امبيه مرت اخووي !!! مو من صجها

[روانتي 12]

يمكن مستحيه البنت ماصارلها غير شهر

اهم شي كافيه خيرها وشرها خلاص بكيفها

 

[om MaRyooM]

خلها براحتها مو مجبورة تسولف ..

ونصيحة لاتدخلون ولاتشيشون ريلها عليها
لو مايحبها جان ماسكت عنها

وماتدرين يمكن اهو يكلمها من وراكم

ويمكن اهي تستحي
او يمكن اهي صج نفسية


انتو طنشوها دام اهي جذي طبعها كيفها .. اهيا الخسرانة مو انتو

 

[_كلي دلع_]

لاتحكمؤؤن عليهآآ ..

انا آتؤقع ـآنهآآ مستحيةة ؤمآعرفت تتصرف ؤيـآآكم ..

عـآآد أنتؤـأـأ الله يهديكم عطؤهـآـآـآ مجـآـآل ..,’

 

[خفايا البحر]

لاتعليق
وتوها عروس

 

[brettey]

الله يهديها يمكن خجوله

 

[معشوقتهـ]

وانتو شكو فيها ؟
بنية ماصارلها شهر توها عروس اكيد مستحية تبينها تاخذ وتعطي من أولها
وليش تروحين تقولين حق أخوج وتخلينه يركز على هالصفه فيها و يحطها حجه
لا تدخلين نفسج بشي مايخصج ومالكم شغل بالبنت وطبيعتها

اي والله صاجه بسم الله توها شهر جذيه تتكلمين عنها ونفسيه وشايفه نفسها ليش حبيبتي تغارين منها !!!!!!!!!!!

خليها بحالها وشكو داقه ع اخوج تقولينه كئيبه ونفسيه منو طلب رايج حياتهم الخاصه ولو ماكان يبيها ماقالكم اخطبولي وحدد ابي فلانه !!

اتقى الله في نفسج وخلي بنت الناس مثل ماتدين تدان ولاتشيشين اخوج عليها وتقولين اخوي الف بنت تتمناه شكووو ..

 

[جيتك تعال]

خلاص تعاملوو معها بنفس طريقتهاا

خلوها تيي وترووح جنها ما ياات اصلا

ما تبي تتكلم لحد يحاجيها .... ناديتو الكل عالغداا ... وهي سمعت خلااص لا تنادونها مرة ثاانية

اذا طبعها جذييه خلاص وداوهاا بالتي كانت هي الدااء

 

[عزة وكبرياء]

يا معودة بكيفها والمهم إنهم بشقة بروحهم يعني مو لازقة بويهكم بتشوفونها بالمناسبات وبس ومدام إهي ماتبي تتكلم مع أحد خلها براحتها باجر تمل وتتقرب منكم بروحها ولاتحسسونها بالأهمية الزايدة ​

 

[دكتواره]

عاااااادي توها عروس جديده تستحي ماعليج باجر حتى تقول لج جب هع

 

[Queenleo]

دممممم ضروووسي الناس الي يبون الكل نفس نفسيتهم
خلاااص اهيا نفسيه لاتكلمونها
كيفها نزلت ولا قعدت
كل واحد وووله ضرووفه ونفسيته
ووليش تقوولين حق اخوج جذي!!!
اهوا وومرته كيفهم لاتدخلين بينهم

 

[a7la_7b]

بسم الله
انتي شكووو تقولين لأخوج عنها يمكن هي توها ما اخذت عليكم وعروس تووها ماصارلها الا شهر.
وبنت خالتج شكووو ترز وجهها وتكلمهااا كل واحد حر بتصرفاته
نصيحه لاتخربين بيت اخوج بتدخلاتج اللي مالها معنى ويمكن البنت بتخلي العلاقه معاكم رسميه تجنبا للمشاكل

 

[زهره الجلنار]

الله يعينكم

 

[لآ بيرلآ]

شوفي سواء اهيا
نفسية
مستحية
ما تعرف تتصرف
مو قصدها

باي حال من الاحوال .. تو الناس على انكم تحكمون ع البنت
انا عرووس و اهل ريلي بناتهم يبون يسولفون معاي و يتعرفون علي بس استحي استحي هذا و احنا بس واتس اب و بي بي ام
فما بالج باللي عرست و خلصت ؟!

ثاني شي .. اهيا ما غلطت .. انتي اللي غلطتي بحقها صراحة !
شلون تروحين و تقولين حق ريلها عن عيب انتي شايفته فيها و ممكن يكون مجرد حيآ ؟!
المفروض تفكرين فيها و تحطين نفسج بمكانها ! لو انتي بدر منج اي شي بقصد او بدون ترضين اخت ريلج تروح من وراج و تقول حق ريلج ويع شفت فلانة نفسية ! كئيبة ! تمرضضضض تلوع الجبد ؟!
انتي المفروض و الصح انج تقعدين معاها بروحكم تسولفين تسألينها بينج و بينها لو كلش تبين تعرفين موقادرة .. بس انتي اخترتي انج تغلطين بحقها و تفتحين عين اخوج على شغلة يمكن اهوا راضي فيها او متحملها وراضي ..

لو تسولف و تضحك و عااادي و طيحت الميانة جان قلتي رقلة و خفيفة ..

بس رضا الناس غاية لا تدرك ..

 

[دنيتى زوجي M]

بسم الله توها عروس اكيد مستحيه ومو ماخذه عليكم عدل تبينها على طول اطيح الميانه وتكركر مايصير

وحدج غلطانه قلتي لاخوج شكو بسم الله هذي حتى ماسوت لكم مشكله ولاسوت لكم شي على طول رحتى كلمتى اخوج !!

كيفها البنت دام ماغلطت على احد خلوها براحتها ليش تسوون مشاكل واهي توها بدايه عرسها يعني مليووووون

بالاميه البنت مستحيه الله يهديج بس على العنوان عبالي مسويه جريمه اخرتها عشان ماتغدت ولاسولفت

الله يعينها بصراحه اذا انتي من اولها جذي رحتى على طول وكلمتى اخوج عيل لو قايلتلج شي شنو بتسوين ؟!!

 

[gala q8]

شوفي اهوا واحد من هالشيئين ..

يآ إن اهي مو عاجبها شغله فيكم او اهي شخصيتهـآ جذيه مع الكل ..

يعني انا اعرف وحده ما تحب تتكلم مع احد لي درجه اهلها يقولون لها ليش انت ي جذيه ! ما تتكلم إلا بلـ يا الله ..

يعني اهي شخصيتها كله ساكته و عادي مافي بويها ملامح ابتسامه او شيء

و صدقيني مع الوقت راح تتعودين عليها لووول

 

[baby soul]

حبيبتي لا تغتابينها

يمكن البنية مو اجتماعية وتوها داشه حياة جديدة نطري عليها توها عروس

 

[fight]

اختيي تبيين الصج حناا ما نقدر نحكم لاانه جد ماا نعرف ليييش هي جذي

سبحااان الله يمكن عنهاا سبب قووي مااا نعرف بس اللي نقدر علييه انه ندعي لهم هم و كل المسلميين انه الله يصلح فيماا بينهم و يهديييهم و يوفقهم

اللهم اميييييييييين ..

 

[خليفة العظماء]

يمكن حامل وتتنسا
انا جذي اذا حملت ماحب الناس كلش

 

[شهرزاد الحكاية]

يمكن طبعها عطوها فرصتها

 

[نـــوفـــا]

معليش اختي ... سوالف الحريم ...ما تنقلينا حق اخوج ....


خليها تنفس من هني لباجر ....الي يبيج رحبي فيه الي مايبيج عطه القفا