رحت اليوم وزارة التربية والمنطقة التعليمية دخلت على أكثر من مسئوول لانه لاااعت جبدي من كلام الموظفين ماعندهم ما عند جدتي قالي مدير المنطقة
لازم تراجعينا يوم الأثنين لانه حنا خاطبنا الوزارة بأمركم وبترد لنا خبر يوم الأثنين قالي عاادي لا تداومين يومها بس تعالي للمنطقة
قلت بتأكد جان أرجع للوزارة نفسها قسم التعيين دخلت على المسئوول جان يقول بالحرف الواحد " الغلط غلط وزارة التربية وهم يتحملونه انطري ليما ينزلون لج معاش بعد الإنتخابات وإذا خصموا منج شي اشتكي بالشئوون القانونية وإذا ما انصفوج ارفعي تظلم عند وكيل الوزارة "
قال انتوا الحين " موظفين مع وقف التنفيذ " جذي مسماكم حسيت نفسي بمحكمة ههههههههههههههه المهم قال راح ينزل لكم معاش عن كل يوم داومتوه لكن راح ينخصم منكم يوم جمعة وسبت والصيفية ماراح تنزل
هذا توجه وزارة التربية ألحين إلا اللهم إذا وافق مجلس الوزارا على إستثنائكم .. قال إذا استثنونا خلاص كان بها وإذا ما استثنونا نرفع تظلم وراح ينصفونا يقول لا تسكتون
شدعوة بسكت أنا هههههههههههههههه
المشكلة وييييين يوم قلتله عن كلام مدير المنطقة تغير وجه جان يقول شلون مدير المنطقة يقول لا تداومين يوم الأثنين ؟ بعدين حنا ما بيدنا شي ولا راح نقرر شي إلا إذا مجلس الوزرا أو الديوان قرروا شي بخصوصكم يعني بالعربي مدير المنطقة ما يدري وين الله قااااطه
أنا سكت وقلت بنطر ليما يوم الأثنين وحزتها برجع لمدير المنطقة نفسه أشوف أخرتها معاه أول ماطلع منه بيكون لي إجراء ثاني ماراح أتكلم عنه إلا بعد ما يصير
مراستلكم عالي مستواها من قلب الحدث السجن المركزي أقصد وزارة التربية والتعليم ويااااااااااليل ما طولك
