اللي حابه تساعدني بافكارها تتفضل

[Rawonah]

عساج عالقوه
و Up لعيونج

 

[حواء الكون]

أهم شئ تكلمي عن الخيانة واسبابها

وليش الرجال مايملي عينه شئ
وتكلمي عن أطباع الرجال وشلون نتعامل مع كل واحد على طبعه

هلا حبيبتي

بتكلم عن الخيانه .. واسبابها ... على قد فهمي لها .. لان الخيانه بحرها عميق وانواعها اعمق
بالنسبه ليش الريال مايملي عينه شي ؟ اتوقع عشان الحريم هالوقت يحاولون يرضون الريال باي طريقه حتى لو على حساب كرامتها عادي وحتى لو على حساب زعلها وحتى على حساب اهلها يعني لابد الريال يعرف حدوده عشان تملين عينه :eh_s(15): وتوقفينه عند حده بطريقه تحفظ انوثتج كامله
بدون عصبيه وبدون هواش وبدون طولة لسان .. كل شي بالعقل والحكمه .. واللي ماعندها هالصفه انصحها تقرا وايد وتخلي عقلها ينور وتشيل الغبار اللي براسها :eh_s(4): هههه
اتغشمر معاكم يعني قصدي ان تبدل افكارها السلبيه بافكار يديده وايجابيه تفيدها بحياتها

والله بالنسبه لسؤال الاخير.. اطباع الرجال وشلون نتعامل مع كل واحد وطبعه .. هذي يعتمد على حسب قرائتج انتي شلون تكون عندج امكانية تقرأين عقلية الانسان اللي معاج .. ومستوى فهمه وادراكه وعلى هالاساس تتعاملين ... هالموضوع مو هين اني اطرحه لان متشعب وايد بس احاول افيدكم على قدر استطاعتي باللي يريح الريال عموما .. من ناحية المراه

 

[أعرفك نفسي]

لا بعد عمري انتي مو غلطانة بشي ، وبالعكس انا ماقصدتج بكلامي
انا كنت اقصد اراء وكلام بعض الحريم سواء معانا بالمنتدى او برا
وصح كلامج بعد الثقافة شي والتعليم شي ثاني
واتمنى ينزل كتابج بسرعه ونقرا ونستفيد ويعطيج العافيه عل الكتاب والموضوع

 

[حواء الكون]

اول شي ماشالله لاقوه الا بالله الله يوفقج ويسرلج اموورج

ثاني شي ياليت توعين الحريم بحقوقهم واللي لهم وعليهم ومتى الوحده تصبر وتتحمل ومتى تطق ستوب وتحط حق كرامتها اعتبار

لان اشوف ردود بالمنتدى من بنات صغار ومتعلمين انصدم عادي عندهم الريال يخون يطق يسب ويطرد ويهين وتنصح صاحبه المشكله كشخي وسويله ليالي

ومفاجات ولا ترد عليها عادي كل الرياييل جذي@@

امبيه صدمه في اشياء الوحده تتحمل واشياء ما تنازل عنها لا بالدين ولا القانون يسمح باهانه المرأه واحتقارها عشان اهو ريال وعادي

منو قال عادي ومنو قال كل الرياييل جذي؟ وليش غلطهم مرفوع وغلطنا ممنوع اذا بالدين هالشي حرام علينها وعليهم وعقابنا وعقابهم واحد

هذي اكثر نقطه تثيرني ودي اعرف البنات الي يردون جذي اشلون يفكرون ووين عايشين وتنصحينهم اذا احترمتي وحبيتي نفسج ريلج يحبج ويحترمج

واذا اهنتي روحج بيهنيج وغالبا هالنوعيه تركض ورى الريال وتعيسه بحياتها معاه

بعد عمري مشكورره ويوفقج معاي يارب... والله من كلامج اتضح لي عقلج النير ماشاء الله عليج نفس تفكيري في سالفة البنات اللي ينصحون غلط لوول ولا مسوين روحهم فاهمين كل شي :krkrkr: قلبي يعورني واللي يعور القلب اكثر اللي تسمع هالكلام وتطبقه
وسالفة اهانة المرأه انا اكثر وحده تدين هالشي ... لكن الله يسامح اللي تعطيه العصا بايدها وتقول طقني .. وماتبي يهينها بعد ؟؟

اما ليش سالفة غلطهم مستور وغلطنا منشور فهذا من جرم المجتمع اللي ياما عقدني اشوف الدين غير والمجتمع اللي مسويه غير ... فالاولى لو نبي نصلح حياتنا نحترم دينا ونطبقه والعادات اللي تدمرنا نتركها وايد ا حسن ونتمسك بالعادات اللي تتعلق بالدين .. والعادات الطيبه الحميده اما العادات اللي تودينا ورا هذي انا ضدها ومانبيها نفس لما يفرقون بين غلط الريال وغلط الحرمه
صج احترق وتنبط جبدي ومثل ماقلتي ..لو الوحده احترمت نفسها راح تفرض احترامها عليه ولو ماحترمت نفسها والله لو قطت روحها بين ريوله هم راح يدوس عليها .. هذا شي مايختلف عليه احد .. والعاجل بس راح تستوعب هالكلام .. والا لازم تستوعبه بعد فوات الاوان ؟؟؟

وبارك الله فيج .. حسيت انج توأم روحي نفس طريقة التفكير تقريبا :eh_s(15):

 

[حواء الكون]

لا بعد عمري انتي مو غلطانة بشي ، وبالعكس انا ماقصدتج بكلامي
انا كنت اقصد اراء وكلام بعض الحريم سواء معانا بالمنتدى او برا
وصح كلامج بعد الثقافة شي والتعليم شي ثاني
واتمنى ينزل كتابج بسرعه ونقرا ونستفيد ويعطيج العافيه عل الكتاب والموضوع

حياتي انتي والله ... انا حبيت اوضح لك خفت زعلتي من كلامي والحمدلله انج مو زعلانه
وان شاء الله لما ينزل كتابي ابلغكم هني ... وان شاء الله يعجبكم وايد ... وحتى انتقاداتكم بتقبلها بصدر رحب .. وتسلمون فديتكم كلكم عالتشجيع الحلو :eh_s(17)::eh_s(22):

 

[حواء الكون]

عساج عالقوه
و Up لعيونج

تسلمييين وفديت عيونج والله :eh_s(22)::eh_s(17): مشكوووره

 

[حواء الكون]

اختى الكريمة انا مع البنات فى اشياء ةاخالفهم فى اشياء


بس والله انا اشوف ان الحظ يتدخل فى الزواج وعلاقة الزوجين يعنى احيانا تلقين الزوجة زينه مافيها شى طبعا اكيد مو كاملة لكن تكون بعيوب مقبوله وبسيطه وتحاول ترضى زوجها وتكون شخصيته قوية ويحاول يتقوى عليها بيكون حظها مو شى وطبعا انا ما اتحجى عنى شخصيا اتكلم بالعموما واحيانا تلقين العكس فيه زوجه مو زينة وشريرة تتزوج واحد شخصيته مو هلكثر قوية تقدرين تقولين سهل وسلس وتقدر تمشيه على كيفها صح ؟
وبعدين انا مع البنات انج توجهين الكتاب للجنسين لان كل شى صار عالحريم والله تعبنا نفكر بكل شى ونحاول بس الرياييل ما يحاولون كلش يعنى عندنا فى مجتمعنا نظرة يتربى عليها الرجل خاصه فى علاقته مع زوجته اهى فى كثير من الاحيان تخرب علاقتهم
ودى تعلمين الريل شلون يصير رومانسى وشلون يفهم المراة ويقدر شعورها الطفولى والرومانسى والحنان الزايد للى عندها واهم عندهم ان هذى امور سخيفة
رياييلنا للاسف لو تلقينه زين وفيه رومانسية غيره ياثر على افكاره وعقليته من اصدقاء وتدخل اهل ووووغيره الخ
طبعا هذا ما يعنى ان التقصير دايما من الزوج
احيانا يكون من الزوجه بس اذا قصرت اهى بعد انسانه
ودى اننا نفهم نفسية الزوج اكثر من طلباته وحاجاته الشخصية
ياريت تساعدينا


تحياتى لج

هلا حبيبتي من ناحية ان وحده تسيطر على زوجها هذا مو حب ولا سعاده هذا حب سيطره وحب تملك وصدقيني الزوجه اللي تسوي جذي تحصل فلوسه تحصل تعيش حريتها اي بس ماتحصل حب ولا تحصل احساس صادق اصلا تلاقينه يخاف منها مايحبها .. ويبي الفكه منها من داخله .. وانا ماحب الزوجه الضعيفه اللي ضعفها يكون بعقلها ( لاني احب اللي ضعفها يكون بتكوينها الانثوي فقط ) يعني ماتتجرد من انوثتها بعذر اني قوية شخصيه ! هالشي غلط لان قوة الشخصيه بالحكمه والعقل والرزانه واللسان الحلو ... الزواج من اساسه موده .. تقدر الوحده تحبب زوجها فيها وتلينه لو كان حجر .. حتى قطرات الماي لما تنزل عالحجر تفكرينها ماتأثر بالحجر صح ؟بس تعالي شوفي حال هالحجر بعد تكرار نزول القطرات عليه يبتدي يتحلل يتفكك :rerrerek: وتعالى شوفيه بعد سنه تلاقين الماي ينزل بين هالاحجار مثل مجرى الانهار.. يعني لاتفكر الوحده ان المعامله الطيبه .. والكلمه الحلوه ماتأثر .. لان الكلمه الحلوه تكسر اكبر راس .. ولي تجارب وايد معاها .. مع كبار السن مع الرياييل مع البنات ... مع اليهال بعد .. الكلمه الطيبه صدقه ... فلازم نستوعب ان الرحمه والتعامل اهوا اساس علاقاتنا الانسانيه .. مو الصراعات والحسد .. والمقارنات اللي تهدم البيوت .. والقناعه مثل ماقالو كنز لايفنى .. اهم شي بالانسان قناعته .. بدونها راح يضيع بالدنيا


وياحياتي عليج انتي افكارج واحاسيسج الطفوليه البريئه نفسي ! وعاطفيه نفسي ولاتخافين راح ابرد قلبج بالكتاب وايد وايد ... وابي كل وحده تهدي الكتاب لزوجها او حتى بفترة الملجه وايد راح يعجبكم .. ان شاء الله وتستفيدون منه ... باب الرومانسيه والحب والغزل والمداعبات بكون له حصه كبيره من الكتاب ... بس لاتملون لو وصلت صفحاته وايد لووول :eh_s(7): واوعدكم ان كتابي بكون غير عن الكتب الللي بالاسواق لان طرحه اكثر سلاسه بكون ... ويوصل للقلوب اسرع حسب ماشفت من ردود افعال ...

وادعوا لي بالتوفيق :eh_s(17)::rerrerek:

 

[حواء الكون]

شوفي حبيبتي نص حريم الكويت ماسكين المسؤولية عن رياييلهم
سواء بماجلة البيت او بتوصيل المدارس وبوايد امور
تطرقي لها
وعطينا حلول لهالمشكلة واشلون تتفاداها البنت بداية زواجها

ان شاء الله رغم ان هالموضوع مو سهل .. لكن اوعدج اعطي افكار فيه ... على قدر استطاعتي
ولازم الزوجه من البدايه تعود زوجها عالمشاركه بكل شي .. اولا بحس حياته معاها لها معنى ثانيا بحس ان اهي روحه الثانيه .. وبالمشاركه الحلوه ( اكرر الحلوه ) راح يفضلها على ربعه واصدقائه وبشوف ان قربها جنه

انتظروني وان شاء الله بحاول ارضيكم كثر ما اقدر :yaaaaaarb: وعسى الله يوفقني لرضاه اولا
وبعدين رضا اخواتي :eh_s(22): :eh_s(17):

 

[حواء الكون]

اتمنى انج تتكلمين عن الانسان اللي يرفس نعمة ربه وعن خيانة بعض الحريم لازواجهم عن طريق التكنلوجيا الحديثة

خيانة الزوجات هذي مشكله اكبر... اللي تخون زوجها ... عشان تنقصها الاهتمام والعاطفه هذي افهم حالتها ( لكن ما ابررها لانها غلط ) لكن اللي تخونه لعب ؟ واهوا مو مقصر هذي حرام تعيش في بيت حضنها وصانها ...

بس اختي ياريت توضحين لي هالنقطه يعني شنو اتكلم عن الانسان اللي يرفس النعمه ... حددي لي النقطه اللي تبينها .. لان النعم مثل مانتي عارفه وايده .. بس اللي يرفس النعمه اكيد هذا خلقه ذميم وماراح يحس في النعمه الا لما تزول ... عرفتي شلون :eh_s(17):

 

[حواء الكون]

... انا اقترح انج تكتبين الاشيا الي قالوها خواتي ​

الي قبلي بس بنهايه كل جزء او بنهايه اي مشكله انتي بحثتي لها عن حلول ​

تحطين قصه مشابه صارت مع الرسول مثل غيرة المراه او عصبيه الرجل اي شي ​

تكتبينه حطي وراه موقف للرسول واشلون عالج المشكله ترا فيه قصص ومواقف ​

وايد حلوه وقصيره وطريفه .. يعني مابتاخذ من كتابج الا اسطر بسيطه بس بتكون لها تاثير كبير ​

موفقه وانشاءالله اكون من اول قرااء الكتاب ​

اهنيج على عقلج النير.. وان شاء الله اوعدج ... اني راح احط امثله من حياة الرسول .. اللي نحتاجها ... وانتبهوا انبتهوا من سالفة القروض الربويه لان زادت مشاكل البيت الزوجيه من ورا هالشي والمال الحرام الله مايهني اصحابه ودوم مشاكل ... حبيت انبه على هالنقطه وايد ضايقتني ولاتنسون الدعوات ماتستجاب من اللي ياكل مال حرام :eh_s(2):

انا حبيبتي راح اوعدج احط وايد اشياء دينيه حلوه .. نستدل فيها على حياتنا وتعاملاتنا الزوجيه وغيرها .. وان شاء الله الله يقدرني اسوي عمل متكامل :eh_s(17):

 

[حواء الكون]

اكتبي عن فن الغزل بين الزوجين ..

في ناس يستحون

هلا حبيبتي... عاد تدرين هالنقطه اهم نقطه عندي .. وانتي ذكرتيها

فن الغزل ... وان فعلا شلون مانستحي من مشاعرنا ... ان شاء الله راح اكتب باب عن هالشي وان شاء الله ابدع فيه وما اقصر:eh_s(22):

 

[حواء الكون]

مممممممممممم الله يقويج اختي

بس في موضوع ببالي

اكتبي موضوع شلون المرا تقدر تنسى خيانة الزوج لانو في حريم وايد ما ينسون خيانة الزوج ويظلون كله يفكرون انه بيخونها مرة ثانية
وحتى ان ما خانها مرة ثانية يظل الجرح بقلبها شلون تقدر تنسى المرا الخيانه

ماعتقد المراه تنسى الجرح .. بس ممكن اخدمج بهالشي اللي ممكن يخليها تنسى شغله وحده ان تفتح معاه ورقه يديده تقوله فيها .. لو تكرر هالشي لايمكن يكون في مجال للتسامح او الصلح ... لان لو سامحته مره مايصير تسامحه كل مره .. لان بتهون عليه الخيانه عرفتي؟
تنسى لما اهوا يتغير ويحسن معاملته لها .. وبعد سنوات يمكن .. لكن بسرعه ماعتقد ماراح تقدر
ولازم تعلمه ان اهي كيان ولها احترام .. وعلى هالاساس تتعامل معاه ...والموضوع يطول

:eh_s(7):

 

[حواء الكون]

اشلون اوفق بين زوجي والـبيبي؟؟؟؟؟؟؟

يعني الوحدة لا ولذت البيبي ياخذ كل وقتها

لووول فديت هالسؤال براءه لكن مهم ...

انا اقولج على قدي ... وياريت اللي انجبوا اطفال يفيدونا بهالخصوص ...

انا اقولج ان اهي تدلع زوجها وايد وترضيه وتقوله كلام حلو وتشبع عواطفه
وبفترة الحمل تقوله ان هذي مرحله يديده وانها خايفه منها وان احب انك توقف يمي وتشجعني
لازم الزوجه تعلم زوجها عالمشاركه ولو اسلوبها حلو راح يسمع منها صدقيني
لازم تقوله لاتغار من البيبي لو شغل وقتي لكن صدقني انت اغلا عندي واهوا قطعه منك
عشان جذي احبه اكثر من نفسي ... ولازم اهتم فيه ومابي تزعل لو قصرت بحقك اصبر علي فتره ومن البيبي يعتمد على نفسه بفضى لك وايد واعوضك عن كل شي .. بهالفتره لاتنشغل عنه دايما تكون باتصال مع زوجها عاطفيا ونفسيا وتخليه يحس فيها اهي والبيبي .. واهوا بعد جذي يحس بالاستقرار النفسي والامان مع عائلته

اهم شي ان الزوجه تحاول ماتلهي عن زوجها وايد وتعطيه حقوقه كامله ولو قصرت تقوله آسفه ياقلبي وايد قصرت عليك بس غصب علي .. اهم شي ترااعينه عشان يراعيج :eh_s(17):

 

[حواء الكون]

هي المشاكل لها نكه وملح الحياه :eh_s(4):

والزعل والتغلي احلى بعد
:eh_s(22):
انا الله يعني المشاكل وراي وراي حتى وهو مسافر مشاكلنا بالويتس اب على اشيا تافهه :eh_s(2):

خخخخخخخخخ

بكره يكبر ويعقل

هلا حبيبتي .. اختلف معاج في موضوع المشاكل.. بس احترم رايج
مشاكل تصير صدفه او مضطرين اوكى بس افتعل مشاكل معاه ليش؟
او اخليه يسوي لي مشاكل سخيفه ليش؟ بالعكس اعلمه عالاحترام عشان باجر تكون بينا حياه متكامله .. وكل انسان وراحته :eh_s(7): واتمنى لج حياه سعيده بس ضبطي التعامل من البدايه عشان ماتتعبين باجر والله يهنيكم :eh_s(17):

 

[حواء الكون]

اولا شي الله يعطيج العافية على خدمة الازواج ,,, بالتالي هذي الخدمة مردودها علة مجتمع بحاله ,,,



1. الصداقة بين الازواج
2. اللسان الحلو من كلا الطرفين
3. الملل ياريت تحطين حلول للملل بين الازواج
4 . التفكير الايجابي في المشاكل الي يمرون فيها
5. عدم السماح لاي كائن التدخل ب حياتهم
6. تخصيص اوقات للتنفية و الترفيه عن نفسهم
7. تقبل الانتقاد من الطرفين
8. اممم مسالة الفراش لازم تكون فيها قبول و و رغبة من الطرفين مو يعتبرونها تادية واجب و خلاص و ان الريال ما يحمل المرة اكثر من طاقتها لان مثلا كان اهو عنده تجارب سابقة او شايف فلم او شي و يبي هذي المره تكون نسخة من الي في خياله ,,

9. الخيانة
10 . الامور المادية بين الازواج

الله يعافيج ويخليج ياقلبي.. ونقاطج كلها روعه .. وان شاء الله يكون لها نصيب في كتابي
اوعدج ... بتحضير جميل اطرح اجمل

 

[حواء الكون]

,

ياليت تتطرقين حق آغلب المواضيع الي نشوفها الحين منتشره وآيد بالحياه الزوجيه !
* الخيانه
* الجذب
* طلعه المره بدون علم الريال
* آنه كل وآحد يعاند الثاني
* عدم آهتمام المرأه بشكلها
* عدم آهتمام الريال بشكله
* آحترام من قبل الطرفين
* آنه المره مآ تطول لسآنهآ لو شنو يصير
* و آهم نقطه آنه المره مآ تطلع اسرارها بره البيت
* آختيار الزوج المناسب و المرأه المناسبه
* الطريقه السليمه لـ تربيه الآطفال
* برود الزوج > وآيد اشوف حريم يعانون من هالشي
* آنه المره مآ تطبخ حق ريلها

و يآليت توضحين آنه الزوآج بأول سنينه معاناه و تعب
يعني على المره و الريال آنه يصبرون :*
مو على طول يستسلمون : )

........ آلخ !

تسلمييين .. ان شاء الله باخذهم كلهم بعين الاعتبار وعلى فكره نقاطكم تساعدني اني ابدع اكثر .. بس مايمنع اني باخذ نقاطكم بشكل موضوعي يعني ممكن تلاقين نقاطج بمحور موضوعي وانا اتكلم يعني راح اتطرق لها ... :eh_s(7):

 

[حواء الكون]

,

اي بعد في موضوع وآيد يهم الحريم ,!

شلون المره الي تشتغل و عندهآ عيال
تنظم بين شغلها و عيالها و ريلها و البيت بحيث آنه مآ تقصر على اي جآنب .!

فعلا موضوع مهم ... واللي عندها افكار بهالخصوص تطرحها علينا تساعدنا .. ترى بالاخير الفايده لنا كلنا صح والا لا

 

[حواء الكون]

بالكويت اكثر المشاكل

1-الخيانه الزوجيه

2-سوء معامله اهل الزوج مما يخلق مشكله جديده وهي السكن خارج البيت

3-عدم التفاهم بالامور الماليه بين الطرفين مما يؤدي الى تراكم المشاكل

4-سفر الزوج مع اصدقاءه يؤثر على نفسية الزوجه
5- بخل وصمت وسوء معامله الزوج كلها مشاكل اقراها شبه يومي بالمنتدى

وربي يهدينا وياهم للصراط المستقيم

فوفو

شكرا حبيبتي وباخذهم بعين الاعتبار والله يقدرني ارضي جميع الاراء:eh_s(17):

 

[حواء الكون]

انا مع الاخت عيااارة حلو انك تثبيت الكلام بديننا الحنيييف

ودي تتكلمين عن انواع الرجااال يعني شرقي شمالي وكذااا

تفصلين فيهااا اكثر

والله يوووفقك

ديننا الحنيف له نصيب كبير في كتابي لان منهج حياتنا كله .. ولما انحرفنا عنه امتلت حياتنا مشاكل

بالنسبه لانواع الرجال.. مو خبيره فيهم لكن اقدر افيدكم في الصفات اللي يحبونها ويكرهونها الرجال عموما ... حسب قدرتي الفكريه .. وكل وحده تدرس زوجها وتحلل شخصيته وتحدد طريقة تعاملها معاه شلون بتكون ... بس القواعد السليمه عندي وانا بحطها لكم شتبون بعد
ولاتخافون ماراح تضيعون معاي لان استند على قواعد سليمه شرعيه .. ثابته
زياده عليها شوية ذكاء يتماشى مع هالعصر الحديث.. وشوية انفتاح ذهني يساعدج تتعايشين مع المشاكل وتتعاملين معاها بذكاء.. اهم شي صفوا النيه .. ولاتنسون .. وعلى نياتكم ترزقون:eh_s(17):

 

[حواء الكون]

الله يوفقج حبيبتي بس ترا اغلب المشاكل من الريايل مو من الحريم

انا اقولج .. اغلب المشاكل سببها

انانية الرجل ... + تطفل وغباء المراه

انا ماكنت اقول كل المشاكل الزوجيه سببها المراه لا... كنت اقول سبب مشاكل المراه اهي المراه
يعني تتوقعين لو المراه تشيل ظلمها عن زوجة ولدها او اختها او عن اخت زوجها بتظل في البيوت مشاكل؟؟ زوجيه ... والله نصها تروح .. وتبقى مشاكل تتعلق بين الزوجين حلها راح يكون اهون بوايد

يعني زيادة مشاكلنا سببها نقاصة عقل الحريم ولاتزعلون :eh_s(7):