انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

[جاذبة الخير]

اللي اعرفه ان مو كل شي تقدر تاكله اللي بالنفاس

و ادري ان النفاس لازم اكل صحي حق البيبي و ادرار الحليب


شاركيني بشنو تريقتي و غداك و عشاك ؟؟




و ياليت يتثبت الموضوع حق البجريات

 

[..البندري..]

رد: انتي بالنفاس ؟؟ شاركيني بوجباتك الصحية ؟؟

للرفع

 

[fofowa_q8]

رد: انتي بالنفاس ؟؟ شاركيني بوجباتك الصحية ؟؟

ماعندي فكره بجر

بس خووش موضوع ياليت البنات يفيدونا

 

[غنوة ستايل]

رد: انتي بالنفاس ؟؟ شاركيني بوجباتك الصحية ؟؟

ريوقي اليومي
قلاص حليب حااااااااار مع ملعقة لهوم وشوي فلفل اسود مع التمره الخاصه فيني
هذا الساعه 5 الفجر


وعلى 9 الصبح عصيده مع خلطة اعشاب خاصه .

وعلى 10 الصبح قلاص كبير من الطبيخه المغليه

و الظهر قبوط او مرقوق الموجود واحد معاه شوي مردود .. يطبخ معااه يهبل واكله ع الغدا يكون معاه دجاج او لحم المتوفر وطبعا يجي معاه الكوسا والباذنجان والبطاط والجزر .. صحن صغير

و العصر قلاص حليب ثاني .

والمغرب كوب طبيخه .

والعشا كوب من خلطة نورة

ومرات اشتهي حلو اخذت درزن من حلو سينابون اللي بالقرفه واكل لي قطعه منه باليوم

و الليل شوربه جريش او هريس ..

طبعا احط بين الوجبات موز ـ وحبوب الكالسيوم والحديد وفولك اسيد عشان شعري وضروسي لا يطيحون .

وشربت عصير افوكادوا واااايد يهبل ..

 

[مسك وطيب]

رد : رد: انتي بالنفاس ؟؟ شاركيني بوجباتك الصحية ؟؟

بالنفاس ,,, لازم تغذية ممتازه خصوصا اذا كنتي مرضع ,,,

عن نفسي ,, لابد من المرقوق والحسو وشوربة الدجاج ومعاها لسان العصفور << عجيب طعمها جربوها وادعولي
وحليب بالحلبه,, ومرات امي تغير لنا تسوي معكرونه ومرات صينيه دجاج وخبز ايراني ,, وكثري جرجير ممتاز لفقر الدم
واللي يقولج لاتشربين ماي متخلف رسمي اهم شيء الماي حتى لايحوشج التهاب بول تكرمين ,,,
والجبن والبيض نوعي بريوقج ,,,
باختصار فترة النفاس مو حكره على اكل معين اهم شيء اكل دافي وسوائل دافيه وانج تاكلين قد معدتج لاتغصبين نفسج بالاكل وتنغثين ولا تجوعين بالمره ,,,خير الامور الوسط بكل شيئ

والريجيم والاشياء البارده لاحقين عليها بعد النفاس

 

[فديت حبوبي]

رد : رد: انتي بالنفاس ؟؟ شاركيني بوجباتك الصحية ؟؟

تكون وجباتج دافيه وتكثرين من شرب الاعشاب وتاكين الحلبه اول عشر ايام علشا العظام

 

[Om_Ksha]

رد: رد : رد: انتي بالنفاس ؟؟ شاركيني بوجباتك الصحية ؟؟

انزين العيوش ماعيوش ليش ماتنوكل مو زينه يعني ولا بس علشان المتن؟

 

[احب المنتدى]

رد : رد: رد : رد: انتي بالنفاس ؟؟ شاركيني بوجباتك الصحية ؟؟

اب

اب

 

[أم راشد المطيري]

رد: انتي بالنفاس ؟؟ شاركيني بوجباتك الصحية ؟؟

انا اليوم ثاني يوم لي نفاس

الريوق اكلت بيض وشربت حليب وخذيت قفشة لهوم

والغدا قبوط

والعشا لي الحين ما ادري​

 

[randomy]

رد: انتي بالنفاس ؟؟ شاركيني بوجباتك الصحية ؟؟

العيش ماوراه الا الكرش

خلج على الشوربات الحارة مع الحوايج والفلفل الاسود ، القبوط ، المعكرونة ، صينية دياي مشوي مع بطاط وخضرة
,,, اللسته طويله والحمدلله عالنعمة

بس صج اهم شي الحليب الحار مع الحلبة اول 10 ايام بس

والحسو انا اكله الصبح قبل الريوق

الريوق بيض اجبان ...الريوق العادي

 

[_Pure_]

رد: انتي بالنفاس ؟؟ شاركيني بوجباتك الصحية ؟؟

الله يسامحكم انا صايمه و اقرا هالموضوع
شوقتوني على اكل النفاس

 

[الا انــــــا]

رد : رد: انتي بالنفاس ؟؟ شاركيني بوجباتك الصحية ؟؟

بكريه ما عندي خبره منكم نستفيد ياحلوات

 

[غنوة ستايل]

رد: انتي بالنفاس ؟؟ شاركيني بوجباتك الصحية ؟؟

انا الحين اكلمكم ويمي قلاص كبير حليب بالزعتر .. عشان الغازات
قلت ابي اغير شوي .
وعلى النار جدر شكبره خضار ( جزر ـ فلفل بارد ـ كوسا ـ باذنجان ـ بطاط ـ ) ونص دجاجه طازجه ( اليوم ريلي اشترى دجاج طازج يقول مغذي اكثر من المثلج ) مع اني راح اثلجهم كلهم بس شقول .

وناطره الاكل يصير لان هذه الوجبه اللي قبل العشا

وريوقي اكيد بيض مفيوح وقلاص حليب كبير مع حلبه .

تعرفون مع اني انصح الناس تشرب حلبه بس مالي خلق لها .. استغفر الله باب النجار مخلع

 

[احلى مريومه]

رد: انتي بالنفاس ؟؟ شاركيني بوجباتك الصحية ؟؟

للرفع

 

[جاذبة الخير]

رد : رد: انتي بالنفاس ؟؟ شاركيني بوجباتك الصحية ؟؟

تخلطين الحلبه مع الحليب ؟ ولا تلهمين الحلبه بعدين الحليب ؟


شنو الممنوعات ؟

 

[a7la MUM]

رد: رد : رد: انتي بالنفاس ؟؟ شاركيني بوجباتك الصحية ؟؟

السلام عليكم خواتي بغيت اقول شي
الموز والكوسا والباذنجان مو زين للنفاس يرطب الرحم وسألو الحريم الكبار

 

[العياره]

رد: رد : رد: انتي بالنفاس ؟؟ شاركيني بوجباتك الصحية ؟؟

اب اب

 

[دلع الكون]

رد: رد : رد: انتي بالنفاس ؟؟ شاركيني بوجباتك الصحية ؟؟

شدوووووووووو حيلكم بالكل الزين نبيكم تطلعوووووووون عرايس

الله يطلعكم من باقي شروره

 

[كتكوته ورديه]

رد: رد : رد: انتي بالنفاس ؟؟ شاركيني بوجباتك الصحية ؟؟

انا حامل بس بغيت اعلمكم اكلو بيضه مفيوحه تثقل الرحم علي الفطور
اما الغدا عيش ودويات
اما العشا والله يابنات العيش الملبوج يثقل الرحم وانا صاجه علي مرقت لحم
معلومات حبيت تستفدون متها

 

[مسك وطيب]

رد : رد: رد : رد: انتي بالنفاس ؟؟ شاركيني بوجباتك الصحية ؟؟

الباميا ,,الخيار ,, الليمون ,, عادة الاشياء اللزجه تجنبيها