ان تكلمت صارت فضيحة وان سكت اخاف تطلع السالفة ويلوموني

[العجميه سبشل]

ستري عليها ربي يستر عليج
يمكن الله يهديها وتتوب على ايدين حماج

 

[وحي القوافي]

رد : ان تكلمت صارت فضيحة وان سكت اخاف تطلع السالفة ويلوموني

مع احترامي لج بس احس فيه وايد مبالغات بكلامج
عالعموم ستري عليها ودعي الخلق للخالق

اهم اختاروها كيفهم انتي مالج شغل

اذا ربي ستر عليها انتي تروحين تفضحينها؟؟؟ !!!

 

[أمـونة]

رد : ان تكلمت صارت فضيحة وان سكت اخاف تطلع السالفة ويلوموني

انسي السالفه ولا كأنه صاير شي

ولدهم وينيازون فيه

منتي ملزومه فيهم ،،

والله يستر عليها و يسخرلج

 

[بنات حواء2]

سكتي و لا تتكلمين بطلعونج محتره
خليها الوصخه وصخه و مصيرها ريحتها بتفوح و بعرفونها

 

[miss_math]

رد : ان تكلمت صارت فضيحة وان سكت اخاف تطلع السالفة ويلوموني

انا اشوف تتكلمين احسن

شذنب حماج ياخذها وهي جذي

وبعدين اهي لو تحسين انها وراها رجاء جان قلنا ميخالف استري عليها

لكن هي عاجبتها السالفة وتقول خلي الشرف ينفعج

ممكن توصلين السالفة مو عن طريقج منعا للاحراج

 

[lovely jojo]

الله يعينج موقف صعب حيل.....

 

[*سوسو ستار*]

والله مدري شقولج موقفج صعب

 

[سيلفاناه]

رد : ان تكلمت صارت فضيحة وان سكت اخاف تطلع السالفة ويلوموني

نصيييييييييييييييييحه لاتكلمييييييييين ومالك شغل بحد كلن حر بحاله سكتي وحفظي بيتك وزوجك وخلي الباقي على رب العالمين خليك مثل منتي بحترامك وتقديرك واخلاقك

 

[فخامه كبريائي]

رد : ان تكلمت صارت فضيحة وان سكت اخاف تطلع السالفة ويلوموني

لا صراحه خليج ساكته ...اذا هم ما قالوا لج و لا خذوا رايج من الاول ...!!!!فاقول لج ضربيهم بستين حيط ...
و لا ادخلين نفسج بمشاكل مع هالبنت ...شكلها شراااااااااااااااانبه ...
و انتي بسكوتج قاعده تسترين عليها ...يعني لا تحسسين نفسج بتانيب الضمير بالعكس انتي سترتي عليها ...
و الله يحفضج من شرها

 

[بسكوت السعادة]

رد : ان تكلمت صارت فضيحة وان سكت اخاف تطلع السالفة ويلوموني

مع احترامي لج بس احس فيه وايد مبالغات بكلامج
وربي اني مابالغت بشي وفية اشياء لو كاتبتها جان قلتو جذابة معقولة جذي واللة هذا اللي صار

 

[واثقة بجمالها]

الله يستر عليهااا

وانا بعد احترت اخاف تقولين وتلف السوالف عليج واخاف تسكتين هم حرام اهل ريلج

الله يستر عليهم ياارب

 

[الليدي المغتربه]

ياريت تطمنينا عنج اذا جدجديد لاني قعدت والله احاتيج

الله يبعدها عنكم

 

[MEMO GirL]

رد : ان تكلمت صارت فضيحة وان سكت اخاف تطلع السالفة ويلوموني

الله يعينج
انشاء الله البنات يساعدونج

 

[ورده حمره]

البنات اللي يقولون خليج ساكته وخليج ساكته ! انتو لو مكانها ما سكتو كلش !!
اصلا وقت الصجيه والله ماتخلونها تعتب باب البيت !

شلون تطلعين من البيت وتروحين اي مكان وهالقذره في بيتج ما تامن على زوجها !

لا تسكتين اكثر ومالج شغل بزوجج كلمي حماج سييييده وراح يتقبل وخلي عمتج تولي

 

[غزل بنات]

لو انا منج اتكلم بصراحه هذي من شاورتج شكلها خرابة بيوت وموصاحيه وعينها قويه لو ساكته هي يمكن بقول

عقلت بس الظاهر مامنها فايده وراح تأذيج بعدين قولي لزوجج ابرك لج تصير زوبعه وتفتكين عقبها احسن من انج تعيشين حياتج

كلها زوبعه باجر لاخذت حماج اطلع عنج سوالف وتأليفات وتخرب حياتج بعد افتكي

 

[eman12]

خليها على ربج ويمكن تتعدل بعد الزواج

 

[remoo_007]

اول شي اللله يعينج بس اذا اهيا قاعده تتحرش ومن اولها تقولج خلي الشرف ينفعج احس ناويه نية قشرة عليج

نصيحتي لج قولي حق زوجك وحاولي تخلين عندج ادلة عنها والله لاتقولين مو لهدرجة هذول مايخافون الله حاولي تسجلين صوتها ولا تسمعين زوجك كلامها اي شي

ديري بالج اتوقع هذي تدري انج تعرفين ماضيها وماترتاح الا اذا سوت لج شي ديري بالج حبيبتي


بس ارد واقولج خلي زوجك بل الصورة نصييييييييييييييييييحة لاتسكتين ليما تنقلب السالفه عليج

والله معاج

 

[هـتـون]

حبيبيتي انا انحطيت بموقفج وكنت توني صارلي 3 متزوجه جان يقولي ريلي اخوي خطب فلانه وانا اعرفها انها راعية سوالف جان اقوله بيني وبينه وقال لاخوه لا تاخذها وهم الريايل يعرووفون تفهم وهون عن خطبتها صارحي زوجج وخليه يفهم اخوه وماادري يمكن بعد تتوب على يده اذ اهو مطوع والله يهديها

 

[رآء يآء ميم]

رد : ان تكلمت صارت فضيحة وان سكت اخاف تطلع السالفة ويلوموني

لا تقولين لخالتج ولا زوجج



قووووولي لصاحب السالفه بنفسه الي هو حماااااج



قوليله وبري ذمتج واني جذي سويتي الي عليج وزود وهو كيفه عاد


اهم شي ما تسكتين عن الحق لان الي ساكت عن الحق شيطان اخرس


وكومنت ع الي يقولون راح تقول عنج غيرانه



بنات من صجكم خايفين من كلمه غيرانه ع الاقل يقولون الحين غيرانه ولا بعدين تتبلى عليها و يقولون عنها شي ثاني

 

[بدويه بالفراوله]

رد : رد: ان تكلمت صارت فضيحة وان سكت اخاف تطلع السالفة ويلوموني

البنات اللي يقولون خليج ساكته وخليج ساكته ! انتو لو مكانها ما سكتو كلش !!
اصلا وقت الصجيه والله ماتخلونها تعتب باب البيت !

شلون تطلعين من البيت وتروحين اي مكان وهالقذره في بيتج ما تامن على زوجها !

لا تسكتين اكثر ومالج شغل بزوجج كلمي حماج سييييده وراح يتقبل وخلي عمتج تولي

هذا الرد الي يبرد الجبد


تغدي فيها قبل لا تعشى فيج


صقيني هالاشكال ما يرتاحون الا لا تبلوا عليج


اذا كنتي خايفه من زوجج انه ما يصدقج


او


خايفه من خالتج انها تقول عنج غيرانه << معنى ما احس ان هالكلمه تخوف .. وخير يا طي وذا قالت غيرانه ولا تقول ........ باجر


لا تصلحين الغلط بغلط اذا خالتج ما سالتج لا تسكتين


قووووووولي لحماج وفكي نفسج و ريحي ضميرج