انا بنصحج حق مصلحتج وانت حره

[؛؛حلاوه؛؛]

رد : انا بنصحج حق مصلحتج وانت حره

يعطيج العافيه

 

[شندوخه]

رد : انا بنصحج حق مصلحتج وانت حره

ظاق خلقي
لان وزني صارله فتره ثابت مو راضي ينزل

 

[passion.666]

رد: رد : انا بنصحج حق مصلحتج وانت حره

مشكوووره حبيبتي

كلامج يشجعني

زين واللي يقولون لها المتن حلو عليج

حبيبة قلبي
المتن حلو على الوجه
بس الجسم شنو في حلات اذا الكرش ناط من جدام
والأرداف وزغاديد وبلوكنات وفخوذ وعفسه ولويه
في ناس الله راحمهم جسمهم مقسم يعني السمنه موزعه على الجسم
طيب ولي سمنته بس فوق معلقه بظهره والأكتاف
اوسمنته تحت افخاذ واوراك
اقول
صلي على النبي​

 

[passion.666]

الله يعطيج العافيه متابعتج

الله يعافيج
لازم اتابعيني وان شاءالله تضعفين​

 

[passion.666]

رد: رد : انا بنصحج حق مصلحتج وانت حره

يعطيج العافيه

الله يعافيج​

 

[كريستال]

رد : رد: رد : انا بنصحج حق مصلحتج وانت حره

حبيبة قلبي​

المتن حلو على الوجه
بس الجسم شنو في حلات اذا الكرش ناط من جدام
والأرداف وزغاديد وبلوكنات وفخوذ وعفسه ولويه
في ناس الله راحمهم جسمهم مقسم يعني السمنه موزعه على الجسم
طيب ولي سمنته بس فوق معلقه بظهره والأكتاف
اوسمنته تحت افخاذ واوراك
اقول

صلي على النبي​

عليه الصلاة والسلااام


تسلمييييييييين حبيبة قلبي :hjy5jewf:

اذوني يهالكلام حلو عليج المتن :bbbiu: ماظنتي حلو المتن على اي حد

خلوني اتردد واحتار بس خلااااص مب سامعه لحد الا لجسمي اصلا مايناسبني المتن كللللللش

ولا بعلم حد ولا بتناقش مع اي حد من اصله عن الدايت او تقليل الوزن:050103nbh_prv:

والله يوفقني وياج وكل وحده تبي تنزل وزنها بصحه وعافيه يااااااارب

 

[كريستال]

رد : انا بنصحج حق مصلحتج وانت حره

لايوووووقف

 

[nadoo]

الله يعطيج العافيه

 

[روان_الكويت]

ودي اضعف بس انا توني والده وارضع وصايره اشتهي الاكل علا طول اجوع
وممنوع الرجيم مو صحي للي ترضع
بحاول اخفف والله كريم

 

[شيخه***البنات]

يزاااج الله خير على النصااااااايح الحلوووه ..

وعسى ربي يووووفقج ويرزقج الصحه و العافيه الذري هالصالحه ..

اانا الحين حامل بالسادس وزني زاايد وايد تقريباً 12 كيلو وماني قادره اسوي أي رجيم للحوامل ..

واخاف اول ما أولد ما اقدر اسوي رجيم شتشوربن عليييي اسوي ؟؟

 

[درب المحبة]

ماشاء الله عليج تشجعين الواحد عالرجيم
يسلمو حبيبتي عالتشجيع انا اليوم لي 4 بالرجيم وان شاء استمر وانزل 10 كيلو

 

[om-3abodey]

ماشاءالله كلامج روعه
انا قبل لا احمل هالمرة دشيت نادي ومادري اني حامل لعبت 10 ايام وبعدين حللت وطلعت حامل اختربت الخطة الرجيميه
يوم حللت قلت اروح للدكتور اخذ منه رجيم واخذ سويته اسبوع وصج نزل وزني بس عقب الاسبوع النسات والمشتهى اذتني كل ساعه مشتهيه شي
والحين اقول يالله بسوي بس وين يوم اليمعه معزومين على عرس والي وراها حاجزين شاليه
وانا نفسج اخذت علاج وتفخني تخيلي من وزني 82 صار شي و90
شقول والله حدي مضايقه من وزني الكرش الي اطلعت مو من حمال من متن بس اقول حق ريلي شوف طلع لي بطن البيبي كبر شقوله اقوله كرش متن

 

[سفيرة العشق]

رد : انا بنصحج حق مصلحتج وانت حره

مشكورة عالنصيحة
وفعلا انا بعد ولادتي اضعف وجسمي يصير شحلاته
بس بعد 4 شهور من الولادة ارد امتن شوي شوي
والحين برد اسوي رياضة وقمت اخفف اكل
والله كريم

 

[كريستال]

رد : انا بنصحج حق مصلحتج وانت حره

للرفع

 

[passion.666]

رد: رد : انا بنصحج حق مصلحتج وانت حره

ظاق خلقي
لان وزني صارله فتره ثابت مو راضي ينزل

لايوووووقف

الله يعطيج العافيه

ودي اضعف بس انا توني والده وارضع وصايره اشتهي الاكل علا طول اجوع
وممنوع الرجيم مو صحي للي ترضع
بحاول اخفف والله كريم

يزاااج الله خير على النصااااااايح الحلوووه ..

وعسى ربي يووووفقج ويرزقج الصحه و العافيه الذري هالصالحه ..

اانا الحين حامل بالسادس وزني زاايد وايد تقريباً 12 كيلو وماني قادره اسوي أي رجيم للحوامل ..

واخاف اول ما أولد ما اقدر اسوي رجيم شتشوربن عليييي اسوي ؟؟

ماشاء الله عليج تشجعين الواحد عالرجيم
يسلمو حبيبتي عالتشجيع انا اليوم لي 4 بالرجيم وان شاء استمر وانزل 10 كيلو

ماشاءالله كلامج روعه
انا قبل لا احمل هالمرة دشيت نادي ومادري اني حامل لعبت 10 ايام وبعدين حللت وطلعت حامل اختربت الخطة الرجيميه
يوم حللت قلت اروح للدكتور اخذ منه رجيم واخذ سويته اسبوع وصج نزل وزني بس عقب الاسبوع النسات والمشتهى اذتني كل ساعه مشتهيه شي
والحين اقول يالله بسوي بس وين يوم اليمعه معزومين على عرس والي وراها حاجزين شاليه
وانا نفسج اخذت علاج وتفخني تخيلي من وزني 82 صار شي و90
شقول والله حدي مضايقه من وزني الكرش الي اطلعت مو من حمال من متن بس اقول حق ريلي شوف طلع لي بطن البيبي كبر شقوله اقوله كرش متن

مشكورة عالنصيحة
وفعلا انا بعد ولادتي اضعف وجسمي يصير شحلاته
بس بعد 4 شهور من الولادة ارد امتن شوي شوي
والحين برد اسوي رياضة وقمت اخفف اكل
والله كريم

للرفع

شكرا على الردود الحلوه اهم شي ابيكم اتابعوني علشان نستفيد​

 

[passion.666]

شلونكم يابنات

حبيبتي الحامل

سويتي جمعيه حق ولادتج؟
ولا خذيتي قرض؟
جهزتي حق استقبالج؟
جم قطيتي حق المفارش؟
جم قطيتي حق القلاصات والأستكانات؟
اي محل جهزتي حق الحلو؟
اي مشغل سويتي كفرج؟
كل هاللويه على يومين في المستشفى يمكن الناس يعجبهم ويمكن لا!

اذا سويتي جمعيه حق ولادتج انا معاج لكن حق اللويه والأستقبال حق الناس لا
الواحد يسوي على قده وشي معقول
لكن من ضمن التخطيط واللويه هل فكرتي انج اجهزين حق بعد الولاده؟

مثلا:
اتسوين جمعيه حق النادي
مساج
اتحطين موعد حق بعد الولاده عند دكتور الرجيم علشان يعطيج نظام غذائى للوالده

والله انج ما فكرتي ولا خططتي شنو راح اتسوين بعد ماتقومين بالسلامه

وانت حامل اتفكرين بالأكل والشهيه مفتوحه وانت بالشهر الثاني الوي وارم والخشم اشكبره والخدود ناطه
وحامل من وره اكثر من جدام والعذر انا متنسيه بالحلو ولا انا نساتي هل مره مفتوحه على الأكل كل هذا جذب
علشان انت حامل فكل شي لج مسموح او العذر اللي دايما اسمعه هذي كله اورام وماي بجسمي والبيبي
اتقصين علينا ولى على نفسج
ولاتوها حامل زايده 10كيلوات
اشدعوه عليكم اكلو وشربو بإعتدال لاتهدون عمركم على الأكل انت شبعانه وتاكلين زياده موزين حقج ولا حق البيبي
خافو على صحتكم اشفيكم ولاتقولين علشان انا حامل اتخربطين وتاكلين لما اتسيرين ادرام
اكلي وشربي عليج بالعافيه لكن كل شي معقول ولاتاكلين شي دسم يقعد على معدتج ولا تتعشين اخر الليل لما يرد زوجج من الدوانيه اجهزين العشا وياريت خفايف لا في ناس يتعشون مجبوس دجاج بالليل ولما اتنام تلقينها تتقلب على بطنها ولا يمين ويسار والأكل صاعد نازل ما ترتاح لما ترجع طيب ليش العذاب اتعشي امبجر

والله يابنات واني صادقه في كل كلمه اقولها يوم كنت حامل في بناتي كلهم ان عشاي 6:30 وعقبها ما آكل اي شي علشان مابي احس بحارج والشغله الثانيه علشان اقعد الصبح وآكل على راحتي ومعدتي فاضه
يارب يتمم عليكم ويقومكم بالسلامه​

 

[العيناء]

يزاج الله خير عالنصايح الجميله
والله كلامج صح انا احب الاكل وكل يوم اقول باجر ابلش ريجيم وطل وكاني في زياده هائله
احبااااااط
ياربي تضعفني بعافيه

 

[*سوسو ستار*]

متاااابعه بحمااااس

 

[passion.666]

حبيبتي الوالده

الحمدالله على سلامتج وسلامة البيبي

الزين انتي ماشفتي عمرج وانت لابسه الدراعه او الملابس ما شفتي الزغاديد اللي طالعه تحت ايدج ؟
ما شفتي بطنج من بعد الولاده لون اسود وكبير ؟
وانت تمشين ماتحك افخوذج مع بعض من زيادة السمنه؟
وانت بالأنفاس امج نفستج اللهوم والحسو والقبوط والعصيده كل هذا يبيله 10 ايام انقول 15 يوم
الزين وباجي الأربعين تبين تذبحين عمرج بالأكل؟
لاتقولين الرضاعه
لما تاكلين الأكل الصحي راح يدر الحليب
الأكل المشوي والمسلوق والخضرا والحليب والأجبان ماتضر ابدا
لازم اكل قبوض ومرقوق ومعكرونيا وعيش علشان يدر الحليب حق البيبي
الزين يوم سارلج عشرين يوم من الولاده فكرتي انج تمشين نص ساعه فكرتي انج اتخففين العشا فكرتي انج تلبسين كورسين
لا ما فكرتي
حبيبتي الجسم يضعف بالسرعه بعد الولاده استقلو الفرصه
اذ تبين تتعشين اتعشي سلطه او خضره اخذيلج فليفله وخيار وخس وطماط وقطعيهم واكليهم من غير زيت والله اذا كان عشاج كل يوم جذي الحديد راح يزيد والحليب يزيد
الأكل المشوي مع كوب عيش ما يضر او كوب معكرونيا مايضر
حبيبتي فكري بنفسج وبصحتج الله اعطا طولة العمر للمرأه أكثر من الرجل لأنها تحمل وتولد وتربي وشايله المسؤليه وتحاتي على نفسها وعلى العيال وعلى الزوج والخدم والأهل هم على الجيران المرأه مسكينه عطت حق الكل واهملت نفسها
وصحتها . اهتمي بصحتج وبرشاقتج ترى الريال يبي في المرأه كل شي كامل والكامل الله
خليه يقول حقج "ام فلان جنج ظعفانه" ترى الريال يلاحظ حطي بالج
في رياييل يتكلمون ويعلقون وفي يلاحظون بس مايتكلمون
وفي نوعيه من الرياييل قطيعه اذا شافوج زايده تكلم ونطق واذا جافوج متغيره وضعفانه ومحلوه سكت ما دري ليش
انت قهري وريه ضعفج ورشاقتج طلعي بنيولوك
في ناس اذا طلعو من الأربعين قصو الشعر وصبغوه
لكن اللي ابيه منج ان يكون النيو لوك هو جسمج رشاقتج وريه
وقهريه وقهري حمولتج
تحدي عمرج وزوجج واهلج والناس كلهم وكوني على ثقه انج ان شاءالله راح تتضعفين
ادعو بصلاتكم ان الله يستجيب الدعاء
ادعي الله ان يضعفج على صحه وعافيه
سوي اللي عليج والله راح يعينج
فكري بصحتج اول شي وبعدين رشاقتج
ان شاءالله تضعفون على صحه وعافيه
وباجر ان شاءالله راح اكتب عدة نصائح حق البنات الحلوات الغير متزوجات
وتصبحون على خير​

 

[حصووونه]

ياحلات كلامج يسد النفس عن الاكل وربي.