شعور جميل إنج تلقين من يسمع لج ويرضى تبثين فيه همومج ..
ويمكن اللي علّقج بهالشخص أكثر إنه " غريب " عنج ومع ذلك عطاج من اهتمامه ووقته ،
.. بس انتي ما طرحتي هالموضوع لأنج تبين تتخلصين منه !.
انتي حاسه بتأنيب الضمير لأنه " رجل " أكبر منج بالعمر ومحرم عليج ... وانتي تعلقتي فيه بدون لا تحسين ، وارتحتي له وبديتي تنجرفين ورا مشاعرج وتتمادين لدرجة انج تبين تغرينه ، ليش تبين تغرينه ؟؟ .. لأنج خايفه تفقدينه بالأخير ..
وللأسف اسمحيلي اقولج انتي ماراح تستمرين معاه
انتي فعلا راح تخسرينه .
بعد هذي الدنيا حبيبتي ^_^ في ناس غصبن عليج تفارقينهم ،،
ويبقى هذا " رجل " غريب عليج .. مستحيل تستمرين معاه !!
أصلا لي متى بتتمين تتعالجين ؟ .. بمجرد ما تتشافين إن شاءالله أعتقد خلاص ماله داعي تروحين عنده ،
يعني من الآخر اهوو بيكون من الأشخاص المميزين بحياتج لكنهم
مؤقتين فيها .!
لهالسبب انتي لازم توقفين وقفة جاده مع نفسج ولا تعلقينها فيه أكثر وأكثر لأن مردج بالأخير تنهين علاقتج فيه شنو ما كان نوعها
ومثل ما قلت لج انتي يمكن ماتقصدين شي ولا تقصدين تضرينه
مجرد انج لقيتي روح ترتاحين لها .. بس مثل ما تعلقتي فيه بدون قصد .. ممكن تأذينه وتسببين له مشاكل بحياته بدون قصد لأنج قام تتمادين كل ما طال الوقت بينكم !
.. اتمنى تكونين فهمتي كلامي قلب .. واعتذر ع الاطاله بالسرد ~
بس نصيحتي لج ألحين ,, اخذي بالاسباب اللي تبعدج عنه لأن الواقع يقول " انتي مستحيل تستمرين معاه " ... فيعني من الآخر انتي بتخسرينه ،
So حاولي تبنين الحواجز بينكم شوي شوي لين ما تتأقلمين ، ضغطي على نفسج وتجاهلي قناعاتج المثاليه ، أو بالأحرى خليها مثاليه فيما يتعلق بالشرع والدين واخذيها من باب إن [ من ترك شي لوجه الله عوضه الله بخير منه ] (;
ربي يعوضج بـ"خوات دنيا " تكون نيتهم صافيه ، يحبونج ويهتمون لج ويتمنون لج الخير فعلا وإن شاءالله تدووم علاقتج فيهم للأبد ..
الله يعطيج على قد نيتج يارب ^^
