المدارس الخاصه بالكويت

[أوركيد]

مشاركة: المدارس الخاصه بالكويت

جولي ....

اللي اعرفه البيان ثنائية اللغة بحولي مو بالجابرية ...

التكامل واااايد زينة ...وماسكها الخليفي ...

بس اسعارها غالية ...الابتدائي 1800 تقريباً ....واذا بتحطين 3 الله يحفظهم ..

اهي بعيدة بس ترى طريجها سهل ...اهم شي مو بحولي ولا سلوى وزحمتهم ...

 

[كيكة كاكاو]

مشاركة: المدارس الخاصه بالكويت

الموضوع قديم بس توني اشوفه
واااااااايد عجبني
انا بصراحه سجلت ولدي بروضه الحكومه بس جني تحسفت
بصراحه فكرت بالمصرف واحنا قاعدين نجمع عشان نشتري بيت ( جنه ما لنا امل )
الحين قاعده افكر اخليه سنه بالحكومه بعدين انقله لان الحين اكيد خلص التسجيل بالخاص
انا ابي مدرسه ثنائيه اللغه ما ابي انجليزيه وابي تكون مناهجها مثل الحكومه عشان اذا دش الجامعه ما يتوهق
لان اعرف ناس من مدارس خاصه سقطوا بالجامعه بس فالحين باللغه اما بالرياضيات والعلوم رايحين فيها
وبعد ما ابي مدرسه مثل الباكستانيه عيال خالتي فيها وكل ربعهم مو كويتيين ( والنعم فيهم بس ابي عيالي يصير عندهم علاقات وربع )
وابي بعد اهتمام بالدين عشان الرفقه الصالحه
الحين اللي وصلت له من كلامكم :
القطوف , الرؤيه , التكامل , النجاة , روض الصالحين
ياليت اللي تعرف اسعارهم واماكنهم ومعلومات عنهم تفيدني
ومتى لازم اروح اسجل ؟؟
يا ليت تفيدوني ( عسى القا احد يدش الموضوع قديم )

 

[xxx]

مشاركة: المدارس الخاصه بالكويت

كيكة كاكاو

مشكورة على رفع الموضوع

القطوف

مدرسة عربية
الرسوم (الروضه) = 170 بالسنة


الرؤيه

مدرسة ثنائية اللغه
الرسوم = 1000 وشوي


التكامل

مدرسة أجنبية
الرسوم = 1000 وشوي


النجاة

مدرسة عربية
الرسوم = 100 وشوي رخيصه


روض الصالحين

مدرسة ثنائية اللغه
الرسوم = 1000 وشوي



التسجيل شهر 2/2007 ان شاءالله

 

[كيكة كاكاو]

مشاركة: المدارس الخاصه بالكويت

مشكوره بنت الكويت وما قصرتي كفيتي ووفيتي

 

[avimore]

مشاركة: المدارس الخاصه بالكويت

بنات اللي مدخلين عيالهم المدرسة الباكستانية يقواون لي شلونها؟

 

[ZnBQ]

مشاركة: المدارس الخاصه بالكويت

bnat mno sam3a 3n ilgulf mentosory ili bslwa ?
or mntosory ilkuwait ili bilgabryah ?

 

[المشكاة]

مشاركة: المدارس الخاصه بالكويت

bnat mno sam3a 3n ilgulf mentosory ili bslwa ?
or mntosory ilkuwait ili bilgabryah ?

هلا بزنابق الخير ، أفنان وايد زينة لا اتحاتين وايد

 

[سيدة الكويت]

ليش المدارس الخاصه سارت غاليه

 

[مشغوله و محتاسه]

رد: مشاركة: المدارس الخاصه بالكويت

بنات اللي مدخلين عيالهم المدرسة الباكستانية يقواون لي شلونها؟

حبوبه ولدي فيها ... اللي بالاحمدي ..
و هالسنه برده للحكومه ... لان بصراحه دراستها وايد ضغط .. و بثانيه روضه يبونهم يكتبون بالخط المشبك!! و التركيز على العربي و الدين ضعيف طبعا.
ما فيها لعب ووناسه مثل رياض الحكومه ... و ماكو ولا وحده من اللي اعرفهم
ما تودي عيالها للتقويه العصر علشان تلحق ... واختباراتهم بالروضه ما تغشمر ..

احسها مضغوطه زياده ...

و الحلو ان منهج الانجليزي بالحكومه تحسن وايد ... يعني ماله داعي تطشير الفلوس

موفقين ..

 

[وهــج]

اخواااني في المعرفه النمووذجيه في المنقف

إتييينن عجيبه

وأسعارهم بـ 600 دينار..

الحلو فيها اينجحوون الدعل اللي عندنا,,

 

[xxx]

وايد مدارس حكومية عربيه يمشون اليهال من الابتدائي

وهالشي مو زين يأثر عليه

 

[سيدة الكويت]

ايهما أحسن ............روض الصالحين ....أو الرؤيا ؟؟؟؟

 

[وهــج]

سيدة الرؤيا كلش يمدحوونها,,وكل اللي فيها عيال جخ ,مدرسه فووق فوووق واخلاق اللي فيها وايد زينه

 

[bnt q8 in usa]

انا عقب فره وحنه ودوخه وتسال من كل صوب وبحكم انه عيالي منهجهم امريكي بحث بحكم عيشتهم
ف قررت باذن الله احطهم بمدرستين للحين مارسيت علي وحده منهم
الكويتيه الامريكيه وهذي صارلها 40 سنه ومن اقوي المدارس الامريكيه
او او الامريكيه الدوليه وهذي بميدان حولي قويه وتاف وسالنا عنهم
وهم هذيل تحت اشراف السفاره الامريكيه مع التعليم الخاص
رحت شفت النظام عجبني

وطبعا مافي خصم علي اي ياهل يعني لو انشالله عيالج 3 وفوق مافي خصم عليهم
ومنهج العربيه مثل الحكومه
والحين زهبت اوراقهم بس ناطره يقدمونهم لي بشهر 2 حق شهر 9 \2007 باذن الله

بالنسبه للعالميه الامريكيه الي بسلوي مانصحوني فيها لانه اغلب الموجودين
الطلبه يعني مصرييين ف حوسه جذي

 

[سيدة الكويت]

بس اخاف ما يقبلون بنتى لازم امتحان مستوى اهيه بتروح 6 السنه الجايه

شنو اسوى

 

[شـــــــــمس]

رد: مشاركة: المدارس الخاصه بالكويت

بنات ارجوووووووكم
محد سامع عن مدرسة الفحيحيل النموذجيه؟؟
هذ ي المدرسة اللي يمي بالمنطقة العاشرة
؟؟
واسعارها زينه مو غاليه

محد يعرف مدرسه الفحيحيل النموذجيه او سامع عنهااااااااا

 

[سيدة الكويت]

وينكم يا بنات ؟؟؟؟؟؟؟؟؟؟؟؟

 

[وهــج]

لولو وأم الحلوه مدرسة الفحيحيل النموذجيه ؟
يمكن قصدج الانقليزيه؟؟؟ لنه مافيه فحيحيل نموذجيه عربيه @@

أممم فيه المعرفه النموذجيه بالمنقف

امم القرى النموذجيه بو حليفه

بس فحيحيل أول مره اسمع عنها!!​

 

[سيدة الكويت]

انزين سمعتو عن مدرسه ...انجلو ...اعتقد الأكاديميه العربيه الأنجليزيه فى حولى ماسكها المطوع وأهيه ثنائيه

وبعد مدرسه المستقب بالفحاحيل

 

[malgoofah]

اختي بنت الكويت لما قارنتي بين المدرستين اي وحده لقيتيها أحسن؟ انا اعيالي بالأمريكيه الدوليه بس مادري ودي انقلهم السنه اليايه حق مدرسه ثانيه اتكون مو مختلطه و للحين محتاره وين اوديهم ابي مدرسه نظام امريكي و قويه بس مو اختلاط عندج فكره؟