اللي تعيين جديد (المعلمات )خبر سيء ضروري الدخول

[زهور المحبة]

من صجكم خصم الجمعه والسبت و ماكو معاش عطله شالسالفه

عيل ليش انداوم مدام نكرف وتعب حصص ومناوبات واحتياطات اللي ملوعين جبدي فيها

غير التصليح اللي مايخلص

والله احس ضعت مادري شالسالفه شصاير من صجهم هذولي

 

[ahhaat]

طمنوننا اللي راحو الوزارة اليوم شنو صار عالي مستواااااااااااااااااااها بشرينا ؟

 

[ام عفاف الكويت]

شصاااااااااااار

 

[قصــب سكــر]

شنو هاللخبطه ؟؟!!!

حرام والله

معانا وحده جذي آخر شي اكتشفت ان مالها اي شي ولا لها اوراق

مادري شنو سالفة وزاره التربيه

حوووسه والله حوووسه

 

[الشرقية]

مرحبا معانا مدرسة توها تعيين جديد اخر شهر 3 نزلها معاش وعادي تداوم شفيكم حايسين؟؟؟؟؟؟؟؟

يعني انتو طول الفترة اللي داومتي فيها ما نزلج معاش؟؟؟؟؟

 

[رذاذ المطر]

الشرقية طول الفترة اللي داومنا فيها مانزل معاش واصلا موقف تعينا مؤقت

 

[ام عفاف الكويت]

شصاااااااار
احترق قلبي

 

[رذاذ المطر]

وانا بعد .. حسبى الله عليهم

 

[OM^BoJasSoM]

انا طلع اسمي بس مارحت ولا رفضت اشلوون؟؟

 

[عالي مستواها]

بنات ارسلت شكوى للوطن والقبس سيتم نشرها هالأسبوع


وترقبوني قريبــًا على إذاعة الكويت بس ماراح أقولكم الوقت والتردد عشان ما تسمعون صووووتي << حركات نذااالة ههههههههههههههههههههههههه


قريب بيدش الوالد على وكيل الوزارا بخصوص هالسالفة

والقادم أقوى

بقولكم على كل مستجد وانتوا بعد اي شغلة تسمعونها بلغوني

 

[عالي مستواها]

صج بنات من تعرف وحدة تعينت بعد 24/3 ونزلها معاش ؟


ياليت تبلغني ولو بالخاص .. ابي تقولي تاريخ تعيينها وتبع أي منطقة تعليمية وكم نزلها

أعرف بنت تقول باشرت عمل بتاريخ 4/5 يعني بعدي بخمس أيام ونزلها 900 دينار !!! شكووووووو

 

[ام عفاف الكويت]

ياريت والله حرااااااام
عفيه عالي مستواها قولي لنا وشكو انا تعينت 26 - 3
ولا شفت شي

 

[رذاذ المطر]

ايووواه ايييييييييوواه واحناااااا معاااج يا عااالى

حسبى الله علي الواسطااااااااااااات يارب حوبتنا ماتعدااهمم

 

[شاي اخضر]

ايووواه ايييييييييوواه واحناااااا معاااج يا عااالى

حسبى الله علي الواسطااااااااااااات يارب حوبتنا ماتعدااهمم

لاحول ولا قوة الا بالله شهالدعاوي ؟؟؟ انا من الناس اللي باشرت اخر ثلاثه ونزلي راتب .. ولاواسطه ولا بطيخ هذا بدال ماتقولون الله يهنيكم بمعاشاتكم ويعوض اللي مانزلتلهم تدعون علينا اجل لو ماكلين من حلال ابوكم شتسوون ؟؟ الحمد لله والشكر بس ولاتنسين الدعوه بدون وجه حق ترد على صاحبها

 

[ahhaat]

صج بنات من تعرف وحدة تعينت بعد 24/3 ونزلها معاش ؟


ياليت تبلغني ولو بالخاص .. ابي تقولي تاريخ تعيينها وتبع أي منطقة تعليمية وكم نزلها

أعرف بنت تقول باشرت عمل بتاريخ 4/5 يعني بعدي بخمس أيام ونزلها 900 دينار !!! شكووووووو

انا اعرف 3 معلمات تعينوا ب27-3 ونزلهم معاش شهر 4 بس مدري كم بالضبط لكن اللي اعرفه انه ماعندهم اي واسطه لانهم كانوا مثل معاناتي ويحاتون ماسكتوا الا يوم نزلهم معاش واهماتبع منطقة الاحمدي

 

[عالي مستواها]

السالفة مو سالفة واسطة انا متأكدة من الشغلة هذي


يوم كلمت مدير التعيين بوزارة التربية وقلتله شلون معلمات نزلهم وهم مباشرين بعدي وانا لا .. قال انتوا ملفاتكم جاهزة بس فيها ورقة " وقف تعيين " فبعض الموظفين دخلوا بياناتكم للسستم وبعدين حنا وقفنهم ماخليناهم يكملون الباقي يعني " حظ " بس هذا نص حجي .. إما ينزلونها لنا كلنا ولا يلغون تعيينا كلنا .. والظلم على الكل عداااالة صح ؟


بنات لا تعورون قلبكم تذكروووا " ما يضيع حق وراه مطالب " وحنا مو بنطالبهم إلا بناشبهم لما ينزل حقنا :ggdw:


واشكر اللي تعاون ودزلي رسايل خاااصة .. يعطيكم ألف عاافية ... جمعت أسماء شكثر وبيانات لمدرسات نزلهم أقدر أحاجج فيها تنفع

 

[ام عفاف الكويت]

الله يعطيكم العافيه

 

[شاي اخضر]

عالي مستواها جمعت أسماء شكثر وبيانات لمدرسات نزلهم أقدر أحاجج فيها تنفع

وليييش تعبيين نفسج ترى اسامينا عندهم ومسجيلن بالديوان بعد وتاريخ تعيينا وكل شي .. ومبين اللي نزله معاش والي لا ... تدرون عاد انا كنت اداوم وموفبالي المعاش كلش كنت غاسله ايدي ومتأكده ماراح ينزل الا شهر خمسه ... وعادي لأني سألت مراقبة التعيينات وقالت حتى لو وقفوكم احنا نبيكم تكملون وراح نصرف لكم من عندنا من تاريخ مزاولتكم . يعني على مسؤليتهم

 

[عالي مستواها]

لا حبيبتي مع احترامي اللي سألتيها ماعندها سالفة


صح قالوا بينزلون لنا .. بس مو راتب راح ينزل " أجرة مقابل عمل " يعني يوم حسبتها ما توصل 700 دينار عن الأيام كلها باعتبار انه يخصم مننا يومي الجمعة والسبت .. وماكو معاش صيفية


تدرين الــ 700 هذي انا صرفت ضعفها على الروضة وعلى البانزين من العارضية " المنطقة اللي ساكنه فيها " إلى الجهرا " مكان تعييني "

مو قهر ؟!


ما تستاهل العنوة والمصاريف اللي قطيتها .. كلها بتروح على الفاضي


غير انه راح يترتب على وقف تعيينا .. إلغاء طلب النقل اللي قدمته لاني مو موظفة رسمي معناته بقعد بعد السنة الجاية بالجهرا

انا هذا اللي متعبني نفسيــًا عشان جذي ودي يستثونا ونخلص

 

[ahhaat]

الصراحة مايصير شذي اما يستثنونا والا على الاقل ينزلون معاش 4 و5 كامل مثلنا مثل غيرناحتى معاش العطلة مانبيه متنازلين عنه مايصير بعد كل هالكراف والمذله ماينزل الا 700 دينار بس عن شهرين صج اللي صرفناه من يوم توظفنا اكثر من هالمبلغ صج كننا خدامات حاشاكم نشتغل بالساعات خوش والله