الرضاعة الطبيعية .... جد واجتهاد

[zntoosha]

هااي بنات شلوونكم
مراسي بغيت اسالج متى اقدر اقط ستيانات الرضاعه والبس الستيانات العاديه
لان حدي زهقت منهم

 

[^مرايم^]

حبيبتي يزاج ربي خير على الموضوع القيم بصراحة ..

وايد استفدت و عرفت اشياء ما كنت اعرفها ..

مشكووورة و يعطيج العافية

 

[مراسي الحب]

هااي بنات شلوونكم
مراسي بغيت اسالج متى اقدر اقط ستيانات الرضاعه والبس الستيانات العاديه
لان حدي زهقت منهم

هلا

والله على راحتج ... بس اكيد بالليل ردي عليهم ... ساعات بنهار ما تحتاجينهم

 

[مراسي الحب]

حبيبتي يزاج ربي خير على الموضوع القيم بصراحة ..

وايد استفدت و عرفت اشياء ما كنت اعرفها ..

مشكووورة و يعطيج العافية

مشكورة وايد على المرور من ذوقج

 

[ليمار الكويت]

ان شاء الله بطلبهم منها واقولكم اذا فادتني وضعفت لاني قاعده اعاني بحمالي هذا من الوزن زدت عن وزني الطبيعي 20 كيلو صج صج مو شي موليه
ان شالله مع برنامجها والرضاعه اضعف بس ادعولي

 

[om MaRyooM]

شلوونكم يا أحلى امهات

بنات ظايق خلقي الحليب وايد خف من صدري وناادرا ماقمت أرضع بنتي يمكن كل يومين مرة وبس الباجي صناعي . . يمكن لأني قمت آخذ حبوب مانع ! مادري



مراسي
بالسبة للكريم مالت كلارنس اللي قلتي عنه صج ينفع؟؟ لأن صدري احسه غير عن قبل..قبل مشدود الحين جني عيووز لوووول
وبجم سعره؟

 

[مراسي الحب]

ان شاء الله بطلبهم منها واقولكم اذا فادتني وضعفت لاني قاعده اعاني بحمالي هذا من الوزن زدت عن وزني الطبيعي 20 كيلو صج صج مو شي موليه
ان شالله مع برنامجها والرضاعه اضعف بس ادعولي

ليمار قصدج اعشاب ام خالد؟؟

انا دقيت عليها بعد وباخذ منها الخلطة مالت القيصرية ... بحيل الله

 

[مراسي الحب]

شلوونكم يا أحلى امهات

بنات ظايق خلقي الحليب وايد خف من صدري وناادرا ماقمت أرضع بنتي يمكن كل يومين مرة وبس الباجي صناعي . . يمكن لأني قمت آخذ حبوب مانع ! مادري



مراسي
بالسبة للكريم مالت كلارنس اللي قلتي عنه صج ينفع؟؟ لأن صدري احسه غير عن قبل..قبل مشدود الحين جني عيووز لوووول
وبجم سعره؟

ام مريم ... تبين الحليب لازم اتردينها على صدرج بدون الصناعي ... يقل الطلب يقل الانتاج ميزان شربي ماي واااااايد ... وقاعدة تاخذين حلبة أو حبة حلوة؟؟

اهما تونك ولوشن ... بجم والله مادري لأني مستعملتهم من سنتين .... بس والله انا عالجوا لي الظاهرة هذي ههههههه ... عقب الرضاعة يصيرون دلاقات بس لا تستعميلنهم يومين وتتوقعين سحر ... استمري عليهم وكملي ... واتشوفين نتيجة بحيل الله

 

[ليمار الكويت]

انا اليووم دقيت ماترد ان شاءالله باجر برد احاول مره ثانيه
انزين سؤال حبيبتي
الاعشاب مالت ام خالد في حق الطبيعي والقيصريه ولا بس نوع واحد؟؟

 

[مراسي الحب]

والله انا قالت لي ان الاعشاب مالت القيصرية اقوى بوايد من اعشاب الولادة الطبيعية وحتى طبيعة البرنامج يختلف ... طرشي لها مسج اذا ما ردت ... اترد على طول

 

[ليمار الكويت]

استحي ادز لها مسج هالحزه ولا عادي وشقول
اخاف انها معزومه ولا مع ريلها انا ادق جني دعله

 

[ليمار الكويت]

اقوى شلون ؟؟
انا الي ذابحني البطن بعد القيصريه الاولا طلعلي بطن لاني ماربطت
والحين زاد الطين بله الوزن
فمادري اعشابها اتوخر البطن؟؟

 

[مراسي الحب]

ههههه لا مو الحين ... باجر اذا دقيتي وما ردت .. طرشي لها مسج

 

[مراسي الحب]

ليمار والله اهيا قالت لي ان برنامج القيصرية اقوى علشان ايشد الرحم اكثر ... انا اول ولادة قيصرية وعقب اسبوع او اسبوعين والله ما اذكر ربطت ... علشان ما يتبهدل الوضع ... ومو شرط شي قوي ... حتى لو كورسيه خفيف بس شوية يضب المكان ويجمع الجلد مرة ثانية

 

[ليمار الكويت]

اها اوكيه
انا هالمره بربط عشان الوضع تبهذل وخلص
وان شالله استفيد من اعشابها

 

[مراسي الحب]

ليمار ... عقب انا استعملت من كوزمودرم أو جف دو سانج عندهم حزام للبطن مع الكريم ماله .. سعره 30 دينار .. بصراحة وااااايد زين ..

 

[مراسي الحب]

يالله اتعين الجميع

 

[*هبوبه*]

جزاج الله خير عالرد مراسي بس للاسف حليبي نشف اكو طريقه اطلع الحليب ؟

 

[مراسي الحب]

جزاج الله خير عالرد مراسي بس للاسف حليبي نشف اكو طريقه اطلع الحليب ؟

حياج الله حبيبتي

في مجموعة طرق اتشجع على انتاج الحليب في صفحة رقم 8-9-10 ... شوفيها والله مو متأكدة ... بس تبين نصيحتي رجعي حق دكتورة اخصائية في الرضاعة الطبيعية ويمكن تقدر تفيدج ... شربي ماي وايد ورجعي البيبي على صدرج .. المشكلة انا اقرا عن المساعدة اللي موجودة حق الحريم برة بس ما ادري اذا موجودة هني في الكويت ولا لأ ... سمعت ان رويال حياة عندهم مساندة زينة للي تبي اترضع طبيعي ... ممكن اتكلمينهم ... والله يسهل عليج ...

في حبوب بالصيدلية بعد ... مواد طبيعية مدرة للحليب ... يمكن اتفيدج ...

 

[بحر الغموض]

في البدايه ابي اسال اذا كنت متضايقه حيل والبيبي يبي حليبه شنو اسوي؟
سمعت ان اشفط الحليب من صدري واكبه وارضعه بعد الشفط
او شنو الحل بالضبط

عموما اللي لها روحه لمستشفى المواساة تاخذ منهم كتيب عن الرضاعه الطبيعيه فيها كل الاسئله والاجوبه اللي ممكن تطرى على بالج
وفي الاخير حاطين رقم لاي استفسار عن الرضاعه الطبيعيه هالشغله بصراحه وااااااااااااااايد حلوه من مستشفى المواساه


بالنسبه للي تقول مافيني حليب الكتاب يقول خلي البيبي على صدرج او اخذي له صوره وقعدي طالعيها سبحان الله يقول ينزل الحليب
انا من احس حليبي خف طبعا سببه اني ما اكل عدل
اروح اشرب حلبه او تمر وهرده ويقولون الرهش وحده بوحده
وشوفي عقب ساعتين اشلون ينزل حليبج
واذا صدرج يعورج من البيبي لما يرضع هذه فتره وتعدي كنت كله اقول لامي يعورني قالت اي فتره وبعدين ماتحسين يتعود صدرج على البيبي
وبالفعل الحين ما احس بعوار لما يرضع البيبي
بس ترى مو زين تخلين صدرج كله مقموت خليه يتهوى وانا بصراحه تعبت من هالسالفه لان من اقطع الستيان يدر حليبي واتبهذل بهذله
احيانا الستيان يضغط على صدري ويعور حلمتي بس شسوي حتى صرت اخذ الكت يعني مو ستيان نفس الرياضيين اشلون البسه

ومو شرط تلبسين ستيان رضاعه اي ستيان مريح زين

بنات في بسنتربوينت مناديل مبلله للصدر والرضاعه من ماركه شيكو واااااااااااااايد زين وحلو
لو بغيتي ترضعين البيبي تمسحين بالمنديل على الحلمه علشان تكون نظيفه وماتضر البيبي ابدا يرضع منج على طول
انا استانست يوم شفتها لان احيانا اتكيسل اني امسح صدري خصوصا بليل وانا نايمه

قرقت وايد وتعبت