اللي تعيين جديد (المعلمات )خبر سيء ضروري الدخول

[ام عفاف الكويت]

يعني الحين نشتغل بدون معاش ؟
بس انا مداومه ؟

 

[رذاذ المطر]

انا اليوم ماداومت .. قالوا حق اخوي خلها داوم عشان مايمسكون عليها شي ولا يحسبون لها غياب ويروح علي كل شي

بس في مشكلة ماودي اقولها عشان ماتتضايقون ..

 

[عالي مستواها]

والله يخسووون ما ينزلون لي شي

كافي روحتي للجهرا كل يوم أمشي من الساعة 5 وصرفي على الروضة من مصروفي بعد ماعندي معاااش ولا شي أطر من أهلي عشان أجيب وسائل ومجسمات وأخرتها أطلع بلوشي

والله لأشرشحهم ما تبقى جريدة ما أكتب فيها

هذا اللي ناااقص بعد .. كافي قالعيني بآخر دنيا أداوم ما ورا روضتي إلا الأطراف والساااااااااالمي أروح وجواااازي معاااي هههههههههههههههه لا وبعد يعطوني مناوبه .. اليوم علي مناوبه والله إذا علي مناوبه ما أنام بالليل ما يمدي

أقسم بالله لأقلب وزااااااااااارتهم عليهم إن صارت السالفة صج من روحي لايعه جبدي منهم

<<< حدها منقهرة

 

[عالي مستواها]

تعالي سحائب شنو السالفة قوليها واللي يعافيج لو بالخاااص

 

[شاي اخضر]

جبت لكم الخبر اليوم من الوزاره من مراقبة التعيينات تقووول داوموا عادي وصج في نشره بس طلبوا من المناطق ماتوزعها على المدارس والوزيره تقول خليداومون والايام اللي داومنا فيها راح يصرفون لنا معاشات تقول مستحيل مانصرف لهم حتى لو وقفنا تعيينهم نصرف لهم من تاريخ مزاولة عملهم .... فيابنات مدام المدارس مابلغتكم شي داوموا ولو وقفوا تعيينا لنا مستحقات تقول ماراح نخليهم .

 

[*شكسبيريه*]

هذا ظلم شنو ناس يطبق عليهم النظام ويقف تعينهم وناس لا .........

 

[رذاذ المطر]

شكسبيرية .. احنا داومنا قبل لا ينزل القرار وتقريبا صارلنا اكثر من 17 يوم داوم

والمدارس محتاجة معلمين .. فقالو اللي باشرة عمل بيستثنونهم مثل الاطباء .. بس للحين ماصار شي

علي الاسبوع الجاي ان شاء الله يبين كل شي

واعتقد الكل ماراح يرضى ان اداوم بدون معاش


يعطيج العافية شاي اخضر الله يبشرج بالخير ياقلبي ...

 

[*شكسبيريه*]

الله يوفق الجميع بس جد خربو نفسياتناااااااااا..........

 

[فؤاده]

الخبر القرأتيه صح لكن فهمتوه خطأ ؟ تتوقف جميع التعينات والندب بجميع الوزارات لان مجلس الامه منحل ولايوجد مجلس ولاكن حبيبتي مستحقاتك محفوظة باثر رجعي بعد تشكيل المجلس الجديد سوف ترجع اليك

 

[رذاذ المطر]

فؤاده انا مافهمته غلط .. المراقبة بنفسه قالي

الله يكتب اللي فيه الخير ... انا اللي قاهرني ان النشرة واصلة للمدرسة بس ماقالت شلون تبينا نداوم بدون معاش

حرام عليها

ان شاء الله اي قرار جديد اسمعة اقولكم

 

[أحبج يالكويت]

الله يستر والله حرام اذا صج

وانا حامل اداوم ومتعبه نفسي وحالتي حاله واخر شي ماكوو معاش ,

 

[قايد الغزلان]

السلام عليكم

اليوم استثنوا المعلمات لحاجه الوزاره
كلام نوريه الصبيح بجريده اليوم هالخبر

 

[أحبج يالكويت]

اي جريده ؟؟؟؟؟

 

[الأمل الأبيض]

اي جريدة ؟؟؟

 

[عالي مستواها]

الحمد لله يعني طلعت إشاعات

انزين بنات ماتدرون متى تنزل معاشاتنا حدي مفلسه

معاشات المدرسات الأسبوع هذا .. اللي تعيين جديد متى تنزل لهم ؟

 

[زيـטּ عَبْس]

المعاشات ان شاء الله تنزل

24-4

كنت بالوزارة وسألتهم

وقالولي هالحجي


---------------------------------------

ومعاش العطله بينزل كامل 4 اشهر في شهر 6 مقدم يعني

-----------


(( نصرفهم بالعافيه يارب ))

 

[Featured Lady]

من جريدة الجريدة الصادرة يوم الاثنين 21-9-2008

وهذا نصه :
=====
الحكومة تتجه إلى استثناء المعلمين من وقف التعيينات
فهد التركي
كشفت مصادر مطلعة ان مجلس الوزراء يتجه الى استثناء المعلمين والمعلمات في وزارة التربية والدكاترة العاملين في جامعة الكويت والهيئة العامة للتعليم التطبيقي، من قرار وقف التعيين والندب والنقل خلال فترة الانتخابات كي لا يستغل ذلك من قبل المرشحين كورقة رابحة في الانتخابات.

وقالت مصادر مطلعة لـ «الجريدة» إن اتجاه الحكومة الى هذا «الاستثناء» يأتي اسوة بالاطباء والتخصصات النادرة الاخرى في وزارات الدولة وجهاتها، موضحة ان وزيرة التربية وزيرة التعليم العالي نورية الصبيح طلبت من مجلس الوزراء هذا الامر لسد النقص الحاصل في الوزارة، ولاتاحة الفرصة لتعيين أكبر قدر من المعلمين الأكفاء دعما للعملية التعليمية.

وأضافت أن التوجه في الاستثناء سيشمل أيضا دكاترة الجامعة والتطبيقي الذين أُرسلت اسماؤهم الى ديوان الخدمة المدنية، متوقعة ان يصدر المجلس قراره في هذا الصدد في جلسته المقبلة.

ولفتت المصادر الى ان مجلس الوزراء يتجه الى استثناء كل التخصصات النادرة التي تحتاجها الجهات الحكومية
«وسيكون ذلك بناء على طلب الوزير وتقدير الحاجة الماسة للموظف المطلوب».

 

[ام عفاف الكويت]

ابله خلود يعني لنا معاش هالشهر ؟
ومعاش العطله كامل ؟

 

[قايد الغزلان]

السلام عليكم

بجريدة الجريدة الى نزلتها الاخت فنن 112
والسموحه على الرد المتاخر ياابلات

 

[رذاذ المطر]

فاااااااااااااالــكــم الجنة ان شاء الله علي الخبر الحلووووو


شقد استانست لان نفسيتي حدها زيرووو من هالقرارات اللي مالها معنى

فنن وحدة من رفيجاتي اليوم قالت لي هالخبررر وجاية اكتبه لكم بس سبقتوني