ان تكلمت صارت فضيحة وان سكت اخاف تطلع السالفة ويلوموني

[Bent lq8]

من سوالفها مبين عليها وحده تخرع خلج بعيده عنها وستري عليها وخليهم براحتهم لا تنقلب السالفه عليج والله يكافيج شرها

 

[فوشية]

استري عليهاا

 

[((shoOoshoOo))]

مالج شغل فيها ستري عليهااا وربج فووووووقهااا

 

[فوقهن و تسواهن]

رد : ان تكلمت صارت فضيحة وان سكت اخاف تطلع السالفة ويلوموني

والله انا لو منج اسكت انا شعلي ولا بعد لازم ما احتك فيها خل تولي الله يستر علينا وعليها

 

[راعية الطويلة]

رد : ان تكلمت صارت فضيحة وان سكت اخاف تطلع السالفة ويلوموني

استري عليها

مادام ما تكلمتي من البداية

ماكو فايدة

غيري مكانج و شقتج

و التغيير زين

 

[Čut!e Quèéи]

رد : ان تكلمت صارت فضيحة وان سكت اخاف تطلع السالفة ويلوموني

نصيحتي لج قولي حق زوجج وبس

وبعد قولي له عندي شهود عليها عشان تصدقني

وخلاص تركي القرار بأيده

عشان باجر لي دخلت البيت ما تطلع عليج كلام وتسوي لج مشاكل

يكون زوجج عنده خبر وعارف كل شي

من كلمتها لج معناته لا تابت ولا شي الا حاطتج براسها عشان لا تطلعين فضايحها

من رايي اذا خالتج علاقتها زينه فيج روحي انتي و زوجج وكلموها قول لها كل شي وعطوها ارقام الحريم شهود عليها

 

[MiSs Roma]

أنا لو مكانج اقول حق ريلي و أبري ذمتي ...
>>> و اهو كيفه يبي يقول ما يبي هالشيء يرجع له الي علي بس أبلغ لان هذا زواج مو لعب يهال

* حرام ينغش الريال فيها على الاقل تكونين قايلة حق شخص *
عشان لو صار شيء ما بقولون ليش سكتي فما تطلعين بالشينة حبيبتي

-------

 

[تيناا]

كلمي حماج مباشره ..
حرام يبتلش فيها ، هالايام بنات يبينون كلهم حيا وهم يخونون ازواجهم فما بالج بهذي ؟

 

[العبيدان tenuta]

رد : ان تكلمت صارت فضيحة وان سكت اخاف تطلع السالفة ويلوموني

حبي والله العظيم نحطيت نفس موقفج بالضبط وسكت وماعلمت وبلعت العافيه وحمااااي يالله من فضلك كامل والكامل الله وتخيلي كل ماقرب الموعد اشووووف شطتهم ولوووويتهم حق الملجه البشت والدزه وحجز المطعم واي ملاج اللي يملج والمسجات تبيلغ حق يوم الملجه وخبببببببه مابعدها خبه وانتي راح تمرين نفس الشريط اذا سكتي وتخيلت نفسي اثناء الخبه لو بقول شنو راح يصير فيني علي قوله اللي قالوا لج سكتي سكت
وتمت الملجه والله وكلي ربج بشهر العسل طلقها
تدرين شنو النتيجه حماي انكسر كسره مو طبيعيه واي كسر خاااااااطري شفتي لما واحد يلعب كره ويخسر ويصير صعيف كل من يواسيه جذي غرف عمري مايستاهل مر بظرف صعب وحالته نفسيه تعبت اشلون ريال ينقص عليه والفشله السالفه فيها رياييل وسمعه يوم هدت الامور وهدت العاصفه قاعد يسولف معاي اهني قلت له واعترفت اني ادري بس ماقلت مسكين رد وقالي كل شي قسمه ونصيب بس الافضل لو قايلتلي علي الاقل اعرف اشلون اتصرف هذه تجربه انا مريت فيها وعطيتج السيناريو وانت حره هذا اذا يهمج حماج
واذا بعلق هذه علي البر جذي اشلون اذا صارت وحده منكم وفيكم والله ترقصكم حتي انت بحوووشج طشار من راي طشريها قبل لا طشركم
واعتذر علي الاطاله واسفه اذا لسمح الله بدر مني كلمه بالغلط ​

 

[سوسو الأموره]

رد : ان تكلمت صارت فضيحة وان سكت اخاف تطلع السالفة ويلوموني

تدرين لو إني بمكانج الله لا يقوله رحت لحماي سيده وقلت له السالفه

وإذا إنتي خايفه قولي له إنه أنا ماقلت لك جذيه إلا أنا عادتك مثل أخوي وماأرضالك وحده

ما تأمنها على عرضك ولا على بيتك

عشان الستر وصيه إنه ما يعلم أحد ولو إنج بتفضحين البنيه جان قلتي من زمان
بس عشان تكونين مريحه نفسج وضميرج وبريه ذمتج من يم الله

 

[مارغريتا]

واااي الله يعينج هذي بتصير مرت حماج !!!!

ديري بالج منها حبيبتي وبالطقاق لا تقولين شي صدقيني الزمن بيطلع معدنها

ديري بالج لا تعطينها ويه كلش ولا تدخلينها بيتج واخذي الحذر منها


شهالمخطوبه هذي البنات بالخطبه يستحون ويدنقون وهذي جرئه ووقاحه

الله يعين حماج بس

 

[فيونكه..~!]

رد : ان تكلمت صارت فضيحة وان سكت اخاف تطلع السالفة ويلوموني

الله يعينك

قوولي لي زوجك

 

[بنت المنصور]

انا من راييي تسكتين ولا كأنج شفتي ولا سمعتي شي وخلج بعيده عنها يمكن الله يهديها لما تتزوج وحتى لو الله ما هداها كيفها

ريلها عندها هو يتفاهم معاها خلج بعيد ترى كلشي بيطيح فوق راسج انتي وصح كلام البنات هالاشكال هم الي قايم حظهم زمنا الحين ينصر

الظالم ويوقف مع الي مايعرف الادب والاصول لو انا منج اطنش ولا احتك فيها واتصرف كانه مافي شي

 

[شفايف كرزيه]

صج ورطه الله يعينج بس نصيحه اسكتى لان الكلام الحين ماراح ينفع

 

[^^ريهام^^]

الله يعينج

انا رايي من راي سوسو الأمورة اكلم حماي على طول وبدون وسايط

بس أحلفه ان ما يعلم أحد

حرام اذا الريال محترم ليش ينقص عليه قولي له اللي شفتيه وهو بكيفه

 

[ice-moon]

رد : ان تكلمت صارت فضيحة وان سكت اخاف تطلع السالفة ويلوموني

من سكت عن الحق شيطان اخرس

ومن رأى منكر فليغيره؟؟


طبعاَ لاتسكتين وبلغي زوجج

هذا امانه وبتم برقبتج على طوول

تخيلي حملت وبالغلط وعيال حماج عيال حرام يتزوجون بنتج؟؟

حزتها شتسوين؟

وشذنب حماج وشذنب باجر يدري بخرابيطها عقب ماييب منها عيال؟

حزتها ضميرج بيأنبج

صدقيني لو كان فيه واحد من الاميه انها تابت ونيتها زينه جان قلت لج ستري عليها

لكن هذا قالت لج خلي الشرف ينفعج

يعني مو وهامها ولا تابت


خافي ربج صدقيني لو ماعلمتي ريلج ودور الدنيا راح تندمييييين حيييييييل

 

[~ آسٓگنتگ عٓيونـيٓ ~]

\

بصراااحه ماادري شقولج ؟؟!!
الله يعينج حبيبتي ,,

 

[noonaah]

زبااااااااااااااله
معقوووله في بنات بالديره بهالمستوى؟؟؟؟
سؤااال هذي مسلمه تصلي وتصوم حالها حالنا؟؟؟؟؟
النقاب على شنو بالله؟؟؟؟
حرااااااام عليج تسكتيييين

 

[الماسه_26]

لا من صجكم بناااات شلون بتقووول حق زوجها انها شايفه عالبنت شي لأنووو أكيد زوجها راح يقووول حق اخوووه واخوووه اكيد راح يطلقها أذا درى عنها صح والا لا ؟؟
واذا تطلقت البنت راح تحقد عليج والله هالأشكال مالهم صاحب وربي لتخرب بيتج عليج وتقلب السالفه كلها على راسج ..~
أنا نصيحتي انج ما تقوليين واهم شي تكووووووووووووون علاقتكم سطحيه لأبعد الحدووووووووووووووووووووووووووووود ..
وستري عليها يمكن الله يهديها ../~
وبعدين اذا صار ماصار وقالولج ليش ماقلتيلنا قولي انج خفتي على نفسج من هالأشكال لأنها أكيد بتقلب السالفه عليج وانهم ما شاورووج فعيب انج تتليقفين وانج من باب هالحديث اللي قاله الرسول صلى الله عليه وسلم : " من ستر مسلماً ستره الله يوم القيامه " ماتبيين تفضحينها يمكن الله يهديها عقب الزواج ../~
وبس

الله يكفيج شرها ..~ يارب

 

[وصآااايف]

دام قالتلج خلي الشرف ينفعج هذي معناتها ناويه الشر

وما استبعد انها تطلع عنج سوالف بما انج تدرين عن خرابيطها

الاحسن لج انج تقولين لريلج عنها سبحان الله صار ماصار الا يكون عنده علم

وتفهمينه وجهه نظرج بانكم تسكتون وتسترون عالبنت هذا اذا كان ريلج متفهم​