
و الصعوبه اللي احس فيها شلون احبب الياهل ان يكتب الهوم وورك تدرون ان ولدي يهددني ان ما يحل الهومورك هههههههه لان يدري بترجاه
و حبيبتي بنتي تقولي يما لا تزعلين انا احله بداله