الشهر التاسع والنفسة الزفت والتعب ...حياكم نسولف ؟؟

[فارسة]

بنات انا موحاسه بشي

الله يستر

ودي اولد

 

[OM E'ZEEN]

بناااات عيل انا صارلي اسبووع و 2 داخله بشهري وحددددي ابي اوووولد بس تعبت قبل يومييين رحت مشيت ساعه يمكن نزل علي شووي دم وعلى طوول طيرااان على المستشفى فحصتني تقوول مفتوحه 2 سانتي بس مو ممبط ماي البطن قالتلي ردي ما راح نستعيل الحين ايني شوي عوار صوب رحمي وبطني وظهري بس مااااكوو طلق اصلي لين الحين

شسووووي تعبت والله ابي اووووولد

 

[انجبر قلبي]

انشالله تولدين ام الزين​

انا كنت رايحة مع ريلي سنتر بوينت وانهد حيلي اهناك من كثر ما احوس فجأة ياني عوار نفس الدورة قوي يروح وايرد يروح وايرد وحقرته اول شي قلت يمكن بدايه طلوق بس مادري ما اعرف اميز الالم شنو​

عقب ساعه رجعلي مرة ثانيه وبعدين اختفى

الدكتورة قالت لي اذا منتظم يعني طلق ..ومدام اختفى معناته مو طلق

؛(​

 

[aya faid]

اي جبورة تجاديم لا تحاتين

 

[anwaroo]

بناااات
ابي شي يفتح الرحم مشي ومشيت واجماع وجمعنا لوووووووول
شسوييييي

 

[anwaroo]

up up

استغفر الله واتوب اليه

 

[Violetta]

سلام حوامل
انا انضميت لكم
حدي تعبانه توني خذيت شاور دااافي و احس اني خدرت
و انشالله من باجر بشرب كف مريم

 

[aya faid]

انوارو


تصدقين بعد محاولات انتحارية عديدة


كل شي سويت


اقولج انه مارح يطلع الا بمعاده !!!!!! ريحي باااااااالج

 

[فاقده ابوهاااا]

انا هالاسبوع انضميت لكم ولله الحمد وصج صج لايعه جبدي وابي اووولد بسرعه عطوني طرقكم

 

[فاقده ابوهاااا]

بناااات
ابي شي يفتح الرحم مشي ومشيت واجماع وجمعنا لوووووووول
شسوييييي

هههههههههههه اهم شي الاجماع

انا من باجر باذن الله ببدي امشي واقز بالافنيوز لي شفتوا وحده لابسه تريننغ وبطنها بينفجر هذي انا :krkrkr:

 

[الـزين و الجـود]

انا توني دشيت التاسع وماحسيت ابــ ولاشي لا الم دوره ولا نغزات ولا شي ...!!
غيري من الثامن ويحسوون وانا ماكوو احساس الله يستر لاااطوف شهري )×؛

 

[anwaroo]

انوارو


تصدقين بعد محاولات انتحارية عديدة


كل شي سويت


اقولج انه مارح يطلع الا بمعاده !!!!!! ريحي باااااااالج

الله كريم انا خايفه من وزنه اخاف يزييد وايد والله وصلت مرحلت البجي وصرت دعلى ما اتحاجا
اى احد يحاجيني اشب بويها
امي شربتني حليب وزعفران وحلبه وعسل ودارسين وبابونج
زهقت زهقت
وتبخرت بقشر بصل ومادري شنو بعد
دعووولي :eh_s(2):

 

[anwaroo]

ايي بنات نسيت اقولكم
اليووم بطووله عواار تحت سرتي بالظبط

يذيح مثل الابر
الى تعرف شنو هذا تفيدني انا موعدي يوم الاثنين انشالله

 

[aya faid]

نانوس انتي نفسي انا الحين بنص التاسع وماحسيت بولا شي ولا عوار ولا نغزات ولا تجاديم

ونفس شي احاتي وزن البيبي


اهم شي سلامتنا الله يقومنا بالسلامة

 

[ناازي]

انا دايما اقره سوالفكم بس اليوم الصبح ولدت الحمدلله خذيت اسبوعين ونص من شهري وياني طلق مع ان رحمي كان مسكر وقالتلي الدكتورة طلق صناعي لان نازل دم وماي وعقب نص ساعه فحصتني سبحان الله ولا مفتوحه ٣ ونص سانتي وانا طول الوقت كنت ادعي ان الله يسهل وفعلا ماكو احلا من الدعاء وولدت الصبح الله يسلمكم يبت بنوته والله يهون عليكم وتولدون وتقومون بالسلامة

 

[عاشقة الككاو]

الف مبروك حبيبتي
ربي يجعلها من الذريه الصالحة
والفال لنا كللللللنا يارب
وين ولدتي وشرايج بالتهويل والخوف الي قاعد نسمعه من كل صووووب
صج رعب ولا تيسيير من ربي !


----

انا عن نفسي ما في اي عوار اي احساس اي بوادر خخخخ
شكلي مطوله
شسوي ربي يهونها علينا

 

[ناازي]

مافي خوف ولا شي كله تساهيل من ربي بس الطلق لازم اتعورين بس لما اخذت الكمام ارتحت شوي خف علي العوار ولما طلعت البيبي ماحسيت فيها صراحة بس الطلق اللي حسيت فيه ولاتخافين من شي احلا شي واحلا لحظة هي الولادة وانا هذه رابع ولادة وكنت مثلج مافي اي بوادر راجعت امس العصر عند الدكتورة قالتلي مافي مجال تولدين هاليومين لان رحمج مسكرر وسبحان الله ولدت الصبح يعني كله رب العالمين والله يقومج بالسلامة يارب وكل الخوات الحمل وترتاحون انا ولدت بدار الشفا عند الدكتورة عبير وسلامتج*

 

[aya faid]

الف مبروك ماياج

سبحان الله صج التساهيل من رب العباد

 

[أم حورية]

السلام عليكم حواااامل شخباركم

الحمدلله رب العالمين انا ولدت اول امس بليل ويبت ولد عقب طلق 4 ايااام وانا حسبالي هذي تجاديم الولادة وقاعدة اقول ان شالله يدخلوني ولادة ماالي خلق انطر ولما فحصتني الدكتورة ولا مفتوحة 5 سانتي هالحجي الساعة 8 تقريبا وقالت لي الوحدة اكون ووالدة يعني حسبتلي كل سانتي بساعة تقريبا بس الحمدلله الساعة 10 ونص انا ولدت

ولا تخافون السهالة من رب العالمين بس ادعو على على طول ان الله يسهلها ولا تستعيلون على رزقكم لااحقين عالحنة


والله يهون ويسهل على كل الحوامل *

 

[aya faid]

الف مبروك ماياج

باي اسبوع ولدتي وهذا بجر ولا لا؟؟

وشلون كان وضعج باخر مراجعة؟؟