الشهر التاسع والنفسة الزفت والتعب ...حياكم نسولف ؟؟

[بيتي بوب بس كويتيه]

حبيبتي والله مشكوره ما قصرتي

 

[La t7atini]

والله ماسوينا شي
واحنا هني كلنا خوات
وكل وحده تفيد بالي تقدر عليه

 

[La t7atini]

أستغفر الله

أستغفر الله

أستغفر الله

 

[♥ ݤليے ﻁﻔووله ♥]

بنات انا شربت خروع وجاني بس مغص خفيف يروح ويجي

شربت نص الغرشه على دفعات وشربت وراه دارسين

والحين طلبت عصير اناناس طازج

الله يستر ويسهلها لان صج صج تعبت


//




يارب نولد بالسلاااامه انا وكل الحوامل

حياااااتي انتي مومن صجج شاربه نص غرشششه خرووع .. :/
ترا وايد نص غرششششه انا مرت خالتي حطت قفشتين خروع بعصير اورانج ومشت عالبحر باليل شوي .. ماصارت تسع الصبح الا والده عيل شلون لوشاربه نص غرشه ووراها دارسين .. يابووووووي شكلج ولدتي :krkrkr::krkrkr:
الله يسهل عليج حبيبتي وتولدين بالسلامه حسيتج سرتي انتحاريه من التعب :eh_s(4):

وع فكره البنات الدارسين مايولد ولا شي بالعكس في خطوره لازم ماتشربينه الا اذا كان في طلق لان اذا الرحم مسكر يفتح الماي ويسبب اختناق للجنين ..

**************
الحين دوري اتهنوص :eh_s(11):
***
انا اليوم دشيت ثاني يوم بالتاسع وحدددي متكسره ومتفججه امس صار جماع يعني عنبو عشان تتيسر ولادتي تخيلوووو ماقدر اقوم واقعد من الالم حسيت نفسي متكسسره وحوضي كل عظمه بصووووب تندمت :eh_s(4): :eh_s(4):

عفيه بنااات باجر موعدي بروح لدكتورتي ادعوولي اموري تتيسر :eh_s(2):

والله يقوم الكل بسلالالامه يارب

 

[يا كويتنا]

كلي طفوله الله ييسر امورج قلبي



فكرة الخروع مخليتها. اخر شي

لاني ماحب اذية الحمام والاسهال عزكم الله

 

[La t7atini]

امين الله يسهل ع الجميع

بس ترا ملامح ماشربت نص غرشه
دفعه وحده ههههه
لا ع دفعات قفشتين بالعصير كل يومين
اذا ماني غلطانه هذا الي فهمته منها

والدارسين انا قلت يحمي الطلق
يعني لو فيج طلق شربيه ينفع
مو مني والطريج تشربينه


كويتنا
شخبارج وينج فقدتج ؟!

 

[anwaroo]

قوه بنات انا الحيين ثاني سبوع بالتاسع
وانا بجر احس ماملييت لاني حييل خايفه من الولاده عفييه دعووولي اولد
طبيعي واقوم بصحه وسلامه انا وولدي واشوفه واكحل عيوني فييه

 

[بيتي بوب بس كويتيه]

هاي بنوتات انا ولدت الحمدالله
ولدي مستعيل حبيبي الله يخليه
انا فيني طلق من يومين كان خفيف
وأمس الساعه ٦ صار اييلي كل ١٠ دقائق خفيف وكنت عند د، مصطفا طبعا قالي لا تو الناس عليج وانا مو مقتنعه بس قلت يلا خلي اسمع كلامه ورديت البيت قبلها رحنا المهلب نتغدا واتمشى شوي وشربت ساعه لرفيجتي عيد ميلادها ههههه حايشني طلق ومشتريه هديه حدي متفرقه
الموهم زاد علي العوار رديت البيت وقعد العوار كل ماله ويزيد وصرت وريلي معصب يقول هالدكتور غبي يشوفج تتالمين المفروض مدخلج خذيت حبه الضغط وانسدحت واون لما حسيت بطقه بظهري ولا أوقف ولا الماي ينزل
وانادي زوجي انخبص مسكين ومو عارف شسوي ييت خالتي وحماتي لبستني حماتي الصغيره عباتي وانا ارجف ووصيت الكل على ولدي الكبير
ما خليت احد بالبيت الا وصيته عليه
وصلت المستشفى ١٢ وشي دار الشفا دخلوني الفحص وعلي طول ولاده ودخلت غرفه الولاده وقلت لهم أبره ظهر على وطول دكتور التخدير
والكمام حاطته صج يدخلك بأحلام من حطيت الكمام ما حسيت بشي بس عايشه بعالم الأحلام
واتالم لما يخفون عليه وكلمتني حماتي وطبعا ما اذكر أهيا قالت لي أني اهلوس تكلمني تقولي لا تاخذين ابره وانا أقولها مابي ابي ابي
بس صج كمامهم عجيييب ولدت وحطو ولدي بحظني بس ما كنت بوعيي عبالي حلم ولدت وخيطوني وما حسيت بشي صج حسيت بأشياء بس قلت لكم جنج بالحلم
ولما طلع آلياهل صرخت من قمت راسي الي برا سمعوني خالتي وأمي وريلي يقول من وين طلع منها هالصرخه لانه انا هادئه حيل وما اعرف اصرخ

الحمد الله ولدت واهتمامهم أهني وايد حلو
بس ما عطوني ابره ظهر طلع ولدي قبل لا يعطوني
والدكتور مصطفا يدقون عليه ما يرد
وبس

 

[بيتي بوب بس كويتيه]

عادي طوفو بدليات شابكه من ايفون

 

[aya faid]

امس شربت زعتر



يتني طلوق بالليل لي 7 الصبح


مو منتظة صمدت الصبح راحت


جنه كان حلم !!!!!

 

[aya faid]

ياقلبي الف مبرووووووووووووك

والحمدلله على سلامتج وسلامة البيبي



والفال لنا

 

[om_3azoz]

مرحبا ياحلوين

انا قبل جم يوم حاشني عوار كان يوم السبت عوار موطبيعي من الساعه 2 الظهر لي الفير عوار عاد بليل ريلي قال امشي اوديج المستشفى قلت اتسبح واحط اغرتض بالجنطه لان ماكنت مزهبتها كلها

رحت الطوارئ فحصتني بس واحد سانتي وسوين تخطيط ماكو طلق كل هذا ماكو طلق
عاد قالت هذا عشان راس البيبي قاعد ينزل ويضغط وهذي بدايه طلوق بس مايطلع على الجهاز

رديت البيت ليلحين عوار يروح ويرد قعدت الصبح ماكو شي بعدين رد شويه بس اخف من اول شي وبس


واول امس بطني عوار اخس من ذيج اليوم اللي قاعده ابجي ريلي دوام وانا نايمه بيت ابوي الكل نايم بس انا وولدي قاعده ابجي مسكين يقولي ماما حبيبتي لابجين خلاص ويمسح دموعي فديته بالغصب راح وصار فيني اسهال تكرمون عاد بعدين مادري شلون نمت من البجي ههههه

عاد اليوم شربت دارسين وبروح امشي بليل وبشرب زعتر وان شاءالله اولد يارب

 

[La t7atini]

بتي يااحياتي الحمدلله ع السلااامة
ومبروووك ماجبتي
شفتي السهالة من الله لامن دكتور
ولامن مستشفى

الحمدلله لك يارب

 

[عبث طفله]

الحمد لله ع السلامه بتي ..

انا باقي 12 يوم ع التاسع ..

الله يهون علينا يارب ..

ولنا عوده لهالموضوع اذا الله راد وماولدت هالاسبوع

 

[اسأل ضميركـ]

مبروكـ بيتي والفال لنا بصحهه وسهاله وسلامه

 

[بيتي بوب بس كويتيه]

اي والله السهاله من الله
والله يبارك فيكم ويسهل عليكم كلكم

 

[♥ ݤليے ﻁﻔووله ♥]

مبرووووك ماياج بيتي ويتربى بعزج انتي وابوه ويجعله ذخر لكم
والفال لنا بصحه ولاسلامه ياآآرب

 

[La t7atini]

سلاام

ها بنات شلونكم اليوم

 

[ضي القـمـر]

مبرووووك ماياج قلبووو

 

[La t7atini]

ام عزووز سلامتج
والله يعينج ويهون عليج
ان شاء الله تبشرينا قريب