*** الي عندهم هالسنه رابعه ابتدائي حياها الله نناقش امور عيالنا ***

[أم عبووووود]

الفصل الثالث لعلوم الصف الرابع مع حل الكتاب

http://www.q8yat.net/showthread.php?t=717443


ربي يوفق عيالي وعيالكم

 

[أم عبووووود]

اسئلة مراجعه علوم للفصل الرابع للصف الرابع

http://www.q8yat.net/showthread.php?t=717449


ربي يوفق عيالي وعيالكم

 

[<<لمار>>]

تسلمين ام عبود الله يجزاج خير

 

[um meshoooo]

حبيبتي ام عبود يااااارب تتهنين والله يحققلج كل الي ببالج ووفقج انتي وعيارلج وااااااااااالف شكر لج عالمجهود الرائع

 

[مسك81]

اشلونكم امهات عساكم عالقوه شخباركم
اولا مشكوره ام عبود الله يحقق امنياتج وربي يوفق عيالنا وعيالكم
اليوم كان في لقاء تنويري ورحت الحمدلله اول شي قالولنا عن الدرجات وتوزيعهم وني حق الاهم
الرياضيات الامتحان بعد العيد مباشره وطريقه الاسئله نفس اللي بكتاب التمارين

ا لعربي حفظ الكلمات ومعانيهم وكلمات الضد وراح يحددون لهم درسين وييي واحد منهم والثاني قصه خارجيه +السلامه اللغويه هذا يعتبر بالورقه الثانيه والورقه الاولى تكون تعبير واملاء خارجي والخط

التربيه الاسلاميه حفظ الاحاديث ومعاني الكلمات اللي موجوده مع كل حديث +اسئله الكتاب و70 بالميه من الكتاب و30 بالميه اسئله خارجيه

العلوم حفظ التعاريف +حفظ وفهم حل ومراجعه الفصل لان قالو اكثر الامتحان منه سواء اكملي الفراغ او عللي +الرسومات ضروري تنحفظ

الاجتماعيات و الوطنيه حفظ الاسئله اللي بالكتاب واي شي الابله حاطه عليه ضروري

الانجليزي حفظ الكلمات للاملاء والset book وضروري الخط المشبك سواء الاملاء او الامتحان او اي شي اخر
وهذا كان لقاءنا التنويري بس الصراحه انا شايله هم العلوم والله كريم ربي ينجح عيالي وعيالكم

 

[مي الحلوة]

رد : *** الي عندهم هالسنه رابعه ابتدائي حياها الله نناقش امور عيالنا ***

هلا لمار بشري ان شاء الله قدرتي تدرسين ولدج لامتحان العلوم..
انا يوم الخميس عليه امتحان رياضيات..والله يسترر..
وان شاء الله ناوية اراجع له العلوم بالويك اند..واحفظه التعاريف اللى مو حافظهااا..
اخاف يكون عليه الاسبوع الجاي امتحان علوم بنص الاسبوع وابتلش..لان مافي وقت
يادوب يكتبون الواجبات ..
واليوم يقول ابلة العربي عطتهم املاء خارجي ومفاجيء..
ياربي انك توفق عيالنااااا يارب.. وتهديهم يارب..
هالسنة احس اني حدي منهارة من التدريس يمكن عشان ولدي رابعة وعندي بنتى اولى ابتدائي
فاحس حيل مضغوطة..يالله بكرة الويك اند.. حدي مستانسة..

 

[::كيك وعسل::]

الله يجزآآآج خيير ام عبوووود

 

[النوير2]

الله يعطيج العافية ام عبود

بغيت الله يعافيكم طريقة امتحان العربي والتربية الإسلامية انا بجري الحين برابعه واحس ضايعه بطريقة الأمتحانات يعني بالدين احفظة معاني كلمات السورة اللي بالجدول تحت كل سورة

ويريت اللي عندها امتحانات مثل ام عبود في باقي المواد تحطها والله يسهل على عيالها ياااارب

 

[نسمه بارده]

انا ويني عنكم
تدرون اني حايسه
واي كلش ولامنهج العلوم انا مدرسه كيميا ومساندي بيولوجي لاعت جبدي وانا اقرا الكتاب الله يعين المدرسات والطلبه واولياء الامور دوامه مابعدها دوامه شنو هالتخبط دروس وايد وكثافه علميه حشا بنخرجهم من الطب ولا رابعه ابتدائي
انا عن نفسي بنتي طفشت وهواش معاها عشان تحفظ التعاريف لووووووووووول
ومنهج الرياضيات ماقول غير ليت ربعنا بس شوي يفهمون قبل يطورون المناهج اتذكر درست المنوال ثانيه ثانوي حشا طايرين ليش حاطينه برابعه ابتدائي انا عقدتي الرياضيات وكل يوم اعصب علي بنتي لما ادرسها
وحطو ببالكم اني مدرسه وجامعيه وبالعه الموس في تدريس مناهج رابعه ابتدائي شلون الامهات الي مو تخصص ولا جامعيين والله ماساه فظيعه
بانذ الله وياكم قلبا وقالبا وراح واي شي يوصلني من تلاخيص واسئله بحظه بالتجمع
الله يوفق عيالنا وعيالكم ولايضيع تعبنا

 

[جنية الليل]

انا بنتي الثانية بتروح رابعه والله كريم انشالله لانه اختها كانت العام رابعه فالمنهج صار معروف عندي يبقى الرياضيات ثقيل على عيالنا

 

[النوير2]

إيه والله نسمه باردة شفتي المناهج شي عجييييب عيالنا بيتخرجون من رابعه ثانوي وإلا رابعه ابتدائي

الله يعافيج مدرستنا ما تعطي اوراق عمل او مراجعات انا آخذ من المنتدى ياليت إذا عندج اوراق عمل في اي مادة تساعدينا

 

[CrystalQ8]

انا بنتي هالسنه برابعه ومعاي بالمدرسه بشوف ابله العلوم اذا عندها ملخصات لأن الكتاب عايم علي بعض

 

[<<لمار>>]

مى الحلوة مشكورة على السؤال غلاتى وولدى يننى على ماحفظ العلوم ويقول ياهم سؤالين الاول توصيل للتعاريف والثانى ترتيب دورة حياة الزهرة والرياضيات حايسة معاة وبخلصة لة باجر اكيد الاسبوع الياى امتحان واليوم بطلت معاة الاجتماعيات يننى موعارف للجهات ولاانا عارفة شلون يحددهم على الخريطة

 

[White Musk]

انا بنتي برابعة
وفعلا فرقت معاي هالسنة
بس شريت لها كتب جمعية المعلمين
وفي كتاب اسمه cool study وايد حلو لجميع المراحل انا اشتريه كل سنه لهم فيه تمارين على نفس الدروس واسئلة متنوعة
في بمكتبة السنافر مذكرات غلافها مخطط انا شريتهم لأنه فيهم حل للرياضيات يوضح لكم اشلون تحلين بالخطوات علشان تعرفين اشلوت تدرسينهم
العلوم بعد في عندهم منه ملخصات انا ادرسها منه عقب ما نقرا الكتاب
الاسلامية ملخص بكتب جمعية المعلمين ومرتب لكم الدروس ورا بعض يعني تقدرين تحضرين معاهم حتى الدرس الياي
وحاطين لكم ناج اختبارت
الله يسهل علينا وعليكم

 

[White Musk]

امبيه ما درسنا العربي ما ني عارفة شدرسها فيه ولا الاجتماعيات ولا الوطنية
حاطة حيلي بالعلوم والرياضيات والانجليزي

 

[<<لمار>>]

وايت مسك شنو كتاب كول ستودى يعنى للانجليزى ووين احصلة ماعليج امر

 

[ام لآلئ]

والله انا متوهقه حدي مع ولدي ومان عندي وقت انظمه عشان ادرسه كل المواد واصلا انا عيالي كلهم يبيلهم تأسيس لانهم صغار وكلهم مع بعض بالابتدائي وماني قادره ادرس واحد وأخلي الثاني جذي الباجي راح ينهضم حقهم ، حبايبي شنو تشورون علي اسوي

 

[White Musk]

شوفو كتاب كول ستدي cool study نفس منهج الوزارة عجيب تحصلينه مع كتب جمعية المعلمين بمكتبة العجيري او جمعية العديلية او بالأندلس مكتبة السنافر
انا للانجليزي استخدم الأثنين افتح على الدرس واهم حاطين لكم الكلمات كلها مالت الدرس
حطي لج دفتر ونسخي ولدج او بنتج كل يوم 4 كلمات او ثلاثا يوميا
ويوميا اعطيهم بعض التمارين منهم
حطي لج مثلا ساعة لتدريس الانجليزي كل يوم وترك على الأقل ولازم تقعدين معاهم تقرين الدرس وتخلينهم يقرونه القراءة حفظ الكلمات مع المعاني هذا شي مهم
ومن كتاب جمعية المعلمين ندرس القواعد
يوميا من 30 دقيقة الى ساعة حسب الواجبات
---------------------
الرياضيات : مسكي الدرس وحلي يوميا معاهم المسائل من دفتر التمارين وخليهم يحلون تمارين الدرس نفسه من كتاب المعلمين
يوميا : من 30 الى 40 دقيقة
--------------------------------------------------------------------------
العربي : قراءة الدرس والكتابة ودايما انتبهي للخط اثناء الكتابة والواجبات الي تعطيهم الأبلة مسحي وخل يعيدون الكتابة لين يتعدل الخط
تقريبا يحتاج من 30 إلى 40 دقيقة حسب قدرات الطالب
-------------------------------------------------------------------------
الاسلامية : كل ويك اند نحفظ الأيات ونراجع الدروس الي خذوها ونحفظ التلخيص من جمعية المعلمين ونحل اسئلة نماذج الاختبار حسب الدرس
بالاسبوع : وزعي لج تقريبا 3 ساعات على ايام الاسبوع انا مخليتة بالويك اند ندرسه ممكن يوم خلال ايام الأسبوع ويوم بالويك اند
------------------------------------------------------------------------------
الاجتماعيات والوطنية : نفس الشي خلال الأسبوع مرة وبالويك اند مرة
نقرا الدرس ونحل الأسشلة ونشوف التلخيص من جمعية المعلمين ونحل الأسئلة
تقريبا يحتاج بالأسبوع : ساعتين مو اكثر
----------------------------------------------------------------------------

 

[White Musk]

العلوم
نقرا الدرس ونشرح بعدين افتح الكتاب المرشد الي فيه التلخيص ونحفظ التلخيص ونحل اسئلة الكتاب
مع اسئلة كتاب جمعية المعلمين
كل يوم وترك تقريبا ياخذ نصف ساعة
الملخص وايد اسهل من الكتاب
انا خيته من مكتبة السنافر غلافه مخطط اخذت العلوم
الرياضيات بعد الملخص حلو لأنه في طريقة الحل انا اوف الطريقة وافهمها عقب ادرس
يعني الله وكيلكم يوميا عندي دراسة وواجبات
حتى بالويك اند
الله المستعان

 

[<<لمار>>]

يعطيج العافية وايت مسك وصج و نطبق طريقتج نرتاح بس وين اللى يعاونج ويساعدج انا ينشلع قلبى علشان يحل الواجب ويراجعلة مادة الله يهدية ويصلحة