انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

[جاذبة الخير]

رد : انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

بس السمج مو زين للنفاس

اول مره ادري :cxxxp:

 

[شانييل]

يابنات أمبيه
شنو برنامجكم

واااي لو تسمعكم أمي الله يحفظها

إحنا برنامجنا بالنفاس غييييييييير
الصبح متى ما قمنا عصيدة حاااااااااااااارة بالفلفل الاسود وبيض مفيوح أو بيض عيون وخبز إيراني وممكن شوية جبن عن الخاطر
وكوب شاي بالحليب مطبوخ بالاعشاب

عقب ممكن قهوة وتمرة بالرشاد والسمنه والاقط تطلع حلوة

والغدا لااااااااااااازم مرقوق بالأدوية أو لحم مشوي وخبز ايراني

وبالليل همن مرقوق أو دياي مشوي وخبز

وأنا أطلع فيها ساعات أطلب شورما وفطيرة جبن بالليل أستانس عليها
أو ماعون كباب واااااااااو لذيذ

والماي ينشرب مو بارد وحجم الاستكانة أو دبلها بس بعد ما تكون المعدة مليانة مو على خلا
وممنووووووووع سمج وفواكه ورقي وسلطاااااات والطمام ياويلج لو كليتيه

والمنجا الدافية يعني برى الثلاجة أوكي بعد الاكل

واللهوم قفشة مع كل وجبة و المردود ينحط قفشة ينوكل مع جم لقمة من ضمن أكلج

 

[الترف العنيد]

سين سؤال الحين النفاس اللي لها 25 يوم شنو نظااامها ؟؟؟؟
ودمتم لنا سالمين غانمين وطالعات من الاربعين متعافين

وسلامتكم

 

[جاذبة الخير]

رد : انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

مشكورة شانيل علي الافادة


واظن ٢٥ او اسبوع يمكن نفس الاكل بس الادويه تختلف

 

[zain-alq8]

انا اول ثلاث ايام من نفاسي كليت قبوط ومرقوق ...وبعدها كله مشاوي ودياي مسحب مع بصل وكزبره ..ومره سيخين كباب مع سلطه وشوربه ومره صينيه دياي ومره جبده ..ومره لحم مسحب مع بصل وبهارات مسويته بالبيت طبعا ...وطبعا الحسو اول عشر ايام كليته واللهوم للحين استخدمه بس مو كل يوم ساعات انسى ...والريوق بيض مع طماط وجبن وخبز اسمر ..ومره بيض مفيوح وجبنه ومره مسحه من الزبده ومربى هذا الريوق ومرات حلوم قليل الدسم مع توست وطماط وزعتر مخلوط بزيت زيتون ..بس اذا تذكرت اقولكم وللعلم انا بجر بعد ..

 

[zain-alq8]

عصيده ماعصيده مانعترف فيهم بعايلتنا كلهم رشيقات لوول يتفخ عالفاضي ومامنه فايده ...واكل سمسميه ورهش عشان يدر الحليب لاني ارضع

 

[zain-alq8]

اي تذكرت مره اشتهيت محشى كوسا وامي سوته لذيذ مع خضره

 

[مس عسولة]

رد : رد: رد : رد: انتي بالنفاس ؟؟ شاركيني بوجباتك الصحية ؟؟

الباميا ,,الخيار ,, الليمون ,, عادة الاشياء اللزجه تجنبيها

اولا لابد من الراحة النفسية
الحلبه وايد زينة لادرار الحليب الهردة والسكريات وكثرة السوائل والخضار والفواكة كوبين حليب يوميا اذا ماتبين تسمنين خالي الدسم وحبة البركة مع العسل ودايم اشفطي الحليب عساس يزيد وينشط الغدد
اما النفاس اكل التمر مع الرشاد:bye22:

 

[ام عوض]

رد : انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

شو القبوط خواتي ..؟؟

المرقوق تقصدون ابها المرقوقة ..؟؟

و كيف نمزج الرشاد مع التمر ..؟.

تراني من الامارات ..عشان جي ما عرفت اللي تقصدونه

 

[ktkota_we9we9]

امبي انا مااحب الحليب ولا الحلبه ولا العصيده ولا الحسو ولا الخبيص ولا اللهوم ! مااحب الميراميه و الدارسين الا مع الهريس ولا اعشاب ولا قهوه

برنامج النفاس بولادتي الاولى كانت خبيصه غصبن علي بالزف وبعد البجي والصراخ من امي ( الخبيصه تمر فيها حلبه و ادويه و كلشي )
احب التشريبه و لازم اكل ايدام التشريبه كله << هم بالزف
احب القبوط و المرقوقه


ياربي الوحده كلش ماتشتهي تاكل بالنفاس شالحل ؟؟

 

[حلو ريماس]

رد : رد: انتي بالنفاس ؟؟ شاركيني بوجباتك الصحية ؟؟

ريوقي اليومي
قلاص حليب حااااااااار مع ملعقة لهوم وشوي فلفل اسود مع التمره الخاصه فيني
هذا الساعه 5 الفجر


وعلى 9 الصبح عصيده مع خلطة اعشاب خاصه .

وعلى 10 الصبح قلاص كبير من الطبيخه المغليه

و الظهر قبوط او مرقوق الموجود واحد معاه شوي مردود .. يطبخ معااه يهبل واكله ع الغدا يكون معاه دجاج او لحم المتوفر وطبعا يجي معاه الكوسا والباذنجان والبطاط والجزر .. صحن صغير

و العصر قلاص حليب ثاني .

والمغرب كوب طبيخه .

والعشا كوب من خلطة نورة

ومرات اشتهي حلو اخذت درزن من حلو سينابون اللي بالقرفه واكل لي قطعه منه باليوم

و الليل شوربه جريش او هريس ..

طبعا احط بين الوجبات موز ـ وحبوب الكالسيوم والحديد وفولك اسيد عشان شعري وضروسي لا يطيحون .

وشربت عصير افوكادوا واااايد يهبل ..

غريبة !!

عاد انتي فاهمة وراعية ادوية تاكلين موز وكوسا وباذنجان وعصير

من صجج !!

الاكلات هذه ممنوعة من عمر الدنيا

البطاط اوكي والجزر ممكن واللوبيا البيضا والحمرا والماش تمام
خصوصا الماش يشد الظهر مثله مثل الحلبة

الحين نعسانة ومقفلة والا عندي نصايح تهبل للنفاس

واهم نصيحة لا تجوعين لان الجوع يخرب المره من تحت وعقب تبجبج وتدور شي يضيق

والله يعين

 

[حلو ريماس]

رد : رد: رد : رد: انتي بالنفاس ؟؟ شاركيني بوجباتك الصحية ؟؟

السلام عليكم خواتي بغيت اقول شي
الموز والكوسا والباذنجان مو زين للنفاس يرطب الرحم وسألو الحريم الكبار

عفيه عليج هذا الصح

 

[حلو ريماس]

رد : رد: انتي بالنفاس ؟؟ شاركيني بوجباتك الصحية ؟؟

انا ريوقي كوب حليب و بيض ولبنه بزيت الزيتون والضحى اكل لي اما خبيص ولا عصيد

والغدا شوربه و سلطه والعيوش قاطعتها واذا اشتهيت كلش كلش كلت لي قفشتين العصر اكل مكسرات نيه

ومرات فواكه بالليل مرات واايد ما اكل شي

اللبنة والاجبان حامضين واي شي حامض ممنوع بالنفاس

والفواكه ممنوعه لانها تسبب رطوبة

كلش كلش اكلي تفاحة وماتكون باردة

عاد انا كنت ادلع نفسي بالنفاس
مرة اطلب مشويات
ومرة لازانيا من بيتزاهت
بس طبعا قبل اي اكل آخذ اللهوم وعقب آكل الوجبة وتكون ساخنة
أهم شي عدم التجويع ومو التخمة
بس احرص عالوجبات الثلاث بوقتها
والقهوة العربية مع التمر بالرشاد والسمنة زين
العصيدة والحسو ماحبهم
احرص عالفواكه والعصاير

العصاير مثل الفواكه صج مفيدة لكن موزينة للرحم وبعد لانها باردة
لهوم مع اكل غلط مايفيد
والقهوة العربية يدون هيل افضل
والافضل تطبخين قشر قهوة بدال القهوة العادية زين للكرش

خوووووش موضوووع

والله يا بنااات انا هالنفاااسه هذي قمت اتبع نظاام اني ما اجوووووووع

واهم شي اني انتظم على وجبتين انا اخليهم وجبه الصبح عال10
حليب مفيووح واللهوم او السفوووف<<هذا الاساسي
وعصيده -كورن فلكس- مفروكه- بيضه مفيوحه -واي شي بخاطري بس يكون ثقييل

وعالفطور مع اهلي شوووووووووووووووربه لاااااااازم مع الحسو واي شي معااهم

تشريب-هريس-مرقووق

وان يعت بالليل كليييت سلطه فواكه<<<حيييييل فادتني من مشاكل الامسااااااك

سلطه خضااار مشكله بزيت زيتون

واذا في ايدام كليييت

اهم شي انيييي ما ايووووووووووووووع

وادويتي اهتم فيها وما اخليها

نظامج اوكي بس الفواكه موزينه للنفاس

والخيار والطماط والمعجون والبصل الاخضر والليمون ابعدي عنهم
خلي سلطتج ورقية وكثري زيت الزيتون

 

[حلو ريماس]

رد : انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

الرقي والبطيخ والمنقا والبصل الاخضر والباميا والكيوي والانانس والليمون والبرتقال واي فاكهة حامضة ( كل الفواكه حامضة ) والطماط والخيار ابعدوا عنهم حتى لو حارين

والقيصري نفس الطبيعي بالاكل والادوية

اللهم ان القيصري اول ايام ماتشرب حليب ( تقريبا اسبوع ) وتشرب حلبة بداله

عندي نصايح شكثر بس نعسانة

اللي تقول اخاف امتن من العصيدة اقولها لاحقة على الرجيم ( سوي العصيدة بماي التمر وافتكي )

امتني شوي عند زوجج احسن ماتجينه وانتي من تحت اصوات ورطوبة واحراج هذيك الساعه تحسفين

بعدين المنقوعه وقشر القهوة يوخرون الكرش

 

[الغشمريـــه]

اي شئ فيه لزوجه وحموضه موزين يابنات

 

[شيخة البلادين]

جزاك الله خير يا حلو ريماس على النصايح... وياليت تفيدينا اكثر..

توني ادري ان الماش زين حق النفاس..!!

اليوم باكل مموش.. مشتهيته من زمان..

 

[_Pure_]

احسكم وايد معقدين الامور و هذا زين و هذا مو زين و يسوي رطوبه و يسوي رخاوه سوري و حجي ماله معنى و عمري ماسمعت فيه الا بالمنتديات شدعوه ولا حتى الدكاتره ماقالو جذي

بس خلي اكلج صحي و متوازن لحوم و خضار و عيش اسمر و خبز اسمر و فواكهه مهمه و كثري سوائل و خصوصا الماي مهم وايد وايد و عصاير فريش و منتجات الحليب اذا مافيج حساسه منها

ماعليكم من اللي يقول الماي مو زين بالعكس اهم شي شرب الماي بكثره و هذا كلام الدكاتره يدر الحليب و يعالج الامساك
و خلي الرجيم حق بعدين لمن ترد عافيتج بلشي رجيم و رياضه

شوفي الاجنبيات شحلوهم رشاقه و نشاط و يطلعون و يتحركون ولا خدم ولا احد ينفسهم و يرضعون طبيعي بعد
و هذا شوف عيني لان امي اجنبيه و اهل امي اجانب

 

[شهانه]

والله توني والده بس ماكل قبوط ولا عصيده ولا شي

 

[$حبيبة عبودي$]

احسكم وايد معقدين الامور و هذا زين و هذا مو زين و يسوي رطوبه و يسوي رخاوه سوري و حجي ماله معنى و عمري ماسمعت فيه الا بالمنتديات شدعوه ولا حتى الدكاتره ماقالو جذي

بس خلي اكلج صحي و متوازن لحوم و خضار و عيش اسمر و خبز اسمر و فواكهه مهمه و كثري سوائل و خصوصا الماي مهم وايد وايد و عصاير فريش و منتجات الحليب اذا مافيج حساسه منها

ماعليكم من اللي يقول الماي مو زين بالعكس اهم شي شرب الماي بكثره و هذا كلام الدكاتره يدر الحليب و يعالج الامساك
و خلي الرجيم حق بعدين لمن ترد عافيتج بلشي رجيم و رياضه

شوفي الاجنبيات شحلوهم رشاقه و نشاط و يطلعون و يتحركون ولا خدم ولا احد ينفسهم و يرضعون طبيعي بعد
و هذا شوف عيني لان امي اجنبيه و اهل امي اجانب

لا لا معقدين ولا شي ..والدكاتره شعرفهم بالسوالف مايعرفها غير الحريم الكبار ..والله لا تهاونين عبالج
هالاشيا ماتلعب كاني تندمت اني ماسمعت الكلام..

 

[حلو ريماس]

رد : رد: انتي بالنفاس ؟؟ شاركيني بوجباتك الصحية ؟؟مثبت لمدة شهر من 1-9لغايه1-10

جزاك الله خير يا حلو ريماس على النصايح... وياليت تفيدينا اكثر..

توني ادري ان الماش زين حق النفاس..!!

اليوم باكل مموش.. مشتهيته من زمان..

جزيتي بمثله حبيبتي

والماش ميزته انج لو وقفتي الحلبة بعد 20 يوم او اسبوعين او حتى 10 ايام حسب حالتج
تقدرين تستمرين عليه لانه مايخرب

زين حق العظام والظهر
حتى اللي تنكسر رجله او ايده ينصحونه بالماش

اجرشيه وحطيه بعلبه واخلطيه مع حلبه ناعمه او مجروشة وفلفل اسود وحبة سوده

وحطي قفشة مع المرقوق والقبوط والشوربة وقت الطبخ


وابشري كلما تذكرت شي ابكتبه