الرضاعة الطبيعية .... جد واجتهاد

[مراسي الحب]

في معلومة للتصحيح.. الشفط مفروض ما يزيد عن مرة باليوم لأول شهرين.. اللي تشفط أكثر من مرة يقلل الحليب عندها.. هذي المعلومة قالتها دكتورة بنتي وفعلا جربتها.. فاللي حابة تشفط خل تشفط بس مرة ويستحسن بالليل

اول شي شكرا على مرورج على الموضوع

ثاني شي .. انا قلت في بداية الموضوع الاختلاف في الراي لا يفسد للود قضية ... في ناس عندها اعتقاد ان الشفط يقلل الحليب ... أنا شخصيا كنت اشفط على الأقل مرتين في اليوم ... والحمد لله ما أثر علي ... والأخت اللي قبل اتقول شهر تشفط حق اعيالها في الحضانة وما اشتكت نقص الحليب ... أكيد ما كانت تشفط كل رضاعاتهم على مرة واحدة في الليل ...

اعتقد الموضوع شخصي ونفسي ... كل واحدة وتجربتها ... اذا بقنع مخي ان الشفط يخفف الحليب ... راح يخففه!!

 

[أم رفيف]

سلالام عليكم بناات شخباركم
مراسي هلا و الله مشكوورة على النصايح تسلميين يا الغالية اله يجازيك كل خير
بلييز ممكن نأستعمل الكرييم الحين ينفع معاي و لا كان لازم أستخدمه قبل الولادة لأني في عندي صدر واحد دااابحني من التشققاتمادري ما بيمسك زين و لا شنو لما بيرضع منو بحس بموت خلالاص و ممكن ألاقيه بالصيدلية لأن زوجي ما يحب يدور بالجمعيات
وبالنسبة للمهاد أنا بعد ما مهدته خالص يتعصب كثيير و يقعد يبكي لين أفكه
بقول سمعت من خبيرة الأعشاب انو الحلبة في النفاس انو لازم ناخدها بس ف 10 أيام الأولى و أنا للحين باخدها

:eh_s(17):

 

[مراسي الحب]

هلا أم رفيف ... ممكن تستخدمين الكريم من الحين ... وعند الصيدليات اتلاقين كريم ماديلا ... بس خلي يطلب الكريم اللي ما يحتاج غسيل ...

واللي أنا فهمهته من ام خالد انها اتحد من استخدام الحلبة لأنه اتحبس ماي في الجسم ، فتقلل من استخدامها بعد 10 ايام ... انا ما كنت استخدمها كل يوم بعد العشرة أيام ... مثلا كل يوم وترك ... أو كل يومين مرة اغليها مع الحليب .. أو يسوونلي مهلبية بالحلبة ... لذيذة وتضيع طعم الحلبة تماما

موفقة حبيبتي

 

[مراسي الحب]

ام رفيف .. نسيت اقولج ... انا كان عندي صدر وايد تشقق وتعبني .. 3 ايام ما كنت ارضع منه الى أن طاب الحمدلله ... اذكر حطيت عليه بيبانثين علشان يلئم الجرح ... بس ما كنت ارضع منه ابدا لمدة 3 ايام ... بس كنت يوميا وقت الرضعة اشفط منه وارميه لأن الحليب فيه دم .. وبصراحة علشان لا تخترعون ، لأنه اعتمدت في هالأيام على صدر واحد ... كبر هالصدر وفرق حجمه عن الثاني المعطل ههههه .. وفرق في حجمه عن الثاني اللي كان مجروح ... بس بعد ما طاب الثاني وخف الضغط على الأول رجع حجمه الطبيعي هههههههههه سبحان الله .. قلت لكم ميزان

 

[أم رفيف]

ههههههههههه سبحاان الله
يعطييييييييك ألف ألف ألف عافبة حبييبتي ماا قصرتي و الله
الله يجازيك كل خيير و يجعله في ميزان حسناتك
الله يقومك بالسلامة حبيبتي و تولدين طبيعي ان شاء الله توني أشوف توقيعك

 

[مراسي الحب]

أم رفيف مشكورة يا حبيبتي ... أجمعين ان شاء الله ...

اي والله احتاج دعوة الولادة الطبيعية لأن في بنتي ولدتها قيصيرية ...

 

[om MaRyooM]

قوة امهات مجتهدااات

انا الحمدلله للحين صامدة وقاعدة أرضع بنتي ... بس احيانا اعطيها صناعي لأني اتعبببب والله


واليوم رحت الدكتورة وفي معلومتين قالتهم حبيت افيدكم واقولكم


* النقطة المهمة :
في وايد امهات يملون بسرع من الرظاعة ويشيلون البيبي او يقررون ويقولون البيبي شبع .. وهالشي غلط
خليه على صدرج أكثر من 10دقايق ولاتغيرين الصدر في كل جم دقيقة .. لا خلي على صدر واحد ليمن يشبع
ليش ؟
لأن سبحان الله اول جم دقيقة اللي يطلع من الحليب يكون خفيف هذا مكون من:سكريات وماي
وبعدين اللي اثقل منه يطلع:البروتين
واللي آخر شي ويكون ثقيل ولونه ابيض حيل هذا يكون:الدهون
وبجذي يكون النونو خذا كل الفايدة وشبع



* ليش البيبي يقوم بالليل خصوصا فترة ال40يوم .. وينام طوول الصبح؟؟
لأن فترة الليل يكون هرمون الحليب بصدر الام مرتفع حيل فيقعد البيبي ولما يرضع يكون خذا الفايدة

 

[مراسي الحب]

قوة امهات مجتهدااات

انا الحمدلله للحين صامدة وقاعدة أرضع بنتي ... بس احيانا اعطيها صناعي لأني اتعبببب والله


واليوم رحت الدكتورة وفي معلومتين قالتهم حبيت افيدكم واقولكم


* النقطة المهمة :
في وايد امهات يملون بسرع من الرظاعة ويشيلون البيبي او يقررون ويقولون البيبي شبع .. وهالشي غلط
خليه على صدرج أكثر من 10دقايق ولاتغيرين الصدر في كل جم دقيقة .. لا خلي على صدر واحد ليمن يشبع
ليش ؟
لأن سبحان الله اول جم دقيقة اللي يطلع من الحليب يكون خفيف هذا مكون من:سكريات وماي
وبعدين اللي اثقل منه يطلع:البروتين
واللي آخر شي ويكون ثقيل ولونه ابيض حيل هذا يكون:الدهون
وبجذي يكون النونو خذا كل الفايدة وشبع



* ليش البيبي يقوم بالليل خصوصا فترة ال40يوم .. وينام طوول الصبح؟؟
لأن فترة الليل يكون هرمون الحليب بصدر الام مرتفع حيل فيقعد البيبي ولما يرضع يكون خذا الفايدة

الله يعطيج العافية على الصمود ... وخلج قوية

شكرا على تأكيدج في المعلومة الأولى ... والمعلومة الثانية ... بصراحة اول مرة اسمع فيها مشكورة دكتورتج .. وانتي مشكورة على هذي المعلومات الحلوة ... ممكن اعرف منو دكتورتج؟؟

 

[مراسي الحب]

أم مريييوم ... ليش ما تشفطين وانتي اترضعينها .. وبعدين لما تتعبين عطيها من حليبج بالممية؟ أناا بصراحة كنت اسوي جذي ... خصوصا رضعة تالي الليل ههههههه .... هم اتريحيين وهم تاخذ الفايدة وساعات يكون في حليب زايد ... انام .. ياخذونها يرضعونها حركات

 

[^^ام ميمي^^]

مرحبا يعطيكم الف عافيه على هالموضوع الرووعة الصراحة وايد استفدت منه


بسألكم

انا اللحين بالنفاس وصارلي 20 يوم وارضع بنتي طبيعي والحمدلله واذا حاولت ارضعها صناعي ترجعه كله يعني معدته ما تبيه كلش


واشفط لها عندي مكينة الشفط وتقريبا كل يوم اشفط على وقت العصر واحطه بالثلاجة علشان وقت الحريم اذا يوو وجاعت بنتي يكون في لها حليب ودكتورتي قالت ممكن انج اتحفظينة بالثلاجة لمدة 48 ساعة يعني يومين وبالفريزر لمدة شهر


طبعا انا دايم احطه لها بالثلاجة ووقت الرضعة اسويه لها حمام مائي واسخنه

وخصوصا بليل اشفط لها واشربها بنفس الوقت لاني اخاف وانا ارضعها اغط وانام و غير هذا اذا حطيتها على صدري نامت واهيا للحين ما شبعت واطووول حيل مو نفس لما اشفط واشربها من الممية

بسال كثرة الشفط تأثر على الصدر يعني تسبب ترهل للصدر او عادي بالنسبة للشفط الكهربائي ؟؟

 

[أم رفيف]

هلا منتج حبيبتي شلوونك مع النفاس و أحييك على الرضاعة وأحيي كل اللي صامدين و يرضعو طبيعي الله يقويكم يا رب
و الله مادري عن الشفط ادا بيرهل الصدر او لا بس ما أعتقد
بقول حبيبتي انتي لما تشفطين ما تتعورين لأني كثيييير سمعت انو يعور و الصراحة خايفة ؟اشتريها و اتوهق فيها مو عايزة شي يعورني

 

[أم رفيف]

حلوة سالفة الشفط بالليل تريح شوي أنا كمان بيطول كثييييير يبيلنا شي 45 دقيقة على ما يشبع

 

[حنتوشه]

الله يعطيج العافية على هالموضوع الحلو


وربي يقدرني ارضع وليدي حتى لو اول 6 شهور الحمدلله نعمة



انا ارضع رضاعة مشتركة حليبي شوي لأن تغذيتي الله بالخير وفاعدة اخفف من عقب الحمال

 

[مراسي الحب]

مرحبا يعطيكم الف عافيه على هالموضوع الرووعة الصراحة وايد استفدت منه


بسألكم

انا اللحين بالنفاس وصارلي 20 يوم وارضع بنتي طبيعي والحمدلله واذا حاولت ارضعها صناعي ترجعه كله يعني معدته ما تبيه كلش


واشفط لها عندي مكينة الشفط وتقريبا كل يوم اشفط على وقت العصر واحطه بالثلاجة علشان وقت الحريم اذا يوو وجاعت بنتي يكون في لها حليب ودكتورتي قالت ممكن انج اتحفظينة بالثلاجة لمدة 48 ساعة يعني يومين وبالفريزر لمدة شهر


طبعا انا دايم احطه لها بالثلاجة ووقت الرضعة اسويه لها حمام مائي واسخنه

وخصوصا بليل اشفط لها واشربها بنفس الوقت لاني اخاف وانا ارضعها اغط وانام و غير هذا اذا حطيتها على صدري نامت واهيا للحين ما شبعت واطووول حيل مو نفس لما اشفط واشربها من الممية

بسال كثرة الشفط تأثر على الصدر يعني تسبب ترهل للصدر او عادي بالنسبة للشفط الكهربائي ؟؟

والله ما اعتقد الشفط يرهل الصدر ، الحمال بكبره يبدي مشوار الترهل ... وفي ناس ما تتأثر ... الله يخلي الجينات

على فكرة اذا بنتج اترجع الحليب الصناعي يمكن عندها حساسية من بروتين الحليب البقري ... لما جربت اعطي بنتي حليب صناعي قام ويهها ينفر أحمر ... طلع من الحليب ... اذا بنتج عندها حساسية من الحليب وتبين اتجربين صناعي لازم اتجربين اللي على حليب الصويا ... أو في نوع منخض التحسس يسمونه ... بس بصراحة طالما الحمدلله امشية مع الشفط والتخزين بالثلاجة ... عيل خلج عليه ...

كل رضعة اخزنها اكتب عليها اليوم والساعة جم شفطتها علشان لما يصير في اكثر من رضعة يستعملون الأقدم أول وبعدين الأحدث :eh_s(3): ههههههههههههههه

 

[مراسي الحب]

الله يعطيج العافية على هالموضوع الحلو


وربي يقدرني ارضع وليدي حتى لو اول 6 شهور الحمدلله نعمة



انا ارضع رضاعة مشتركة حليبي شوي لأن تغذيتي الله بالخير وفاعدة اخفف من عقب الحمال

مشكورة على المرور

لاحقة على التخفيف والرضاعة اصلا تحرق 500 كالوري باليوم ... يعني اتضعف وبعدين اكلي اكل صحي مو شرط عيوش ومرقوق وقبوط علشان يطلع الحليب يعني ستيك وخضرة وبطاطا مشوية ولا مسلوقة ... ولا دجاجة مع شوية زيت زيتون وزيتون اخضر وعصير ليمون اخضر وبقدونس ... ترى هذه اكلة غريبة ولذيذه ومفيدة جدا ... وتشبع
الفاكهة مهمة ... السناك يكون مكسرات ... مع شوية فاكهة ناشفة ... بس ما يسوى الحين اتخففين ... الرضاعة ابروحها اتخفف

 

[مراسي الحب]

هلا منتج حبيبتي شلوونك مع النفاس و أحييك على الرضاعة وأحيي كل اللي صامدين و يرضعو طبيعي الله يقويكم يا رب
و الله مادري عن الشفط ادا بيرهل الصدر او لا بس ما أعتقد
بقول حبيبتي انتي لما تشفطين ما تتعورين لأني كثيييير سمعت انو يعور و الصراحة خايفة ؟اشتريها و اتوهق فيها مو عايزة شي يعورني

أم رفيف هذا كلام العذال هههههههههههههههه

بصراحة ما يعور ... اللي عورني كان الصدر المشروخ ... بس اول شي لأنه اصلا متعور ... بس صدر يكون ما فيه شي وتشفطين منه ما يعور ... اللي يعور تجمع الحليب بالصدر .. لما ما شاء الله ينترس الصدر حليب وايد ... اهو اصلا يعور ...

أنا اقترح استعمال شفاطة آفنت فيليبس الكهربائية ... انا بالنسبة لي كانتن احسن شي وتخليج تتحكمين في الموضوع كله ، وتخليج اسوين الحركة السريعة اللي اول شي علشان ينزل الحليب ، وبعدين اتحولين على سرعة ابطا علشان ينزل الحيب .. وبإمكانج اتخلين حتى فترة راحة بين كل شفطة وشفطة ... لأن شكلها كأنها شفاطة يدوية ... فنتي اتحطين السرعة اللي تبينها ... وتدوسين فيها زرار ... اتكمل على نفس السرعة والراحة بين كل شفطة وشفطة اللي انتي كنت اتسوينها ...

توني مريت صيدلية وخذيت بروشور مديلا ... في عندهم شفاطات اتسوي حركة الشفط السريع الأول نفس البيبي وبعدين اتصير أبطأ علشان الحليب يطلع ... بس أنا ما جربتهم بصراحة .... اللي ينصحون فيها للبيت وكهربائية وتسوي الحركة اللي قلت عنها اسمها Swing

 

[مراسي الحب]

حلوة سالفة الشفط بالليل تريح شوي أنا كمان بيطول كثييييير يبيلنا شي 45 دقيقة على ما يشبع

عشان جذي أنا كنت اشفط لها رضعة ... واخشها حق الليل وآخره .... علشان التعب مال تالي الليل والله :eh_s(15):

 

[memy-08]

فعلا الرضاعه تعب وجد واجتهاد

 

[مراسي الحب]

اللي ناوية اترضع طبيعي بعد لازم اتعرف شي مهم لا تخللين الحليب يتخزن في صدرج ... اذا انملا صدرج يا اترضعين البيبي أو اتشفطينه علشان ما يصير في التهابات داخل الصدر واتعطل عملية الرضاعة

 

[مراسي الحب]

والموقع مال الدكتورة إيمان اللي مذكور هني في الموضوع ترى هم حلو ، اللي تبي تتأكد عن المعلومات ...

اييييييييييييي خل اقولكم شي صار امس ... امس كنت زايرة واحدة في رويال حياة ... ورحت النرسري ... ولا في جم ياهل وكلهم حاطين لهم حليب صناعي ويرضعون فيهم ...

سالت النرس اللي برى ... شنو ما عندكم احد يرضع طبيعي؟؟ جان اتقول امبلى في ... بس احنا انخليهم في الغرف مع امهاتهم ....

هذا سر ثاني في المستشفيات ... اللي تبي اترضع طبيعي .. خلي البيبي عندج بالغرفة ... ايسمونه Room-in .... يعني البيبي يظل مع امه ... انا بصراحة سويت جذي لأن شعوري ان مكان البيبي الطبيعي مع امه ... كانوا ياخذون بنتي بس الفجر علشان مرور الدكتور ويسبحونها ... ويبدلونها ... حبيبتي واييبونها حقي مرة ثانية ... يا حياتي ... ولهت على هالعمر اللي حطوني اتلاقوني هههههههههه