الرضاعة الطبيعية .... جد واجتهاد

[أم رفيف]

السلالام علييكم و رحمة الله و بركااته
هلالالا و الله بمراسي و المزيوون اللي شرف الله يخليه و يحفظه من كل شر ياا رب
ألف حمد الله على سلامتك حبيبتي يتربى في عزكم يا الغالية
وعلى إبرة الضهر و الله رحمة من رب العالمين اللهم لك الحمد

 

[Om-BmbOSha]

يعطيج العافيه حبيبتي على المجهود القيم

او عساج على القوه يارب

بغيت اسالج شفاطه الحليب فليبس من وين ماخذتها او بجم ؟؟

او ماتعور لمن تشفطين منها الحليب ؟؟

انطر ردج حبيبتي

 

[wafa82]

مبروك خلودي الحلو ويجعله الله من مواليد السعادة وناطرين مغامراتج مع خلود والرضاعة الطبيعية

 

[Om-BmbOSha]

ونسيت اسالج

انتي باول الموضوع كاتبه انه في كريمات اتشد الصدر عشان انه الرضاعه اترهل
شنو احسن كريم اشد الصدر وصير استخدمه وقت الرضاعه عشان اشد وبنفس الوقت ما احرم البيبي من الرضاعه ؟؟
عشان احافظ على الاثنين صدري ورضاعه البيبي

ناظره ردج حبيبتي

 

[zntoosha]

حبيبتي مراسي الف الف مبروووووووووووووووووووووك
ويتربى بعزكم انشالله
والحمدلله السهاله من الله ودايما يقولون من ياهل لي ياهل يختلف الوضع

 

[مراسي الحب]

أم رفيف ... حبيبتي مشكووورة وايد

أم بشبوشة ... الرضاعة من مذركير ... اتعور اذا الصدر مجروح ... بس انتي تتحكمين بسرعتها وقوة الشفط ... وكريمات شد الصدر من كلارنس ... فيه تونك ولوشن ... تستعملين واحد الصبح وواحد بالليل ... اللي باعتهم لي قالت لي اقدر استعملهم خلال الرضاعة بس على البروشور اللي داخل مكتوب ما يصير ... فاستعملتهم عقب ... 3 اسابيع والحمدلله الترهل اختفى

وفاء والله مغامرات .... خلودي يعض الصدر ما يرضع ... ههه بس الحمدلله ...

زنتوشة مشكورة يا قلبي الحمدلله ... اثنينهم قيصرية ...

 

[تمر حنا]

السلااام عليكم شلونج مراسي بسالج نفس سؤال الاخت ام بشبوشه لاني مافهمت عليج بالنسبه حق كريمات الشد انا شريتهم مالت كلارنس يصير استخدمهم الحين وانا ارضع؟؟ وشلون تحطينهم لان شرتهم اختي وماسالت عن الطريقه عدل وشكرااا

 

[مراسي الحب]

هلا تمر حنا ... البياعة مالت كلارنس كانت قايلة لي اني اقدر استعملهم خلال الرضاعة بس داخل البروشور مكتوب لازم لما اتوقفين رضاعة ... انا استعملتهم لما وقفت رضاعة ... بصراحة خفت!

اهما واحد لونه بني شفاف (تونك) وكريم لوشن أبيض ... بصراحة ما اذكر منو فيهم بالضبط ... بس كنت استعمل واحد الصبح والثاني بالليل ... وشوفي الطريقة مرسومة داخل ... يعني اتحطينه من بين الثديين واتلفين ايديج من تحت واترجعينه فوق ليه الرقبة ...

 

[مراسي الحب]

اللي بترضعووووووووون ...

اهم شي اهم شي ... لما اترضعين ... يكون بطن البيبي على بطنج ... اريح طريقة ...

اذا اتحسين ان المص يعور ... قربي البيبي يمج اكثر ... يكون احتمال البيبي بعيد شوية ... واذا قربتيه منج يخف العوار مال الشد ...

 

[مراسي الحب]

مدرات الحليب:

الأكل ... ثم الأكل .... يا بنات اكلوا بالنفاس علشان يطلع الحليب ... بصراحة احس السكريات اتساعد ... ولازم تاكلون بروتين وايد ...

سووا خلطة تمر ورشاد وحلبة ... على النار مع زبدة شوية ...

المكسرات ... من ضمنها الرهش والسمسمية ... خلطي مع التمر اللي فوق سمسم أو مكسرات مطحونة أو مكسرة ...

الحلبة مع الحليب ....

شرب الماي ...

والرضاعة ... الرضاعة ... الرضاعة ... كل ما رضعتي كل ما زاد الحليب ...

اذا البيبي ما خلص الحليب اللي بالصدر ... شفطيه ... واتشوفين الصدر ينملي مرة ثانية ...

 

[^غلاي أنت^]

مشكوره حبيبتي ..ت
انا من قبل لا اولد كنت مقرره ارضع البيبي .. الحمدلله الحين صار لي الحين 12 يوم من ولدت ولي الحين ارضع ولدي من صدري..
بس ولدلي ما يشرب كل ساعتين .. بعض المرات الساعه 3ونص الفجر يشرب لي الصبح يعني كل ساعتين .. بس طول النهار ينام يعني يتم ثلاث ساعات ونص او اكثر اشوي ما يشرب شي عادي؟؟
ويعطيج العافيه

 

[3rosa]

تسلمين مراسي اتصدقين توني اشوف الموضوع

مشكورة و يسلمووو على افادةة

و سيري و نحن من ورائك نهتف باسمك مراسي مراسي

 

[مراسي الحب]

مشكوره حبيبتي ..ت
انا من قبل لا اولد كنت مقرره ارضع البيبي .. الحمدلله الحين صار لي الحين 12 يوم من ولدت ولي الحين ارضع ولدي من صدري..
بس ولدلي ما يشرب كل ساعتين .. بعض المرات الساعه 3ونص الفجر يشرب لي الصبح يعني كل ساعتين .. بس طول النهار ينام يعني يتم ثلاث ساعات ونص او اكثر اشوي ما يشرب شي عادي؟؟
ويعطيج العافيه

الحمدلله على السلامة ... شكلج والدة قبلي بيوم

في مدرستين بالرضاعة ... اللي يقولج كل ساعتين أو ثلاث ساعات ... واللي يقولج رضعي متى ما يبي البيبي ... انا بصراحة مع الراي الثاني ... والحكم وزن البيبي عقب 10 ايام ... اذا زاد يعني شغلج صح

انا اقول طالما البيبي نايم ... خليه نايم ... واذا قام يبي يشرب خليه يشرب ... عموما ما يطولون اكثر من اربع ساعات وشوية .. حلو الواحدة اتنام فيهم ههههههه

 

[Om-BmbOSha]

أم بشبوشة ... الرضاعة من مذركير ... اتعور اذا الصدر مجروح ... بس انتي تتحكمين بسرعتها وقوة الشفط ... وكريمات شد الصدر من كلارنس ... فيه تونك ولوشن ... تستعملين واحد الصبح وواحد بالليل ... اللي باعتهم لي قالت لي اقدر استعملهم خلال الرضاعة بس على البروشور اللي داخل مكتوب ما يصير ... فاستعملتهم عقب ... 3 اسابيع والحمدلله الترهل اختفى

...

مشكووووره حبيبتي على الرد
او ماقصرتي

بس انا بغيت اسالج بعد 3 اسابيع قصدج بعد ثلاث اسابيع من الولاده او قصدج لمن افطم البيبي واقطع الرضاعه ابدي ابلش بالكريمات ؟؟

وشد صدرج ووايد ولا شي بسيط يعني
او انتي صدرج كان مترهل وايد ولا شي بسيط

 

[zntoosha]

هاااي بنات
مراسي الله يعطييج العافيه حبووبه
بس عندي استفسار
انا لمن اشفط حق بنتي ما ايلي عوار الصدر الي من الحليب
اقصد الاحساس ان العوار من الحليب الي قعد يتجمع بالصدر
فهل هذا الشي عادي ولا لأ

 

[Dalal Style]

موضوعج ايييييييييييييييييييييييييييييييييينين
انا الحمدالله رضعت ولدي طبيعي بس لي 8 شهور
ترى الرضاعه الطبيعيه فيها لذة الله لا يحرم اي احد منهاا حدها عجيبه
انا لاني سارفت خف الحليب بصدري واايد و نشف ولاجان ما فطمته حبيبي

 

[Miss_Moon]

uppp

 

[أشبـاهـ المطـر]

بصرااحه المووضووع مااامل منه على طووول اتاابعه
انا عندي كريم لشد الجسم صرفته لي الدكتوره انا ابيه لمنطقة البطن
بس قريت النشرة كاتبين ممنوع تستخدمه المرضع ؟؟!!! انا ابيه للبطن بس
شرايكم استعمله ولالاء؟؟؟

 

[(رينا)]

مشكووووووووووووووووووووووووووووووووووووووووووووووووووووره مراسي على الموضوع الحلو
اللي استفدنا منه
والله لايحرمج الاجر

 

[Om eLkakawiya]

يعطيج الف عافيه

معاج