ان تكلمت صارت فضيحة وان سكت اخاف تطلع السالفة ويلوموني

[‏ڝڋٸ ٵڸڪٿہـآڻ]

الله المستعـــــــان ..... موقف صعــــب .... وبعد رح تسكن جنبكـ يعنـــي يجيكـ شرهـــا من قريـــب ... الأفــــضل تقولين لشخص ثقـــة
يوصل لهــــم إن هالبنت ماتصلـــح .. أهم شئ إذا نويتي على شئ أستخيري عشان ماتندمين ...

 

[سُوالفي حلوة]

اسمحولي شنو تسكت اذا اولها الحيوانه قالت لها خلي الشرف ينفعج شنوووووو قصدها هذا المفروض ماتقدر اتحط عينها بعين راعيه الموضوع اتقوم اتقولها خلي الشرف ينفعج لا والله دخلي زوجج بالموضوع وقوليه عندي شهود وتعال خلني اقول حق اخوك هذا الي فرحان فيها انا متاكده انها بتسويلج سوالف سمعه وخرابيط لج وبتصيرين انتي الموووووووووووزينه
بنات هاذي كلش مووو مكسورة شنو خلي الشرف ينفعج ياريتج رديتي عليها حزتها الانهم هم شافوها اتكلمج جان قلتيلها اكيد الشرف ينفع بصوت عالي حزتها الخايسه هذي اول شي بتسويه بطلع حجي وسوالف حق اخو زوجج يهني بتشيشه عليج بتشوفين والباقي بتمر عليهم واحد واحد وبعدين امجابلتج بالبيت صدقيني بتسوي حركات حق ريلج الله يسامحها عمتج مادري خالتلتج الي ماشاورتج عليها

 

[سُوالفي حلوة]

حبيبتي ممكن انج تسكتين عن السالفتها اذا حسيتي انها فعلا تبي تنستر وانها تايبه هاذي من البدايه اتنقز فيج وبالعكس انا الي شفته انها هي الي قاعده اتهددج يعني الوي بليته وبااااااااااايعتها عل اخر جنها اتقولج اصبر ي علي بس ووريج
بدل لاتقولج استري على ماواجهتي وانا ابي انستر والهدايه لا اتقولج شي ثاني اقول جلعيها اتولي اللهم لاشماته

 

[الفدنه]

ماقصروا البنات

 

[الغنج والدلع]

اهم لو يبون رايج جان سألوج احسن لاتتدخلين ومالج شغل الله يستر عليها ويهديها

 

[pretty sarona]

يمكن تتوب و الله يهديها على ايد حماج دام ان مصلي مسمي ,, و اذا ليلحيين اهي ماشية بالغلط الله يمهل ولا يهمل

 

[مطيرية والعزليه]

رد : ان تكلمت صارت فضيحة وان سكت اخاف تطلع السالفة ويلوموني

بلغي زوجج لا تتهمج بأجر بشي وتقلب خياسها عليج قبل لأ تدش بيتكم علمي رجلج

 

[مهره 76]

حبيبتي ديري بالج منها ولازم تعلمين زوجج لانها مليون بالميه راح تخرب عليج عند الحموله ومن غير ماتدرين راح تقلبهم عليج وراح يبين بالتعامل معاهم هذي تبي تثبت نفسها لقت لها واحد يا خذها اهم شي انج تحرصين وتبلغين حمواتج اذا علاقتكم زينه انهم اذا صار حجي اوطلعت سالفه عليج يواجهونج لا يسكتون ونظرتهم تجرح انا مجربه الله يعينج والله يكفيج شرها