المدارس الخاصه بالكويت

[سيدة الكويت]

نسيت اقول وعطلتها مع الحكومه + عطله العشر الأواخر من رمضان

 

[ضوى العيون]

وشنو نظام الاكسنت مالها جم التكاليف

 

[سيدة الكويت]

نظام امريكى ابلتهم انجليزى امريكيه الجنسيه والبعض عرب عايشين بره

الروضه 950

ابتدائى 1300 يمكن

المتوسط ما ادرى يمكن 1500

 

[xxx]

مشكورة على المعلومة

 

[طيبة الكويتية]

الأخت اللي اذكرت انه النظام الأمريكي احسن من البريطاني او الانجليزي نفس ما قالت, ممكن اعرف شنو الأسباب؟
من وجهة نظري انا اشوف الأمريكي سهل و اشويه تسيب مع الياهل اما البريطاني يدرسونهم عدل و التزام. و احب اعرف رايكم خواتي

 

[سيدة الكويت]

حياج الله بنت الكويت العفو

 

[نور-العيون]

المدرسة الباكستانية اللي بخيطان ممتازة اللي ورا مجمع الدبوس ولدي بثانية روضة احسن من اخوانه اللي بثالثة ورابعة ابتدائي بالحكومه يعرف الحروف انجليزي وعربي وكلمات عربي وانجليزي والأرقام الانجليزي الى100 وماقبل الرقم وبعده
وقرآن واناشيد انجليزي وعربي
وأسعارهم رخييييييييييييصة جدا
والحين عندهم تسجيل حق الروضة
وياليتني كنت مسجلة الكبار فيها بس راحت علي وانا من كانت بنتي بألى ابتدائي حاولت انقلها لهم ماوافقوا لأن لازم تكون مسجلة عندهم من اولى روضة مايسجلون اكبر
واذا الطالب تفوق عندهم يودونه بعثة دراسية على حسابهم يدرس بالخارج

 

[نور-العيون]

ونظامهم بريطاني وطلبة الثانوي اختبارهم من قبل السفارة البريطانية
يعني المدرسة قوية

 

[Dalo3a in Texas]

نور العيون مشكوووووووووووره على رفعج للموضوع عيزت وانا ادوره

 

[نور-العيون]

ومديرة المدرسة تهبل تدخل الصفوف على الطلبة من الروضة الى الثانوي وتقعد معاهم بين فترة وفترة وطلع المدرس او المدرسه وتسالهم عن اخبارهم واوضاعهم يفهمو من المدرس ولا لأ وتسالهم عن مستوى المدرس مرتاحين من المدرس
وقبل الامتحانات تدخل عليهم مستعدين ولا لأ
يعني مديرة المدرسة قمة بالتعامل وراقية بتعاملها مع الطلبة واولياء الأمور

 

[نور-العيون]

العفو حبيبتي

 

[ام عفاف الكويت]

الحين وين احط المحرووسه فوفه حضانه وروضه ابي تأسيس قوي وللعلم مو مهم الرسوم عادي مو خساره بالتعليم

 

[ام عفاف الكويت]

اللى بخيطان اي صوب

لايكون اللى بالبراحه وره سوق محاميد مافيها عرب ولا مره شفت ؟

 

[الفاتنة]

الله يعينا فوق هالغلا كلة مدارس عيالنا بفلوس ما اقول الا آآآآآآآآآآآآآآآآآآآآآآآآآآة واويلاه

 

[Dalo3a in Texas]

شخبار المدارس بالكويت شنو احسن شي الحين ؟؟؟؟

 

[Dalo3a in Texas]

up up

 

[موني موني]

مدرسة الحياة العالمية ... خبراتكم اللي تعرف عنها شي تفيدنا بلييييز ..

و دسمان بعد ؟..

 

[موني موني]

شدعوة و لا احد يعرف \؟؟؟

 

[Dancing^Queen]

انا ابي مدرسه بريطانيه حق بنات مو مختلطه
بس لاتقولولي اللي بسلوي بليييييييييز

 

[MaMi]

انا ابي مدرسه بريطانيه حق بنات مو مختلطه
بس لاتقولولي اللي بسلوي بليييييييييز

ليش شفيها اللي بسلوى ؟
انا سمعت انه في مدرسه وايد زينه بسلوى البنات مفصولين عن الاولاد بس ليلحين مو عارفه شسم المدرسه :0bee2e8d89: