امبيه مرت اخووي !!! مو من صجها

[ToOoT"Q8]

حبيبتي انا جذي لما كنت عروس كنت حييييل استحي وما اتكلم وانا طبعي جذي حياويه حيل حتى مع اهلي
وأكل ما كنت آكل عند حمولتي حتى نزلت 10 كيلو خخخخخخ
تدرين شقالو عني?
مغروره شايفه نفسي نفسيه
لوووووول
حتى ريلي عباله انا ما احب أهله
مع اني لما كنت اتحاشاهم مو لأني اكرهم لا والله بس الحيا ذبحني
بس اهم شي لما حطوني نفسيه هههههههههه
عاد انا ام البروووود

عآد انتو لا تظلمون البنت يمكن مستحيه

 

[جواهر35]

لاحلو ولاقوة الا بالله

 

[دلوعة أبوهآ]

الله يعين أخوكٍ صراحه ويعينكم عليها لو استمرت ع هالحـال ..

 

[ِAL-ANOOD]

يمكن مستحيه ترا كل البنات اللي توهم متزجات جذي
اصبرو عليها
يمكن ما تعودت على جو الجمعات ، انا بنت خالي جذي بالبداية تقولنا مو متعوده اتسولف مع ناس غرب

 

[بنت عطا]

اعرف بنات شخصيا لازم اول شهر من الزواج جذي قسم بالله طرمات والكل يكش منهم اول الزواج من خوات ازواجهم والا ازواجهم نفسهم وحده شخصيا اتقول لنا ولدي يقول يمه مزوجيني طرمه اخرتها عقب شهر انطقت وصارت طبيعيه والله العظيم *

 

[عزتي مالها حد]

شوي شوي ان شالله وتتعود عليكم

 

[*المــــلكة*]

ماسوت شي غلط البنيه !! في ناس وااايد ماياخذون ويعطون علطول يعني يكون طبعها شوي صعب بس بعدين ان شاءالله تتغير وتتعود عليكم
بس شوي شوي عالبنيه ترا توها عرووووس​

 

[غلأأأأ مغليهأأأ]

ليش تظلمون بسم الله يمكن البنت مستحيه خوووو احنا ماتحجينا الا بعد فتره من زواجنا ولاقبل بس نوزع ابتسامات من الحيااااااااااااااا

 

[حالة حنان]

والله يا خواتي النوعيه هذي من اولها كريها شلون بعدين تنحب
شلون تقولون شوي شوي تتاقلم مع مرور الوقت يعني فتحو عقولكم من اولها جذيه هل بعدين تنحب ما ادري
الله يعينكم ويصبركم عليها

 

[تباعدناااا]

عااااادي يمكن مستحيييييه
لسى عروووووووووووووس مثل زوجة اخوي كانت كذا بالاول وماكنا نبلعهااا بعقب صارت عادي تسولف وتضحك

 

[طـفولية]

من كلامج مبين انها مستحية ..
ونصيحة حرام تحكمين عالانسان من شهر !!
الانسان تركيبة ونفسية مو بيوم وليلة تعرفينها ..
مثال : أنا اذا قعدت مع وحدة مستحية منها حيل .. اصير انفعالية .. واتكلم بسرعة وصوتي يصير عاالي .. واصير شطة وقرقة ليش ؟
لان هالسلوك يغطي الحيا
هالصفة فيني كلش مو حلوة وتحطني بمواقف بايخة !
بس هذا شي يصير غصبن علي ..
يعني شعوري الصجي " مستحية " بس تصرفي " قرقة وصوت عالي وشطة " !!
يمكن اهيا لا استحت تسكت تنفس ..
مبين من الي قلتيه انها مستحية ..

وحبيبتي حطي نفسج مكانها .. حرام ديري بالج تكلمين اخوج عنها .. تخيلي اخت ريلج باجر تقول صفة مو حلوة عنج عند ريلج ..
والله أولى انج تروحيلها تكلمينها .. شلونج فلانة احسج مستحية ما تاكلين معانا .. ما تسولفين .. الكل ملاحظ انج حياوية بزيادة ..

لا تظنين فيها ظن السوء ولا تحشين فيها ..
والله يوفقها مع اخوج ويجمع بينهم بكل خير

 

[غلآ نوآف]

ويه ياكرهي للبنات الي جذي

والي تقول حياء او مو متأقلمة
لو صدق
كان عالاقل تتكلم باحترام مو بنفسية وغرور
ولو احد كلمها ترد او اذا استحت تبتسم مو تبووز وتقلب الوجه !!!!!

بس ياختي ماقول الا الله يجعل حظوظنا زينة
نادر ماتلقين احد يبرد قلبج

 

[انصاريه قمره]

كيفها طبيعتها الظاهر جذي بالعكس احسن لكم هذي شكلها مالها شغل بأحد يعني مو راعيه قيل وقال وقويه ترا تحشين فيها عند اخووج والمشكله انه مطاوعج البنت تقولين شهر ما كملت عندكم يمكن مستحيه

 

[غرور الريم]

احسن لج والله ماورا حريم الااخواإان الا المشاكل دام انها ماسوت لكم شي خليها ع راحتها وكيفها
اويمكن لانها عرووس للحين ماتأقلمت

 

[!witcha!]

يمكن اهي جذي طبعها؟؟؟ او وللحين مو ماخذه عالوضع ...

 

[.. ღ همس ღ ..]

وانتو شكو فيها ؟
بنية ماصارلها شهر توها عروس اكيد مستحية تبينها تاخذ وتعطي من أولها
وليش تروحين تقولين حق أخوج وتخلينه يركز على هالصفه فيها و يحطها حجه
لا تدخلين نفسج بشي مايخصج ومالكم شغل بالبنت وطبيعتها

"
آي والله نصيحتي لآآتتدخلين ولآآ تنبشين ورآهآ
آهي كـآفية خيرهـآ شرهـآ
"

 

[شهد ~]

وع ذكرتيني ب مرت خالي يابوووووووي عللللله بس ساكته واذا تكلمت باليالله أطططلع الكلمه وبعدها تنفس وطقطق بالفون

بس هذولا انا اقولج شنو الحل معاهم انج تسكبيلها حتى اذا جت لاتسلمين عليها سوي نفسج ماتشوفينها ونفسي علي اكثر واكثر وراح تجيج مثل ال...


ولا تقولين لخوج هذي ليش جذي وجذي انتي شعليج فيهم تحرضينه عليها خلي بكيفه يمكن مرتاحله بس انتي اذا جت سوي مثل ماتسوي

والله يوفقهم

 

[قاهره عذالي]

مالج شغل فيها
كيفها هي وزوجها
لا تدخلين باخوج ومرته
لاتصير سبب في خراب بيتهم
مو عاجبج انه قال ابيها وهو تمناه الف بنت
هو حر بقراره
وهي يمكن للحين ما اخذت عليكم وتوها تقولين شهر
طبيعي المفروض ماتطيح معاكم الميانه من اولها
لازم شوي تسكت وتحذر بمعاملتها لحد ما تفهمكم عدل
وانا اشوف البنت طبيعيه مافيها شي
ولاسوت شي غلط ولا غلطت عليكم
واذا ساكته والا كئيبه انتي شعليج وشدراج هي شنو عندها اللي مخليها جذي
فدام ماتعدت حدودها لا تحطينها براسج

 

[LoLaTi]

وانتي شكوو فيها شعليج منها تكلمت ولا ماتكلمت ؟؟ وبعدين انتي ملقوفه ترا وايد تدخلين بامور الناس مالج شغل فيهم مره بقيتي تفرقين بين ريلج واخوانه والحين بتفرقين بين اخوج ومرته ! شفيج انتي شفيج ؟؟؟ شموضوعج بالظبط حاطه دوبج دوب الاوادم وووووووووويع
ترا انتي سوسه على فكره ومالج شغل بأخوج ومرته كيفهم اثنينهم يتأقلمون انتي شلي حارج؟؟؟؟ ماراح تعيشين معاهم عشان موعاجبج انها ماتتكلم
دع الخلق للخــــــــــــــــــــالق وبلا لقافه زايده

 

[Mona Lisa]

الله يهديها لكم ويمكن مثل ما قالوا البنات عطوها وقت يمكن مستحيه