المدارس الخاصه بالكويت

[bnt q8 in usa]

انصحج ملقوفه لاتطلعينهم من الدوليه تري قويه قويه وتعرفين القويه من شنو من انه ماعليها خصم سالفة الخلط تري صدقيني مو مشكله لو عيالج تحت نظرج

اذا تبين مو خلط شوفي الابداع ولوا انه رفيجتي عيالها مو مرتاحين وايد
ونفس الشي التكامل هم نص ونص علي كلامهم والله

 

[سيدة الكويت]

ما كو مدرسه كامله

 

[malgoofah]

مشكوووره اختي بنت الكويت صج ريحتي قلبي كنت احاتي و بيني و بينج ولدي استعسر و ضاق خلقه لما قلتله اشرايك انقلك الأبداع طنقر حيل و قال مابي و مشكلتي ما اقدر انقل البنت الابداع واخليه بالأمريكيه عشان العطل غير عن بعض و مو شي اذا بغينا نسافر راح اتقيد فشكلي راح اخليهم والله يعينا و يصلحهم

 

[أم ملاك]

بنات ياليت تفيدوني بشغله ... ابي المدارس الخاصه اللي مستواها زين بس اسعارها تحت ال 1000 ؟؟؟

بنتي بدش روضه وماني عارفه وين اوديها ماودي حكومه كلش بس مابي شي كلش غالي بحسب حساب اخوها وراها بعد ؟؟

بس مابي هنديه ولا باكستانيه لاني سامعه ان اذا نقلته حكومه ينزلونه سنه من عمره حرام ؟؟

شراااااااااايكم ؟؟

 

[bnt q8 in usa]

ام ملاك للاسف مااقدر افيدج عن المدارس الي بالسعر هذاا

 

[xxx]

بنات ياليت تفيدوني بشغله ... ابي المدارس الخاصه اللي مستواها زين بس اسعارها تحت ال 1000 ؟؟؟

بنتي بدش روضه وماني عارفه وين اوديها ماودي حكومه كلش بس مابي شي كلش غالي بحسب حساب اخوها وراها بعد ؟؟

بس مابي هنديه ولا باكستانيه لاني سامعه ان اذا نقلته حكومه ينزلونه سنه من عمره حرام ؟؟

شراااااااااايكم ؟؟

عندج المعالي ثنائية اللغه 1روضة = 760 دينار بس مايندرى هالسنة يمكن يرفعون الأسعار

ومدرسة أسرار القبندي ثنائية اللغه = 600 وشوي

هذول الي اعرفهم

وعندج المدارس العربي 1روضة 170 دينار

 

[mooomooo]

بنات سمعتوا عن اكاديمة الخليج البريطانيه ؟؟

وبغيت اسئل عن المعالي اشلون مستواها ؟؟

واسعارها اولى روضه وابتدائي

 

[mooomooo]

عاد انا مثلج ام ملاك

عندي 3 الله يخليهم

ومابي مدارس غاليه

اكاديمية الخليج الانجليزية كانت اسعارها زينه بس يوم رحت اسئل والا زايدين الاسعار بس تعتبر زين يعني اولى ابتدائي 1100

وسنه 6 - 1500

مادري محتاره ولدي بروح اولى ابتدائي وبنتي اولى روضه

ان شاء الله

 

[bnt q8 in usa]

ياجماعه نصيحه خلوا عيالكم بالمدارس الامريكيه افضل من الانجليزيه وهذا كلام وايد ناس جربوا الانجليزيه وتندمواااا
والله يوفق عيالكم ويحميهم يارب

 

[أم ملاك]

بنات اللي تعرف ارقام هالمدارس تفيدنا :

مدرسه الفحيحيل النموذجيه (قالت عنها لولو)

جلف برتش اكاديمي

انجلو اراب اكاديمي

 

[mooomooo]

ام ملاك تبين اسعار اكاديمية الخليج البريطانية
حضانه : 800
اولى روضه : 950
ثانية روضة : 990
اولى ابتدائي : 1100
ثانية ابتدائي : 1150
ثالثه : 1200
رابعه :1300
خامسه1350 :
سادسه 1500:

هذي اسعارهم اليديده
وهذا عنوانهم www.gulfbritishacademy.com

 

[المحامية هبة السهلي]

الاكاديمية الانجليزية الكويتية
الجابرية
ت5341669-5340428

ممتازة بنات لا اتفوتكم قوية عربي وانجليزي ودين واسعارها ممتازة بس مختلطه المدرسات بريطانيات والعربي سوريات وفلسطينيات والدين كذلك

 

[أم ملاك]

جيكوا على المدارس الخاصه بهالرابط راح يفيدكم :

http://www.q8yat.net/showthread.php?t=13072

 

[mooomooo]

اشلون المعالي بنات ؟

لاني رحت لهم اليوم وبصراحه حيل ارتحت لهم

احتمال ادخل عيالي هناك

 

[حمرة الورد]

شرايكم بكيمبرج سكوووووووول

 

[ضحـاوي]

انا عندي احسن شي الرؤيه والتكامل اضمن الدين واللغه بنفس الوقت
ودي ادخل بنتي في وحده منهم ,,,,,,,,,,,,,,,,,,,

 

[أم ملاك]

بنات اشلون طريقه الدفع للمدارس الخاصه هذي ؟؟ يعني الهندية والباكستانيه رسومهم قليله لكن الباجي ... اشلون ؟؟

 

[xxx]

بنات اشلون طريقه الدفع للمدارس الخاصه هذي ؟؟ يعني الهندية والباكستانيه رسومهم قليله لكن الباجي ... اشلون ؟؟

هلا حبيبتي

كل المدارس نظام تقسيط

 

[أم ملاك]

انا دقيت وجيكت على المدارس بالنت ادري ان دفعات المبلغ الاصلي بس مثلا بدايه الدراسه او شهور معينه لما تدفعين دفعه يكون مبلغ كبير 500 مثلا اشلون ادفعه واهوا مبلغ كبير ؟؟؟

 

[وسن 11]

انا دقيت وجيكت على المدارس بالنت ادري ان دفعات المبلغ الاصلي بس مثلا بدايه الدراسه او شهور معينه لما تدفعين دفعه يكون مبلغ كبير 500 مثلا اشلون ادفعه واهوا مبلغ كبير ؟؟؟

هذا اللي كاسر ظهورنا