امبيه مرت اخووي !!! مو من صجها

[بطوووطة$بيضة]

اخوج اللي يبيها خل يتحمل....

 

[طيوبه89]

كلمو أمها خواتها قولولهم بنتكم على راسها ريشه او اخوج اللي اهو ريلها يكلمها يغيرها

 

[foshia girl]

الله يعينكم .. عندنا وعندكم خير

 

[آتعــبني غـلآآك]

ماتدرين عنها يمكن متضايقه من شئ
او مستحيه مو متعوده ع الجمعات

 

[حصووونه]

عروس من عذرها لها شهر بس انا سنه صامته عند حمولتي لين درستهم وبعدين تاقلمت معاهم شوي شوي

 

[*uM_MiMi*]

وانتو شكو فيها ؟
بنية ماصارلها شهر توها عروس اكيد مستحية تبينها تاخذ وتعطي من أولها
وليش تروحين تقولين حق أخوج وتخلينه يركز على هالصفه فيها و يحطها حجه
لا تدخلين نفسج بشي مايخصج ومالكم شغل بالبنت وطبيعتها

:rerrerek::rerrerek::rerrerek:

 

[Angel-Lady]

يعني هذي عروس ليلحين مو متاقلمه من الوضع و تحس انها غريبه و ناس اول مرة تقعد معاهم يعني شنو تتوقعين

يمكن ردت باسلوب مو حلو بس انتو التمسو لها العذر ليش سوء الظن

و اخوج مرتاح و يبيها ليش اتكلمينه من الحين و اتطلعين عيوبها و اتسببين مشاكل و اهم توهم معاريس ببداية حياتهم

البنت بتتعلم مع الوقت ما تعلمت الله يهديها بس لا تتوقعين بطيح الميانه من اول شهر

 

[futooosh]

على فكره كل عايلة تلاقين وحده من هالنوعية

 

[بنوتة لابشة فشتان منفوش]

كلمو أمها خواتها قولولهم بنتكم على راسها ريشه او اخوج اللي اهو ريلها يكلمها يغيرها

ليش المشاكل شكو يكلمون اهلها

اروح للناس اقوله بنتكم على راسها ريشة! حدها قوية

 

[بنوتة لابشة فشتان منفوش]

يعني هذي عروس ليلحين مو متاقلمه من الوضع و تحس انها غريبه و ناس اول مرة تقعد معاهم يعني شنو تتوقعين

يمكن ردت باسلوب مو حلو بس انتو التمسو لها العذر ليش سوء الظن

و اخوج مرتاح و يبيها ليش اتكلمينه من الحين و اتطلعين عيوبها و اتسببين مشاكل و اهم توهم معاريس ببداية حياتهم

البنت بتتعلم مع الوقت ما تعلمت الله يهديها بس لا تتوقعين بطيح الميانه من اول شهر

كلامج عين العقل
وصلتي كل الي ابي اقوله

 

[el7ob Klah]

امممممممم

يمكن مستحيه توها ماصار لها شهر !

واضح ان الزواج مافيه معرفه سابقه حتى مع زوجها تستحي تسولف

كله ساكته وتشغل نفسها بالفون لانها ماتعرف تسولف ومستحيه تسوي روحها مشغوله

يمكن هذا الي فيها !

نطروا عليها لي بعد 5 شهور راح تاخذ عليكم وتبين شخصيتها

 

[ام فرح وبراء]

يمكن مستحية اولسة مو متعودة على اطباعكم اوفرحانة بنفسها لانها عروس

 

[•Brown•Sugar•]

؟؟ واي يا الحموله تقعدون حق الواحد ع الوحده ونص
يمكن البنت طبعا مو اجتماعيه وتستحي ؟؟
ع طول سويتوها نفسيه و ع راسها ريشه
ويمكن في مشكله بينها وبين زوجها وصاكه فيها الدنيا
انتوا المفروض تسوون اللي عليكم حطيتوا الغدا
فلانه حياج غدا .. ماتبي ماتشوف شر
قعدتوا تسولفون مو ضروري تشارككم يمكن الموضوع مو من اهتماماتها
احسن من اللي تقط وييها بكل سالفه وتسوي نفسها فاهمه واهي بوادي
والسالفه بوادي والكل يقول عنها ملقوفه وعايشه دور ابوالفهاميه
عووذه من شر الحموله

 

[A5tsloom]

" أفضل الذكر لا إله إلا الله وأفضل الدعاء الحمد لله

 

[مياسه الحساسه]

يمكن طبعها خجول فاعذروهاا
او متضايقه من شي
ترى البيوت اسرار والناس اجناس
كل انسان عنده طبع
والوحده لازم تحسن الظن في الغير

 

[.:!:. ونس .:!:.]

بعدين توها ماسارها الاشهر اكيد مستحيه

 

[اخر الامااااال]

اعطوها فرصه يمكن مستحيه ولا تبينون لها شئ

 

[al6aylaaa]

شوووفي حبيبتي بقولج شي وبجد انا شفت هالشي بعيني
في نااس من كثر مايستحوون تحسينهم نفسيه ومايعرفون يسوولفون بجد صاارت عندي نفس قصتج
بس اشووا طلعت مستحيه مو نفسيه
صبري وشوفي

 

[Japanese]

بيييه ذكرتيني بوحده كنت اعرفها ايام الثانويه

كله كنت عبالي انها مغروره وجايفه نفسها لآنها كانت تمر يمي ولا حتى تسلم مع انه تعرفني!! واذا قعدت معاها ماتسولف وايد يعني جي الحجي بالقطاره يطلع منها

وانا بعد كنت جي ماسولف مع حد ماعرفه مب عشان شي بس لآني ماعرفهم يعني ف ليش اتكلم معاهم؟

المهم هي طلع طبعا جذي خجوله واااااااااااااااايد ولحد احين يعني

هو صج خلصه انا عن نفسي ماآحبها لآن احسها صاحبها ممل لوووووول

الخلاصه مثل ماقالو البنات يمكن البنت خجوله ،، ودامها ماضرتكم بشي ف تستطفل لوووول شعليج منها

وكل عام وانتي بخير

 

[.Nihal.]

اختي مع احترامي لج واضح من كلامج بتوقيعج وطريقة طبج بمرت اخوج بالموضوع ان انتي النفسية والمعقدة

يعني بنت توها عروس وما صارلها شهر .. شلون تبينها تصير راديو عليكم وتاخذ وتعطي بالحجي بسرعة ؟

بعدها ما تأقلمت وما خذت عالوضع .. شهالنفسيات انا خبري في حديث يقول التمس لاخيك 70 عذرا مو تصيد عليه على اتفه شي

قال ايييييه مغروره وشايفه نفسها :\ .. مداااج عرفتيهااا واهيا ما صارلها شهر عندكم ؟!

الله يعيييييييييييييييييييين