انتم من صجكم مستانسيين بالكادر 250 .. ما عندكم سالفة صراحة!!

[Lo0ol girl]

up up up

 

[مطيريه ماركه]

حبيبتي دكتور آلجآمعة معآشه بـ آلعلآلي مع ذلك محآضرآته قليلة نوعآ ً مآ ولآ عنده منآوبآت
آلسآلفة حسب آلشهآدة ليس آلآّ !

آلآفضـل يعطونّآ كآدر سنع + يشيلون منّآ آلآعمآل آلآدآرية وفيه معلمة مسآعدة لنآ
> مصختهآ هههههههههههههه

عســـــى آلله يبآرك لنآ ويبآرك لهم

 

[مبايلي كويتي]

اقول روحي احمدي ربج واشكريه
واسجدي ركعتين لله على هالنعمه

اخاف تدامين بس ولا تدرسين عدل بس

صج شر البلية مايضحك

 

[*caramel macchiato*]

لا والله المهندس شهااادته احسن من شهادة التربية (اذا بنتكلم عن الشهادات) ....بنات عااد الواحد يصير منطقي بالطرح.....

احس لو طبقوا كادر جمعية المعلمين حلوو...الواحد عااد لايطمع....

اذا بتقارنين قارني بوظيفة نفس وظيفتنا ...يعني مثلا اتكلم عن نفسي انا مدرسة عربي ابتدائي قاعدة اتعب واموت وادرس 4 حصص باليوم وغير انهم يهال يعنيرابتعب مضاعف ...و دكتور الجامعة لغة عربية الي قاعد يعطي محاضرتين باليوم وقاعد علا الكرسي اول ما يشتغل معاشه 4 الاف ؟؟؟؟ انا اكيد ما اقارن الدكتورا بالباكلريوس بس علا الاقل نص معاشة او اقل من النص ......

*

 

[Winter Q8]

لا مو ظلم
خير ان شاءالله المهندس مو نفس المدرس
مو تقليل من شأن المدرسين بس مايصير تساوين شهاده الهندسه مو مثل التربيه
في فرق
وعليهم بالعافيه
علا فكره انا مدرسه مو مهندسه

بالضبط نفس كلامي ..
و الزيادة مرضية و الحمدلله حقنا و زيادة ..
و من طمع طبع ..
و هم انا مدرسة و مدرسة مكروفة ..

 

[شموع & دافئه]

منو اللى تقول الهندسة نفس التربية

حبيبتى جم نسبتج يوم تخرجتى من الثانويه

تساوين نفسج باللى تعب بالعلمى وسهر الليل وياب النسبه العالية
وفوق هذا كلية الهندسة من كليات النخبه فى العالم كله ودراستها تختلف عن تعليم يهال
خمس سنين ومعادلات وشجاب الثرا عند الثريا يا قلبى
مو تقليل من مهنتكم حاشا لله بس الله عرفناه بالعقل
انتى دراستج هينة ......يا قلبى
المشكلة ان اعضاء مجلس الامه الله يسامحهم وصلوكم للقمر شوى وتمسكونه بعد
شنو اليوم بالجريدة يقول واحد لازم المعلم يوصل معاشه نفس دكتور التطبيقى من صجه هذا
اوكى زياده بس بما انتم اهله والله مو تقليل من قدركم على عينى وراسى تتعبون بس مو لهالدرجه
اساوى المعلم مع الطبيب والمهندس ما يصير

على فكرة اختى معلمة وتضحك على سالفة المهندس والمعلم خخخخخكاهى يمى
تقول والله لو اثنينهم عيالى ما ساويتهم

 

[MoonDiamond]

كليه الهندسه
مايدخلها غير المتفوقين من طلاب الثانويه+نسبه عاليه بامتحان القدرات
كليه الهندسه
مده سنوات الدراسه خمس سنين ومن اصعب الكليات وتعتبر من كليات النخبه على مر العصور

يا عيني عالنخبه:eh_s(7)::eh_s(7):

انا متفوقه بالثانويه ودشيت تربيه ودرست لغة انجليزيه 6 سنين وتخرجت بمعدل مرتفع مايصير اصير من النخبه لاني تربيه :eh_s(10)::eh_s(10)::eh_s(10)::eh_s(10):

 

[هجوره 2009]

اب اب اب اب اب اب اب اب اب اب اب اب اب اب اب اب اب اب اب اب اب اب

 

[faith1]

هههههههههههههه ضحكتني الي تقول دراستهم صعبه
حبيبتي انا مدرسة كيميا ومعدلي بالثنويه مرتفع يدخلني الكليه الي ابيها وكنا ندرس بالجامعه مع طلبه الهندسه الكيمائيه نفس الكلاس ونفس الدكتور ونفس الدراسه شفنا الي شفتوه واكثر هذا غير المساند المفروض علينا البيلوجي كل ماده لاب كان بالكورس ناخذ اربع لابات يعني كل يوم مانرد الا خمس المغرب هذا غير الريبورتات والتيتوريل والبلاوي ............فياريت تاكدي من المعلومات الي تقولينها حبيبتي بخصوص طلبة التربيه

 

[مرهجه]

الحمدلله علي النعمه

 

[(نبنوبه)]

شدعوة بنات ليش هالهجوم على المعلم رجاء اللي مو مدرسة لاتتفلسف

احنا نتكلم عن الوظيفة وطبيعتها واكثر شخص يتعب المعلم بصراحة
وبعدين الشهادة ما خذيناها بالساهل يا قلبو
انا تخصص لغة عربية ومعروف هالتخصص انه صعب والاصعب تدريسه لا المعلمة يستاهل يزيدون معاشه

وعلى فكرة المعلم هو اللي درس المهندس والطبيب وغيره وغيره ويكفينا فخرا انها مهنة الانبياء والرسل

مادري ليه هالعالم حاطين على المعلم؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[قـہۈه فـرنسيـہ™]

الحمدلله يارب على كل شي ,,, والإنسان بصراااحه لووو بيزيدونه ماراح تملى عينه أي زياااده ...

واذا بنتكلم عن المهندسين ....صحيح كلنا بكالريوووس ...بس صج مو نفسنا ... احنا موظفين مدنيين واهماا فنيين ...عرفتوا الفرق ؟


يعني ماله داعي المقارنات ...

 

[كويتيه وافتتخر]

كلامج صحيح نبنوبه .. المعلم هو اللي درس الدكتور ودرس المهندس و...و....الخ ؟
انا معلمه فيزياء ونسبتي بالثانويه 91 بس ظروفي ماسمحت ادخل طب او هندسه فأخترت مهنة الانبياء
(كان المعلم ان يكون رسولا) ..

 

[للحين ناطره]

اللي كانت متفوقه بالثانويه
ومادخلت كليات النخبه
ودشت التربيه او صارت مدرسه
هذا شي راجع لها ولظروفها
ليش المقارنه مع المهندسين
انا ماقول المعلم مايتعب
بس معاشكم على قد تعبكم
ومعاشكم على قد شهادتكم


في حل انكم تطلبون تقليل الاعمال المكتبيه عنكم
انكم تطالبون ان معلم المواد الاساسبه له ميزه ماديه اكثر من المواد الثاني
بس المسواة بالهندسه
واااااااااااااااااااااسعه شوي
ومثل ماقالت وحده من الخوات
لو عيالي الاثنين واحد مهندس وواحد مدرس
ماراح اساوي بينهم

 

[كرز حالي.]

لا عااااااد الحق ينقااال
انا معلمه
انتي اللي من صجج؟؟
لا والله مونفسنا عسا الله يعطيهم العافيه
واحنا محنا حسودين يستاهلون اللي ياخذونه وزياده
عيل دراستهم كانت نفس دراستنا؟؟؟

 

[حلاوة الحلوة]

بصراحه فرق حييييييييل كبير بين المعلم والمهندس وكلنا عارفين هالشي يكفي قبول النسب و5 سنين دراسه ومن اصعب التخصصات الهندسه والحمدلله على الزياده ترى الطمع شين

 

[LUXURY]

صج أمركم عجيب
قبل الزياده تبون زياده
وعقب الزياده طمعتو باكثر
والله بطر حمدو ربكم وشكروه عالنعمه لو اهي 10 دنانير
وانا اوافق الخوات بسالفة الهندسه احسن من التربيه
صح تعبو وشقو بالثنوي والجامعه
واللي تقول تخصصها علوم فموادها العلميه مخفضه مو مثل المهندسين (هذا رقم1)
واللي تقول المدرس اهو طلع الطبيب والمهندس , المدرس درسهم لما كانو طلاب بالابتدائي ومتوسط وثنوي واعتقدر درجاتهم ماتيي من شرح المدرس بروحه. تيي للطالب على اجتهاده ودراسته وتعبه لان مو معقوله باشرح لطالباتي ومايجتهدون وعقبها يدشون كليات الهندسه والبترول(هذا رقم 2)
اما رقم 3 من عندي: سؤال صرييييح وكل وحده تفكر فيه بدون لا ترد (لو أنتي عزبا وماتزوجتي وتقدملج واحد شهادته تربيه وكان خلوق وزين وكل شئ- تخيلي نفس الشخص بنفس اخلاقه وتربيته بس يكون مهندس , أيهو تفضلين؟؟ المدرس والا المهندس؟؟) والله مرات حريم يختارون المهندس لو اخلاقه اقل
لاتقارنون نفسكم بخريجين كليات النخبه على قولتهم واذا شايفين ان شهادتهم نفس شهادتنا جان دشيتو هندسه والا طب؟؟
وصراحه معروفه لاتقصون على نفسكم كل ما طالب او طالبه يفشلون بكليه يقطون نفسهم على كلية التربيه لو مايحبون التدريس ومرو علي حالات وايد واعتقد معروف السبب

ويابنات اتقو الله وحمدو ربكم عالنعمه ولا تبطرون فيها المعاش للمعلم د بيطق فوق الالف وبطرانين
واللي عليه اقساط وديون اهو يابها لنفسه محد حطها على راسه
واذا انتو عندكم التزامات وديون تره حتى المهندسين والدكاتره عندهم والا على راسكم ريشه تبون زياده تسد ديونكم واهم لا؟؟

 

[ساندريلا]

لا حبيبتي من قال ان المهندسين معاشاتهم تبدي ب 1300 لا يمكن
اختي مهندسه وتوها متعينه معاشها 1000 تقريبا
اهم صج ان دوامهم اريح بوااايد من دوامنا وبشهادة اختي وعندنا ماشالله بعايلتنا وايد مهندسين كلهم يقولون انهم مرتاحين
بس الحق يقال مع اني معلمه اهم دراستهم اصعب ومدتها اطول يعني يستاهلون الزياده على دراستهم
اجتهدوا ونالوا
وهمن احنا نستاهل الزياده على شغلنا لانه تعب ويقصر العمر وغير هذا يكبرج مبجر من الهم والغم والله غلطة حياتي اني دخلت التربيه
يعني الزياده كلها بتروح على البوتكس ويلا تلحق عليه خخخخخ

 

[ساندريلا]

وبالنسبه حق كادر جمعية المعلمين واايد مرضي والحمدالله على النعمه وانشالله يقرونه مثل مااهو
بس الكادر الي اقروه الي بو 55 و65 هذا يفشل مانبييه

 

[@سيدة نفسي@]

اشتفرق كلية الهندسة عن كلية العلوم ؟؟

اذا ع الشهادة بيحطون الراتب عيل انا أستحق

علاوة لأني خريجة كلية علوم قسم رياضيات ومتفوقة بعد ,,

يعني هم كراااف وهم ماكو تقديييييير

الله يسامح اللي حدني على التدريس