الشهر التاسع والنفسة الزفت والتعب ...حياكم نسولف ؟؟

[La t7atini]

اااب

 

[anwaroo]

قوه عليكم
شلونكم
انجبر المراجعه كل اسبوع عشان يجيكون على البيبي ويسمعونج دقات قلبه وجيكون على الماي ووزنج وضغطج يعني يطمنون اكثر
انا عن نفسي احب اطمن صراحه

 

[anwaroo]

بنات رفيجتي مسكينه باقيلها 3 ايام وتاكل شهرها وقايليلها البيبي مرتفع ومفتوحه من نص سانتي لي سانتي واحد بس
وقالها من الحين لى السبت ما تبطل الرحم فتح بطن
ادعولها الله يسهل عليها
اهيا الله يهديها رباطيه ماتتحرك ماتمشي عيزت اقولها الحركه زينه من دخلت التاسع
الله يقومها بالسلامه
والمصيبه انه كل مايصيرلها شي انا اقعد احاتي عمري وايد

 

[♥ ݤليے ﻁﻔووله ♥]

لاتحاتيني
ونااسه انا وياآج سيم سيم .. ع ماعتقد انتي بجريه مووو ؟!
وتراجعين عند اي دكتوره .. انا كنت ناهد السودانيه والحين مصريه جبيره بالسن اسمها امل
وجم قالولج تكلف ولادتج ؟!
وبلييييييييييييييييييييييييييييييييييييزززززز اذا ولدتي ضروري تبلغيني بالتفاصيل .. هذا اذا ماولدت قبلج هع هع ْْ
انتي جم لج بالتاسع ؟!


انوارو .. الله يسسسسهل عليهاآآ يارب قوليلها تسوي تمارين القرفصاات يمدحونها يقولون وحده بوحده ::/

 

[انجبر قلبي]

انجبر قلبي .. ليش انتوا المتابعة بالشهر التاسع ماتكون اسبوعيا ؟؟

امبله المفروض كل اسبوع

بس اهيا قالت شغله

انا مو ذاكرتها

غير الاشياء الاعتيادية

 

[انجبر قلبي]

قواااا بناااات
انا صارلي تقريبا 4 ايام بالتااسع ونفسيتي تعباااااانه ومالي خلق شي
اليوم رحت لموعدي لقيت مغيرين لي الدكتوره بس هم ارتحت لها حسيت تعرف شغلها اكثر اسمها ان ماخاب ظني امل بطيبه كلينك .. ونصحتني اولد عندهم ولحسست مخي مع اني حاطه فبالي اولد حكومه أأمن لي بس يالله موخساره عليها 400 دينار .. ولاانتو شرايكم .؟
بنات عفيه لحححححد يخرعني منهم ترا تعبتني سالفة كل ماروح اراجع عند مستشفى طلعتولنا بشي فيهم كرهتوني بالخاص والله تعقدت

المهم قالت لي وزنه اثنين كيلو و200 او 700 قرام ناسيه حدي مفهيه .. تقول وزنه مناسب بس مادري حسيته كبير خصوصا ان بطني صغييييييييييييررر ماتقولون بالتاسع :/ فحدي خايفه شرايكم انتو .؟!

وااي انا اغط اغط وارد اخر العلوم كلها هع هع ِْ

حبيبتي توكلي على الله و أولدي بطيبه ومالج شغل باللي يذم انتي استخيري وتوكلي يعني عالاقل احسن من الحكومة و فيه شوي خصوصيه بس هالشي راجعلج والله يسهل عليج انشالله

المهم انا مثلج صارلي 4 ايام بالتاسع و وزن بنوتي كيلوين و 200 و شي ... و بطني مثلج صغير محد صدقني يوم كنت بالثامن ولا حتى الحين اني بالتاسع مع اني احس بثقل و تعب بس مادري مخشوشه مادري وين داعسه رويلاتها خاشتهم فديتها

و بالعكس قالت لي الوزن زين لاهي كبيره ولاهي صغيره

انشالله ما تكون بنتي اقل من كيلوين و نص بالولادة اخاف تنحط بالحضانه والا شي

و لا تنسين المشي من الحين انا بديت الله يسهل علينا يا رب

 

[aya faid]

ها بشروا محد ولد؟؟

 

[مشاعر أمرأه]

بنات عفيه عندي استفسار انا اليوم لي خامس من الشهر التاسع

امس وأولة أمس نزل علي قطعه بيضاء صغيره هل هي علامة ولاده

والا لأ المشكله اني اراجع عند د.ماجده اليتامى واهي مسافره عندها

مؤتمر بلندن شسوي عفيه طمنوني لأني حدي خايفه

 

[مشاعر أمرأه]

Up

Up

Up

 

[La t7atini]

مشااعر
قطعه قطعه يعني واضحه
والا مجرد افراز لزج ؟!

اذا قطعه الله اعلم هذي سداده الرحم
يعني الله يسهل عليج ولادتج قربت
انا بجريه ماعندي خبره بس هذا الي سمعته
من البنات وان شاء الله يفيدونج الي عندهم خبره


***

كلي

اي انا بجر
واراجع عند د. منال السيد
يحليلها دكتورة ناهدة دخلت عليهاا
مرتين لمن سافرت دكتورتي
ومسكينه توهقت بنتيجة التحليل مال السكر
دقت ع دكتور وقالت له النسبه وقالي اي في سكر
وهي كانت تقولي لاا طبيعي الظاهر ماتبي تخوفني
د. امل ماعرفهاا بس ماذكر جنه وحده مدحتها لي !!

ابشري بعلمج بكل شي اذا ولدت قبلج
انا لي اسبوعين بالتاسع
بس كلش مافي بواادر يعني حدي مطووله
باجر بروح لموعدي واستفسر لج عن التكاليف
عشان اعطيج السعر بالظبط *

 

[anwaroo]

هاى بنات شلونكم بشرو عنكم
انا اليوم كانت مراجعتي وفحصني احيييييييه اول مره اجرب يعوووور خايفه اروح السبوع الياي والسبه الفحص مادري شلون بولد الله يسهل يارب
بس قالى شربي دارسيين واكلي اناناس اول مارديت جان اكل اناناس طبييعي
وبليل شربت دارسين ومشيت نص ساعه
وماكو شي يديد
ادعولي ابي اولد استغفر الله الثقل هلكني

 

[أم حورية]

السلام عليكم كرووووشات شلوووونكم

انا تابعت موضوعكم من اوول صفحة ليي الاخيو صارلي جم يوم وتوني اخلص

انا توني داشة الاسبوع الثاني من التاسع والصراحة حييييل استغربت منكم اول مرة ادري انكم تفحصون لي دشيتو التاسع

انا هذي رابع حملة و3ولادات االي طافت ولا مرة فحصت الاحزة الولادة بس يمكن ليش مراجعاتي كانت بالحكومة عشان جذي ماكو فحص وبصراحة انا بس حزة الولادة يفحصوني وحدا يعور شلون تتحملون كل شوي يفحصونكم ؟

عموما الف مبروك حق اللي ولدو والفال لنا يااارب

انا على كل ولاداتي اخذ اسبوعين من شهري وان شالله هالمرة جذي مافيني حيل اطول

على فكرة بنات ترى السهالات من الله انا على بنتي العودة شربت خروع وياني الطلق بس الرحم فتح 4 س ورد تسكر صار2 لا تسألوني شلون مادري فعطوني طلق صناعي وظليت يومين اطلق يالله ولدت وعلى بنتي الثانية ماخذيت شي والحمدلله ما طولت بالولادة

مشاعر *ما اظن هذي السدادة لان السدادة ينزل معاها دم حتى لو كان خفيف بس المهم دم مو شفاف بس الله العالم روحي الطبيب تطمني

بنات حبايبي اللي ولدت بمستشفى لندن خل تقول تجربتها لان شكلي بولد عندهم

والله ييهل على كل الحوامل ياااارب

 

[سنااااي]

اللـــــــــــــــــــــــه يهون علي وعليكم

 

[aya faid]

النفسية زفت

النوم ماكو



كل عظامي عوااااااااار مو طبيعي

 

[أم حورية]

ليش هدوء ؟

على حظي يعني ؟؟ ولا حزة دوامات ؟

بنات امس وحدة تسولفلي عن ولادتها تقول كنت منسدحة بنام جان احس ان الماي انبط تقول ماوعيت الا الياهل طلع

تخيلو من غير مقدمات ولا عواااار 

الله يرزقني وياكم بالولادة السهلة يااارب

يقولون دعاء الصائم مستجاب كنت يوميا برمضان ادعي ان الله يسهل ولادتي وان شالله تكون سهلة ياررب*

 

[انجبر قلبي]

والله صاجه ام حورية السهاله من الله والله بنت عمتي مسكينه ما خلت شي من مسهلات الولادة الا وسوته ولا فاد معاها يعني ماله شغل لا تعابلون باعماركم اهم شي التوكل على الله والدعاء و الله يسهل علينا اجمعين

بس ماشالله لا اله الا الله شلون جذي ولدت يعني بالمستشفى والا بالبيت والا وين @@ الحمدلله ع سلامتها والله يرزقنا مثل ولادتها بس بالمستشفى مو البيت هههههه

 

[جنوون الشوق]

الله يهون عليكن وعلي ويسهل ولادتي

 

[♥ ݤليے ﻁﻔووله ♥]

واخييييييييييييييييييييييررااا لقيت الموضوع مادري وين كاان منخش .. !:/

تخيلوو انا كل يوم بليل احس بالم وتقلصاات وماعرف اناآآآم منهآآ وبطني نازل ://
وبنتي لعوزتني بحركتها الله يهديها ويطلعها بالسلامه حركتها تذبح احسها باخر الحووض حيييييل :"(
تهقوووون ولادتي قربت !!
يمآآآآمـــــىىىي

 

[انجبر قلبي]

اهي مقربه لا محاله دامنج داشه شهرج

انا ودي اولد اليوم قبل باجر
​

 

[أم حورية]

انجبر قلبي تقول بالبيت ولدت لانها ماحست بولا شي بس طلع الماي ووراه سيده طلع البيبي

وانا بعد قلت نفسج الله يرزقنا بولادة سهلة جذي بس بالمستشفى مو بالبيت 

مو ناقصين طنازة الرياييل علينا *