اللي حابه تساعدني بافكارها تتفضل

[Tom ♥ Jerry]

,

ياليت تتطرقين حق آغلب المواضيع الي نشوفها الحين منتشره وآيد بالحياه الزوجيه !
* الخيانه
* الجذب
* طلعه المره بدون علم الريال
* آنه كل وآحد يعاند الثاني
* عدم آهتمام المرأه بشكلها
* عدم آهتمام الريال بشكله
* آحترام من قبل الطرفين
* آنه المره مآ تطول لسآنهآ لو شنو يصير
* و آهم نقطه آنه المره مآ تطلع اسرارها بره البيت
* آختيار الزوج المناسب و المرأه المناسبه
* الطريقه السليمه لـ تربيه الآطفال
* برود الزوج > وآيد اشوف حريم يعانون من هالشي
* آنه المره مآ تطبخ حق ريلها

و يآليت توضحين آنه الزوآج بأول سنينه معاناه و تعب
يعني على المره و الريال آنه يصبرون :*
مو على طول يستسلمون : )

........ آلخ !

 

[Tom ♥ Jerry]

,

اي بعد في موضوع وآيد يهم الحريم ,!

شلون المره الي تشتغل و عندهآ عيال
تنظم بين شغلها و عيالها و ريلها و البيت بحيث آنه مآ تقصر على اي جآنب .!

 

[فوفو22]

بالكويت اكثر المشاكل

1-الخيانه الزوجيه

2-سوء معامله اهل الزوج مما يخلق مشكله جديده وهي السكن خارج البيت

3-عدم التفاهم بالامور الماليه بين الطرفين مما يؤدي الى تراكم المشاكل

4-سفر الزوج مع اصدقاءه يؤثر على نفسية الزوجه
5- بخل وصمت وسوء معامله الزوج كلها مشاكل اقراها شبه يومي بالمنتدى

وربي يهدينا وياهم للصراط المستقيم

فوفو

 

[دنيااك دنيااي]

انا مع الاخت عيااارة حلو انك تثبيت الكلام بديننا الحنيييف

ودي تتكلمين عن انواع الرجااال يعني شرقي شمالي وكذااا

تفصلين فيهااا اكثر

والله يوووفقك

 

[حواء الكون]

انا تأخرت عليكم بروح اقرا قرآن واصلي القيام ... صلوا يابنات عسى ربي يعتقنا بهالاواخر يارب

لما افضى اليوم ان شاءا لله ارد عليكم .. كلش كلش باجر

تحياتي لكم

 

[حواء الكون]

كملوا حبيباتي اقتراحاتكم بإذن الله راجعه لكم ارد عليكم وحده وحده

وباخذ اقتراحاتكم كلها بعين الاعتبار وقاعده ادونها بقلمي .. واوعدكم اني راح ارضيكم كثر ما اقدر

وماراح اخلي جانب الا واتطرق له ... ومثل ماقلت لكم اللي عندها المزيد لاتبخل علينا .... واللي تحب تشارك باشياء مهمه تثري الكتاب ويكون مرجع للحريم الكبار والصغار وحتى اللي بعدهم ماتزوجوا او على وشك الزواج

وبارك الله فيكم كلكم .. وعسى الله يقدرني اني ارضيه اولا ثم ارضيكم

 

[فلنتينو]

اب اب

 

[حواء الكون]

thanks

 

[زوجة عزيز]

الله يوفقج حبيبتي بس ترا اغلب المشاكل من الريايل مو من الحريم

 

[غلا صلاح]

مووووووفقه

 

[~ كرز ~]

سهر الريال برا البيت

مقارنته الزوجة مع ربعه و تفضيلهم علا زوجته

غيرة ام الزوج من الجنة

تعلق الزوج الشديد بامه لدرجة ترك بيت الزوجية و اهماله لارضاء الام و الجلوس معها

عدم انتباه الزوج الي جسم و شكل زوجته و تجديدها بشكل و لو كانت جميلة و ممشوقة القوام و بالمقابل يلاحظ
اقل و اتفه التفاصيل علا البنات في الاسواق و التلفزيون


كثرة سفر الزوج مع اصدقاءه

اعتماد الزوج بمصرف البيت علا زوجته

خيانة الزوج مع اخت زوجته او صديقتها

 

[رفيعة الشآآن]

1- الخيانة واسبابها وعلاجها وشلون الوحدة تتصرف اذا اكتشفت هالشي

2- رجل و احساسه بالمسوؤلية ان شلون المرا تخليه اهو يتحمل مسوؤلية البيت مثل مصرف توصيل عيال للمدارس انا مع مشاركة المرأة هالاشياء بس مو انه اتكون هذي مسوؤليتها بروحها

3-شنو الاشياء الاساسية الي لازم توفرها المرأة بيت الزوجية لزوجها

4-طرح افكار لتغير روتين

وسلاااااامتج

واتمنى التوفيق لج ولطرحج للكتاب ولاتنسين تبلغينا عن صدوره

 

[ޢޢޢإيمانޢޢޢะۣۨ>]

آنا أعتقد إن معظم الرياييل ما يقرون ولا يهتمون بالكتب اللي تتكلم عن الحياة الزوجية
عشان جذي لو تختارين للكتاب اسم يكون استفزازي عشان يجبر الريال إنه يقراه
​

 

[حواء الكون]

هل صحيح الريال حتى لو مرتاح مع زوجته وفبيته وكل شي على كيفه يحب يخون ؟ يعني طبع ولا تسليه ولا شنو بالظبط
وبسالج الكتاب الي بتسوينه شسمه ومتى ينزل ومنو حضرتج ؟

هلا حبيبتي... انا سبق كتبت موضوع وعجب فئه كبيره من البنات ونصحوني اسوي كتاب
وانا ماكان عندي امكانية اني اسوي كتاب.. ففكرت اني اسوي كتاب الكتروني ويكون عصري
عشان تعرفين الناس ماتحب تقرا من الكتب ...

بالنسبه لسؤالج .. مو قاعده .. مو كل ريال يخون حتى لو توافرت له شروط السعاده
لكن في اللي شخصيته مثل الكازانوفا ويحب يعيش بتنوع بين النساء يعني يحب يعرف
100 وحده وهذول يحتاجون علاج نفسي .. ومثل ماقلتي اهي تسليه وبنفس الوقت
يحب يحس ان حر والاهم من هذا كله يبي يحس ان مرغوب من الجنس الثاني
ويرضي غروره

بخصوص الكتاب متى ينزل والله انا الحين برمضان مأجله شغلي لبعد العيد .. وان شاء الله ابتدي فيه ويحتاج مني جهد كبير .. وان شاء الله من يخلص ابلغكم ولو خلصته بشهرين او 3 اعتبر نفسي سويت انجاز :eh_s(7): لان عندي اقسام منه خلصتها واقسام يبي لي اكتب فيها بذهن صافي

ويا اهلا وسهلا

 

[حواء الكون]

الله يقويك ويكون كتابك طريق لصلاح اسره وزواج

الكتاب لا يكون كله موجه للمرأه ترى والله ملينا كل الكتب تهدف لاصلاح المرأة واسعاد الزوج
يعني سوي كتاب ماعلى المرأه وماعلى الرجل بالمقابل

مثلاً تعلمين الحريم شلون تطبخ وتكشخ وتحب اهل زوجها وتصبر وماالى ذلك
بالمقابل انصحي الزوج
اهتم بزوجتك اللي تركت اهلها وعاشت معك واستئمنتك حياتها << خوش فيلم هندي
وترا المره تفكر ان اهتمام الزوج يبرز من ناحية كرمه من ناحية المال والهدايا والدلع النفسي

وخليهم يصبرون علينا يعني رفقاً بالقوارير (ناقصات العقل والدين ) << احم احم

وش اقول بعد ؟؟

كل كلامج واقتراحاتج على عيني وراسي وباخذ منها مقتطفات ونصائح متفرقه ... لان في مواضيع سهله مايحتاج اتكلم فيها او اني اعلمها تطبخ او تكشخ والله لو اهي تبي راح تبذل جهدها تتعلم بس اوعدج راح اوجهها بشكل نصائح عامه سريعه .. لان مهم ان الزوجه تهتم في الطبخ وتهتم في شكلها وهذا يزيد من اواصر المحبه بين الازواج

 

[حواء الكون]

احسن شي بما ان فيه شكثر بنات تعقدو من الزوااج وبيني ان الرجال اغبلهم زيننين طبعا طل هالكلام هههه وانه مسؤوليه وشي روتيني وصلي فكره بالكتاااب انه الزوجه ممكن تكووون زوجه وصديقه مو شي رسمي يعني

لوووول تبيني اقول اغلب الريايييل زينين هههه بدايتها غش .. ويشتكون علي ويدعون لا الله لايقول .. بس عجبني ان افكارج نفس افكاري وان مهم الزوجه تكون صديقه وماتكون شكل بالبيت رسمي :rerrerek:

 

[حواء الكون]

انا طموشه ماعندى فكره

بس الله يوفقج

تسلمييين حياتي

انا مادري ليش ردودكم لما اسوي اقتباس تطلع عندي لغه مو مفهومه :eh_s(16):

 

[حواء الكون]

الله يوفقج حبيبتي ,, ما عليج امر لو تتكلمين عن الخالة (ام الريل ) اذا كانت شرانية و عسرة ,, شتسوي الجنه و شلون تتعامل معاها و تكسبها ؟؟؟؟

والله هذي الامور متشعبه وايد .. ومتعبه .. وانا ابي افتح ابواب امل واشراق لحياتنا
ومابي التهي اكتب عن المشاكل بس اوعدكم اني اكتب رؤوس اقلام للتعاملات هذي
اللي بين الحريم ... وربي يهديهم مادري ليش النكد

بس الحل اهوا ان الانسان يصبر ويلجأ لربه بالدعاء .. والاستغفار .. وقيام الليل
شلون تتعاملين معاها .. بان تعتبرينها مثل امج وتصبرين على الاذى
واللي ماتقدر تصبر عالاذى تستقل في بيت بروحها او ... تنفصل
لان الحلول الوحيده ... اما تحسنين المعامله لها وتكسبينها وتكسبين رضا زوجج وتصبرين
او ان تضرينها .. وهالشي حرام والزوجه اهي الخسرانه بالدنيا والآخره
او ان تحط شرط تسكن في بيت بروحها عشان ماتتطور المشاكل
والاهم من هذا كله تتوجه لله في الدعاء .. عشان يحل مشاكلها ويحنن قلب خالتها عليها

وكان الله في عونكم

 

[حواء الكون]

ابي موضوع كيف تصتطادين المعرس لوووووووول

لووووووول هذي صعبه وايد

 

[حواء الكون]

ياريت المرا تخف عن المرا وتقلل من اتهامهه وتعالي شوفي القسم والله بنات مثل العسل رياييلهم تخونهن ليش ؟؟؟ لانهم ما يشبعون
ياريت توضحين ان اغلبنا بنات مثقفات ومتعلمات ونعرف شلون نتعامل مع ازواجنا بحضارية لكن الرياييل ما يشبعون
واللي تقولج صيري فتاة ليل خق ريلج وما يخونج ، بالله عليج هذا عذر كافي للخيانة
اصلا منو هالايام ما تعرف بامور الجنس او ما تشبع زوجها ، ولا احد شوفي البنات اللي بالمتوسط يعرفون كل. شي ماكو احد غشيم
اذا انتي صج تبين كتاب فعال خلج حيادية لا تظلمين المراة ولا تنحازين للرجل
واسفة وايد سولفت <<<<< من حرتي

انا ما اتهم الحريم بالعكس انا اغار على حقوقهم .. انا شفت القسم وشفت حريم اهما سبب المشاكل بسبب عقلياتهم الفاضيه .. التافهه .. غيره وحسد وحش وحالتهم حاله وتعيب بكل الناس وتنسى عيوبها .. اما بالنسبه لزوجات عسل ازواجهم يخونونهم فعلا موجود وحاصل .. لان تلاقين زوجها مو كفو او مايستاهل وحده جذي ... والطيبون للطيبات والخبيثون للخبيثات
الثقافه غير التعليم .. ممكن تكون متعلمه وماتكون مثقفه بعقلياتها ... وايد متعلمين وعقولهم متحجره وغير قابله للانفتاح اتكلم عن ناس شفتهم وكلمتهم بالطبيعه .. بس كلامي ماينطبق على الكل اكو بنات مثال للاخلاق العاليه والثقافه وكل الكمال... بس هذول الفئه عاد اقل من الفئات اللي قاعده انتقدها .. وانتي قلتيها هذول الفئات اللي تقول صبري على خيانته وكل الرياييل يخونون وتقعد تبرر اخطائهم اهي سبب نكبة بنات جنسها مايمنع ان سالفة الرياييل يخونون هذي حقيقه بس اكيد مو الكل ... لكن للاسف الاغلبيه ... والخيانه لها اسباب اما .. اسباب تترتب عليها الخيانه او اسباب مرضيه .. يعني الزوجه مالها علاقه فيها .. تكون متعلقه بشخصية زوجها ودواخله المريضه
ومثل ماقلتي احنا بزمن منفتح وخلاص الكل قام يفهم .. حتى الصغار عشان جذي اؤيد الثقافه الجنسيه مبكرا في حياتنا بحدود شرعيه وبحدود تحفظ لنا حيائنا وكرامتنا وبنفس الوقت تحمينا وتحمي عيالنا من اخطار المستقبل ورفقاء السوء

ولاتخافين حبيبتي انتي وصلتي لخير انا اكثر وحده حياديه ولو اتيين تقولين بويهي انا غلطانه .. بتقبل منج وبصدر رحب وبصحح من غلطي :eh_s(7): ولاتخافين انا ضد الرجال مو معاهم لووووول
بس انا ليش تكلمت عن الحريم بقهر من اللي شفته بالقسم الصراحه شي ينرفز

وسامحيني ياقلبي