انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

[nooraleen]

بنات الله يجزاكم خير بس فيدوني
عن القيصريه ابي برنامج كامل للولادة القيصريه
والله يجزاكم خير ساعدوني

 

[حياة ريلي]

اخ بس اخ يا ليت مو كل وحده تتفلسف على كيفها و تنصح هالبجريات باشياء تدمرها
حطي تحميلة ما ادري شنو ولا تشربين ماي الايه تقوووول "و كلي واشربي وقري عينا "
شلون يعني وحده والده و تنزف من صوب و ترضع من صوب ما تشرب ماي ولا تكثرين !!! الا تكثر !!!! الماي المنحبس لازم تشرب ماي عشان تنزله و كل ما نشف الجسم تتركز فيه الاملاح و يتمسك بالماي اكثر يعني سوائل الحمل ما تنزل
بعدين شلون المرضع تشرب هالبلاوي و تنزل كلها للياهل بالحليب و تشب بدنه !!!!
اذا بتفتين كيفج بس اذا احد قال كلام العقل لا تتهجمين عليه !!!
انا حملت وولدت و الف من وقفلي وقالي سوي و لا تسوين ما طعت الا كلام العقل و المنطق و اطلع من الاربعين ناشفة لي درجة ان لازم ريلي يستخدم جل عشان يجامعني !!
اهم شي الوالده تاكل اكل صحي من شوربات وفواكه و خضار و ايدام مشوي او مسلوق بلا استثناء و شربي ماااااي و اذا بتشربين اعشاب شربي نفس اللي تعطينه البيبه من نعناع و ينسون و حبة حلوة هالامور ما تاذي الياهل و الحلبه ممتازة اتفق الطب ان ممتاز
اذا ضايق خلقج طلعي ما عليج من احد انا خامس يوم من ولادتي ماخذة بنتي ورايحه مزرعة الحموله و ما فينا الا العافيه
لا تخلون احد يخرعكم من خرابيط وحده صارلها و وحده قالتلي
سئلي دكتورتج و امشي على كلامها بلا سخافات العيايز. ما اكبر من كروشهم ولا صحه تعبانه اكثر منهم و الاجانب مثل الورد ما عليهم قاصر
و اللي تقول رياييلهم يهدونهم عشان اصوات و ما ادري شنو ما اشوفهم يوا يركضون حق العربيات ما اشوف الا رياييلنا يركضون للاجنبيات
و سالفة الملوخيه والخيار الحمد لله و الشكر اكل بينزل معدتج بينهضم و بيروح الامعاء بتاخذ منه الفوايد و تطلع الفضلات شكو الرحم الحين بهالعمليه !!!
و الماي نفس الشي بينزل بيروح الكليتين بيغسلهم من السموم و الاملاح و بيروح بالمحالب الى المثانه و يطلع شكو الرحم بالموضوع !!!! استغفر الله بس لما ايون الجهله يفتون و يتفلسفون و يركضون وراهم اللي ما عندهم خبرة و يروحون وطي من التهابات وبلاوي بالبول والكلى
و على سالفة الشق و الخياط حبيبتي حتى حريم قبل كانوا يولدون بدون شق ولا خياط مريم ام عيسى عليه السلام ولدت تحت نخله لا شقوها ولا خاطوها لان هذه هي الولاده الطبيعيه و الاجانب اسلوبهم اصح من عندنا لان كثر الشق و الخياط هو اللي يرخي المنطقه و يضعفها بس اذا تمددت بروحها و طلع البيبي ترد بروحها
في ريال راح للرسول يساله عن هالموضوع بعد ما شاف زوجته تولد و قاله الرسول المرة مثل هذا و حط صبعه بالعسل و شاله و وراه شلون العسل دش فيه الصبع بعدين يوم شال صبعه رد العسل مثل ما كان
فلا تتفلسفون زايد عفيه عندج معلومه حطيها بس لا يه غيرج انتقدها لا تسوين روحج بو العريف

 

[دلوعه ززوجي]

أقنعتني حياه زوجي مشالله عليج

 

[Aloe Vera]

حياة ريلي


بردتي قلبي بردج معاج ١٠٠٪ بكل كلمة

 

[صاعقة بيوتي]

حياة ريلي ومجنونة حبه وبيور يعطيكم العافية هذا الكلام الصح اللي يدخل العقل
انا الحمدلله ولدت قبل ست ايام بأول بيبي وماشية على نظام اكل صحي ومن غير اعشاب ولاخرابيط لاني ماأيدها واهلي كلهم مايأيدونها وماشا الله كلهم مافيهم الاالعافية ولاحد تغير ريلها عليها
اصلا مايجي الخراب اللي يقولون عليه الا من كثرة الاعشاب اللي يستخدمونها بالدورة وبعدها بالنفاس