اللهم بلغنا رمضان حياكم يالسنعات خلونا نفيد ونستفيد

[غير كل الناس]

السلام عليكم

مبارك عليكم الشهر مقدما
بما ان الشهر الكريم قرب عساكم تعودونه كل سنه وتصومونه:eh_s(7):
نصيحه من اخت لكم اخت محبه

لايصير همنا السوق والمطبخ خلونا نخلص شغلنا الحين من سوق وتجهيز ونتفرغ برمضان للصلاه والراحه والاستمتاع بايامه الحلوه والا شرايكم؟؟؟؟؟؟؟؟؟؟؟؟؟؟؟؟


بالنسبه لي جهزت الكبب وفرزنتها

واليوم بروح حولي اشتري القطايف والجبن البلدي والمكسرات

وبعدها بسوي شيره واعلبها

واخلص كل شي من الجمعيه
والاهم اسوق بناتي علشان ماروح السوق برمضان وخلو رمضانا هالسنه غير

يالله علمونا شنو خططكم المستقبليه بها 20 يوم الجايين
اختكم

((غير كل الناس))​

 

[المستغفرة 74]

ماشاءالله عليج انا بالنسبة لي الاسبوع هذا راح احاول اجهز الي اقدر علية وفبل يومين رحت للجمعية وشريت ماجلة رمضان والذي منة من شربت الفيمتو والهريس والجريش واللقيمات والجلي والكريم كراميلا والشوربات والمعكرونيات ووو
وبالنسبة للمواعين عندي لان طبعي كل ما روح مكان ويعجبني شيء ما اخلية يصير بخاطري لازم اشترية اما بالنسبة لتجهيز البنات للعيد مفكرة اجهز للصغار من مكة يمدحون اسوقتها وقبل الرمضان باسبوعين راح اروح للعمرة وان شاء
الله قبل رمضان بيوم ارد ولله الحمد كل شيء متوفر . وسلامتج يالغالية خوش موضوع موفقة .

 

[باتشية]

خيطت للعيد الحمدلله

الحين قاعدين نسوي حملات جرد سنوي للبيت لووووووووول

واللي مانبيه من ملابس مواعين اثاث امور ...قاعد نيمعهم وبنوديهم اللي ينفع منهم بنوديهم الصدقات

واللي ما ينفع بنتخلص منه

ودي اشتري كبب خو ما اعرف لا اسوي ولا افرزن

ماجلة رمضان يمكن نشتريها بعد اسبوع من الحين

ابي اضبط جم دراعه لرمضان ...عندي خام بس محتاره بالموديلات هذا ان لقيت خياط يستقبلني الحين لوووول

وبس

معاج حق ودي اخلي رمضان هذا بس عبادة بدون لا يشغلني فيه شي​

 

[غير كل الناس]

المستغفره عاد انا وياج الحال من بعضه هههههه الله يعين

 

[غير كل الناس]

باتيشيه ماشالله عليج حلوه فكره الجرد ودي اسوي هالشغله ليله رمضان حلو تعلمين العيال علي الصدقه انا دايم اعلم عيالي الصغار بالذات هالشغله طبعا قصه وهميه من وحي الخيال ان في بنت وولد امهم مريضه وابوهم مات وماعندهم احد يساعدهم

 

[روان_الكويت]

فعلا خوي موضوع
حاليا سويت جرد قبل رمضان باقيلي المطبخ ناويه بأجر انشالله
والي ما ابيه بوديه الصدقات
وبقط الجدور المستهلكه
ويشتري من وحده لبنانيه كيه بطاط بالجبن اعياليً يحبونها ولا أنا مابي كبب عشان الرجيم ولا كل سنه أخذ منها البرغل العيش وغيره
وبسوي سمبوسه وافرزنها
اما الفيمتو وغيره ودج مو الحين برمضان يسوؤه عروض قويه جمعيتها مره باعته ب١٣٠ فلس بس لأعضاء الجمعيه تخيلي اقل من التكلفه
وعروض اشكثر فودج تستفيدين
انشالله الله يبلغنا رمضان ونتعود فيه يارب

 

[النوري نور عيني]

اهلين ..غير ,,والله سويتيها ونزلتي الموضوع..
ما سويت شي لرمضان ...جمعيتنا تسوي خوش عروض ...ليش ما استفيد منها ..ومرة وحده نطق الرقم ...
اما الكبب ...اشتريها من ديليزيا ...لذيذه ...وانا عندي عرس ورا رمضان ..ومسويه رجييم ..والبنات خلصت هدوم العيد ...بس انا الي بقيت بخيط للعيد ورمضان ...والمواعين قصر السلطان والراقي عندهم اشياء حلوة ..

 

[غير كل الناس]

هلا النوري نورتينا بنورج هههههههههههههه جننتوني في التجمع بس لاتعلمين سارونه تكفين
قصر السلطان والوافي اللي في الفحيحيل صح؟؟؟

 

[الجووورى]

فديتك عالدعوه اختي غير
وانا شريت كبب وسمبوسه مثلجه بس هالقلي شغل بيت
و\هم يبت ثوووم مفروم وسويت منه كميه واحطه هم بالفريزر يكون ذاهب
للاكل
والخضره نفس الشي جان بقدونس ولاشبنت بس حطوا كميات صغار علي حسب العدد الل عندج بالبيت
حتا الكوسه بنات افوحها واشخل ماي واحطه بكياس
وذهبت البهارات حق برياني والمجابيس انا اجيبهم حب واطحنهم بالبيت احسن والريحه وبالاكل الطعم انطع يطلع
زهبت العصاير باقي جم نوووع
وشخلت المطبخ
طبعا البيت كل يوم اسوي غرفه من الي اقلبها فوق تحت ماخليت شي حتا السقف يعني حمله تنظيف شامله
طبعا كل يوم انظف بس هالمره جان سجاد اغسل ولا بردات ولا كنابل
سويت تصفيه علي الهدوم الل ماابيه اقطه اي لجنه
واليهال اشوه افتكيت ريلي توه راد من السفروخليته شرالهم كل شي
بس باقي شغلات بسيطه
ولي بااااااك عالسريع كتبت

 

[ام الدرر]

حبيبتي غير عن الناس
انا البداية سويت السمبوسه والسبرنغ رول
انصحكم بنات بعجينة السمبوسة بجمعية قرطبة يسوي عجينة رول بعد
وناوية عالكبة هالاسبوع ان شاءالله
بديت اشتري للمدارس عشان ما احوس برمضان لان المدارس بعد العيد على طول
وبجهز ملابس للعيد والقرقيعان الايام الياية باذن الله
عسى الله يبلغنا رمضان ويعينا على صيامه وقيامه ويكتبا لنا الاجر
ومشكورة حبيبتي عالموضوع المفيد​

 

[غير كل الناس]

الجوري ماقصرتي لبيتي الدعوه

ام الدرر تدرين انج ذكرتيني بالمددارس ؟؟؟؟؟؟؟؟؟؟؟

 

[انا لحبيبي .]

up

موضوعك حلو ،

 

[أنوار الزهراء]

السلام عليكم ورحمة الله وبركاته
هلا أعضاء كويتيات
شخباركم ان شاء الله بخير
صدقتون نجهز من الحين أحسن علشان في رمضان نتفرغ حق العبادة
الله يبلغنا رمضان على خير ويعودنا وياكم ان شاء الله
كنت بسألكم شنو هو الكبب بس قلت يا بنت ابحثي صور الكبب في قوقل ولما بحثت عرفت شنو طلع الكبة
بنات شنو الأشياء اللي تجهزونها وتفرزونها لان اني أول مره بجهز وفرزر
نسألكم الدعاء​

 

[باتشية]

اي والله نسينا المدارس مازهبنا لها ...وعلى طووووووووول بعد العيد

ووويه والله ميزانيه ...رمضان العيد المدارس وراء بعض

الله يعين ​

 

[أنوار الزهراء]

اي والله نسينا المدارس مازهبنا لها ...وعلى طووووووووول بعد العيد​

ووويه والله ميزانيه ...رمضان العيد المدارس وراء بعض​

الله يعين ​

اي والله
الله كريم خيوه
الله يساعد اللي عندهم عيال في المدارس​

 

[وآحشنــي زمآنـك]

أنــاا مااعندي عيـآل للحيـن يعني أناا وزوجي بس رآس برآس هههههههه ..


فمــاا رآح أشتط للأكـل لأنه على قوولتـه هوو أغلب الشهـر بيفطر مع أخوآنــه ..



بس إن شـآء الله هاليـومين بروح البلوكـآت أفصل لرمضـآن والعيــد ماادري شسويله لأني آخر رمضــآن بدخل شهري ..!!

 

[غير كل الناس]

up

موضوعك حلو ،

حلت دنياج يارب

 

[لياليـ]

اب
اب
لعيونج
مو مزوجه ولا عندي عيال لووول
اتقبلي مروري

 

[لياليـ]

ارجو التثبيت
اب
اب

 

[المستغفرة 74]

رفع لعيونج