<<======اهلا بك في عالم كيرفز لرشاقه Curves======>>

[.IKEA]

هاي بنات

بغيت اسأل البنات الي الحين مشتركين >>> اذا كان النادي زحمه الصبح ولا لأ ؟

و شكرا

 

[قاعده بالليوان]

يبا هذا جنه النادي حق عيايز حدهم نصف ساعه لايرتفع الضغط وسكري ولا تطول على الشايب بالبيت
ههههههههههههههه

 

[غلطة حياتي]

يسلمو بشترك فيه

 

[no0o0r3]

مشكوووووووووووووووورة

 

[sparkly]

اهلا و الله انا اشتركت فيه 3 اشهر اهوا بالنسبة لي مو قوي يعني اللي تبي ادشه لازم تكون ضعيفة خالصة بس تبي اتضبط جسمها بس اذا متينة لا ادشينه لانه ماراح يسويلج شغل و انا اقولج اوقفي جدام التلفزيون و هرولي اشرفلج

 

[ابلة رسم كتكوته]

حبيبتي حسب الشرح الموضح عن النادي ذكرتي أن فكرته تعتمد علي
• أنت تسحبين و تدفعين بدلا" من رفع و خفض الأوزان, و هذا يقلل احتمال الاصابة و تقرح العضلات.
سؤالي :
أذا الوحدة والدة ... بس مو طبيعي ... يعني والدة ولادة قيصرية ... متى يمكن أن تلتحق في النادي ؟؟؟ و السؤال الثاني الي تعاني من الربو .. مادري هل يناسبها هذا النوع من الرياضة ؟؟؟

وشكرا علي الموضوع

النادي وايد زين
حسيت بفرق بجسمي
اهو مو بس حق عيايز مثل ما قالوا
اذا والد قيصيريه ما اتوقع يصير
لانهم يسالونج اذا مسويه عمليه او لا
انا اولد قيصريه
بس لما قلت لها سنه قالت اوكي
وهم حق الربو ما اتوقع يصير
لانه يهد الحيل
وروحي تاكدي احسن

 

[berry]

ابله رسم كتكوته شلونج:eh_s(7):

انتي مشتركه بنادي الجابريه؟

 

[ام بنتها]

انا كنت مشتركه و فيني ربو عادي
و صراااااحه خوووش نادي معني لمن اشتركت اشكثر تطنزت عليه و ماكان عاجبني و عقب اشتركت بشامبيونز
بس طلع ما يصلح لي الا اهو
لانه بس نص ساعه و انا مو من النوع الي له خلق ولا التزم بشي و هذا كنت التزم فيه لان ما ياخذ وقت و بس نص ساعه يعني يسوا الواحد يشتركه
كنت اذا عندي فراغ بالكليه اروح و ارجع
لمن اشتركت بجامبيونز هبيت يمكن اسبوع بعدين صرت اروح يوم و عشرين لأ و خلص اشتراكي بو 3 شهور و انا يمكن مارحت الا 15 ا 20 مره و لا اروح بس احوس من كلاس لي كلاس بس اطالع و اقعد بالكوفي الي تحت ابلع ولا اقرا مجلاااااااااااات
حدي تحسفه على ال 300 الي قطيتها
نصيييييييحه الي نفسي و ما تلتزم بالشي ما يصلحلها الا كيييييرفز

 

[درابيله]

كيرفز الجابريه زرته واووووو شنو هذا يفشل الصراحه دخلت عليهم ولا المدربه متينه تخرع مظهرها غير لائق لإستقبال الزوار المهم المكان ضيق ويخنق شافتنى إنصدمت ليش بتشتركين وتطالعنى من فوق لى تحت المهم لوحاتهم اللي معلقينها a4 مكتوب عليها لنحارب الطاعم برمضان ما ادري مكان ما ييشجه ولا السعر خيالي المهم كل وحده ورايها وعليكم بالعافيه على هالنادي الناجح يمكن زين بس موقعه اللي بالجابريه ما يشجع

 

[ترتوره الحلوه]

مشكورة على الموضوع

 

[عسوله_8]

تسلمين اختي دارين على هالموضوع الطيب ويعطيج العافية حبيبتي

 

[ام ابرار]

مشكوورة على الموضوووع

 

[كيوت_25]

سمعت من زمااااااان انه بيفتحون فرع بالعديليه ما فتحوه ؟؟؟

 

[اي اسم]

سلام بنات
منو احسن فرع من ناحية الموقع وتعامل المدربات وما يكون مزدحم ؟ السالمية والا الجابرية والا الشعب

 

[shams]

وينكم .. ماكو شي يديد الي بالعديليه مافتح ؟؟
واهوا اروحله بس 3 تيام بالاسبوع ولا متى ما ابي ؟؟

 

[Arosha]

انا ما حبيته يعني نص ساعه و 3مرات بالاسبوع اشتري شريط رياضة واقلده احسن ومكانهم بالجابربة امحكر حمام ولمن دخلت ما شفت الا حريم كباااااار فوق الخمسين يمكن تشامبينز احسن بوايد اصلا غمته داخل وخنقه ومقموت ويضيق الخلق مافيه اي لون او بهجة تخليج تنطلقين حتى نوادي بو 15 مادري 30 بالشهر احسن منه كلش ملش ما عجبني وحسيته سخيف مع احترامي لكل المشتركين فيه وعاجبهم والناس اذواق لا تزعلون مني هذا رايي الشخصي

 

[رموسة الحلوة]

مرحبا انا ابي نادي حلووووو وسعرة معقول اذا ممكن اتفيدوني

 

[رموسة الحلوة]

انا ابصراحة عجبني تشامبينز من منظرة وراقــــــــــــــــــــــــــــــــــــــــــــــــــــــــــــــي حدة ابصراحة حلــــــــــــــــــــــــــــــو بس عيبة انة غالي

 

[shiikuha]

بالعكس النادي حلو ومافيه شي
انا مشتركه فيه .. ولا فيه عيايز ولا شي .. وشفت كل انواع الاجسام صراحة المتينه والضعيفه حيل يعني مو مقياس اذا وحده ضعيفه بتمشي فيه ..بعدين منو قال 3 ايام بالاسبوع؟؟ كل يوم اهو ماعدا اليمعه
انصحكم تشتركون فيه تونس طريقته وماتملين كلش

 

[Abercrombie]

آنــا ولا مــره بحيــاتي دشــيت نـــادي !
أحـــس و أعــرف نفســي إنـــي مـــا راح ألتــزم


فـ قــررت أســوي رجيــم من نفســـي ..
قــطعت (( البيــبسي - الكاكاو - الخبـز بأنواعه
و الماكارونـه و العيــش )) و قمت آكـل كل شي
مـــا عــدى هالســـوالف


و يعـني إذا الــغدى مجبــوس دياي .. كليت الدياي بروحه
مــع الســلطه .. و أبلش بالســلطه بالأول عشان أشبع p;


و أشــرب عصيـــر ( جريــب فــروت ) طبيــعي مع الغــدى ..



و العشـــاء .. لازم يــكون مبجــر يعــني عالـ " سبـع ونص " !
عشـــان ينهضـــم بســـرعه قبــل النـــوم ...


و أشـــرب بيـــن الوجبـــات " شـــاي أخـــضر " ..
و أمشـــي بالأســبوع نص ســـــاعه !!!! @@


و خـــلال 4 شـــهور ظعــفت 15 كيـــــــلو
الحمــدالله .. ماتوقعت هالنتيجــه ..



من غيـــــر رياضــه ولا نـــادي



هدومـــي و المقاسااااات واااااايد فــرقت
و كـــل لما يشــوفني يحس بالفــرق ...



بس نصـــحوني بالنـــادي ;/ عشــان يشــد الجســم !
و قــلت (( كيــرفس )) أهــو اللي راح ينـــاسبني عقب كلامكــم
لأنــه مابــي ألتــزم بــريــاضه و أطــول أكثــر من 30 !! مــابي !!
عشـــان إذا هديـــت الريــاضه فتـــره لا يــرجع جســمي ...


يـــعني بـــس 30 دقيقــه .. حلــوين حــق صحتــي بالأول ! و حق جسمي


إنشــالله بــدق عليــهم بعد شـــوي و بشـــوف طريــقتهم ..


بس بســـأل اللي مشتركيــن :


(( كيــــرفس الجابريــه عليـــه زحمــه واااايد ;/ مابي الزحمـه ))




و كل الشـــكر