الرضاعة الطبيعية .... جد واجتهاد

[مراسي الحب]

هذي الحلمات بعد يستعملونهم حق اللي البيبي يحب حلمة الممية أكثر ... شوي شوي على ما يرجع يتعود على الصدر مرة ثانية ...

 

[مراسي الحب]

اشكثر اترضعين؟؟

بصراحة أنا قريت رايين ... أول واحد كل ساعتين في النهار وكل 4 ساعات بالليل ... والراي الثاني ... كل ما البيبي قام يبي يشرب حليب ... أنا اتبعت الراي الثاني ... يعني اذا بنتي نايمة ... خلال النهار ... ساعتين ونص ليه ثلاث ... ما راح اقعدها علشان ترضع ... لأنها اتكون شبعانة اصلا ... اذا ياعت بتقوم اتفج حلجها

واذا نايمة بالليل 5 ساعات .. هم ماني مقعدتها هههههههههههه

بس اول شهر راح اترضعون وايد خلال اليوم ... اريح شي ... صاح البيبي ، طلعي صدرج ... رضع ... لا تركضين المطبخ واتسوين رضعة .. واتجيكين الحرارة ... سهالات .. كل شي موجود وبالطريقة الصح ...

 

[مراسي الحب]

شلون تعرفين البيبي يوعان؟؟؟

في برنامج أوبرا من تقريبا سنتين كانت مستضيفة واحدة ادرست صياح البيبي ... وكل بجوة شنو تعني ... اكو انواع منها:

- آه آه ... هذي تعني ان فيه غازات ويبي يتجدى ...
- ناااه ناااه ... هذه المهمة ... يعني يوعان ههههههههه حبيبي يحط البيبي لسانه ابلهاته ويصرخ .... فتطلع فيها حرف النوون اول شي ...
- عاااه عاااه ... هذي بعد ما يبيلها ... بطني يعورني لحقوا علي ...

وترى البيبي ممكن يصيح لأن مل ويبي اتغيرين قعدته ولا اتفرين الكرسي ... راح الأم اتعرف كل بجوة شنة معناتها ...

طبعا أنا ركزت في ناه ناه هذي وطلعت صج ... وبعدين اتلاقين البيبي لما اتحطين صبعج يم حلجه يركض وراه ، ولا يحط ايده بحلجه ... هذا يعني انه يوعان ... لا تنطرينه يشرع حلجه ... اكو بيبيات ينهار لما يبجي ... وما اتلحقين عليه .. الأفضل انج اتلبين رغبة سمو البيبي قبل لا تتدهور الحالة وتتوهقين فيه ترى عادي اتصير هالسوالف ... أهم شي خلي أعصابج حديد

 

[مراسي الحب]

أمهات المستقبل ... أهم شي اتكونين In Control ... لأن انتي الأم ... لازم تتحكمين بالموقف ومو اتخلين الموقف يتحكم فيج ... اذا صاح البيبي ... اوقفي شوية ... شوفي شلون قاعد يصيح ... شنو نوع البجوة ... حاولي اتعرفين ليش يبجي ... واتصرفي على هالأساس ... لا تخترعين وتتلبكين ... ترى اهم انتف بس ما شاء الله ... ممكن يشيلج بصراخه ... وخصوصا عقب اول يومين ثلاثة ... فجأة يصير عنده شخصية ههههههههههه

 

[مراسي الحب]

اشلون اتعرفين البيبي شبع؟؟

في الرضاعة الطبيعية ما تقدرين اتقولين والله البيبي شرب 60 مل .. أكيد اتشبعه الرضعة ... لأ أكيد ما راح اتعرفين قياس الرضعة ... بس اذا انتي كل مرة شرب حليبته ... اتحسين صدرج فضى ... والله راح اتحسين فيه كان متروس وصار فاااااضي ... واذا نام البيبي عقب 5 دقايق من الرضعة اتقعدينه وتخلينه يكمل ويشبع ... ونام 2-4 ساعات .. يعني شرب حليبته وشبع ونام ...

في إشارة ثانية ... الخروج وانتوا بكرامة ... يصير سائل .. طبعا اول 3 ايام لونه اسود ويولع الجبد انصحج اتخلين المستشفى يبدلونه هههههه ، عقب يصير لونه اصفر ... طبعا انا اتكلم عن حليب الأم .... مثل لون ... آسفة على التشبيه ... المستردة ... وساعات يصير فيه مثل حبوب ... يعني ممكن يخرج 3-6 مرات في اليوم (هلا هلا بالحفاظات السنعة لأنه ممكن يخر)

وبعد؟؟ البيبي هم يبول ... فتعرفين انه شرب وشبع ومشى في جسمه وطلع بصورتين مختلفتين ... اذا حسيتي انه ما يطلعه بطنه ولا مو قاعد يبول ... على طول سالي دكتور ... لا تخافين ... ولا تستكتين ... شي مو فاهمته سالي عنه .. لأنج أول مرة اتصيرين ام

 

[مراسي الحب]

والشغلة اللي ما راح اقدر اعيد وازيد عليها كفاية ... اهيا:

خلي البيبي على صدر واحد لييييييييييييييييييييين يفضى تماما ... يعني حتى لو 45 دقيقة إلى ساعة ... شغلي التلفزيون ، ولا حطي مجلة يمج وقعدي تقري فيها .... على ما يخلص ... واذا خلص وللحين يوعان ... حطي على الصدر الثاني ...

بس لو سمحتي ... لو سمحتي ... مو 10 دقايق وتبدلين ... ولا 20 دقيقة وتبدلين ... ما في رقم محدد ... وخري البيبي ، وعصري صدرج (بس عصريه صح هههههههه) اذا للحين في حليب ... خليه يكمل عليه ... اذا قصرتي مدة الرضعة في كل صدر ... انت اتحدين من انتاج الحليب في كل صدر لهذي الكمية الصغيرة اللي تطلع بس خلال 10 دقايق مثلا ... وبعدين انقول ::


الحليب خلص ... ولا صدري نشف!!!!!!

 

[مراسي الحب]

وطبعا ... أهم شي شلون انعرف البيبي قاعد يشبع .... انه اتشوفينه يكبر ووزنه يزيد

على فكرة ... اول ما ينولد البيبي ... فلنفرض طلع وزنه 3.5 ... عقب يومين شي طبيعي ينزل وزنه ... ويصير ممكن 3.25 ... وبعدين يرجع يكبر مرة ثانية لا تخافين

 

[مراسي الحب]

السؤال المعتاد اشلون انزيد الحليب؟؟؟

فيه تكنيكس لزيادة الحليب ، منهم:

- مثل ما عرفنا من البداية ... انتاج الحليب في الصدر تعتمد على الطلب والسحب ... كل ما زاد الطلب .. يعني كل ما البيبي شرب أكثر ... يطلع حليب أكثر ...

- علشان البيبي يشرب حليب أكثر .. لازم يكون ماسك الصدر صح ... ايكون لسان البيبي تحت الحلمة والهالة .. وشفته اللي تحت نازلة بعد ليه تحت ... والمص اصلا يكون مريح وما يعورج صدرج ... واذا في عوار (ترى انا ما حسيت فيه) اهوا عوار الرحم يرجع ليه مكانه

- اذا البيبي مو قاعد يشرب وايد ... شفطي بعد ما البيبي يخلص علشان اتشجعين الإنتاج ههههههههه ... انا كنت ارضع من صدر واشفط من الثاني ... والرضعة اللي بعدها اعكس ... ارضع من الصدر اللي شفطت منه واشفط الصدر الثاني ... لين تضبط معاج الحسبة واتحسين صدرج قام يطلع حليب عدل ...

- اول يومين ثلاثة ... لا تسوين شي ... ريحي جسمج ... وبس رضعي البيبي كثر ما يبي ... شربي ماي وايد ... وارتااااااااااااحي ...

- علشان اتشجعين الإنتاج في الحالات الضرورية ... وبعكس الوضع العادي .. نقلي البيبي من صدر لي صدر ، على الاقل 3 مرات على كل صدر في الرضعة الواحدة ... كل ما البيبي فتر في الرضاعة ولا ريح شوي حطي على الصدر الثاني ... وبعدين بيريح مرة ثانية .. رديه على الأول ... وبعدين الثاني مرة ثانية ... ههههه خليج وراه علشان الصدر يتحفز ... الصدر اتييله اشارة ان اوه الرضعات ورا بعض خل اجهز نفسي هذي طبعا طريقة تحفيز للإنتاج مو الرضاعة الطبيعية

- لا تقدمين للبيبي مصاصة ولا ممية ... خلي كل احتياجات المص اللي يبيها البيبي ياخذها من صدرج ... وبعد لا تعطين البيبي أي شي ثاني ... لا ماي ولا شاي اعشاب ... ورجاءا البيبيات الصغار لا تعطونهم بسكوتة في الحليب لأن ممكن القمح في الحليب يسبب حساسية للطفل ... فماله داعي تبدون مشوار الحساسية امبجر ...

- شربي ماي لسد العطش ... واكلي اككل متوازن وصحي ... في فاكهة وخضرا وبروتينات ... المكسرات مفيدة ... اي نوع من المكسرات اتحبين ... وعلى فكرة .. الحليب ياخذ طعم اللي تاكلينه .. نفس ما ماي البيبي ياخذ طعم اللي تاكلونه ...

- الشفط ما يقلل الحليب ... الشفط مع الرضاعة ايساعد على زيادة إنتاج الحليب ..

- مدرات الحليب تشمل: الحلبة ... الشمر أو حبة الحلوة ... في ناس اتقول معجنات ... انا جربت المكسرات .. كنت آكل لوز (بيذان) ني مع كل رضعة ... الحلبة كنت اغليها مع الحليب واشربها ... وسفوف أم خالد يجزاها الله خير في شمر

 

[أم رفيف]

اشلون اتعرفين البيبي شبع؟؟

في الرضاعة الطبيعية ما تقدرين اتقولين والله البيبي شرب 60 مل .. أكيد اتشبعه الرضعة ... لأ أكيد ما راح اتعرفين قياس الرضعة ... بس اذا انتي كل مرة شرب حليبته ... اتحسين صدرج فضى ... والله راح اتحسين فيه كان متروس وصار فاااااضي ... واذا نام البيبي عقب 5 دقايق من الرضعة اتقعدينه وتخلينه يكمل ويشبع ... ونام 2-4 ساعات .. يعني شرب حليبته وشبع ونام ...

في إشارة ثانية ... الخروج وانتوا بكرامة ... يصير سائل .. طبعا اول 3 ايام لونه اسود ويولع الجبد انصحج اتخلين المستشفى يبدلونه هههههه ، عقب يصير لونه اصفر ... طبعا انا اتكلم عن حليب الأم .... مثل لون ... آسفة على التشبيه ... المستردة ... وساعات يصير فيه مثل حبوب ... يعني ممكن يخرج 3-6 مرات في اليوم (هلا هلا بالحفاظات السنعة لأنه ممكن يخر)

وبعد؟؟ البيبي هم يبول ... فتعرفين انه شرب وشبع ومشى في جسمه وطلع بصورتين مختلفتين ... اذا حسيتي انه ما يطلعه بطنه ولا مو قاعد يبول ... على طول سالي دكتور ... لا تخافين ... ولا تستكتين ... شي مو فاهمته سالي عنه .. لأنج أول مرة اتصيرين ام

هلالا حبيباتي شلوونكم
و الله بعد معاناة داك اليوم الحمد لله صار أحسن
حبيبتي مراسي بالنسبة لبني ما بطلع اللي فبطنو الا كل يومين مرة بس البوور اللي كثيير يحتاج أروح اشووف دكتور و لا مالا داعي

 

[om MaRyooM]

ياسلااام صج موضوع عجيب ومفييد


عندي سؤال ..
بنتي احيانا وانتو بكرامة ترجع كل الحليب اللي كان في بطنها .. وحدي اتصروع واخاف واتوهق لما ترجع ماعرف اتصرف
هذا شي عادي ؟
وشي ثاني .. لما ترجع عقب دقايق ترد تيوع .. عادي اعطيها ولا أصبر عليها ؟

 

[أم رفيف]

أم مريوومة حبيبتي حتى انا نفس الشي ساعات يرجع و يرد يبكي يجوع على طول و برد اعطيه صدري عادي بس ما دري يصير ة لا ما يصير أتمنى يفيدونا صاحبات الخبرة

 

[أم رفيف]

بناات سلالام عليكمم عندي سؤالبلييز
الحين الحليب ساعات قاعد يطلع من صدري و يبين فملابسي من فوق مع اني بحط قطن الرضاعة و هدا والشي يفشل

هل بس فالنفاس كده ولا طول مدة الرضاعة يضل يطلع

 

[مراسي الحب]

هلالا حبيباتي شلوونكم
و الله بعد معاناة داك اليوم الحمد لله صار أحسن
حبيبتي مراسي بالنسبة لبني ما بطلع اللي فبطنو الا كل يومين مرة بس البوور اللي كثيير يحتاج أروح اشووف دكتور و لا مالا داعي

أم يوسف في بيبيات يكون هذا وضعهم الطبيعي ... المقياس .. ان هل تحسين البيبي قاعد يكبر ولا لأ؟ اذا وزنه قاعد يزيد فيكون طبيعي بالنسبة له ... واذا وزنه مو قاعد يزيد ... عيل سألي دكتور أفضل لج

 

[مراسي الحب]

ياسلااام صج موضوع عجيب ومفييد


عندي سؤال ..
بنتي احيانا وانتو بكرامة ترجع كل الحليب اللي كان في بطنها .. وحدي اتصروع واخاف واتوهق لما ترجع ماعرف اتصرف
هذا شي عادي ؟
وشي ثاني .. لما ترجع عقب دقايق ترد تيوع .. عادي اعطيها ولا أصبر عليها ؟

في بيبيات عادي يرجعون اول جم اسبوع من حياتهم ... على ما جهازهم الهضمي يتعود على الموضوع ... بنتي ما سوت جذي ... يعني يمكن رجعت مرتين أو ثلاث خلال النفاس الحمد لله ... بس لما قريت عن الموضوع ، انه عادي واتخافين اذا في عوارض ثانية مع الترجيع ، مثل بطن وارم ، دم مع الترجيع ، مظاهر الجفاف (عيون غايرة، 6-8 ساعات الحفاظة ناشفة ... يعني شي جذي) هذي اتخافين منها بس اذا ترجيع عادي وبين فترة وفترة فهو شي ما يخارعج بس ممكن يخرع البيبي

اللي اتسوينه انج اتعوضين السوائل اللي طلعت بسوائل ثانية ... على فكرة ساعات في بيبيات لما يشربون زايد يرجعون!!

 

[مراسي الحب]

بناات سلالام عليكمم عندي سؤالبلييز
الحين الحليب ساعات قاعد يطلع من صدري و يبين فملابسي من فوق مع اني بحط قطن الرضاعة و هدا والشي يفشل

هل بس فالنفاس كده ولا طول مدة الرضاعة يضل يطلع

ان شاء الله بس في النفاس ... بعد النفاس ... يتنظم كل شي وما يصير عند مشكلة الا اذا كان موعد رضاعة البيبي وما رضعتيه ... ويكون الصدر ملياااااااااااان ...

 

[سهى1980]

اذا البيبي التقط الحلمة بس ... تذبح ... تعور ... وتشقق الحلمة ... وكلها جمم يوم ... ويخف الحليب ... وتقولين نشف الحليب

اذا البيبي التقط الحلمة بس أو حسيتي ان التقام الطفل للصدر مؤلم ، حطي صبعج الصغير ادخل حلج البيبي من الطرف وفتحي حلجه شوي شوي علشان يهد صدرج ... وجربي مرة ثانية ....

ترى الرضاعة نفسها ما اتعور ... يكون الوضع بس اهو اللي غلط ...

الحين حطينا الصدر داخل حلج البيبي ... شفتي المسافة اللي بين ويهج وويه البيبي ... في الفترة الأولى من حياته ترى هذي المسافة اللس يوشف فيها الأشيا واضحة ... استمتعي ... البيبي الحين قاعد يتأمل ويهج ويشوفه واضح احلى لحظة ... ولا يمكن أي شخص يشاركج فيها ...

[[انا عتدي مشكله في الرضاعه الطبيعيه لان طفلي لايرضع من صدري فاضع الحليب في المميه لاكن لونه يتغير لبى اللون البني

 

[أميرة حتووم]

اي الحمد لله صار لي أسبوع الحين بستمتع بالرضاعة مع انها متعبة بس مشان خاطر عيونه كله يهون بالأول مع النفاس و كنت لوحدي ما لي غير الله و زوجي و النفسية تعبانة كنت دايم ببكي خصوصا لما بيمص بحس بروحي تطلع و ساعات كثير كان الشيطان يلعب فيني و بقول ما راح أرضعه بس برد أدعي الله يصبرني و الحمد لله الحين كثيير أحسن و اليوم بتشجعيع منكم خواتي صرت أحسن و تعلمت كثير أشياء ما كنت أعرفها الله يخليكم و يحفظ لكم عيالكم يا رب

الله يسعدكم يارب مووووووضوع حلوووووووو

الف شكر


بس حبيت اعلق على الاخت القمر

ياحبي لاتقولي مالي غير الله وزوجي حرااااااااااااام لانك اشركتي زوجك بالله :0bee2e8d89:

ياقمر قولي غير الله ثم زوجي

وانا عارفه انك تعرفي المعلومه بس حبيت اذكرك ياعسووووووووله

 

[أم رفيف]

حبيبتي انتي الله يدكرك بالشهادة يا الغالية و تسلمن غلى النصيحة الله يكثر من أمثالك يا رب
و الله ما خديت بالي لما كتبتها أختي بس اكيد ما أقصد أشركه بالله عز و جل أستغفر الله وأتوب إليه
أستغفر الله و اتوب إليه
استغفر الله و أتوووب إليه

 

[أم رفيف]

مراسي حبيبتي تسلمييين ريحتيني و الله
الله يفرح قلبك و يحفظلك بنوتك من كل شر يا رب آميين >>مادري عندك عيال غيرها ادا عنك الله يحفظهم أجمعين ادا ما عندك يا رب تخاوينها و تجيبلها أخ ولا أخت يونسوها

 

[o_mermaid_o]

خوش موضوع