المغتربين بالاردن وخصوصا أربد

[إستبرق]

السلام عليكم ورحمه الله



انا صارلي الحين تقريبا 5 ايام بالاردن مع زوجي وعيالي رايحه مع زوجي عنده بعثه والصراحه 5 ايام حسيت انهم سنه :eh_s(11): انا بصوب وبنتي حبيبتي بصوب كل يوم تقولي ابي اروح الكويت تبي خواتي وبنات اختي وملل مو طبيعي ماكو شي نسويه مع ان قريب عندنا مجمع ارقى مجمع باربد بس هم مافيه شي ملل ملل
فقلت اشوف منو موجوده باربد عشان شوي شوي نتعرف على بعض ونواسي بعض ونوسع صدورنا

والله يهون على الكل

 

[ام ديما]

رد : المغتربين بالاردن وخصوصا أربد

اربد الله يعينج مافيها الا القليل

خلي زوجج يسال السكرتيرة المكتب الثقافي الكويتي عن العوايل الموجودة وتعرفي عليهم لان الكل هناك ما يعرفون بعض فاسلي احسن لج عشان تستانسين

اللة يردكم بالسلامة

 

[queen2007]

رد : المغتربين بالاردن وخصوصا أربد

هلا حبيبتي توج من شهر عشرة وتتشكين الله يعين قلبي من شهر 7 وانا اهنية مليت طقت جبدي وبنتي ملت حفظت كل شي الاردن ومن الملل سجلتها بحظانه بعد شسوي

حبيبتي انا بعمان وحياج الله اخت وغالية

 

[ام سلمان---4]

حسافه انا كنت قاعده 5 اسنين وماعرف احد وكنت ساكنه جنب المجمع اربد مول لاكن الحمدالله زوجي تخرج من شهر سبعه ورديت الكويت واللي اعرفه ان مافي كويتيات بربد لان انا ماعرف احد غير في اسعوديات واجد ساكنين بنفس المنطقه

 

[الماسه.80]

رد : المغتربين بالاردن وخصوصا أربد

الله يردكم سالمين يختج ماحس الي يسمع الاذان بغربه

الله يعين المغتربين بدل اجنبيه ومايسمعون حتى ذكر الله

 

[queen2007]

رد : المغتربين بالاردن وخصوصا أربد

بعد قلبي االله يعينكم والله

 

[إستبرق]

ام ديما صاجه اربد ملل  الله يعين ويهون




كوين الله يعين والله طالعه روحنا وبنتي هم سجلتها حضانه وعمان زين احسن من اربد اربد مافيها شي كلش ملش  وحبيبتي والله على راسي



ام سلمان غميضه مالحقت عليج وانا تعرفت على سعوديه تهبل اسم الله عليها بس هم زوجها بشهر ١٢ اخر شهر له الله يوفقهم وانا ساكنه عند اربيلا مول

 

[إستبرق]

الماسه اي اكيد اهون ديره عربيه بس هم الغربه صعبه



كوين يسلم قلبج حبيبتي وامين يزاح ربي كل خير وعافيه

 

[queen2007]

رد : المغتربين بالاردن وخصوصا أربد

زين والله استبرق لقيتي احد تتسلين معاهاا

وشتسوين بعد قزري الوقت وحطي بببالج انها مو مثل صديقاتج ورفيجاتج اللي تعودتي عليهم يعني مومن اي موقف تحتسين عادي طوفي عشان ما يضيق خلقج وتملين عرفتي

وانا بعد تعرفت على اردنية تهبل معاي بالعمارة تو شروها الشقة وحبوبة حيل

واذا مريتوا عمان قوليلي قبل خل اشوفج ونخلى بناتنا يلعبون مع بعض عندي اماكن للاطفال بعمان تهبل بصراحه احلا من اللي قالولي عنها بالمولات وان شاء الله تنعرف على بعض

 

[إستبرق]

رد: رد : المغتربين بالاردن وخصوصا أربد

زين والله استبرق لقيتي احد تتسلين معاهاا

وشتسوين بعد قزري الوقت وحطي بببالج انها مو مثل صديقاتج ورفيجاتج اللي تعودتي عليهم يعني مومن اي موقف تحتسين عادي طوفي عشان ما يضيق خلقج وتملين عرفتي

وانا بعد تعرفت على اردنية تهبل معاي بالعمارة تو شروها الشقة وحبوبة حيل

واذا مريتوا عمان قوليلي قبل خل اشوفج ونخلى بناتنا يلعبون مع بعض عندي اماكن للاطفال بعمان تهبل بصراحه احلا من اللي قالولي عنها بالمولات وان شاء الله تنعرف على بعض

اي الحمدالله صج انها شهر تقريبا ويروحون بس هم شوي نتسلى
وزين عساها دوم تظل زينه يارب وتهون الوضع عليج
وان شاءالله بس بننزل عمان ابلغج وانتي بالعيد تنزلين للكويت

 

[queen2007]

رد : المغتربين بالاردن وخصوصا أربد

اي اكيد بنزل بس خمس ايام وارد

في عندج بحدايق الحسين متحف الاطفال شحلاته للبنتج راح تستانس فية شفتي العب المركز العلمي نفسة بعد انا عندي احلا منه واحلى شي بعمان للطفل راقي ونظيف مو مثل باجي الالعب

بنتج جم عمرهاااا

 

[إستبرق]

احنا باذن الله بننزل ١٠ ايام
وصج يعني حلوه عشان اروح لها بالويك اند حدايق الحسين الي بطريج عمان ؟
وبنتي عمرها قريب ال ٣ سنين ان شاءالله 

 

[queen2007]

رد : رد: المغتربين بالاردن وخصوصا أربد

احنا باذن الله بننزل ١٠ ايام
وصج يعني حلوه عشان اروح لها بالويك اند حدايق الحسين الي بطريج عمان ؟
وبنتي عمرها قريب ال ٣ سنين ان شاءالله 

اي قريبة من سيتي مول واذا معاكم نوفيقيتر بسرعه توصلون ترا حييل حلوة اليوم هم وديتي بنتي بس ما استانست بسرعه سكروا وعلى فكرة عطلتهم يوم الثلاثاء

وبعد روحي وسط البلد اذا تبين جلابيات اردنية ارخص من المولات وتاكسرينهم

انا فصلت بالمول لي وبنتي ميني دراعه عرفتيها اللي تصير قصيرة ومعاها لفة للشعر والجنطه للعيد قلت انا واهي نطقم عمرها بعمر بنتج تقريبا اذا يميدج فصلي انتي وبنتج حلو يصير عليكم ترا

وبعد عندج مكه مول حلو اغلبة ملابس اطفال واي استفسار انا حاضرة

اي وبعد عندج الاستقلال مول هم بعد في جلبيات بس المجمع مو هذاك ترا يعني عادي

ولازم تروحو لمطعم ريم البوادي عندهم منسف خطير


وسلام يا الغالية

 

[إستبرق]

رد: رد : رد: المغتربين بالاردن وخصوصا أربد

اي قريبة من سيتي مول واذا معاكم نوفيقيتر بسرعه توصلون ترا حييل حلوة اليوم هم وديتي بنتي بس ما استانست بسرعه سكروا وعلى فكرة عطلتهم يوم الثلاثاء

وبعد روحي وسط البلد اذا تبين جلابيات اردنية ارخص من المولات وتاكسرينهم

انا فصلت بالمول لي وبنتي ميني دراعه عرفتيها اللي تصير قصيرة ومعاها لفة للشعر والجنطه للعيد قلت انا واهي نطقم عمرها بعمر بنتج تقريبا اذا يميدج فصلي انتي وبنتج حلو يصير عليكم ترا

وبعد عندج مكه مول حلو اغلبة ملابس اطفال واي استفسار انا حاضرة

اي وبعد عندج الاستقلال مول هم بعد في جلبيات بس المجمع مو هذاك ترا يعني عادي

ولازم تروحو لمطعم ريم البوادي عندهم منسف خطير


وسلام يا الغالية

حبيبتي والله اي عندنا نوفيقيشن يبيلنا روحه عيل باذن الله وبنتي شريت لها من مكه مول اهي وولدي بدل العيد بس النفنوف الاساسي طلبته لها من النت والحين بالكويت احنا بنروح باذن الله قبل العيد بجم يوم فاستلمه بس لي ماخصلت ماتعرفين زين محل تايورات حلووه وكشخه لنا وحلو الميني دراعه شكلي بسوي لنا اذا مدى على جم سويتيهم وبالعافيه يارب وابي مطعم مشاوي حلو وحمص وتبوله ابيه الي هني باربد الحمدالله على النعمه موشي حتى من جيت مسويه دايت وميرسي حبيبتي

 

[queen2007]

رد : رد: رد : رد: المغتربين بالاردن وخصوصا أربد

حبيبتي والله اي عندنا نوفيقيشن يبيلنا روحه عيل باذن الله وبنتي شريت لها من مكه مول اهي وولدي بدل العيد بس النفنوف الاساسي طلبته لها من النت والحين بالكويت احنا بنروح باذن الله قبل العيد بجم يوم فاستلمه بس لي ماخصلت ماتعرفين زين محل تايورات حلووه وكشخه لنا وحلو الميني دراعه شكلي بسوي لنا اذا مدى على جم سويتيهم وبالعافيه يارب وابي مطعم مشاوي حلو وحمص وتبوله ابيه الي هني باربد الحمدالله على النعمه موشي حتى من جيت مسويه دايت وميرسي حبيبتي

اي حبيبتي النوفيقيتر يسهل عليكم اماكن كثيرة انتي شوفي شنو تبين انا اقولج وين وطلعوة منه وبسرعه بتوصلون

بصراحه تاييرات لنا ما شفت شي يسوي بصراحه غير الدراريع ماكو شي مع اني مو راعية دراريع بس شوقتني اهنية اغير الموديلات واسوي بس تطريزهم وخصوصا اليدوي حلو حيل واخلية قمصان بدال دراريع .

عندج زارا اللي بالسيتي مول للاطفال احلا من اللي عندنا بالكويت بوايد تدرين ليش لان اللي عندنا الحمد الله والشكر من تنزل البضاعه تطير بسرعه جنهم مخترعين ولا مفاصيخ ماتلقين شي يسوي بالكويت بس اهنية مكود الموديلات على كيفج.

ولازم لازم تروحين حلويات حبيبة عندهم كنافة عجييييييييبة لمن كلمتيني مساع كنت اكلها صج صج تندمين اذا ماذقتيها ان شاء الله اذا تواجهنا راح اعزمج عليها .

اذا تبين حمص وماحمص بس بدون مشاوي عندج مطعم بوجبارة طبعا غيرة لاتذوقين هالشغلات نظيف وحلو حيل والقعده حلوة بعد

والمشاوي بمطعم ريم البوادي بس عادية بصراحه ذقت كباب خشخاش بمطعم حلو بشارع مكه بس نسيت اسمه باجر اقولج عنه

بس تبين اكل حلو صج روحي مطعم ايزاجيلا بشارع المينه المنورة حييل حلو وهادي يعني اخذي معاج دي في دي لبنتج لاتزعجك واطلبي مرقة الفاصوليا تهبل حييل

وبعد اي سوال امري بالخدمه

تعالي وين عندكم يفصلون فروات حلوة سالت اهنية قالولي باربد تحصلين ابي افصل لي على طريقة جاكيت طويل ولبنتي نفس الشي بنطقم انا واهي عشان المخيمات بالعطلة .

وفرصة سعيده تعرفت اليوم عليج وكلمتج حياج الله ياالغالية ​

 

[premie015]

Self-help (joke)

I went into a bookstore the other day and asked the woman behind the counter where the self-help section was. She said, "If I told you, that would defeat the whole purpose." (note: "self-help" has two meanings 1) you take without paying 2) you can choose as you like)No money no way in real life,no gold no way in game!

 

[إستبرق]

حبيبتي كوين ماتقصرين عالمعلوماات وتشرفت بمعرفتج حبييتي
ولا والله ماشفت اهني محلات للفروات للحين بس اعرف وين ابلغج باذن الله

 

[وجدان الكويت]

الله يعينكم على الغربة

انا كنت مع زوجي باربد بس الحمدلله تخرج

الشي الوحيد اللي كان يهون علي اهو الجو موو طبيعيييي بس الله يعينج استبرق على البرد بعد شهرين

وتعرفت على حريم ربعة ثنتين خوش بنات والله

وطلعي تمشي انتي وبنتج اذا راح الجامعة وتعرفي علشان شوي تكسرين الملل

وترى الغربة صعبة باول الايام بعدين راح تتعودين

 

[queen2007]

رد : المغتربين بالاردن وخصوصا أربد

شكرا وجدان على الشعور الطيب ماتقصرين وفعلا ترا بالبداية صعبة تالي تتعودين مثلي هههه

شكرا استبرق ياريت بس تعرفين عنوان تقولين لاني بفصلهم قبل لا انزل للعيد وشكرا حبيبتي

 

[إستبرق]

وجدان حبيبتي والله امين يارب تسلمين حبيبتي والحين الجو تبارك الرحمن يهبل وقالوا بعد شهرين برد وايد الله يحفظ اليهال شايله همهم
وانا بنتي الحمدالله من الحضانه شوي وسعت صدرها وانا على هالاشهر بشوف لي شي الهي نفسي فيه وبشوف اذا في دورات خياطه وتريكو
والله كريم