اللي حابه تساعدني بافكارها تتفضل

[حواء الكون]

السلام عليكم بنات ... شلونكم ان شاء الله اواخر فيها الخير لنا كلنا ومغفره ورحمه

انا ناويه اسوي كتاب... ادري دوختكم بهالسالفه بس الحين عندي المقدره .. بس

حبيت اطرح الفكره لكم هني .. شنو المواضيع اللي حابين اتطرق لها بالكتاب

عشان لما اخلصها ماتقولي وحده ليش ماتكلمتي عن هالباب او الخيانه او او او؟

وبعدين اللي حابه تطرح افكارها اهلا وسهلا واللي ماعندها افكار... مو مشكله ترفع الموضوع

عشان لما ارجع اشوفه ... هذا لو يهمكم الموضوع .. وكتابي عن السعاده الزوجيه

تعالج مشاكلكم بشكل موضوعي ؟ وامانه عليكم ماشبعتوا مشاكل؟ ادش القسم

اشوف اشياء تلوع الجبد ومشاكل ياريتها تسوي معظمها سخيف

ونص المشاكل سببها الحريم ... اي نعم تقدرون تقولون سبب بلاوي الحرمه اهي الحرمه نفسها

ويالله ساعدوني بالافكار الحلوه .. عشان احط النقاط عالحروف :eh_s(22): يعني هاتوا ماعندكم واحد واثنين وثلاث واكثر شي تبون تفهمونه بالريال وطبعه .. والخ واهم نقطه لازم تنتبهون لعيوبكم ياحريم اول شي قبل لاتشوفين عيب الريال شوفي عيوبج ولاتزعلون من الحق ... ورحم الله امريء اهداني لعيوبي:eh_s(15):

يالله ابي تشجيع ودفعه معنويه :eh_s(9): لان تحضير هالاشياء والكتابه عنها باخلاص مو شي هين

والله يحمينا كلنا من شرور انفسنا ومن العين .. والحسد ... قولوا آمين

ماشاء الله ولاقوة الا بالله .. قولوا دايما وبكل مكان عشان ماتصيبون احد بدون قصد

وحافظكم الرحمن :eh_s(17):

 

[خالف تعرف]

هل صحيح الريال حتى لو مرتاح مع زوجته وفبيته وكل شي على كيفه يحب يخون ؟ يعني طبع ولا تسليه ولا شنو بالظبط
وبسالج الكتاب الي بتسوينه شسمه ومتى ينزل ومنو حضرتج ؟

 

[noura ooo]

الله يقويك ويكون كتابك طريق لصلاح اسره وزواج

الكتاب لا يكون كله موجه للمرأه ترى والله ملينا كل الكتب تهدف لاصلاح المرأة واسعاد الزوج
يعني سوي كتاب ماعلى المرأه وماعلى الرجل بالمقابل

مثلاً تعلمين الحريم شلون تطبخ وتكشخ وتحب اهل زوجها وتصبر وماالى ذلك
بالمقابل انصحي الزوج
اهتم بزوجتك اللي تركت اهلها وعاشت معك واستئمنتك حياتها << خوش فيلم هندي
وترا المره تفكر ان اهتمام الزوج يبرز من ناحية كرمه من ناحية المال والهدايا والدلع النفسي

وخليهم يصبرون علينا يعني رفقاً بالقوارير (ناقصات العقل والدين ) << احم احم

وش اقول بعد ؟؟

 

[عسل سل]

احسن شي بما ان فيه شكثر بنات تعقدو من الزوااج وبيني ان الرجال اغبلهم زيننين طبعا طل هالكلام هههه وانه مسؤوليه وشي روتيني وصلي فكره بالكتاااب انه الزوجه ممكن تكووون زوجه وصديقه مو شي رسمي يعني

 

[∫ ∫ ∫ ∫ جــوان ∫ ∫ ∫ ∫]

انا طموشه ماعندى فكره

بس الله يوفقج

 

[caramella <3]

الله يوفقج حبيبتي ,, ما عليج امر لو تتكلمين عن الخالة (ام الريل ) اذا كانت شرانية و عسرة ,, شتسوي الجنه و شلون تتعامل معاها و تكسبها ؟؟؟؟

 

[محتارة وبصيح]

ابي موضوع كيف تصتطادين المعرس لوووووووول

 

[أعرفك نفسي]

ياريت المرا تخف عن المرا وتقلل من اتهامهه وتعالي شوفي القسم والله بنات مثل العسل رياييلهم تخونهن ليش ؟؟؟ لانهم ما يشبعون
ياريت توضحين ان اغلبنا بنات مثقفات ومتعلمات ونعرف شلون نتعامل مع ازواجنا بحضارية لكن الرياييل ما يشبعون
واللي تقولج صيري فتاة ليل خق ريلج وما يخونج ، بالله عليج هذا عذر كافي للخيانة
اصلا منو هالايام ما تعرف بامور الجنس او ما تشبع زوجها ، ولا احد شوفي البنات اللي بالمتوسط يعرفون كل. شي ماكو احد غشيم
اذا انتي صج تبين كتاب فعال خلج حيادية لا تظلمين المراة ولا تنحازين للرجل
واسفة وايد سولفت <<<<< من حرتي

 

[هيبة ملك]

أهم شئ تكلمي عن الخيانة واسبابها

وليش الرجال مايملي عينه شئ
وتكلمي عن أطباع الرجال وشلون نتعامل مع كل واحد على طبعه

 

[Hello_kitty]

اول شي ماشالله لاقوه الا بالله الله يوفقج ويسرلج اموورج

ثاني شي ياليت توعين الحريم بحقوقهم واللي لهم وعليهم ومتى الوحده تصبر وتتحمل ومتى تطق ستوب وتحط حق كرامتها اعتبار

لان اشوف ردود بالمنتدى من بنات صغار ومتعلمين انصدم عادي عندهم الريال يخون يطق يسب ويطرد ويهين وتنصح صاحبه المشكله كشخي وسويله ليالي

ومفاجات ولا ترد عليها عادي كل الرياييل جذي@@

امبيه صدمه في اشياء الوحده تتحمل واشياء ما تنازل عنها لا بالدين ولا القانون يسمح باهانه المرأه واحتقارها عشان اهو ريال وعادي

منو قال عادي ومنو قال كل الرياييل جذي؟ وليش غلطهم مرفوع وغلطنا ممنوع اذا بالدين هالشي حرام علينها وعليهم وعقابنا وعقابهم واحد

هذي اكثر نقطه تثيرني ودي اعرف البنات الي يردون جذي اشلون يفكرون ووين عايشين وتنصحينهم اذا احترمتي وحبيتي نفسج ريلج يحبج ويحترمج

واذا اهنتي روحج بيهنيج وغالبا هالنوعيه تركض ورى الريال وتعيسه بحياتها معاه

 

[lovemyself]

اختى الكريمة انا مع البنات فى اشياء ةاخالفهم فى اشياء


بس والله انا اشوف ان الحظ يتدخل فى الزواج وعلاقة الزوجين يعنى احيانا تلقين الزوجة زينه مافيها شى طبعا اكيد مو كاملة لكن تكون بعيوب مقبوله وبسيطه وتحاول ترضى زوجها وتكون شخصيته قوية ويحاول يتقوى عليها بيكون حظها مو شى وطبعا انا ما اتحجى عنى شخصيا اتكلم بالعموما واحيانا تلقين العكس فيه زوجه مو زينة وشريرة تتزوج واحد شخصيته مو هلكثر قوية تقدرين تقولين سهل وسلس وتقدر تمشيه على كيفها صح ؟
وبعدين انا مع البنات انج توجهين الكتاب للجنسين لان كل شى صار عالحريم والله تعبنا نفكر بكل شى ونحاول بس الرياييل ما يحاولون كلش يعنى عندنا فى مجتمعنا نظرة يتربى عليها الرجل خاصه فى علاقته مع زوجته اهى فى كثير من الاحيان تخرب علاقتهم
ودى تعلمين الريل شلون يصير رومانسى وشلون يفهم المراة ويقدر شعورها الطفولى والرومانسى والحنان الزايد للى عندها واهم عندهم ان هذى امور سخيفة
رياييلنا للاسف لو تلقينه زين وفيه رومانسية غيره ياثر على افكاره وعقليته من اصدقاء وتدخل اهل ووووغيره الخ
طبعا هذا ما يعنى ان التقصير دايما من الزوج
احيانا يكون من الزوجه بس اذا قصرت اهى بعد انسانه
ودى اننا نفهم نفسية الزوج اكثر من طلباته وحاجاته الشخصية
ياريت تساعدينا


تحياتى لج

 

[boliana_q8]

شوفي حبيبتي نص حريم الكويت ماسكين المسؤولية عن رياييلهم
سواء بماجلة البيت او بتوصيل المدارس وبوايد امور
تطرقي لها
وعطينا حلول لهالمشكلة واشلون تتفاداها البنت بداية زواجها

 

[tooooma]

اتمنى انج تتكلمين عن الانسان اللي يرفس نعمة ربه وعن خيانة بعض الحريم لازواجهم عن طريق التكنلوجيا الحديثة

 

[عـيّــآره]

... انا اقترح انج تكتبين الاشيا الي قالوها خواتي

الي قبلي بس بنهايه كل جزء او بنهايه اي مشكله انتي بحثتي لها عن حلول

تحطين قصه مشابه صارت مع الرسول مثل غيرة المراه او عصبيه الرجل اي شي

تكتبينه حطي وراه موقف للرسول واشلون عالج المشكله ترا فيه قصص ومواقف

وايد حلوه وقصيره وطريفه .. يعني مابتاخذ من كتابج الا اسطر بسيطه بس بتكون لها تاثير كبير

موفقه وانشاءالله اكون من اول قرااء الكتاب

​

 

[قطوووة]

اكتبي عن فن الغزل بين الزوجين ..

في ناس يستحون

 

[مألوفة]

مممممممممممم الله يقويج اختي

بس في موضوع ببالي

اكتبي موضوع شلون المرا تقدر تنسى خيانة الزوج لانو في حريم وايد ما ينسون خيانة الزوج ويظلون كله يفكرون انه بيخونها مرة ثانية
وحتى ان ما خانها مرة ثانية يظل الجرح بقلبها شلون تقدر تنسى المرا الخيانه

 

[طيبة83]

اشلون اوفق بين زوجي والـبيبي؟؟؟؟؟؟؟

يعني الوحدة لا ولذت البيبي ياخذ كل وقتها

 

[النووف]

هي المشاكل لها نكه وملح الحياه :eh_s(4):

والزعل والتغلي احلى بعد
:eh_s(22):
انا الله يعني المشاكل وراي وراي حتى وهو مسافر مشاكلنا بالويتس اب على اشيا تافهه :eh_s(2):

خخخخخخخخخ

بكره يكبر ويعقل

 

[حواء الكون]

وافديييتكم كلكم اسعدتوني واتحفتوني بافكاركم العسل صج والله افكاركم حلوه وبنات ووعد وعد مني لأبرد قلبكم ... بالرياييل بس صبرو علي بس !!!!!!!! ومنو قالكم بكتب كتاب ضد الحريم ؟ بالعكس والله اللي راح اكتبه كله بصالحكم

وراح اجمع لكم بين الشرع والدين وبين الحياه العصريه وشلون تواكبين بين الانفتاح وترضين ربج بنفس الوقت
بس انتوا تعرفون كل انسان عقله براسه اللي يؤمن بالصح ويسوي يعيش سعيد لو مو حق الانسان حق ربه
واللي يعيش غلط حتى لو عاش سعيد فتره بتنتهي وماراح يكون سعيد في حياته لان اغصب ربه
انا بتطرق لكل شي ... والحين برد عليكم وحده وحده انا حاضره للكل ... والكتاب بكون بطريقه عصريه وسر ماراح اقوله ليما يكتمل ... وراح يعجب الكل وهذا وعد مني ... حبيباتي

 

[انثى استثناء]

اولا شي الله يعطيج العافية على خدمة الازواج ,,, بالتالي هذي الخدمة مردودها علة مجتمع بحاله ,,,



1. الصداقة بين الازواج
2. اللسان الحلو من كلا الطرفين
3. الملل ياريت تحطين حلول للملل بين الازواج
4 . التفكير الايجابي في المشاكل الي يمرون فيها
5. عدم السماح لاي كائن التدخل ب حياتهم
6. تخصيص اوقات للتنفية و الترفيه عن نفسهم
7. تقبل الانتقاد من الطرفين
8. اممم مسالة الفراش لازم تكون فيها قبول و و رغبة من الطرفين مو يعتبرونها تادية واجب و خلاص و ان الريال ما يحمل المرة اكثر من طاقتها لان مثلا كان اهو عنده تجارب سابقة او شايف فلم او شي و يبي هذي المره تكون نسخة من الي في خياله ,,

9. الخيانة
10 . الامور المادية بين الازواج