السنة الجايه اولى ابتدئي صدمه

[ملاك زوجي]

اي والله صدمه الله يعين الامهات بس

 

[جماااانة]

طبقوول هالدرووس هالسنة ولد عمي اولى ابتدائي كن يدرسهاا

 

[زهرااا]

اللــــه يعين

 

[الليدي المغتربه]

:0bee2e8d89::0bee2e8d89::0bee2e8d89: لكن لالالا:lkmnkl:واكييييييد :flower:>>>>>>>كلش يعني بيقبلون احتجاجي خخخخخخخ وكنا نتمنا التغيير يجي من الروضه ولااشرايكم ياصبايا

 

[om al ghaleen]

اهي الصراحه صدمه لنا الامهات لانه كل شوي تتغير علينا المناهج

بس ع الطلبه اعتقد اسهل لانها قصه وحلووه
يلا ان شاء الله اسهل لانه الصراحه كتااب عبير وسالم وايد اصعب

 

[أمانيQ8]

والله العربي اهون مصيبه من الرياضيات ولا درس النمط على قولة بنتي النبط لما قلت لها يبااااااا النمط

الله يسهل...انشاء الله عليهم ويهونها علينا

 

[حلم الطفولة]

إي والله الليدي المغتربه صاجه ,, كنا نبي التغيير بالروضه , أشوه عندهم خبرات اسبوعيه ,,
لو يسوون لهم منهج ,, آنا مستعده أسوي للروضه منهج , أبدع والله !!

 

[دراهــم]

السلام عليكم

دشيت الموضوع لاني مدرسة ابتدائي عربي

والسنة الياية .. مختاريني ادرس اولى ابتدائي

ويبون يودونا دورات .. ويعطونا سيديات .. وشغل عشان ندرسه بالعطلة .. ونكون زاهبين حق اليهال السنة اليديدة ..

واللي فهمته من المدرسة الأولى

ان الكورسين كله عبارة عن 4 قصص .. كل فترة نتناول قصة .. نقراها على الطلبة بشكل شيق .. حتى لو تحطين لج ركن بالصف قعدة ارضية وتيمعين اليهال عادي .. بس المهم ان الطفل يفهم القصة عدل .. باي وسيلة من الوسائل المحببة للطفل ..

وتالي نعطيهم جملة من القصة .. ويحاول الطفل يكتبها .. ومنها يتمرن على كتابة بعض الحروف ..

وانا عن نفسي إذا أخذت الدورة .. وخذيت السي دي .. وفهمت طريقة المنهج عدل مدل ..

مااااالكم إلا طيبة الخاطر .. اشرح لكم الطريقة .. وطريقة توزيع الدرجات .. وطريقة الاملاء .. وكل شي متعلق بالمادة

شتبون بعد

بس ابيكم تدعون لي ان الله يوفقني :tek:

 

[حلم الطفولة]

ماقصرتي دراهم مشكوره حبيبتي .. والله نبي تطوير ,, آنا شخصيا ودي.
ورايي في الموضوع كاتبته في الصفحه السابقه ( 1 ) ,, وصراحه أشجع هالطريقه وأتمنى من قلبي يعلمون الروضه الكتابه والقراءه البسيطه حتى لو كلمات محدوده ذات أحرف 3 : كتب , قلم , سجد ... والأحرف.

وطريقة القصص والقعده بالأرض بركن بالصف هذي طريقة المدارس الأمريكيه ,,
أتمنى ان المنهج اليديد ينجح ,
تفاءلو خيرا تجدوه

 

[أم العفاسي]

الله يستر عليهم حبايبي شكلها علي حظ عويلنا صعبوها

عاد الله يهداهم كله امل واسراء انزين شنو ذنب عيالنا الصبيان يدرسون اسامي بنات ليش ما خلوهم مشكلين

احنا علي ايامنا مع حمد قلم

وبنتي الكبيره سالم وعبير

ووليدي حبيبي امل واسراء

عاد علي الاجيال القادمه شنو ياتري اساميهم الجديده يا ستار استر

 

[llo0olly]

الله يعين بس صدمتوني على اولى ابتدائي الله يسهل ويارب يوفق اولادنا وجميع اولاد المسلمين.

 

[فرحه عمر]

انا ماعندي اي اعتراض على المنهج لكن عندنا المشكلة ببعض المدرسات الله يهديهم ماتدري وين الله قاطها

ولا بالعكس كل ما تقوى المنهج صار الطفل اقوى بس تعبوا مع عيالكم من الروضة واول سنتي ابتدائي وأسسوهم وان شالله راح ترتاحون عقبها

الله يسامحج اختي
بقولج شغله هالسنه طالبين منا نسوي مكتبه صغيره بالصف عشان تصير عندنا حصه بالاسبوع يسمونها القراءه الحره حلو!!
والمطلوب من الطالب يختار قصه و يقرها تمام!! يعني لما نوصل لحصه القراءه الحره المدرسه هني دورها تناقش الطالب في القصه ....... زين مو كل طالب اختار قصه مختلفه ؟؟ المعلمه بتناقش منو ولا منو؟؟واذا ناقش الطالب فلان بقصته باقي الطلبه شنو مستفيدين؟؟ لان الباقي اساسا ماعندهم فكره عن القصه اللي قراها فلان

الشغله الثانيه منهج الانجليزي مو مثل العربي الانجليزي كل يوم درس غير كل يوم مفردات و كلمات يديده ولا يدري شنو طبخه الدرس او فايدته يعني مافي مجال نناقش الدرس عكس العربي و اهي اللغه الام الطالب ياخذ تقريبا من 3 ايام الا كل الاسبوع يقرون الدرس و يناقشون و يعرفون القيمه من الدرس
فشلون تبين الطالب اللي باولى ابتدائي اللي يدوب عرف الالوان و الارقام يعني يميزها و يقول اسمها مايقراه يقرى قصه قصيره بالانجليزي اللي نعرفه ان 1+1=2 لكم الوزاره تبي 1000+600,00= صفررررررررررر
خلف الله على الوزاره يألفون كتب فاشله وتتفيع بالموجهين الوافدين على حسابنا وعلى حساب عيالنا وماكو لا خطه ولا هدف

 

[spanish-girl]

انا عندي المناهج تتغير أحسن لازم نواكب العصر الحالي يعني مو معقولة بنضل على اشياء قديمة ومافيها تجديد من المعلومات

 

[Turquoiseya]

السنة الجاية ولدي روضة
ولما يدخل ابتدائي انشالله تكون المناهج تغيرت الى الافضل
مالي خلق اقعد وادرس

 

[Ms. luxury]

الله نصيحة شركوا عيالكم بالقاعدة الحلبية ..موشرط معاها النورانية ..فقط الحلبية ..أنا ولدي من دخل 2 روضة شركته بالكورس الأول وبالكورس الثاني والحين خالتي أم ريلي مستانسة عليه ..بس يمشي ويحاول يقرا بس سمعيه ومسكي بطنج ههههه(هاذاوالاداياحابا...إلخ) هذا ولد يحب أمه ..هههههه..عالأقل أحسن من مستوى بنتي الحين بتروح ثالثة ابتدائي ومستواه بالتمييز بين الأحرف أحسن من مستواها ..مع انه هي منهجهم سالم وعبير ..بس حاطة حيلي فيها والله كريم

 

[دراهــم]

ماقصرتي دراهم مشكوره حبيبتي .. والله نبي تطوير ,, آنا شخصيا ودي.
ورايي في الموضوع كاتبته في الصفحه السابقه ( 1 ) ,, وصراحه أشجع هالطريقه وأتمنى من قلبي يعلمون الروضه الكتابه والقراءه البسيطه حتى لو كلمات محدوده ذات أحرف 3 : كتب , قلم , سجد ... والأحرف.

وطريقة القصص والقعده بالأرض بركن بالصف هذي طريقة المدارس الأمريكيه ,,
أتمنى ان المنهج اليديد ينجح ,
تفاءلو خيرا تجدوه

العفو حبيبتي .. والله لو الروضة تدرس على الاقل الحروف الابجدية .. جان احنا بخير ..

والله الكل يبي تطوير يا حلم الطفولة .. وانا جداااا متفائله من هـ المنهج ..

وان شاء الله اول ما احصل المعلومات عن هـ المنهج .. بنزل موضوع متكامل عنه .. واحتمال السنة الياية كل اسبوع احط خطتي للدرس هني ( ان الله عطانا عمر ) .. عشان الامهات يتابعونا اول بأول ( لان الخطط تكون وحدة )

والله يكتب اللي فيه الخير

 

[m.a.m154]

انا بنتي درست المنهج الجديد واااااايد حلو بالعكس التمارين منوعه وفيها تلوين وتوصيل وتركيب اشياء تشغل مخ الياهل والمنهج يبيله مدرس ممتاز انا الحمدالله مدرست بنتي كانت ممتازه اسست بنتي صح والمنهج يتكون من 6 كتب 3 للفصل الاول و 3 للفصل الثاني والكتب ملونه وفيها تشويق وبعدين باول الكتاب يحطون لج المهارات اللي بياخذها بكل درس وبالدرس نفسه تحت يحطون لج شنو الاحرف اللي بيدرسها في هذا الدرس يعطونهم كلمات مركبه عباره عن احرف والطالب يجمعهم ويكون كلمه ويعلمونهم عالمد واشلون يلاحظونه من النطق ويميزون السكون والفتحه والكسره والضمه من النطق انتي اذا بتاسسين ولدج لا تدرسينه بالعطله غير الاحرف خليه يعرفها ويميزها اذا فهمها عدل المنهج بيصير وايد سهل عليه

 

[m.a.m154]

الله يستر عليهم حبايبي شكلها علي حظ عويلنا صعبوها

عاد الله يهداهم كله امل واسراء انزين شنو ذنب عيالنا الصبيان يدرسون اسامي بنات ليش ما خلوهم مشكلين

احنا علي ايامنا مع حمد قلم

وبنتي الكبيره سالم وعبير

ووليدي حبيبي امل واسراء

عاد علي الاجيال القادمه شنو ياتري اساميهم الجديده يا ستار استر

لا حبيبتي هذي دروس القصه الاولى اللي اهي الكتاب الاول في كتاب عن قصه حيله عمر والمنهج 6 كتب منوعه وكتاب يتكلم عن الاعياد الوطنيه والباقي والله نسيت بس بطلعهم على يوم واحط لكم نماذج من المنهج

 

[السنعة2]

وان شاء الله اول ما احصل المعلومات عن هـ المنهج .. بنزل موضوع متكامل عنه .. واحتمال السنة الياية كل اسبوع احط خطتي للدرس هني ( ان الله عطانا عمر ) .. عشان الامهات يتابعونا اول بأول ( لان الخطط تكون وحدة )

والله يكتب اللي فيه الخير


تسلمين يا دراهم وناطرينج على نار
وبميزان اعمالج ان شاء الله

 

[Dewdrops]

ليش معترضين عالمنهج

خلوهم يتاسسون بقوة

كا الدول العربية يطلعون عيونهم وماشاء الله عيالهم عباقرة

بالعكس اذا تاسسوا صح احسن من عبير وسالم الياهل ما يدري شسمة
بس يكتب انا سالم وانا عبير ما يدري اهو محمد ولا سالم ولا عبير