انتم من صجكم مستانسيين بالكادر 250 .. ما عندكم سالفة صراحة!!

[ليان]

المفروض تكون في زياده لكل الكويتيين والمتقاعدين مبلغ وقدره 500دك مهما كانت وظيفته وخلاص
ليش كل دقيقه شاحذين من الحكومه 10 والا 20 ما تسواااا علينا​

 

[bobo lover]

مع إني بتوظف مدرسة إن شاءالله بس الحق ينقال... مو كل المدرسات يستاهلون يدشون هالمهنة لأن بعضهم أخلاقهم أعوذ بالله وتعامل ماكو وفوق هذا داشين التربية عشان المعاشات بس او مغصوبين... واللي يقهر إن مدرس البدنية والفنية معاشه نفس العربي والانجليزي والرياضيات... ليش جذي؟
المفروض الكادر يكون على التخصص وسنوات الخبرة
اوالمعاش يكون على أساس عدد الحصص .. يعني مو معقول مدرس يدرس 8 حصص اسبوعيا معاشه نفس اللي يعطي 18 حصة بالأسبوع!!!

 

[Apple-q8]

كل واحد يحمد ربه مدرس ولا مهندس ولادكتور


الحمدالله غيرنا مومحصل ربع رواتبنا بالكويت



وان شاء الله يقرون الكادر 200 عالاقل العوض ولا القطيعه

 

[جيتك تعال]

لا جمااعة ... ابعدوو عن المساس بتعب الوظيفة ...

الكل يتعب ... وكل تعب له اجر ... ومو لاننا ما نعرف طبيعة الوظيفة ... نقووم نفترض انه مافيها تعب

ولاني معلمة بتكلم بس عن مهنتي لانه هذا الي يعنيني فقط " وفي نفس الوقت ما استهين بتعب الوظائف الثاانية "

حاليا الكادر الي بيقروونه بيعطي كل ذي حق حقه ... فيه تفااوت بالخبرات وفيه تخصصات نادرة وفيه تفاوت بالدرجات

يعني كل واحد يتعب بياخذ حقه " علشان لا تقوول مدرسة مادة اساسية اشلون رااتبي يتساوى مع مدرسة مادة مو اسااسية "

وشي ثااني اسااسي : انه بيتم الغااء كل الاعبااء الادارية الي كانت ملقااة على المعلم على الستاف الاداري

وخلاص انت معلم لك مهاامك .... وانت اداري لك مهااامك طالما قاعد تتطالب بزيادة قووم بشغلك

ومن يتم اقراار الزيادات للكل على كل معلم في موقعه رفض اى اعبااء اداارية ما تدخل في شغله

والوزير المليفي اول ما تعين اعلن ذلك صرااحة : سيتم تفريغ المعلم للتدريس فقط ومتابعة سلوكيات المتعلمين وقيمهم

وتحول جميع الاعباء الادارية للاداريين

ولاانا معلمين ... يااريت نترفع عن الردوود الي ما تتنااسب مع وظيفتناا ... يا جمااعة لا تدافعوون عن مهنتكم

لانها وااضحة ... وانتو غير متهميين عشاان تتدافعوون بهالحراارة ... الحقووق بتقر ... والخير بقبااال

والرد الي ما ينااسبكم ... ببسااطة تعدووووه وامشووو ... لا تتوقفووون عنده ...

مستقبلنا مارااح يووقف عشاان رد ما نااسبني ...... كملوو مسيرتكم

داام الله جاب لكم الي يتبنى اماانيكم ... خلاااص الى الاماام يا معلميين وعين الله ترعى مسيرتكم وجهدكم

 

[كادى الحب]

كليه الهندسه
مايدخلها غير المتفوقين من طلاب الثانويه+نسبه عاليه بامتحان القدرات
كليه الهندسه
مده سنوات الدراسه خمس سنين ومن اصعب الكليات وتعتبر من كليات النخبه على مر العصور

معاج:eh_s(15):

 

[PuPa^^SWeeT]

لا جمااعة ... ابعدوو عن المساس بتعب الوظيفة ...

الكل يتعب ... وكل تعب له اجر ... ومو لاننا ما نعرف طبيعة الوظيفة ... نقووم نفترض انه مافيها تعب

ولاني معلمة بتكلم بس عن مهنتي لانه هذا الي يعنيني فقط " وفي نفس الوقت ما استهين بتعب الوظائف الثاانية "

حاليا الكادر الي بيقروونه بيعطي كل ذي حق حقه ... فيه تفااوت بالخبرات وفيه تخصصات نادرة وفيه تفاوت بالدرجات

يعني كل واحد يتعب بياخذ حقه " علشان لا تقوول مدرسة مادة اساسية اشلون رااتبي يتساوى مع مدرسة مادة مو اسااسية "

وشي ثااني اسااسي : انه بيتم الغااء كل الاعبااء الادارية الي كانت ملقااة على المعلم على الستاف الاداري

وخلاص انت معلم لك مهاامك .... وانت اداري لك مهااامك طالما قاعد تتطالب بزيادة قووم بشغلك

ومن يتم اقراار الزيادات للكل على كل معلم في موقعه رفض اى اعبااء اداارية ما تدخل في شغله

والوزير المليفي اول ما تعين اعلن ذلك صرااحة : سيتم تفريغ المعلم للتدريس فقط ومتابعة سلوكيات المتعلمين وقيمهم

وتحول جميع الاعباء الادارية للاداريين

ولاانا معلمين ... يااريت نترفع عن الردوود الي ما تتنااسب مع وظيفتناا ... يا جمااعة لا تدافعوون عن مهنتكم

لانها وااضحة ... وانتو غير متهميين عشاان تتدافعوون بهالحراارة ... الحقووق بتقر ... والخير بقبااال

والرد الي ما ينااسبكم ... ببسااطة تعدووووه وامشووو ... لا تتوقفووون عنده ...

مستقبلنا مارااح يووقف عشاان رد ما نااسبني ...... كملوو مسيرتكم

داام الله جاب لكم الي يتبنى اماانيكم ... خلاااص الى الاماام يا معلميين وعين الله ترعى مسيرتكم وجهدكم

صاجة

 

[ترف بابا]

والله الغلط من اللي ما صنفوا التدريس من المهن الشاقة ياقلبي

 

[دوا الغوري]

المهندس صج تعب بس تعب 5 سنين
اما المعلم يتعب 15سنه
ماااااااافي وجه للمقارنه
احنا نعتبر من الاعمااال الشاااقه ونستاهل على تعبنا
ورجااااأً بسكم حسد

 

[ام دودو المزيونه]

الله يهديكم بس تبون زيادة بالمقابل نبي منكم مستوي تعلم جيد ومعاملة الطفل بضمير . مستوي التعليم كل ماله بالتردي درسوا اعيالنا بضمير ونعطيكم ماي عيونا تقولون كاد المعلم ان يكون رسوله فعلا اتفق معاج بس هذا ايام ما كان المعلم يعطي بضمير
الأم اهي الي تشرح الدرس وتدرسه وتفهمه ولا و تسوي اوراق عمل لعيالها وتحفظ ولا السبورة موجودة بالبيت لأن التعليم صار من البيت مو منكم !!!!! هذا مستوي التدريس عندنا.
من 10 معلمات 2 اعتبرهم معلمات والبقيه للأسف يبيلهم رفسه بره التربية لا تعامل لا اسلوب لا تربية انا اكلمج وانا اخصائية نفسية بمدرسة وام واشوف مستوي التعليم المتردي وين وصل

 

[ام دودو المزيونه]

لان تحت ايده اجيال يدرسهم على مر السنين
اختي ركزي علي الجملة وبعدين طالبي بزيادة

 

[دوا الغوري]

حبيبتي هذا الكلام قوليه للوزاره خل يشيلون هالاعمال
الاداريه الي ماتخلي الواحد يركز بشغله ولا يحك راسه
اذا وقت تصحيح الامتحانات مانطلع الا الساعه 5 وين تبين الواحد يشتغل بضمير
ومع هذا قاعد نعطي ونحلل معاشنا
ويعدلون هالمناهج الضايعه
ذيج الساعه راح تجوفون اجيال سنعه

 

[نورا الحلوة]

استغفر الله العظيم و أتوب اليه

 

[ساندريلا]

مو عن شي بس الي الاحظه وبقوه
ان الكل حاسد المعلم ومستخسر فيه الزياده ماادري ليش
مع ان زادوا واايد ناس واخر شي قانون الي طلعوا فيه شركات النفط الي اهو مشاركة الارباح بنسبة 400%
هالشي مثل العسل على قلبهم بس لمن تصير الزياده حق المعلمين مني لا مايصير مع انها اكثر وظيفه مرهقه اذا انتوتاخذون معاشكم كامل حقكم احنا نقط فلوس الدنيا والدين على المدرسه وعلى الوسايل بس علشان نوصل المعلومه حق عيالكم

 

[كنترول]

الحين العين بس ع المعلم
ماني عارفه ليش
كل هالعالم اللى حولكم خذوا كوادر بالهبل ومنهم ناس قاعده ع مكاتب واحيانا تروح الدوام واحييانا لا
بدون ذكر نوع الوظيفه
تقارنونهم بالمعلم اللى واقف ويكرف طول اليوم
ويكرف حتى بالبيت تحضير وتصليح وندوات و دروس نموذجيه و وورش عمل

واااااااااااااااااالله حلال كل فلس في المعلم

 

[غيوره ومغروره]

حبايبي لو تبون اتعرفون اشكثر مهنة التدريس متعبه ونستاهل هالكادر روحوا شوفوا نسبة الاستقالات من التربيه غير اللي حولوا اداريات غير القرارات اللي حطتها الوزارة عشان ماينحاشون المعلمين ساعتها محد يلومنا اذا طالبنا بالزياده
والاخت اللي تقول درسوا بضمير -- هم انتوا يا اولياء الامور ماتبون احد يكلم عيالكم ---على ايامنا المدرسات ماتتعامل الا بمسطره طويله -انا ما اقول نبي نطق بس قصدي اننا مالنا صلاحيه ولانقدر انكلم الطالب التروفه اللي اوصلت فيه يهدد المعلم ويقول والله اشتكي عليك
لو يقرون مهنة التدريس مهنة شاقه احنا بخير
وخل يخففون عننا الشغل ويخلونا بس اندرس وشوفوا مستوى عيالكم شلون بيصير
والاداريات بعد عطوهم كادر ماشوف احد جاب طاري عن زيادتهم وصار مايفرق معاشهم وايد عن معاشنا واهما قاعدين مايسوون شي
وبعدين منو قالكم ان معاشنا فوق الالف؟ انا معلم د وصارلي اربع سنين ومعاشي 880 الحمدلله نعمه وحتى مع الزياده ماراح يصير الف لان اكيد التامينات بيقصون والله اعلم جم راح ينزل لنا
الحمدلله على كل حال
بس ليش الناس تكره المعلم وحاسدته ليش

 

[ذوق بوتيك]

لا والله عليهم بألف عافيه
نفس ماقالوا البنات المهندسين غير المدرسين
واذا بتساوين عيل ساوي مع خريجين الطب
القناعه كنز وانا اختج
وانا على فكره لا من خريجين التربيه ولا الهندسه بس شغلي كله مع مهندسين واشوف شكثر يكرفون
واللي يجتهد بشغله الله يبارك براتبه حتى لو كان 200 دينار

 

[سارة ة]

نا مع رائ اختي للحين ناطره