السنة الجايه اولى ابتدئي صدمه

[daloool]

السلام عليكم















[B]انا عندي مدرسة عربي درس ولدي وتقول عطوهم محاضرات حق اولى ابتدائي السنة الجاية راح يتغير المنهج للأسوأ
كانت دروسهم انا عبير انا سالم الحين لا
راح تكون لدروس هذه الفراشة الوانها جميلة وقصص ثانية وصعبة وراح تكون دروسهم كلها قصص وفي درسين مال منهج
ثانية ادمجوهم مع بعض يعني بدرس واحد اللي اهو تحرير الكويت والغزو على ماافتكر يبونهم عباقرة من اولى والمدرسة تقول احنا رافضين هالشي بس مو بيدنا :denya: اقصد وزارة التربية[/B]

 

[أمانيQ8]

حبيبتي انا بنتي بأولى الحين ودرسها امل فراشة بيضاء واسراء فراشة ملونه وعندهم تقريبا 5كتب حق السنه كلها كل اشوي كتاب كل كتاب فيه خمس دروس مو اكثر وكل درس فيه من جمله الى اثنين وبس خراااابيط بس صعب عاليهال

سالم وعبير راحت ايامهم من زماااااااااان
حده منهجهم اليديد صدمه...شي يلوع الجبد
عندهم دروس بالر ياضيات ساعات احنا الكبار انتنح فيهم


بس اللي بقوله النظام اليديد تطبق من سنه ماكو سالم وعبير

 

[شيخه***البنات]

امبيه و الله الله يعيينكم و الله يعيين المدرسات اللي بيدرسون هاليهال راح يفجوون عيووونهم وعليه :\

 

[StrOnG WoMeN]

امبيه بنات كل ماله انصدم بالمنهج وبنتي بتروح اولى ودي ادخلها معهد تتقوى

 

[أم عبووووود]

الله يعينكم

انا اللي اعرفه ان هالسنه في بعض المدارس طبقوا عليهم منهج العربي اليديد لكن مدارس لأ

واحنا مدرسة وليدي كان منهجهم سالم وعبير هالسنه

 

[بارونه الكويت]

يوووووووووه شتطلع بعد هذى الفراشه
بيضاء .... ماصدقنا افتكينا من عبير وسالم
الله يرحم ايام مع حمد قلم ... ياحلوها من الايام والله طلعت عباقره مع حمد قلم مو الحين اولي ابتدائي وتقويه
ومدرسيين خصوصين والولد مبلم موفاهم شسالفه
الله يعيييييييييييييييييييييين بس

 

[Um Hasan]

اللــــه يعينـــه على عقلية العباقرة اللي بالوزارة

 

[78MariMar78]

ممكن اختي تكتين الجمل اللي بياخدها أول السنة
خلينا نحاول وياهم من الحين

 

[حلم الطفولة]

المشكله يغيرون المناهج وماكو خطه تعليميه صحيحه يتدرجون فيها مع الطالب,,
آنا مع تغيير المنهج وتمكين طالب الصف الأول من قراءة القصص ,, شنو يعني طفل عمره 6 سنوات كل اللي يقراه أنا سالم ... أنا عبير ؟؟؟؟؟؟

في مدارس خاصه منها روض الصالحين طفل الروضه يقرا عربي وانجليزي قصص ,, شلون ؟؟ .. عندهم خطه تدريجيه مع الطفل للقراءه.

المشكله الوحيده في الحكومه تكمن في مرحلة الروضه لو يعلمونهم الأحرف وبعض الكلمات كان الطفل يبدع بالقاءه واللغه العربيه بالابتدائي.

سؤال دايما أطرحه على المعترضين على تعديل المنهج العربي : ليش عيالنا في المدارس الخاصه يقرون قصص انجليزيه من عشرين وثلاثين صفحه في اولى ابتدائي ؟؟ يقدرون يقرون لأن مناهج المدارس الأمريكيه تبدأ من أولى روضه ,, مو من أولى ابتدائي ,,

أتمنى التغيير يبدأ بالحكومه من الروضه ,, لأن صج حرام يغيرون المناهج ويصعبونها على طفل أولى ابتدائي وهو ما تعلم شي بالروضه

 

[السنعة2]

الدرس الاول

امل فراشة بيضاء

الدرس الثاني

اسراء فراشة ملونة

الدرس الثالث

امل اشارت الى اسراء


الدرس الرابع

امل قالت
انا احب الوان اختي

الدرس الخامس

امي تقول:
نحن نحب لون امل

الدرس السادس

امل فرحت وقالت:
امي واسراء تحبان لوني

الدرس السابع

نحمد الله خالقنا
نشكر لله نعمه

الدرس الثامن

قال عمر لامه:
كنت العب بكرة القدم
كرتي كسرت زجاج نافذتي

الدرس التاسع

ابي حرمني من رحلة مدرستنا
اعتذر عن غلطتي يا امي

الدرس العاشر

جدتي قالت
عمر ولد مهذب ومجد
سامحه من اجلي


جزاكم الله خير ادعو حق عيالي وجميع عيال المسلمين بالتوفيق والدرجات العاليه دنيا وآخره

وبالتوفيق لعيال اولى ابتدائي السنه القادمه يبيلهم شدة حيل

 

[جوكليت بار]

آنا مع حلم الطفوله نفس اللي كنت بقوله

 

[حلم الطفولة]

الدرس الاول

امل فراشة بيضاء

الدرس الثاني

اسراء فراشة ملونة

الدرس الثالث

امل اشارت الى اسراء


الدرس الرابع

امل قالت
انا احب الوان اختي

الدرس الخامس

امي تقول:
نحن نحب لون امل

الدرس السادس

امل فرحت وقالت:
امي واسراء تحبان لوني

الدرس السابع

نحمد الله خالقنا
نشكر لله نعمه

الدرس الثامن

قال عمر لامه:
كنت العب بكرة القدم
كرتي كسرت زجاج نافذتي

الدرس التاسع

ابي حرمني من رحلة مدرستنا
اعتذر عن غلطتي يا امي

الدرس العاشر

جدتي قالت
عمر ولد مهذب ومجد
سامحه من اجلي


جزاكم الله خير ادعو حق عيالي وجميع عيال المسلمين بالتوفيق والدرجات العاليه دنيا وآخره

وبالتوفيق لعيال اولى ابتدائي السنه القادمه يبيلهم شدة حيل

مشكوره الله يوفق عيالنا وعيالج وعيال المسلمين // أشوه الدروس سهله مو صعبه

 

[حلم الطفولة]

آنا مع حلم الطفوله نفس اللي كنت بقوله

 

[ملك]

اللع يعيننا

 

[78MariMar78]

صح كلامك حلم الطفولة
والله ما ندري شلون اولادنا راح يستوعبون هذا المنهج

لا حول ولا قوة الا بالله

 

[أم عبووووود]

انا ماعندي اي اعتراض على المنهج لكن عندنا المشكلة ببعض المدرسات الله يهديهم ماتدري وين الله قاطها

ولا بالعكس كل ما تقوى المنهج صار الطفل اقوى بس تعبوا مع عيالكم من الروضة واول سنتي ابتدائي وأسسوهم وان شالله راح ترتاحون عقبها

 

[شيــوخه]

والله انا اعترض صراحه على هلمنهججججج الخايس

بنتي اخذته باولى بس شنوووووو امتنحه فييييييييييييييييييه

يايبه ضعيف بلعربي

والله يعيننننننن

 

[7ayrah]

يعني شنو هذااااا

خو كله على راس اولياء الامور


يسلمو

 

[كويتية صغيرة]

انا بس حبيت أوضح إليكم اخواتى
واحد من عيالي توه مخلص اولى من المنهج الجديد
المنهج سهل و خرابيط
كل درس سطر واحد او سطرين ........ يتعلم من خلاله بعض الأحرف
و الكتب ضعيفة و الدروس قليلة و لكن تمارين الدروس كثيرة .... و هذا افضل بنظري

اما القصص فليس مطلوب من الطفل ان يقرأ القصص
لانهم يعلمون انه لم يتعلم ذلك من الروضة

القصة تقرأها المدرسة على الطفل ..... قصة قصيرة مشوقة ..... يفهمها الطفل ..... ثم يبدؤون الدرس الأول و الذي يتكون من سطر واحد او سطرين ..... و هذا فقط المطلوب من الطفل كإملاء في نهاية الاسبوع (املاء في سطر واحد او سطرين ) ... و هذي كل الحكاية على قولتهم

يعنى الهدف ان الطفل يفهم القصة اولا (فهم فقط دون قراءة قصة) ..... ثم يأخذ جملة تتعلق بالقصة (يعنى يربط الصورة الذهنية بمخه عن الجملة الكتابية اللي يتعلمها) ..... و بعد ان ياخذ الجملة ..... يدرس حرفين او ثلاثة موجودين في الجملة .......... و هكذا تتكرر الدروس حتى يكمل 28 حرف طوال السنة ....... موزعة على 5 كتب ضعيفة كل كتاب شكله مثل مجلة ملونة و معروضة بأسلوب شيق جدا للطفل..... و كثرة الكتب اعتبرها ميزة حتى لايمل الطفل ..... كنوع من التجديد و مثل ماقلتلكم الكتاب الواحد ضعيف مثل مجلة ملونة .
في نظري هذا أفضل بكثير من جمل مثل انا عبير و انا سالم ....... حيث لايوجد قصة ولايوجد ربط للمعلومات ببعض

:tek:
بس ابي اقول لاتحاتون ...... اهما يبدون معاهم من الصفر و لاطفل يطلبون منه ان يقرأ قصة ... بل المعلمة تقص عليهم القصة ثم تعطيهم جملة واحدة

 

[ام خالد 78]

الله يعين