*** الي عندهم هالسنه رابعه ابتدائي حياها الله نناقش امور عيالنا ***

[om al ghaleen]

البيداء " يعطيج العافيه ماقصرتي واكيد مانستغى جهودج

مي الحلوه " زين ماسويتي انا تحسفت هالسنه مادخلتهم دار القرآن والله يبارك لهم يارب

لمار " العربي شدي عليه بالقراءه وعلى طول خل يكتب كلمات خارجيه لانهم آملائهم برا موضوع الدرس
اما العلوم اليوم خليت ولدي ينسخ كل تعريف 10 مرات علشان يحفظهم كتبابه وتسميع


آمواج " مثل حالتي اليوم اجتماع تنويري لبناتي ومارحت بس عندي معلومات من العام وطريقه تدريسهم


ام عبود " يعطيج الف عافيه ماقصرتي حبيبتي

مسك " الله يعنيا ماهقيت العلوم جذيه العام يهبل كل شي بالعقل ينفهم هالسنه هالتعاريف شكثرها

 

[أم عبووووود]

.. شلونكم امهآت

اليوم معاناه الصراحه بالتدريس بسم الله عليهم عيالي كلهم امتحانات :eh_s(2):
بس اكثر شي ولدي اللي برابعه متفهم الوضع بس ماعطيته حقه وواجبات وايد من الساعه 3 لين 7ونص واهو يذاكر


وعنده امتحان يوم الاربعاء علوم من صفحه 10 لين 33 مع اجتمآع امهات
الله يعينا صج صج تعب :denya:

هلا حبيبتي
الله يعينا يارب صج العلووووووم دسم
ربي يوفق وليدج وعيالنا يام الغالين

 

[أمواج البحر]

ام الغالين ... الله يعينج ويوفق عيالج يارب

صج العلوم مووو هين

 

[مي الحلوة]

رد : *** الي عندهم هالسنه رابعه ابتدائي حياها الله نناقش امور عيالنا ***

صج العلوم يبي له تدريس وحفظ اول باول..
اليوم كان عندي لقاء تنويري لرياضيات بمدرسة ولدي..
والحمد الله الابلات ما قصرواااا يعطيهم العافية..احس فعلا فهمت شوي
احناااا لما نشوف التمارين نخاف لاننا مو فاهمينهاااا ..بس هي سهلة تعتمد اكثر شيء
على ذكاء الولد..ومدى استيعابه لدرس..
اليوم رديت البيت حدي مستانسة لاني استوعبت شلون ادرس ولدي الرياضيات..
الله يوفق عيالي وعيالكم يارب..ولا يضيع تعبناااا..

 

[<<لمار>>]

مى الحلوة الحمد الله انج رتحتى من توضيح المدرسات لكم بس ليتج تفيدينا انا من بعد درس المدى والوسيط وانا ضايعة موفاهمة ولاعارفة ششرحلة

 

[<<لمار>>]

ام الغالين تسلمين غلاتى وبعطية كلمات خارجية يتملاها

 

[مسك81]

اشلونكم امهات عساكم عالقوه مي الحمدلله انج عرفيتي طريقه الشرح تاريت تفيدينا احنا اللقاء التنويري يوم الاربعاء وان شاءالله خير يارب والله يوفق الجميع
لمار انا نفس حالتج اشوف المرشد ياله استوعب وادرس

 

[um meshoooo]

رفع رفع

 

[اجمل احساس ..!]

رد : *** الي عندهم هالسنه رابعه ابتدائي حياها الله نناقش امور عيالنا ***

السلام عليكم

حالي من حالكم وزياده بنتي متفوقه السنه اللي طافت والحين حاطه بريكات تقول يمه موفاهمه العلوم ولاشي
ادرسها ماكو فايده والرياضيات الطامه الكبرى الله اكبر عليهم شلون اندرس عيالنا هل مناهج الغريبه العجيبه
لابارك الله فيهم ولافي مناهجهم اللي تعور القلب المشكله اللي ماعنده طالب واحد يركز عليه المشكله باللي عنده اكثر من طالب
الله المستعان
ابله الانجليزي طالبه من بنتي موضوع عن الرياضه ولازم حفظ وتوهقت ماكو الا الترجمه بكتب جمله واترجمها
الله لايضيع تعبكم ويرزقكم بر عيالكم ياارب

 

[أمواج البحر]

ام الزعيم ... اهم شي اختاري كلمات سهله وبسيطه عشان تقدر بنتج تحفظهم

بالنسبة للعلوم صج الله يعينها ... اهو مو صعب بس كمية التعاريف والمعلومات وااااايد

 

[أم عبووووود]

صباح الخير حبيباتي

تصدقون اني دقيت على مدرسة بنتي يقولون ماعندنا لقاء تنويري بس بنحدد يوم للاجتماع تسالون فيه عن بناتكم

 

[<<لمار>>]

عيل انا ام عبادى دقيت على مدرسة ولدى وقالولى ماعندنا مواعيد الحين احتمال كبير يصير تغيرات بالمدرسات نطروا شوى انزين انتوا ماشين بالمنهج واحنا موعارفين شالسالفة بيتكود على اعيالنا من يفيدنا وقتها

 

[om al ghaleen]

آم عبود
آمواج
لمار
تسلمون حبآيبي وآجمعين ياارب



ام عبود " احنا كل سنه هاللقاء التنويري عاد ولا مدرسه ولدي الناظره بس تصرخ وتزف لوول
حدها تنفعل بالمحاظره وبعد يعطونا اوراق يخصوصون ايام للآسئله والاستفسارات


آم الزعيم " الله يعينا انا آدرس حق 3 مراحل وهالسنه صج تعب علي حامل وثقل وكله حرانه ونفسيه آستتغفر الله
بس ميخالف نتحمل اهئ انا يبتها حق نفسي والله يعنيج ياارب ويوفق عيال التجمع كلهم


مسك " هلا وغلا انا باجر اجتماع حق ولدي وضروري اروح ولا بعد عندي موعد الساعه 10 ومهم وبطنش فيه


.. لي رجعه

\\

 

[<<لمار>>]

بنات الله يجزاكم خير ساعدونى ولدى عنده امتحان علوم الخميس من صفحة 12 الى 37 انزين الاشياء اللى حطوها البنات بالتلاخيص كتبتها بس فى اشياء عملية وتجارب شلون اى السؤال عليها وشلون اشرحها لة

 

[لوكريسيا]

لمار .. حتى ولدي اللي برابعة يوم الخميس عليه اختبار من ص 12 لي 37 .. من الحين احاتي شلون بيدرس باجر

 

[<<لمار>>]

لوكريسيا انا درستة اليوم وعلنى على ماحفظ الاسماء حدها صعبة عليهم وباجر براجعلة وخايفة لايكون ناسى انتحر اهى اهى اهى بس العملى موعارفة ششرح فية ولادرس البيضة واهى كاتبتلهم انة داخل العملى بالامتحان

 

[أم عبووووود]

عيل انا ام عبادى دقيت على مدرسة ولدى وقالولى ماعندنا مواعيد الحين احتمال كبير يصير تغيرات بالمدرسات نطروا شوى انزين انتوا ماشين بالمنهج واحنا موعارفين شالسالفة بيتكود على اعيالنا من يفيدنا وقتها

الله يعينكم يا لمار والله الواحد تاذى منهم الله يسامحهم ومادري شنو الحل

بننطر اجتماعهم متى ؟؟؟

 

[أم عبووووود]

ام الغاليين
يعطيج العافية ياقلبي
تدرين احنا لاتنوير ولا خطه ولا شي كل عالبركه ويقولون بيوزعون اوراق عشان الاستفسارات و لي الحين ما شفناها


واااااي بديتوا امتحانات الله ينور قلوب عيالكم يارب واحنا المدرسة لا حياة لمن تنادي شكلهم فجأة بيقولون باجر امتحان والله ما استبعدها منهم
انا بدرس بنيتي وبخليها تتجهز للامتحانات

والله صج الله يعينا وياكم ان شالله

 

[أم عبووووود]

خواتي نزلت لكم اسئلة مراجعه من استاذ صباح بس الرسمات انتو كملوها لانها ما تطلع وياي

اسئلة مراجعه العلوم الفصل الاول للصف الرابع وحل اسئلة الكتاب

http://www.q8yat.net/showthread.php?t=717429



ربي يوفق عيالي وعيالكم

 

[أم عبووووود]

اسئلة مراجعه العلوم للفصل الثاني للصف الرابع مع حل اسئلة الكتاب


http://www.q8yat.net/showthread.php?t=717437.


ربي يوفق عيالي وعيالكم