انا فاقدة حنان واهو كل الحنــــــان

[عبير العنزي]

وحده تستهبل وش تبيني أرد عليها ... أنا بنت تطمني

ايه حبيبتي بس احنا بهذا القسم ننصح البنات ونساعدهم لانهم مااجو وكتبو مشاكلهم الا لانهم يبون المساعده

وحبيبتي تذكري ان كلامج ونصيحتج بتكونين مسؤوله عنها يوم القيامه

وتذكري ان من دل على خير فله مثل اجر فاعله

اتمنى تتغير ردودج وتكون ايجابيه وفيها حب الخير والمساعده..والنصيحه والاهم انها ماتخالف دينا الاسلامي لان مثل ماتعرفين احنا مسلمين ونصيحتنا لازم نكون ماخذنيها من تعاليم ديناااا الاسلامي

 

[mire.fares]

يعني أنا الماسونية أنا هم مسلمة ولله الحمد لكن لا أحد ييي يستهبل على ومن طريقة كتابة للموضوع واضح أنه يفهم أن الطريق اللي يسير فيه خطأ ويقول أنصحوني نصحوها البنات قبلى وما أنتصحت شنسوي يعيني

 

[al3sooola]

دربالج لا يقص عليج

 

[*الشيـــهـانـة*]

استغفري ربج حبوبه واقطعي علاجج عنده خافي ربج انتي تحاولين تضيعين عمرج شلون ماتخافين على نفسج من هالدكتور
الله يهديج بس

 

[ورد وردي]

انا مع ترانيم القصيم ......... والصراحة انا رجعت للموضوع مرة ثانيه بشوف ردودج لقيتج مصرة علا ان يعطيج حنان ومادري شنو ...... انتي بتعالجين ظهرج مو رايحة لطبيب نفسي ....... مهما كانت ظروفج كلنا نلجأ لصديقة مخلصة او نكتب احاسيسنا بالنت وتفاعل الناس يهون علينا ماتشوفين البنات يدشون بنك غير نكهم ويكتبون كل الي بخاطرهم


واحسن من هذا كلة انج تدعين ربج بسجودج ان يعوضج


وانتي علا كلامج عندج ام وابو وانتي اصغر خواتج عشان جذي كلامج بالدلع طبيعة مع الكل ...... يعني ضروفج احسن من الالاف غيرج ماتدرين شنو الظروف الي الناس تعيشها مع ابو ظالم او ام منحرفة والعياذ بلله


اهلج يمنون الحنان؟؟؟؟؟؟؟؟ لا هالريال عيل الي يعطيج حنان لوجه الله؟؟؟؟؟؟؟


حبيبتي تخيلي تنقبض روحج وانتي علا هالوضع والله عالم بنيتج انج ودج تغرينة وانج تحبينة ومادري شنو وبعدين تقولين ريال كبير مابي اتزوجة .......... عيل شنو المشاعر الي تحسينها ؟؟؟؟؟؟؟؟


لا لا الموضوع مستحيييييييييييييييييييييييييل استغفر الله العظيم


والدكتور يسوي مساج حق كل المرضى ؟؟؟؟؟ انا الي اعرفة ان الدكتور يكشف ويكتب العلاج والسستر اهي الي تمسج او تحط جهاز ليزر او اي شي


انا ودي اقدم شكوى علا هالدكتور لان المعروف حتا دكاترة النساء والولادة اذا بغا الدكتور يفحص او يسوي سونار لااااااااااااااااااازم معاه السستر ماينفرد لان ممكن يتحرش


ياليتني اعرف اسمة عشان اروح عند نقابه الاطباء مادري شيسمونها

انا حيييييييييييييل انفعلت بس هذا الظاهر يسوي هالشي مع بنات وايد ويعطيهم حنان ابو الحنان

لاحول ولا قوة الا بلله

 

[عيون ابوها]

استغفر الله مايجوز اللي تسوينه خافي ربج .. لاتخلين الشيطان يلعب بعقلج برايج احنا اللي بيدينا الحل كل شي بأيدج انسيه وتعوذي من بليس ودام انج تشافيتي ليش تروحين له ؟! ..

 

[كااامل الزين]

كويتية جديدة انا شاكة بالموضوع بس ما علية اختي انت عارفة اللي تسوينة غلللللللط شنو تبين نقولج انت انت صح ونراعي مشاعرج هادا ابليس حبيبتي يلعب على راسج ومو مبرر انج فاقدة حنان يا ما بنات شافوا الظيم وما مشوا بالغلط اقطعي المراجعات هادي اللي ماوراها اللي المصايب وما يجوز رجال يلمسج بعد هادا موضوع ثاني فكري باهلج باخوانج بخواتج ماكو شي ينخش الناس تصيد كل شي وكل خاين علية من الله باين فكري بهالكلمة

 

[جنة المأوى]

حبيبتي من خلال مشاركتج انت عاارفة اللي تسويينه غلط و في نفس الوقت تبيين تستمريين علييه ... ليش عشاان محتااجة حنان ... يا اختي تراا هذااا الشيطاان يحااول يقنعج بهالسبب .. يوريييج كل المشاكل اللي تعرضتي لها في حيااتج كلها و بعديين يقولج شفتي عااد ماحد حاسس فييج غير هالدكتور لا ام و لا اب و لا اخ و لا اخت .... كلهم ما يحسوون فييج لكن مع هالدكتوور بتلقيين الاهتمام و الحنان اللي انحرمت منه ..!!!!

طيب بعد ما حس فييج الدكتووور و عطااج من الاهتماام و الكلام الحلوو اللي تحتاجيينه تتوقعيين الشيطاان بيرضى بهالشي بس !!!! لا طبعا بيتم يوسوس و يقوولج عشاان يهتم فييج اكثر و يعجب فييج لازم تسويين شي ثااني .... لازم تضحكيين له شوي اكثر وتدلعي في كلاامج .... و هكذااا الشيطاان بيتم معاااج ليين يووصل الى مبتغاااه الا هو الفااحشة و العياذ بالله ....

اختي اذكرج بهالآية : ((يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ ))

​

 

[a7la-elbanat]

انا مع ترانيم بكلامها
اتمنى تستوعبين اللي قاعده تسوينه بنفسج

 

[حبك بلاني!]

وازيد على كلامهم هذا شيطان يلعب ع عقلج وعلى فكر المرأة الي تتعطر تعتبر زانية !!!!

خافي ربج قبل ما يقبض الله روحج ساعتها ما ينفع الندم....!!!

 

[ga6wa90]

يعني أنتي حاسه بنفسج وقاعده إتمادين بالغلط !!

حبيبتي تلاحقي عمرج ومثل ما قلت منتي صغيره عيب هالسوالف !

الله يهديج بس

 

[دنيا الهم]

عفوا اختي بس انتي كاتبه بعنوان موضوعج " فاقده حنان ؟؟؟
ممكن اعرف هل انتي محرومه من الوالد أو شي ...؟
شنو سر فقدانج لهالحنان بالضبط .. وصدقيني إذا عرف السبب بطل العجب !
إذا عرفتي سبب احتياجج الغريب للحنان ومن شخص غريب أكبر منج بالسن ممكن تقدرين تعرفين شلون تعوضين هالحنان من غير لا تضرين غيرج ..
بس انتي قعدي مع نفسج قعده جاده وشوفي شنوو اللي وصلج لهالحاله اللي انتي فيها .؟
واتمنالج الشفا العاجل حبيبتي وماتشوفين شر إن شاءالله
وتذكري دايما وحطي في بالج إن الشخص اللي قاعد يساعدج تتشافين ما يستاهل منج تأذينه او تتسببين له بالمشاكل في حياته
والله يوفقج دنيا واخره حبيبتي ^.^

السبب هو اني محتاجة من يسمعني والكل قاعد يفسر كلامي غلط بغلط وانا قصدي غير عن كل هالنفوس المريضة الي تتمنالي الشر بحياتي انا وحدة صافية وابي الصفاء انا وحدة محبة للكل وللخير ومنتظرة من الناس نفس الشي بس مالقيته

كل عايلتي موجودة بس مو موجودة بحياتي اخ يصك التليفون بويهي لمجرد اني قلت له الحق بويهه
واخت تغار مني لمجرد اني جميلة بالشكل عنهااااا مع انها احلى مني بصفات وايد بس شاذية وبتتمت شاذية لانها دووم تشوف نفسها جذي بنظر نفسها :d شي يضحك يبجي بنفس الوقت !!

ابوي بالجسد موجود بس بالروح مو موجود
والام لو تموت احسسسن لانها مو قايمة بربع واجباتها
كرهتها لانهااا بدون شخصية بدون راي اهمال بكل جوانب حياتها
والبيت صاير مثل القبر ماتنقرى فيه آآية من القران
ولو ازني محد داري عني ..

انا لقيت في هالانسان شي فاقدته مو بس الحنان لقيت فيه اذن تسمع وقلب فاهم للحياة لقيت في كبر سنه الحكمة والعقل وعدم تسفيه راي طفلة مثلي انا محتاجة الثقة والاهتمام والفخر احس اهلي مو مفتخرين فيني بحكم اني طفلة او لاني بنظرهم طفلة مع اني مو صغيرة فعلا..

 

[دنيا الهم]

اتمنى فعلا تصدقون لما اقولكم ان الكل حاسدني بعايلتي مع ان مافيني ميزة اتميز فيها عنهم غير الجمال تمنيت في لحظة من اللحظات اني اكون جيكرة ولا تصيبني المشاكل الي صابتني والعين بسبب الجمال قطعت الكل او قررت حاليا اني اقطع الكل لان وقفوا حالي وقفوا دراستي وزاوجي ووقفوا كل شي اتمناه بحياتي احس اني غريبة عنهم وحتى كلامي قل ماعدت مثل اول اسولف واضحك حياتي كلها غلط انا مثالية وايد ومو لاقية انسان مثالي او انسان يقدم لي الخير بدون مقابل كلن يفكر بمصلحته صاروا مثل الوحووش من ياكل الثاني قبل اتوقع حتى هروبي للزواج ماراح يفيدني وايد يمكن القى من يشبعني لكن احس انه الحياة ماتخلو من المشاكل بعد يعني ماكو راحة وانا تعبت وابي ارتاح

 

[دلع العتبان]

يابعد قلبي والله عسى ربي يفرجها عليج

 

[دلع العتبان]

واذا تبين نصير رفيجات والله وناسه واصيرلج اخت

 

[دنيا الهم]

استانس لما يقولي كلمة طيبة لان اصلا ولا مرة سمعت كلمة طيبة استانس لما يقولي بدون قصد اسم الله عليج لان لو اييب طاري الموت محد يقولها لي استانس لما القى انسان يشتغل وهو يحب شغله ويحب يخدم الناس الي حوله حتى لو بفلوس بس الكلام الحلو يخفف نفسية التعبان ويرد له الروح مرة ثانية وهذا الشخص رد ثقتي بنفسي وعطاني دافع للحياة اكثثثر ورد لي روحي الي احسها جفت من معاملة اهلي لي اهو يتكلم معاي وانا ابجي يقولي شفيج ؟ اقوله مافيني شي شقوله بنات اقوله اني اول مرة يمر علي شخص بهالشهامة ؟؟؟؟؟ والله انه انسان شهم حيييل وعارف ربه وكبر بعيني الف مرة

 

[دنيا الهم]

تدرون اني مريت بمشكلة كبيرة بحياتي والله والله اترجى امي احب اريولها ماهزززززززيت شعرة من جسمها وانا بنتها وابوي يقولها خل تموووووووووووووت احسسسسسسسسسن نفتك منهااا مينونة بنتج !!
ليش مينونة لان اول مرة تمر علي مشكلة مثل هذي ولا عرفت اتصرف فيها والله والله هالريال قممممممممممة في الاخلاق والتعامل يمكن على قولتكم يستغلني وانا مو غافلة عن اي شي سيئ يسويه لو كانت نيته شينة لكن انا ماشفت منه الا كل الخير والحب والاحتواء قالي ان شاء الله تتشافين وتتزوجين تخيلوا لو كانت نيته سيئة جان سوا وقال غير هالكلام قعدت ابجي واقول بقلبي لو يدري عن ظروفي ماقال هالكلام ولو يدري اني مامليت من المشاكل وان المشاكل حتى لو تحسنت وراي وراي ماقال هالكلام واحد غيره جان دفعني فلووووس الدنيا ولا عالجني وقعد يماطل لما الله ياذن بالشفاا ويشبع فلوس

 

[دنيا الهم]

مشكلتي في الحياة انه محد فاهمني وكل ماتكلمت بقضية يحسونها من وحي الخيال او اوهام واهي حقيقة وحقيقة اشوفها بعيني مثل الحلم لما يتحقق اقولهم انا شفت هالشي بالحلم يقولون لي تتوهمين؟ انا والناس نفس هالمثال بالضبط اتكلم بالشرق يتكلمون غرب اتكلم يمين يتكلمون شمال حسيت هالشخص قرررررريب مني مع اني اول مرة اشوفه لكن لما يتكلم افهمه ولما اتكلم يفهمني ويفهمني عدددددل استغرب من ردة فعله بعض المرات على كلامي اقول شلون عرف الي داخلي !! مادري بس الي اعرفه ان هالشي نااااااادر هالايام نادر تلقى شخص يفهمك من النظرة الاولى يعرف يفسر الي بداخلك بدون ماتتكلم يعرف بالضبط شنو احتياجاتك؟ وشنو تبي؟ شنو الي ممكن يحقق لك السعادة حتى لو بكلمة حلوة او نظرة حانية او لمسة ايد

 

[shams2008]

انتي فعلا ناقصج الحنان ولقيتيه بالشخص
هذا
لان امج وابوج مو دارين عنج
شوفي حبيبتي حاولي تلهين بشي ثاني
حطيلج صديقات اكبر منج وفضفضيلهم
في الف حل لسالفتج بس لازم تكونين متهيئه

 

[حلاتي ابتسامتي]

حبيتي يمكن يعاملج نفس بنته يمكن يتذكرهاا فيج او حفيدته مو هو شااايب

واللــــــــــه يشاافيج