اولياء امور مدرسة التكامل( صباح السالم )

[بشوشه]

كان المفروض نلتقي بالحديه حساااااااااااااااااااااااااااااااااااافه
شرايكم اي يوم نقدر نشوف بعض فيه بالمدرسه فوقه

 

[نواره الحلوة]

اشرايكم انتيمع في يوم open house اعتقد راح يكون هالشهر حق قريد 1

 

[Miss_Tiger79]

جولي
سامحينا وانا توقعت شايفه الموضوع

ام الدرر
صج مشكوره على النصيحه وانا هذا مبدئي اتعب عليه الحين من البدايه واشد عليهم من الحين عشان بعدين انشالله يصير اهوه يعتمد على نفسه
ونبي منج تقوليلنا وتنفعينا بخبرتج من قريد1 ولين الحين من مدرسات ومن اي شي ثاني
وشنو المعاهد الزينه الي تكون بالصيف

ام نواره الحلوه
احنا ليلحين بمرحله ال كي جي

 

[كويتيه ذربه]

اشرايكم انتيمع في يوم open house اعتقد راح يكون هالشهر حق قريد 1

ان شاء الله نتيمع
بس ماتدرين شنو يسوون بهاليوم

 

[manarah]

ام الدرر والله معاج حق هذا احنا اعيالنا بالكي جي حالتنا حاله اشلون بعدين .. الله كريم انشالله
بشوشه انشالله يقبلونه بقريد 1 والله يوفقه ... انا بنتي السنه الياي انشالله بكي جي 1 وقبلوها الحمدلله وطلبت من مس سارا اتحطها عند مس جاكي لان بنتي اتحبها كانت امدرسه ولد اخوي وبنتي معجبه بشكلها صج عاد شكلها يونس .

 

[ام الدرر]

هلا خواتي بالنسبة لولدي دخلته التكامل من g3وكان مدرس الصف مستر توماس اسمر من جنوب افريقيا وكان صج يهتم باليهال بس للاسف ولدي يقول خلوه يدرس كمبيوتر ماادري ليش
G4 درسته لورا كنفاني امريكية متزوجه مسلم هي زينه بس عصبية واليهال مايحبونها
G5 مس شيرين امريكيه ممتازة بس هالسنه مااشوفها
G6 عاد هني تبدا الماساة كل مادة مدرس والمنهج مكثف وصعب ويبين مستوى الطالب صج كنت مغترة بولدي وطول السنين اللي فاتت ييب A باغلب المواد ومن دخل سادس وهو بدا يتذبذب مستواه
يعني لا تقولين ولدج شاطر وما اتابعينه بالعكس خلج اول باول معاه واي مشكلة لا تتاخرين كلمي مدرس المادة ولا تستهينين باي واجب او مشروع ترى كله يحاسبون عليه
ونصيحه اذا حسيتي اي طالب ثاني ياثر على ولدج تاثير سيئ طلبي السنه اليايه مايكون بنفس الصف وياه
واي سؤال انا حاضرة​

 

[كويتيه ذربه]

يعطيج العافيه يا ام الدرر
صج خرعتينا انا ايد مجابله بنتي هي بقريد ون بس الله كريم لي قريد 6

 

[jolie_q8]

ما قصرتي يا ام الدرر .. مشاركتج درر

يعطيج العافية

-----------

ما عندي اسم .. بنتج بأي صف؟ ومنو مدرستها واشرايج فيها؟

 

[Miss_Tiger79]

ما قرتي ام درر وانشالله اذا عندج معلومات اكثر اتفيدنا قوليها لنا
والله يوفق ولدج انشالله

 

[نواره الحلوة]

ان شاء الله نتيمع
بس ماتدرين شنو يسوون بهاليوم

اهم سولنا اياه أول السنة وعلمونا اشلون طريقة تدريسهم والهوموركات ومتى امتحانتهم ووجدول الكورس كله وشنو بسون وطريقة الدرجات والتقييم بس الاجتماع هذا الكورس عشان اناقشون الكورس الثاني ومستوى كل ياهل وبما ان ولدي مدرسته يديده فراح اتقول لنا طريقتها في التدريس وشنو تبي منا احنا أولياء الأمور وشنو نبي منها

صراحة وايد مفيد حرصي انج تروحين :ada:

 

[نواره الحلوة]

ما قصرتي أم الدرر
صج خبصتيني اشوي لأن مستوى ولدي موذاك الزود بس الله يعينا ويعينكم

 

[كويتيه ذربه]

اهم سولنا اياه أول السنة وعلمونا اشلون طريقة تدريسهم والهوموركات ومتى امتحانتهم ووجدول الكورس كله وشنو بسون وطريقة الدرجات والتقييم بس الاجتماع هذا الكورس عشان اناقشون الكورس الثاني ومستوى كل ياهل وبما ان ولدي مدرسته يديده فراح اتقول لنا طريقتها في التدريس وشنو تبي منا احنا أولياء الأمور وشنو نبي منها

صراحة وايد مفيد حرصي انج تروحين :ada:

اي انا رحت اول السنه بس ماكنت ادري ان الاجتماع الثاني هالشهر يعطيج العافيه على المعلومه
انتي ولدج كان بالكي جي باي صف يمكن كان مع بنتي

 

[كويتيه ذربه]

ما قصرتي يا ام الدرر .. مشاركتج درر

يعطيج العافية

-----------

ما عندي اسم .. بنتج بأي صف؟ ومنو مدرستها واشرايج فيها؟

بنتي عند مس سلوى بس الصراحه المس وايد بارده وكلش مو عاجبتني

 

[نواره الحلوة]

وليدي كان عند مس أليشيا في كي جي تو e كانت روعة وأمس كان عنده سباحة طقته البوهه من مايوهات البنات من رد من المدرسة وهو يتحجى عنهم خخخخخخخخ

 

[كويتيه ذربه]

بنتي اليوم عندها سباحه خنشوف شتقول

 

[نواره الحلوة]

بنتي اليوم عندها سباحه خنشوف شتقول

شوفي شتغولج عن الحمام ... ولدي يقول اليهال تزحلقوا من الماي اللي بره المسبح لأنهم حفاي عاد قلت مرة ثانيه بحطله سليبر يلبسه بريوله ولا التزحلق بروح ولدي يحب اسوي شو جدام اليهال

 

[Miss_Tiger79]

نواره الحلوه
يحليله ولدج اول مره يشوف مناظر تخدش الحياء

 

[نواره الحلوة]

الله وكيلج اطلعت عيونه لوووووول
لوتشوفين شقول عن هانا مونتانا قليلة الأدب بتدش النار الكافرة خخخخخخخ

 

[كويتيه ذربه]

بنتي اليوم طالعه وشعرها مبلل والجو كان بارد
اقول لها تعلمتي تتسبحين تقول لا كنا نلعب مع اليهال و الحين تقول بطني يعورني الظاهر حاشتها بروده

 

[نواره الحلوة]

أحس انهم استعيلوا عليهم بالسباحة تو الناس برد وحرام يهال مايعرفون انشفون نفسهم