*** الي عندهم هالسنه رابعه ابتدائي حياها الله نناقش امور عيالنا ***

[White Musk]

انا عندي لكم نصايح
الطالب بهذا العمر يبتدي يتحمل المسئولية يعني مو كل شي انتي تعطينه
انتي اشتري المذكرات
وحطي لهم جدول يومي:
من الساعة كذا الى الساعة كذا ندرس عربي مثلا وخليه بروحة يقرا الدرس اذا شي مو فاهمة شرحيله وخليه بروحه يكمل
وانتي راقبي من بعيد لي بعيد
مثلا علميهم للحفظ اقرا الجملة 3 مرات بعدين قسمها الى اجزاء واقرا كل جزء 3 مرات وسمعه 3 مرات
بعدين عيد على الجملة كاملة قراءة 3 مات وتسميع 3 مرات راح يفظ
انتي راقبي من بعيد لي بعيد
الاسابيع الأولى من الدراسة جا مهمة ساعديه اشلون يدرس واشلون يفظ واشلونينظم الوقت

اقول لكم على شي
هذه الطريقة تعلمتها من صديقتي بالابتدائي فلسطسنيه الله يذكها بالخير كانت متفوقة وكانت تقول لي انا هيك بعمل
والله اني مشيت معاها وصرت متفوقة
بعدين عطيهم نوت علمي يوميا يكتب اسم المادة : الواجب: واذا ما في واجب يكتب لا يوجد مثلا :
العربي : كتابة الدرس وحل تمارين الكتاب
العلوم : لا يوجد
الدين حفظ السورة من رقم الى رقم .
وهكذا

 

[White Musk]

يعطيج العافية وايت مسك وصج و نطبق طريقتج نرتاح بس وين اللى يعاونج ويساعدج انا ينشلع قلبى علشان يحل الواجب ويراجعلة مادة الله يهدية ويصلحة

ما عليه اخلصي النية بتربيتهم تربية صالحة وانوي ان تعليمهم وتعبج معاهم يكون من اجل بناء شخصية مسلمة صالحة في المجتمع
واكثري من الدعاء بالسجود
عامليهم انهم اكبار وحسسيهم انهم لازم يتحملون المسئولية مو بس تصرخين وتحترين لالا
فهميهم ليش احنا نبيهم يتعلمون
علميهم اشلون يحطون لهم اهداف قريبة المدى واهداف بعيدة المدى
علشان يكون عندهم حافز ودافع
ترا ماشاء الله عيالنا اذكيا وشطار ويعرفون كل شي
مو معقولة ما يعرفون يدرسون
لا يحسون انهم متكلين عليج
دايما استعملي معاهم المصلحات الايجابية واكرر احنا الغلط لمن نعصب ونصرخ عليهم
لا المفروض بدال ما نقول لهم لا تلعبون لا تضيعون الوقت
نعلمهم مثلا تعالو نشوف الواجبات وخل نحط جدول ونخطط الأشياء المهمة لازم تعلمينهم وراح يتعلمون ان شاء الله
قو لي لهم مثلا
ما عليه بنتعب بس بالويك اند راح اطلعكم المكان الفلاني او نسوي شغله انتو تحبونها حفزيهم
راح تتعبين معاهم الحين بس بتشوفينالنتيجة لمن يكبرون اشلون يعتمدون على نفسهم
اهم شي تنظيم الوقت
الله لا يضيع تعبنا معاهم ويصلحهم ويهديهم

 

[<<لمار>>]

الله يجزاج خير وايت مسك ماشاء الله طريقتج روووعة والله يعينا على تربية هالعيال ويصلحهم ويهديهم

 

[أم عبووووود]

تسلمين ام عبود الله يجزاج خير

الله يسلمج حبيبتي ويبارك لج بعيالج

حبيبتي ام عبود يااااارب تتهنين والله يحققلج كل الي ببالج ووفقج انتي وعيارلج وااااااااااالف شكر لج عالمجهود الرائع

الله يسلمج يا قلبي
تستاهلون كل خير
ربي يوفق عيالي وعيالكم ولا يخسر التعب

اشلونكم امهات عساكم عالقوه شخباركم
اولا مشكوره ام عبود الله يحقق امنياتج وربي يوفق عيالنا وعيالكم
اليوم كان في لقاء تنويري ورحت الحمدلله اول شي قالولنا عن الدرجات وتوزيعهم وني حق الاهم
الرياضيات الامتحان بعد العيد مباشره وطريقه الاسئله نفس اللي بكتاب التمارين

ا لعربي حفظ الكلمات ومعانيهم وكلمات الضد وراح يحددون لهم درسين وييي واحد منهم والثاني قصه خارجيه +السلامه اللغويه هذا يعتبر بالورقه الثانيه والورقه الاولى تكون تعبير واملاء خارجي والخط

التربيه الاسلاميه حفظ الاحاديث ومعاني الكلمات اللي موجوده مع كل حديث +اسئله الكتاب و70 بالميه من الكتاب و30 بالميه اسئله خارجيه

العلوم حفظ التعاريف +حفظ وفهم حل ومراجعه الفصل لان قالو اكثر الامتحان منه سواء اكملي الفراغ او عللي +الرسومات ضروري تنحفظ

الاجتماعيات و الوطنيه حفظ الاسئله اللي بالكتاب واي شي الابله حاطه عليه ضروري

الانجليزي حفظ الكلمات للاملاء والset book وضروري الخط المشبك سواء الاملاء او الامتحان او اي شي اخر
وهذا كان لقاءنا التنويري بس الصراحه انا شايله هم العلوم والله كريم ربي ينجح عيالي وعيالكم

العفو يا قلبي
ربي يوفق عيالي وعيالكم ان شالله

الله يجزآآآج خيير ام عبوووود

وياج يا قلبي

الله يعطيج العافية ام عبود

بغيت الله يعافيكم طريقة امتحان العربي والتربية الإسلامية انا بجري الحين برابعه واحس ضايعه بطريقة الأمتحانات يعني بالدين احفظة معاني كلمات السورة اللي بالجدول تحت كل سورة

ويريت اللي عندها امتحانات مثل ام عبود في باقي المواد تحطها والله يسهل على عيالها ياااارب

الله يعافيج حبيبتي
ربي يبارك لكم بعيالكم ويحفظهم ان شالله ويوفقهم يارب


:hjy5jewf:

 

[كويتية منسية]

الله يعين الجميع

 

[om al ghaleen]

.. شلونكم امهات "

بالنسبه عن ماده العلوم لما رحت الاجتماع قالت انه التعاريف ماراح تيي الا بآمتحانات الفاينل وبتكون بطريقه سهله

قالت لاتخافين ولاتخوفين الولد بس شدي عليه ميخالف علشان يرتاح بالفاينل
كلهم طمنوني االا ابله العربي حدها ضيقت خلقي .. قالت المنهج صعب وكل شي بدرجاته عاد مو كويتيه يعني مافي تفاهم

وباجر عند ولدي امتحان رياضيات وابلته ماخذه الكتب من يوم الاربعاء ؟؟ يعني لو ماعندي المرشد جان توهقت
من صفحه 39 لين 49


ام عبود " الله يعطيج دوم الصحه والعافيه ع المجهود

وايت مسك " طريقتج حلوه وتشجع مشكوره


والله يوفق عيالكم الحلوين

\\

 

[سنعة وحبوبة]

شلونكم بنات

الله يوفق عيالي وعيالكم

قولوا آمين

 

[White Musk]

كل الشكر لام عبود الي يمعتنا مع بعض ما قصرت وعساها عالقوة

 

[منور بنت الطنايا]

مرحبا شلونكم

 

[<<لمار>>]

ام الغالين شلون ماراح تييهم التعاريف عيل شلون طريقة الاسئلة والعربى ليتج مستفسرة منها عن الامتحان انا موعارفة طريقتهم حاطة موعد علشان اقابل مدرسات ولدى ومحد رد على لى الحين

 

[::كيك وعسل::]

يوم الخميس عند بنتي اختبار علوم وشايله همها والتعريفات والحفظ واجد الله يستر

 

[أم عبووووود]

شلونكم خواتي

ام الغالين
الله يعافيج ياقلبي ويبارك لج بعيالج يارب

White Musk
العفو ياعمري تستاهلون حبيباتي كل خير

امتحان بنتي العلوم غدا باذن الله والله المستعان
ادعو لها بالتوفيق ان شالله

انا سالت ابلة العلوم عن الامتحان وطريقته طبعا هي كان كلامها عن الامتحان القصير في الفصل الاول
تقول مافي رسمات والتعاريف ماراح تكتبها بس تعرف المصطلح العلمي التعريف موجود بس هي تكتب المصطلح
بيكون فيه المراحل وعللي عالاقل خففت عليها دراسة الرسمات وقالت لي حتى الامتحانات الطويلة مافيها رسم بس تييهم الرسمه وهم يكتبون عليها الاجزاء

ربي يوفق عيالي وعيالكم

 

[<<لمار>>]

كيك وعسل وام عبود الله يوفق اعيالكم وييسر اموركم اللهم امين

 

[::كيك وعسل::]

جزاااج الله خير لمار
ام عبووود تكفين انا امتحان بنتي يوم الخميس قوليلي شنو جاه اليوم من اسئله

 

[اجمل احساس ..!]

رد : *** الي عندهم هالسنه رابعه ابتدائي حياها الله نناقش امور عيالنا ***

السلام عليكم انا باجر عند بنتي امتحان علوم والله يستر منه من صفحه 13 الى صفحه 33

درستها بس هي قاعده تبجي تقول يمه مادري شنو موفاهمه شي والابله تكتب بسرعه وتمسح

ولا افهم كلامها سريييييييييييييع والله مادري شنو اسوي فيها عاد هي اسم الله عليها متفوقه قبل

بس الله المستعان على هل المنهج اللي بطلعهم عباقره اوعلماء الله العالم

الله يوفق الجميع ياااارب

 

[أم عبووووود]

رد: رد : *** الي عندهم هالسنه رابعه ابتدائي حياها الله نناقش امور عيالنا ***

كيك وعسل وام عبود الله يوفق اعيالكم وييسر اموركم اللهم امين

الله يسلمج حبيبتي
ويبارك لج بعيالج

جزاااج الله خير لمار
ام عبووود تكفين انا امتحان بنتي يوم الخميس قوليلي شنو جاه اليوم من اسئله

هلا حبيبتي
والله من عيوني بس تاجل امتحانكم الخميس نفسكم ركزي على مراحل نمو النبات والتعاريف بس تعرف المصطلح وعلل والله يوفقها

 

[استعجلت الرحيل]

رد : *** الي عندهم هالسنه رابعه ابتدائي حياها الله نناقش امور عيالنا ***

الله يستر جاينا الدور في ولدي ماادري شلون افهمه او ادرسه

وابي الرياضيات شلون افهمه الاعداد الكبيره مااعرف اشرح له او اوصله المعلومه

 

[<<لمار>>]

الله يوفق اعيالكم بامتحاناتهم اللهم امين

 

[::كيك وعسل::]

ام الزعيم انا مثلج المنهج مادري شلون صاير لمن قعت وياها لخصت العلوم من ص12الى ص41
تعالي شوفي المصطلحات كم وحده وعللى والرسومات الله يستر بس ويعين الله
ام عبووود ماقصرتي ياقلبي ركزت على الرسومات والمصطلحات والله يوفقهم ان شاءالله

 

[ريوومة 1982]

حبايبي انا ابله رابع الله يعين اليهال و الله اني كل ما اطلع من رابع اتعب نفسيا لان كميه المعلومات وااااااااااااايد و البنات ما يستوعبون



و انتي عندج منهج و مخطط فصل و مراجعه و ووايد اشياء تسوينها شلون



انا باجر بعطي بناتي امتحان

ام الزعيم بنتج اي مدرسه ممكن اعرف و الا فيها احراج

اللي تقول لكم لا تدرسون التعاريف غلطانه لان امتحان نهايه الفصل من الوزارة و محد يدري شنو ممكن يكون
ا او اكملي الفراغ

و بعض اسئله علل لازم يكزن على الاقل فاهمه عدل
و بعدين احيانا يجي على صح او خط