انتم من صجكم مستانسيين بالكادر 250 .. ما عندكم سالفة صراحة!!

[@سيدة نفسي@]

والحجي مو بس عني شخصياا لا طبعاا عن واااااايد

مدرسات ومدرسين خريجين كلية العلوم سواء رياضيات ولا بيولوجيا ولاحتى

قسم حاسب آلي اللي تكرمون كلواا هوااا بالمختبرااات والمشاريع

 

[المرام]

ياااحبكم للجدال !!!!!


صج ذكرتوني بقصة جحا ،،، اللي دخل السحب علي سياره ،،، وطارت فيه الخيالات بانه فاز بالسياره ،،، وقال لولده انت راح تركب جدام ،،، وغار الولد الصغير ونشبت خناقه منو اللي راح يركب جدام ،،،، جاان يعصب جحا وقال ،،،، خلااااص ،،، ولا واحد راح يركب جدام وكلكم ورااااا،،،،


الزبده ،،،،، تخانقتوا قبل لايقرووون الكاادر

 

[هجووورة]

ليش المهندس شهادته من القمر ؟ والمدرس شهادته من الزبالة ؟ يكرم القارئ

اختي

المعلم حاله حال المهندس وشهادته نفس شهادة المهندس مافي فرق
وكل واحد وتخصصة واللي يحبه .

وعلى فكرة
والمعلم مهنته احسن واشرف مهنه ومكانته مثل مكانة الرسل

والمعلم اكثر موظف يكرف ويتعب عن باقي الموظفين لان تحت ايده اجيال يدرسهم على مر السنين
وكل هذا على حساب صوته وصحتة واعصابه

ولكن لنا الله الناس ما ترحم ولكن الله اللي يرحم

احمدي ربج ترا النعمة زواله
ابي اسأل انت تدرسين علشان تربين وتبنين مواطن صالح والا علشان كم الراتب
اختي
موبس المدرسين فيه موظفات حمله بكالوريوس حالهم من حالكم ورواتبهم اقل منكم بكثيرويكرفون كرف اليهد كأنهم مدرسين بس ما وصلوا لمستوى الشرح واستغفر الله يمكن لو يشرحون احسن من اشباه مدرسين قاعدين نشوفهم

 

[ha2005]

اقول روحي احمدي ربج واشكريه
واسجدي ركعتين لله على هالنعمه

اخاف تدامين بس ولا تدرسين عدل بس

صج شر البلية مايضحك

شنو هالاسلوب حتى الانسان الجاهل ما يتكلم بهالطريقة
صحيح الرد يدل على التربية والاخلاق

وبعدين انتي شدراج اني ما اداوم ولا ما ادرس عدل ..؟
ليش انتي تعرفيني عشان تقولين هالحجي عني ؟ انتي عارفة شنو منصبي الحين ؟

يعني انتي بتفهميني المهندس بالكويت يداوم عدل ؟؟

وعلى فكرة اكثر شهادات مهندسين الكويت مزورة من الفلبين ولا الهند ولا غيرها من الدول المعروفة التي تمشيهم وما خذينها بفلوس.. يعني مافي شي اسمة نسبة عالية ولا تعب

دام انج مو معلمة رجاء لا تدخليين بالموضوع

 

[ha2005]

احمدي ربج ترا النعمة زواله
ابي اسأل انت تدرسين علشان تربين وتبنين مواطن صالح والا علشان كم الراتب
اختي
موبس المدرسين فيه موظفات حمله بكالوريوس حالهم من حالكم ورواتبهم اقل منكم بكثيرويكرفون كرف اليهد كأنهم مدرسين بس ما وصلوا لمستوى الشرح واستغفر الله يمكن لو يشرحون احسن من اشباه مدرسين قاعدين نشوفهم

لوسمحتي اقري عدل وافهمي الموضوع قبل لا تردين

على فكرة حبيبتي انا ما تهمني الفلوس بالاول

ولكن لابد من العدل ولانصاف بين المهن وعلى مدى تاثيرها الجسدي ونفسي والصحي على الموظف...

المعلم اكثر موظف يكرف كرف اليهد و شايل كل شي على راسة وانتي عارف شنو اقصد اذا كنتي معلمة بالاصل
يعني من اول بداية السنة لاخر السنة وهو يكرف مافي احد نفس كرف المعلم

في امريكا حبيبتي ظهرت دراسة ان المعلم يعتبر من المهن الشاقة جدا

وفي اليابان راتب المدرس اعلى الرواتب



ولوسمحتي دام انج مو معلمة لاتردين لان هذا الموضوع يخص المعلمات فقط

 

[اريج الجوري]

يا جماعه شفيكم تعوذوا من ابليس ,,,

شهادة المهندس مو مثل شهادتة المعلم ,,,

والبكالريوس مو مثل الدكتوراه ,,,

ومعلم الالعاب والموسيقى مو مثل معلم اللغه العربيه والفيزياء ,,,

ومن جد وجد ولكل مجتهد نصيب ,,,

الكادر نعمه من الله مع اني اشوف انه نستحق المزيد ,,,

لكن لو يكون هناك زياده للتخصصات النادره في التعليم ,,,

ويشيلون كل الاعمال الاداريه والانشطه عن المعلم ,,,

نكون بخير وجيرنا بنعمه ’’ على قولت امي ’’ ههههههههه

وبلاش هوشه بكل موضوع واللي يحب النبي يضرب ,,, هع

تحياتي لكل من اجتهد في دراسته ويعمل بصدق واخلاص ...

 

[q8tyah]

دراسه سنه وحده بكليه الهندسه تساوي دراسه 10 سنين بالتربيه

ماكو مقارنه بين خريجين التربيه وخريجين الهندسه والطب

اذا اقروا كادر اليديد حق المدرسين معناته طالب الثنويه العامه حتى لو ياب نسبه قويه راح يدخل تربيه ويصير عزوف بكليه الهندسه

ماكو فرق ميه وميتين بالراتب بس على الاقل الواحد مريح نفسه بالجامعه و يدرس بوسط اهله مايروح يتغرب بالدول الاجنبيه

 

[Miss Cherry]

شنو جاب طاري الهندسة والطب بموضوع كوادر المعلمين


انا اشوف الكادر اللي قرته موضي الحمود ابو 60 دينار يفشل ولا يليق بمستوى المدرس والتعب اللي يتعبه .. احنا نستاهل اكثر صراحة انا مع الكادر اللي اقترحوه جمعية المعلمين بس اشوف لو يقللون الاعباء علينا ويفكونا من الاعمال الادارية يصير شغلنا صفوفنا ودروسنا والطلبة بس هذي كافية بدون زيادة بنرتاح وننتج بس المشكلة مهما زادوا المعاش طالما انه الضغوط كبيرة على المدرسين وقاعد يعطونهم مهام مو من صميم عملهم محد راح يفكر يصير مدرس لو كان المعاش 2000 ومهما صارت اغراءات مادية اهم شي الرضى الوظيفي

وحنا املنا بالنواب من بعد الله سبحانه كبير وان شالله يقرون الكادر مثل مازادوا معاشاتهم وصلت ال 6000 دينار بعد احنا نستاهل زيادة

 

[قفشـه]

الحق ينقال

المهندس غير المدرس

طبيعة شغله تتطلب معاش قوووووي

والحمدالله زيادتنا مرضيه

وحلوه

 

[سمسومه]

صح كلامك اختي الغالية ..

المدرسة وربي تتعب تعب ما يعلم فيه الا الله .. صدقيني لو عطوها فلوس الدنيا كلها مرتين ما راح يوفي تعبها ..

لكـــن بعد هذه الزيادة نعمه من ربي وترى ما زادنا الا الله .. وما يوزع الارزاق الا الله .. مو احكومة ولا الوزير ولا النواب .. الرزاق على الحقيقه والمعطي على الحقيقه هو الله ..

ونعم الله ما تستجلب بالبطر والذم .. نعم الله تقابل بالشكر والحمد .. نبي عينا ترتفع في نظرها من الاشخاص الى مسبب الاسباب .. الله اللي عطانا والحمد لله حمدا كثيرا .. واذا نبي الزيادة اكثر .. ترى الطريق واضح ( لان شكرتم لازيدنكم ) ما دام الرزق بيد الله ليش نتحلطم على الاشخاص .. نشكر الله ونحمده ونطلبه الزيادة وهو بيده كل شيء وهو يعلم بحال المدرسات وتعبهم .

الواحد اذا فكر جذيه بيعيش مرتاح ومتوازن ويعرف كيف يكسب مع الله ..

والف مبروك للمدرسات عسى الله يبارك لكم فيها وتصرفونها بالعافيه .. ولي بغيتوا زيادة ترى الله أكرم الأكرمين ما ينقص من ملكه شيء .. اطلبوه واحمدوه واشكروه .. وانتم متيقينين انه بالشكر تزيد النعم .

والله يزيد الجميع من فضله .. ​

 

[atoooty]

يبا انا مايهمني الفلووس

اهم شي اكون بس مدرسة يعني الشغلات المرافقه لتدريس يشلونها ويفكوونه ستين الف شغله على المدرسه

 

[sarah125]

لا والله المهندس شهااادته احسن من شهادة التربية (اذا بنتكلم عن الشهادات) ....بنات عااد الواحد يصير منطقي بالطرح.....

احس لو طبقوا كادر جمعية المعلمين حلوو...الواحد عااد لايطمع....

اذا بتقارنين قارني بوظيفة نفس وظيفتنا ...يعني مثلا اتكلم عن نفسي انا مدرسة عربي ابتدائي قاعدة اتعب واموت وادرس 4 حصص باليوم وغير انهم يهال يعنيرابتعب مضاعف ...و دكتور الجامعة لغة عربية الي قاعد يعطي محاضرتين باليوم وقاعد علا الكرسي اول ما يشتغل معاشه 4 الاف ؟؟؟؟ انا اكيد ما اقارن الدكتورا بالباكلريوس بس علا الاقل نص معاشة او اقل من النص ......

*

منطق يستحق الاحترام، بالفعل كاتبه الموضوع ماكانت منصفه بالمقارنه،لان فعلا كلية الهندسه من اصعب الكليات ومافي مجال للمقارنه بين جهد طالب الهندسه وطالب التربيه.

 

[mbmkf]

بصراحه البعض من المدرسات ما تستاهل ان تكون في مهنة التدريس فمثلا مدرسة البدنيه ولدي يقول انها تعطينه كره ونلعب فيها وتقعد تتكلم بالتلفون بالذمة هذي تستهال كادر ولا تستاهل تتواسى بباقي المدرسات يعني حتى ما في عدالة بالكادر بين المدرسات

 

[ha2005]

منطق يستحق الاحترام، بالفعل كاتبه الموضوع ماكانت منصفه بالمقارنه،لان فعلا كلية الهندسه من اصعب الكليات ومافي مجال للمقارنه بين جهد طالب الهندسه وطالب التربيه.

كل الدراسات صعبة والوظيفة اصعب لكل من المهندس والمعلم

وانا ما اقبل من اي وحدة تقلل من مكانه المعلم ... لان قصدكم مفهوم واضح فيه خبث وحسد

وتكتبون بحقد و حرتكم واضحه لان المعلم ليش اخذ الكادر

ولو سمحتوا المعلم بس اهو اللي يرد على موضوعي وبس

 

[سعوديةكويتية]

زين الحين يابنات اقل راتب معلمة ج كنت 870 جم بيصير على قرار المجلس؟
ومتى بنستلم الزياده؟؟؟؟؟؟؟؟؟ بعدين زيادات الخمسين اللي على كل القطاعات بتشملنا؟؟؟؟؟؟؟؟؟؟؟؟؟؟؟؟؟ فوق الكادر يعني؟؟
تكفون نورونا؟

 

[قمر وخدودها عسل]

الله يعين هالمدرس اللي باط جبود بعض البشر ويتفلسفون على راسه .

بغيت اسأل صاحبه الموضوع الله يجزاها خير ، الآن هذا اقتراح فقط من مجلس الأمه يعني ينطرون المجلس يقره ؟؟

 

[Miss dreams]

انا بس عندى تعليق بسيط حق اللى قاعدين يقارنون بين مهنه المعلم والمهندس

انا معلمه واحنا اذا طالبنا بكادر لنا فهذا من حقنا على التعب اللى قاعدين نتعبه

بعدين صج انه الدراسه بكليه مثل الهندسه تتطلب جهد وتعب طول سنوات الدراسه لكن بالاخير لما يتعينون قاعدين على مكاتب وسوالف وقهوه وانا شايفتهم بعينى والقليل منهم اللى يتعبون اللى اهمه طبيعه شغلهم بالمواقع ومع هذا ياخذون عليه بعد بدلات فوق الكادر بس الاغلبيه مرتاحين يعنى اذا بتقارنون بالنسبه للجهد والتعب فقارنوا بينكم انتوا يا المهندسين احنا نستاهل الكادر لانا قاعدين نكرف كرف اليهد كل يووم مو مثلكم ما تعبتوا الا بس اثناء سنوات الدراسه ولو سمحتوا لا تقعدون تتفلسفون على راسنا وانتوا ما تدرون عن شي

 

[PuPa^^SWeeT]

بس حسب الجدول المبتدئ 983 المتزوج

والاعزب 895

يعني بالعكس احنا احسن

 

[PuPa^^SWeeT]

دراسه سنه وحده بكليه الهندسه تساوي دراسه 10 سنين بالتربيه

ماكو مقارنه بين خريجين التربيه وخريجين الهندسه والطب

اذا اقروا كادر اليديد حق المدرسين معناته طالب الثنويه العامه حتى لو ياب نسبه قويه راح يدخل تربيه ويصير عزوف بكليه الهندسه

ماكو فرق ميه وميتين بالراتب بس على الاقل الواحد مريح نفسه بالجامعه و يدرس بوسط اهله مايروح يتغرب بالدول الاجنبيه

شوفي انا مابي اعلق ا قوول لا احنا نتعب

بس انا تخصصي من جامعة الكويت رياضيات تربية

موادي يمكن ثلا ارباعها رياضيات و وصلت لمستويات عالية رقم المقررات اللي وصلتها 400 و فووق

كل من يتحجى على تخصصه مالي شغل بالعربي و الباجي ولا لي شغل بالتربية الاساسية

انا درست مواد لو تسالين عنها تخترعين

طبولوجيا
مقدمة في التحليل الحقيقي

تحليل عددي

دوال النتغير العقدي

معادلات تفاضلية ( متخصصة )

و مقدمة في الجبر المجرد 1 و 2

و جبر خطي متقدم ( مو اللي تدرسينه بالهندسة اول سنة بسس ) لا هذا تخصص

هندسة أ

وبعد وايد بس انا مو ذاكرة
غير المواد الاختيارية اللي همن مو سهلة كانت لأنه يبون مستويات فوق 200 و ال 300

انا ماقوول المهندس ما يتعب

انا ماخصني بالوظايف الثانية

بس لحد يقوول انه كل خريجي التربية ماتعبوو

تراا تخصصات العلوم و الفيزياء و الرياضيات ماحكوو رووسهم نفسكم

بعد انتو كنتو اتقولوون بس انعدي الكالكلوس احنا بخيير

و احنا الرياضيات عدييناه بسس همن طلعتلنا مواد اصعب منها بوايد

والاهم لحد يقارن نفسه بغييره

انا مهم عندي راتبي يساوي تعبي + يشيلون عني اللي مو من وظييفتي ( اشرافات و مناوبات )

بسسس


و دمتي حبوووبة

 

[** رش رش **]

مهما يكون الكادر ...
الله يباركلنا فيه و يعينا على التدريس