الرضاعة الطبيعية .... جد واجتهاد

[مراسي الحب]

هلا فيج بحر الغموض ...

مشكورة وايد على المعلومات ... بس ما فهمت سؤالج بالضبط! ممكن اتعيدينه؟

 

[أم رفيف]

هلالا بناات شلوونكم وحشتوني دايما أسحب الموضوعع من الصفحة 3 و لا 4 تعبت أجره هههه
أنا مادري الموقع دايم معلق معاي مادري وحدي ولا كلكم
مراسي حبيبتي شنو قررت شفت موضوعك من يومين و بكتب بعدين كله يرووحو يعلق معاي عالعمووم الله يكتب لك اللي فيه الخيرتوكلي على الله و صلي صرلاة استخارة و ان شاء الله خيير حبيبتي قيصري طبيعي المهم سلامتك و سلامة البيبي
بحورة شلوونك و شلون المزيون اليوم بس جيتي على بالي و الله طمنينا عنك ان شاء الله كله تمام يا رب شنو آخر أخبارك

 

[ام اميره]

يعطيج الله الف عافيه على الموضوع المفيد

 

[RoSe PeRFuM]

مراسي الحــــــــــب مدرســــــــــــة فــــــــــــــــــــــــي فــــــــــــــــــــــــــــــــــــــن الرضـــــــــــــــــــــــــــــــــــــــــاعة
:e3::e3::e3:​

أب لعيووووووووووووووووووووووووونج​

 

[^مرايم^]

السلام عليكم

يالغاليه مراسي الحب شخبارج ؟

انا امس رحت مذركير بشتري الكريم اللي قلتي عنه .. قريت عليه ولا مكتوب عليه انه مو ضروري ينغسل اذا بغيتي ترضعين البيبي.. بس الفلبينيه قالتلي احنا ما نعتمد عالمكتوب و لازم ينغسل !! شرايج باللي قالته؟

 

[Om eLkakawiya]

يعطيج الف الف عافيه مراسي .. روعه ابتدعتي

مرايم
انا خذيت اللي بمذركير وحطيته بس وانا حامل اهو عادي من حامل ليما ترضعين بس بعدين لما ولدت ورضعت بنتي خفت احطه لانه حاطين مثل ماقلتي ما يتغسل ويدتي كانت تقولي حطي زيت زيتون ما يضر البيبي بس ما حطيت خفت على بنتي .

 

[^مرايم^]

مرايم
انا خذيت اللي بمذركير وحطيته بس وانا حامل اهو عادي من حامل ليما ترضعين بس بعدين لما ولدت ورضعت بنتي خفت احطه لانه حاطين مثل ماقلتي ما يتغسل ويدتي كانت تقولي حطي زيت زيتون ما يضر البيبي بس ما حطيت خفت على بنتي .

ام الكاكاويه

هو مكتوب عليه عادي ما ينغسل بس الفلبينيه خرعتني

 

[أم رفيف]

للرفع
لعيوون مراسييي

 

[wafa82]

موضوووع عجيييب شجعتيني مراسي على الرضاعة لاني بولدي مارضعته بس اذا حملت مره ثانية بحااااول لاخر نفس ومشكوووووووووووووووورة

 

[أحب أمي]

مشكوره على هالموضوع وانا هالايام احس حليبي خف وقااعده اكثر من السوائل
وان شاء الله يرد مثل اول ياااااااااااااااارب

 

[da7doo7y]

مشكورة على المعلومات المفيدة
وابي اساعدج بالي اقدر عليه
الي يزيد كمية الحليب
طبعا شرب كمية من الحليب والسمسم تقدرون تحصلونة من السمسمية والرهش والبقل والحلبة وجميع انواع الفواكة والخضراوات
السمسم يساعد على تكوين الكالسيوم ويمنع هاشة العضام وايضا البصل يمنع هشاشة العضام والي تقدر تاكل بصل لا تحرم نفسها من فوايد مثلي انا الي ما يطب حلجي

 

[opera]

هااي بنات شلوونكم
مراسي بغيت اسالج متى اقدر اقط ستيانات الرضاعه والبس الستيانات العاديه
لان حدي زهقت منهم

انا مالبست ملوت الرضاعه الا اول ايام بعد شهر قمت البس العاديين مع اني ارضع عادي .. نفس الشي

 

[om MaRyooM]

قوة شلونكم



انا حدي ظايق خلقي صارلي تقريبا اسبوعين مو قاعدة ارضع بنتي .. ماتشبع ومااكو حليب !




و da7doo7y من قالج ان البصل زين!!! اصلا حاد خصوصا اذا الوحدة مسوية قيصري ويسوي غازاات
والدكاترة كله ينصحون المرظعة تبتعد عن الثوم والبصل

 

[الشيخه فطامي]

سلاام شلونكم حبايبي
ابله مراااسي يعطييج الف الف عافيه حبيبتي ما قصرتي
الحين اول 3 ايام بالمستشفى الاستقبال شنسوي اذا كانت الزياهر الصبح او العصر يعني نقدر نرضع قبل لا يون الناس او لين يروحون او بليل يعني يمكن 3 او 4 مرات باليوم كافي ولا لازم نشفط ولا شنسوي اذا قلنا حق النيرس نبي رضاعه طبيعيه او تييب البيبي جدام الناس ما يصير ؟

 

[مراسي الحب]

السلام عليكم

معكم مراسلتكم عن عالم الرضاعة من قلب الحدث مع مغامراتي مع خلودي

الحمدلله ربي اكرمني ويبت خلودي يوم 5-5 ... قيصرية بس الحمدلله احنا الاثنين بصحة وعافية ...ز يا حلاته الناطع هههههههههه.....

من اجمل الاشياء اللي ربي سهلها لي هالمرة اهيا ابرة الظهر ... لأني بعد العملية كنت مرتاحة ... وقدرت بسرعة احط خلودي على صدري وربي لك الحمد اكرمني ... وسهل علي الرضاعة مو مثل التخدير العام كنت دايخة وتعبانة ومالي خلق شي في البداية

قلت خل اقول لكم التجارب من ارض الواقع مباشرة ... ههههههههههه ....

ترى وايد اسهل لما تبين تعطين البيبي صدرج انج تدزينه اهوا على الحلمة من انج اتحاولين اتدخلين الحلمة بحلجة

نطري شوية .. وقولي له ... ماما افتح حلجك واااايد ... لين يسويها صج وقربيه على صدرج ومو اتدزين صدرج داخل حلجه .... حركات بهلوانية ادري هههههههه

راح اتلاحظين اللي بيساعدج على الرضاعة ممكن يختصر الحلمة بالطرف فقط ويحاول يدخلها بس في حلج البيبي ... قولي لهم يستريحون .... وكثر ما تقدرين خلي البيبي ياخذ اكبر مساحة ممكنة ليه داخل ...

لما البيبي يمسك الصدر صح ... ترى ما يعور ... بس لما يصمم يعض مثل خلودي يصير الوضع يعور صج ... الحل؟؟ اتحطين طرف صبعج الصغير داخل حلجه ... واتنسمين عليه شوية علشان يخلي الحلمة من غير ما اتتلييينها تل من داخل حلجه ويعورج زيادة ...

اشدراج اكو حليب؟؟

اما تعصرين صدرج واتشوفين نقطة تطلع ، أو اتشوفينه لما يرضع يبين الحليب من طرف حلجه ...

وتسمعين صوت البلع

 

[مراسي الحب]

سلاام شلونكم حبايبي
ابله مراااسي يعطييج الف الف عافيه حبيبتي ما قصرتي
الحين اول 3 ايام بالمستشفى الاستقبال شنسوي اذا كانت الزياهر الصبح او العصر يعني نقدر نرضع قبل لا يون الناس او لين يروحون او بليل يعني يمكن 3 او 4 مرات باليوم كافي ولا لازم نشفط ولا شنسوي اذا قلنا حق النيرس نبي رضاعه طبيعيه او تييب البيبي جدام الناس ما يصير ؟

ويعطيج العافية

واللله انا تكلمت عن الاستقبال من قبل على راحتج ... تبين اتقولون حق الناس والله بنتي اولى ولوسمحتوا عن اذنكم باستأذن نص ساعة ارضعها؟؟

تقدرين تشفطين وتعطين البيبي الحليب بالممية؟؟

انا بصراحة البيبي عندي بالغرفة مو تحت ... ياخذونه الفجر بس حق التسبح ويردونه ... واناديهم بس يبدلون الحفاظة ...

عدد الرضعات خصوصا في البداية يعتمد على عمر البيبي .. يعني اول يوم البيبي واييييد ينام ... ما يحتاج يرضع وايد بس عقب يحتاج كل ساعتين الى ثلاث ساعات ...

وممكن اتخلين الاستقبال العصر بس ... وبصراحة الله يعين ظهرج على سدحة الفراش .... ابصراحة اتسمرين ....

 

[مراسي الحب]

وهالمرة حسيت بعوار تقلص الرحم ... سبحان الله ... نفس عوار العادة

 

[عديل الروح]

الموضوع راااااااااااااااااااائع وممتع قاعدة اتقرى في الصفحات واصلة صفحة 4 بس صج روعة وقاعدة اكمل اتمنى القى مدرات الحليب والاكل اللي يساعد على الادرار في الصفحات القادمة جزاك الله الف خير يا مراسي الحب

 

[أم حيدر]

مراسي انا متابعه بصمت

حمدلله على سلامتج والله يخلي ما عطاكم انشالله

انتي بصراحه من العوامل الاساسية اللي شجعتني اتحمل تعب الرضاعه وهالتجمع الطيب اللي في بنات يرضعون مثلي

انا ولدت 4-4 ويبت بنوته قمورة اسملله عليها - ومن العوامل اللي ساعدتني عالرضاعه الطبيعية اهي اني ولدت بالمواساة وعندهم سسترات اكثر من روعه يجابلونج مجابل عالرضاعه وللحين انا على اتصال معاهم كل ما واجهت مشكلة وقبل يومين رحتلهم صعدت حضانة اليهال وطقيت الجرس ودخلت واستقبلوني لاني اعاني من تشققات بالحلمة وعطوني عينة من كريم مديلا الاصفر وقالولي هذا وايد زين ومو ضروري ينغسل
وهم قالوليلي احسن علاج حق تشققات الحلمة وجفافها اهو آخر الحليب اللي يطلع من صدر الام بعد ما ترضع دهني فيه الحلمة وخليها مكشوفه شوي لحد ما تنشف

الله المستعان صج جهاد بس كل املي اني احاول اكمل رضاعه مع بنتي دام انا بالبيت لاني اذا رجعت الدوام ...... الله كريم دوامي من 8-4
و14-6 راح اداوم

ياريييييييييييييت هالموضوع يتثبت عشان ما انطنط بين الصفحات ادوره

 

[النجوم الثلاث]

مراسي الحب

حمدالله على سلامتج

مبروك على المولود الجديد الله يحفظه ويجعله من الذرية الصالحة