اللهم بلغنا رمضان حياكم يالسنعات خلونا نفيد ونستفيد

[غير كل الناس]

الله يرفع قدركم

 

[وليدي وينك]

رفععععععع

 

[وحي الخاطر]

رفع رفع رفع

 

[ام كشه خطبها]

امي سوت السمبوسه والخضراوات وفرزنتهم وجهزت اغرض من السوق

 

[اسيل وفرح]

اتا اجيب عجينه السمبوسه والسبرنغ رول من االسعوديه وافرزنها تكفيني لكل الرمضان بغيت اسال ام الدرر شنو العجينه الي تاخذينها من جمعيه قرطبه

 

[غير كل الناس]

انا اليوم رحت الضجيج في مكان وري مركز سلطان عند ميداس لايطوفكم مواعين حق رمضان




اخذت مطارات ذهبيه صغيره لقهوتي بعد الفطور وبايركس وطقم سكانات يومي وقلاصات ومواعين وملاعق جديده



قبل لارتبهم طبعا

 

[غير كل الناس]

بنات ابي كبه برغل ناطعه هالكبه الوحيده ماتضبط معاي

 

[الوردي2011]

كبه برغل ما عرفها اما كبة البطاط أساليني عنها اضبطها الحمد لله
بنسبه لي ماجهزت شئ عندي عرس بعد العيد مباشرة فبخلص من السوق كله واستعد لرمضان الله يلحقنها بخير
واالله يجزها خير اللي ذكرتنا المدارس ناسيها

 

[ام الدرر]

اتا اجيب عجينه السمبوسه والسبرنغ رول من االسعوديه وافرزنها تكفيني لكل الرمضان بغيت اسال ام الدرر شنو العجينه الي تاخذينها من جمعيه قرطبه

هلا حبيبتي
عجينة سمبوسة عادية عنده الطويله
وعنده مربعه بحجم صفحة الدفتر او اصغر شوي
انا اسوي فيها
رول خضار (ملفوف ابيض-جزر- كوسا - بصل محموس مع بعض )
رول ربيان
وهو يبيع رول جاهز اذا حبيتي تذوقين جبن سادة- جبن ونقانق
السبرنغ رول اللي بالجمعيات صيني ويشرب زيت
انا افضل هذا ​

 

[ام الدرر]

الجوري ماقصرتي لبيتي الدعوه

ام الدرر تدرين انج ذكرتيني بالمددارس ؟؟؟؟؟؟؟؟؟؟؟

شنسوي ياقلبي
مافينا حيل للدوارة برمضان بالنهار
وبالليل ما في وقت
تدرين يأذن المغرب 7 على ماتصلين وتفطرين
ياذن العشا 8:20 تقريبا
نروح للصلاة نص ساعة اذا مو اكثر
صارت 9
اول اسبوع مسايير ويمعات
وعقب القرقيعان
وعقبه صلاة القيام
مافي مجال للسوق كلش
الله لا يشغلنا غير بطاعته​

 

[غير كل الناس]

اي والله الله لا يشغلنا الا بطاعته

 

[النوري نور عيني]

الله لا يشغلنا بغير طاعته ..

 

[فطووومة]

حبايبي المدارس تو الناس عليها

الطلبلة يداومون 19 تقريبا في وقت بعد رمضان

 

[marshmelo0o]

بنات ابي كبه برغل ناطعه هالكبه الوحيده ماتضبط معاي

حبيبتي انا طلبت من الفوزكيشن كبب نااااطعه

 

[dnyay_mll]

خوش موضوع
انا لفيت القبوط
واليوم سويت كبة توست حشيتها جبن
وباقي لي بعد اشياء للفريزر ان شاءالله يمديني

المواعين حطيتهم بكراتينهم بالمخزن

ملابس العيال لرمضان والعيد خلصت منهم الحمدلله

والمدارس خلصت القرطاسيه والجناط باقيلي الملابس

والغرف ظبطتها وقطيت كل شي ما احتاجه

باقيلي المطبخ اسنعه شوي

 

[عقدلولو]

خوش موضوع انشاء الله بنزل تجربتي جريب ​

 

[vanilla-D]

وااي انا توني متزوجه و ماا ادري شسويييي

 

[غير كل الناس]

ماشا الله عليكم الله يحفظكم مافي اسنع من بنات الكويت

 

[شهرزاد الحكاية]

الله يبيلغنا رمضان ولا يشغلنا بغير طاعته ورضاه ...

عندي سؤال بنات
وين ممكن القى كبب نظيفة وحلوة وناطعه لابطلبها لرمضان ...ومشكورين مقدما ....​

 

[أم حسون]

انا بس شريت كبب وسمبوسه عجيبين من ام علي وشريت كتب طبخ ههههههه والمواعين بين فتره وفتره نشتري يدد