اللهم بلغنا رمضان حياكم يالسنعات خلونا نفيد ونستفيد

[غير كل الناس]

اب اب اب اب

 

[طيرشلوا]

انا جمدت الخضرا الفاصوليا والجزر والطماط ضربتة بالخلاط وعبيتة بأكياس
بكرة بسوي عجينة القبوط والاربعاء الكبب بإذن الله
والاسبوع الجاي السمبوسة والسبرلنغ روول​

 

[طيرشلوا]

حبيبتي غير عن الناس ​

انا البداية سويت السمبوسه والسبرنغ رول
انصحكم بنات بعجينة السمبوسة بجمعية قرطبة يسوي عجينة رول بعد
وناوية عالكبة هالاسبوع ان شاءالله
بديت اشتري للمدارس عشان ما احوس برمضان لان المدارس بعد العيد على طول
وبجهز ملابس للعيد والقرقيعان الايام الياية باذن الله
عسى الله يبلغنا رمضان ويعينا على صيامه وقيامه ويكتبا لنا الاجر ​

ومشكورة حبيبتي عالموضوع المفيد​

تسلمين بس أي صوب بالجمعية داخل الجمعية والا برة​

 

[فتافيت الكويت]

للحين ما خلصت

 

[لورا 22]

شريت الناقص للمطبخ لرمضان وطلبت من مره كبب وخيطت لرمضان دراريع وخلصت وهم الحمد الله خلصت لبس العيد لي من مجميعه وشريت لولدي بدلة عيد ونعال بس ناقصني دشداشته << اسهل شي يالطيبه جان خلصتيه بعد
مدري احس تعيجزت ما فصلنا للحين فديته هو ودشداشته

 

[قآنون كيفكـ!!]

مانحب نفرزن الوالد الله يحفظه يقول اكلكم بايت

تشوفوني انا والوالده من 12 الظهر نحوس ..

المواعين خلصناها ...

 

[f@rsaq8]

انا كل الي ابييية اخلص من الهدوووم " الغسيل " و الله مااالحق

 

[غير كل الناس]

لايوقف

 

[dnyay_mll]

اليوم سويت سمبوسة بطاط وسويت جوانح دياي
وفرزنتهم لرمضان

توني اشوف طلبج
كبة البرغل
هذي طريقتي من سنييين وما اغيرها كلش
كيلو برغل ناعم
كيلو لحم مفروم من اللحام او 2 مفروم المواشي
بصلتين كبار مقطعين ارباع
3 سنون ثوم

غسلي البرغل ونقعيه بكوبين ماي دافي ساعتين
بعدها شخليه من الماي وعصريه عدل
حطي البرغل بالمفرمه وفرميه مع حبتين ماجي

عجنيه شوي بايدج
بعدها فرميه مره ثانيه بالمفرمه مع اللحم المفروم والبصل والثوم

عجني العجينه عدل وضيفي لها شوية فلفل اسود وملح وكمون وبهارات مشكله
خلي العجينه بالثلاجه تقريبا نص ساعه

حضري الحشوه
7 بصل تقطعينهم صغار حمسيهم عالنار بدون زيت وكل شوي ضيفي قفشتين ماي لما يذبل البصل ضيفي سن ثوم مدقوق وقفشتين زيت ولما يتحمص الثوم
ضيفي نص كيلو لحم مفروم وحمسيه عدل لما يطبخ اللحم
ضيفي هيل ناعم ودارسين ناعم ولومي اسود ناعم وبهارات لحم وبهارات مشكله وزنجبيل بودر وكزبره بودر وكاري وفلفل اسود وحبة ماجي و3 ملاعق سماق
السماق يعطي الحشوه طعم لذيييييذ
بعدها ضيفي الصنوبر

شكلي الكبه ولازم يكون يمج ماي بارد وثلج وفيه 4 قفاش نشا
بللي ايدج بالماي وشكلي الكبه بالشكل اللي تحبينه

وثلجي الكبه بالفريزر لي رمضان

ووقت القلي
قبل ماتقلين الكبه دهني الشقوق بماي بارد وثلج
الزيت يكون حار وعميق
لاتقلين اكثر من 4 حبات كبه في الزيت عشان مايبرد وتتفتت الكبه يعني اقلي الكبه على دفعات
تقدرين تحطين قفشة نشا في الزيت قبل ماتقلين الكبه عشان ماتتفتت وقت القلي
النار تكون وااااطيه وخلي الكبه تستوي على راحتها

وعليج بالعافيه
واي سؤال انا حاضره

 

[ورد و ريحان]

موضوع روووووعه
غير كل الناس اظبطج بكبة البرغل افه عليج
انا مبدعه فيها يالله اسوي واطرشلج ههههههه

 

[غير كل الناس]

دنياي ملل عسا دنياج هنا وسعاده يارب بكره بنفذت طريقتح ويارب تضبط

 

[غير كل الناس]

ههههههههههههههههههههههه رود طرشيها عالواتس اب فديت قلبج

 

[حبيبي مشعل]

بصراحه بكون والده لان بدش شهري 20 سبعه
ادعولي تكفوون
ومبارك عليكم الشهر وان شاء الله تعيدونه كل سنه مع كل حبايبكم واهلكم وناسكم
​

 

[غير كل الناس]

عسي الله يهون عليج يارب وعساج من عواده

 

[جذابه بنت ذيابه]

مساء الخير


:eh_s(7):
شلونج الغاليه ..؟ عساج بخير


الحمدالله خلصت من نص شغل المطبخ .. شريت كبب من وحده .. وشريت خلاطه
وفناجيل باقي المطاطير والجدور ..

وفصلت لي 4 دراريع و3 بدل



لي رجعه
والله لا يشغلنا الا بطاعته يارب ..
​

:eh_s(2):

 

[غير كل الناس]

ياهلا من طول الغيبات وينج غاطه

نور الموضوع ياجذابه

 

[PuPa^^SWeeT]

انا خلصت العيد حق بناتي

و كبب و سمبوسة خلصنا


باقي بس حق العيد حقي

وقرقيعان البنات

 

[حلاوه تمشي]

انا توني ماخلصت للعيد بس كل خواتي خلصوا ان شاءالله بفصل لن السواق مافيه شيء للعيد سنع

اما تعزيل البيت تونا مابدينا الحمله ع الاسبوع الجاي ان شاءالله

والى الحين الاكل مافرزنا يعني بنفرزن ع الاسبوع الجاي

ومشكووووره ع الموضوع العسل الي مثلك

 

[مشغوله و محتاسه]

خووش موضوع .. شكراا غير كل الناس


حملة تنظيف المطبخ بدت ..

و طلعت مواعين رمضان العام .. و اشتريت جم صحن و بايركس يدد حق هالسنة ..



الملابس ... شايله همها لان ما لقيت شي حلو حق بنتي .. يبيلها فرارة



الفريزر .. عادة ما نفرزن شغلات وايد .. يعني ممكن نسوي سمبوسه قد اسبوع و عقب بيوم نكون نبي نزور اهل زوجي مثلا نسوي للاسبوع اللي بعده

اي و بمناسبة رمضان يبنا عامل نظف الفرن و طلع له ويه يديد : )) و العيون انتعشت ..



وحده امس شفت موضوعها عن ورق العنب و ذكرتني بآلة ورق العنب .. رحت دورتها و طلعتها و بهاليومين ان شاء الله بعلم شغالتي واجدد ذكرياتها مع ورق العنب و نسوي كمية حق الفريزر و حق قبل رمضان << نجيك على جودة الطعم فقط لا غير لووول


و عسى الله يبلغنا رمضان ولا يحرمنا اجره

 

[شهرزاد الحكاية]

^^^^^

الله يعطيج العافية ...وعساكم تعودونه بصحة وعافية ياااارب

بغيت أسألج العامل الي نظف الفرن وين لقيتيه .... ندور واحد ينظف لنا الغاز ...

ومشكورة ​