الرضاعة الطبيعية .... جد واجتهاد

[مراسي الحب]

الف شكر لك اختي على الموضوع المفيد, انا بنتي البجر للاسف ما رضعتها بس ناوية ان بنتي الجاية بعد جم اسبوع ارضعا باذن الله بس عندي كم سؤال اول شي شسوي اذا بطلع هل اشفط حليب و اخليه لها؟ و انا تقريبا كل يوم زوارة لبيت عمي و استحي ارضعا هناك فشسوي؟ و انا ناوية اخذ حبوب ياسمين لمنع الحمل فهل عادي مع الرضاعة؟ و جزاك الله خير

انا كنت اشفط الحليب اذا بطلع وارضعها بالمممية ... انا استخدمت نظام مال بلايتكس .. Playtex ... فيه أكياس شكله نفس البطل تقريبا ... وله رنجات علشان تتسكر فيهم ... واكتب على كل كيس التاريخ والساعة جم شفطته واحطه بثلادة صغيرة امي حبيبتي شرت لي اياها لما كنت عندها ولما رحت بيتي والله احطهم في الثلاجة العادية ... ولما اطلع احطه في كيس خاص يكون من داخل فضي يلمع اتلاقينه عند مذركير يحافظ على الحرارة بارد .. ولما ابي ارضعها ... كنت احط الكيس في ماي حار ، ولأنه كيس ... بسرعة يسخن ... ومو ضروري يكون وايد حار .. شوي دافي ... واركبه على الممية بالرنجات مالوته وأرضعها سيدة ...

الحليب يقعد في الثلاجة 48 ساعة ... في مصادر اتقول 24 ومصادر اتقول 72 ... انا جربت 48 والله كان ما فيه شي ..

 

[مراسي الحب]

الف شكر لك اختي على الموضوع المفيد, انا بنتي البجر للاسف ما رضعتها بس ناوية ان بنتي الجاية بعد جم اسبوع ارضعا باذن الله بس عندي كم سؤال اول شي شسوي اذا بطلع هل اشفط حليب و اخليه لها؟ و انا تقريبا كل يوم زوارة لبيت عمي و استحي ارضعا هناك فشسوي؟ و انا ناوية اخذ حبوب ياسمين لمنع الحمل فهل عادي مع الرضاعة؟ و جزاك الله خير

واذا ناوية تاخذين حبوب منع حمل ، سالي الدكتورة ... أنا والله استعملت حبوب ثانية الحين ناسية شنو اسمها ... بس كانت 28 حبة في العلبة وتكملين من علبة لي علبة ... ما اتوقفينه ... واتخلي الدورة اتيي عادي بس اتخلي الرحم ما يمسك البويضة ... استعملته 8 شهور بعدين بصراحة مليت ... ههههههه

 

[مراسي الحب]

تسلمييين يا الغالية ما قصرتي و الله يخليلك عيالك و يحفظهم من كل شر
و الله زمان كانو يعطونهم ماي مادري ليش الحين يقولون مو زين ليه
أنا الوالدة كل ما أتصل بيها تقولي اعطيه ماي بينسون بس ما عطيتو بعطيه بس شاي الأعشاب ميلوبا اللي بالشمر
بس شكثر أعطيه كم ملم باليوم يعني
أنا بعطيه 100 بالليل بس

أم رفيف ... ترى اليانسون زين للبيبي ... ويتراوالي احسن من شاي الميلوبا ... بس جنه 100 مل باليوم وايد ... يعني اسم الله عليه يمكن يشرب حليب 90 مل الحين ... يعني جنه الماي أكثر!!

 

[om MaRyooM]

خووووش موضوع



انا الحين صارلي 3 اسابيع والدة .. بس من 3 ايام بديت اعطي بنتي حليب صناعي بس لليل وباجي اليوم ارضعها مني ..
وصج صج الرظاعة متتعبة ويبيلها مجهود!
وكاسرة خاطري بنتي لأني مضطرة اعودها ع الحليب الصناعي لأني بداوم عقب شهر


وللعلم:
الحليب الطبيعي تقدرون تحتفظون في بالثلاجة لمدة6 ايام (هذا اللي قريته بكتاب عن العناية بالطفل)
ويفضل انكم ماتعطون الطفل ولاا شي غير الحليب لمدة 6 اشهر .. يعني لاتعطون سوالف اعشاب او حتى الماي .. لأنه معدة الطفل مو مهيأة لغير الحليب سبحان الله



وشكراا ع الموضوع الحلو

 

[om__jana]

مراسي مشكورة عالموضوع
بقيت اسئلج انا اليوم رحت مركز سلطان ادور الكريم اللي قلتي عنه ماحصلته وانا كنت شاريه كريم للحلمات من بووتس بس مكوناته موطبيعيه
اسمه moisturising nipple cream
hypo-allergenic
free from peanut oil
fragrance free

هذا عادي يعني اذا حطيته بعد كل رضعه ؟ ولمن ارضع ماغسل صدري ؟ يعني ارضع على طول نفس ماقلتي؟

 

[StEllA]

حبيبتي وين القى نظام playtex الي تقولين عنه?

 

[مراسي الحب]

خووووش موضوع



انا الحين صارلي 3 اسابيع والدة .. بس من 3 ايام بديت اعطي بنتي حليب صناعي بس لليل وباجي اليوم ارضعها مني ..
وصج صج الرظاعة متتعبة ويبيلها مجهود!
وكاسرة خاطري بنتي لأني مضطرة اعودها ع الحليب الصناعي لأني بداوم عقب شهر


وللعلم:
الحليب الطبيعي تقدرون تحتفظون في بالثلاجة لمدة6 ايام (هذا اللي قريته بكتاب عن العناية بالطفل)
ويفضل انكم ماتعطون الطفل ولاا شي غير الحليب لمدة 6 اشهر .. يعني لاتعطون سوالف اعشاب او حتى الماي .. لأنه معدة الطفل مو مهيأة لغير الحليب سبحان الله



وشكراا ع الموضوع الحلو

ترى حبيبتي مو مطرة اتعودينها على الصناعي ... أنا كنت اداوم واخلي لها رضعة من صدري في الثلاجة ...

وعلى قعدة الحليب 6 ايام ... هممممم مادري ..ز بس خل يشرب البيبي فرش ... وايد احسن له ... يعني 48 ساعة كافيين

 

[مراسي الحب]

مراسي مشكورة عالموضوع
بقيت اسئلج انا اليوم رحت مركز سلطان ادور الكريم اللي قلتي عنه ماحصلته وانا كنت شاريه كريم للحلمات من بووتس بس مكوناته موطبيعيه
اسمه moisturising nipple cream
hypo-allergenic
free from peanut oil
fragrance free

هذا عادي يعني اذا حطيته بعد كل رضعه ؟ ولمن ارضع ماغسل صدري ؟ يعني ارضع على طول نفس ماقلتي؟

أم جنى ... والله حبيبتي حاولت اقرا أكثر عنه بس مو متأكدة .. الأفضل تسالين عند بوتس نفسهم ...

اذا ما لقيتي عند سلطان ، مذركير عندهم واحد ابيض والكتابة اللي عليه بنفسجي غامج ... أو عند اي صيدلية .. ماديلا عندهم نفس الشي ، اتعقد حتى ممكن اتلاقينه عند سنتربوينت ...

 

[مراسي الحب]

حبيبتي وين القى نظام playtex الي تقولين عنه?

بلايتكس اتلاقينه عند مركز سلطان أو عند محل فاندا في مجمع المثنى فوق في الميزانين ، السلم اللي عند المدخل الرئيسي ... أو في مجمع زهرة الميزانين هم أول ما تركبون فوق فوق على اليسار في الداعوس جبال الأسانسير ...

 

[مراسي الحب]

من الأشياء اللي بتواجهج وانتي ترضعين سالفة:

حليبج ما يشبع البيبي ....

عفية بالله هذا منطق؟؟؟ شلون الله سبحانه وتعالى يسوي نظام متكامل لتغذية الطفل ... بعدين يطلع ما يشبع؟؟

اذا البيبي مو قاعد يشبع معناته في شي غلط قاعد يصير ... والأغلب إنه مو قاعد يشبع من الرضاعة لأنه ينام وما اتقعدينه فبالتالي كل شوي يشرب شوية .. ينام ... يقعد بعد شوي يوعان ... وترجعين اترضعينه ... ينام ... يقعد .. بعد شوية هم يوعان ... يعني حلقة مفرغة ... الحل انه يقعد ، يشرب رضعته كاملة 30-45 دقيقة بعدين ... ينام ... راح ينام على ألأقل ساعتين إلى 3

 

[مراسي الحب]

وعلى فكرة ... من فوائد الرضاعة الطبيعية انها تعلم البيبي متى شبع يوقف ... الممية اتخليج اتحاتين ... ما شرب ... لازم يخلص الكمية ... دق دق دق ... خل يشرب حليبته ... جك بم ولا الياهل قاعد ياخذ أكثر من حاجته ... وتعود على ترسة المعدة أكثر من حاجته

 

[نيلفار]

 

[مراسي الحب]

انا بصراحة كنت ابجي بالنفاس من كثر ما حنوا علي بنتج ما تشبع .,.. شربيها حليب صناعي ... حرام عليج ...

تخيلوا ... حرام علي اني ما اعطيها صناعي!!! ولما دقيت على الدكتور ابجي ... جان يقول لي .. ما عليج منهم ... طالما قاعدة تكبر معناته اللي تسوينه صح ...

 

[مراسي الحب]

وهم صار لي موقف غريب ... بعد طلعتي من النفاس ... قلت خل اجرب الحليب الصناعي ... اول مرة .. ما انتبهت ... بس ثاني مرة ... ول بنتي حبيبتي ويها قب كله حبوب حمرة صغيرة ... لما سألت الطبيب ... قال لي صار عندها حساسية من بروتين البقر اللي في الحليب ... يعني مممكن الحليب الصناعي يسبب حساسية ... ديروا بالكم ...

 

[نيلفار]

واااي مراسي اهم شي الي حواليج يشجعونج

انا اليوم في بيت اهل ريلي ووحده من اهله واهي دكتوره قاعده اقولها ودي ارضع طبيعي جان تقولي ترى كافي 3 اشهر وبعد ال3 اشهر البيبي ما يستفيد من حليبج !!

 

[مراسي الحب]

والبيبي اللي يشرب من حليب امه صح ... مو شرط يقعد كل ساعتين ثلاث علشان يشرب حليب ... ترى ممكن يطول شوية بين رضعة والثانية ... يعني السالفة مو ألارم ههههههههه

 

[Emanova]

واااي مراسي اهم شي الي حواليج يشجعونج

انا اليوم في بيت اهل ريلي ووحده من اهله واهي دكتوره قاعده اقولها ودي ارضع طبيعي جان تقولي ترى كافي 3 اشهر وبعد ال3 اشهر البيبي ما يستفيد من حليبج !!

الآيه الكريمه تقول فيما معناته و فطامه في عامين

بالله اشلون ما يستفيد ؟ خل تولي

 

[مراسي الحب]

نيلفار اسمحي لي ... مادري دكتورة شنو هذي ... بس رب العالمين يقول فطامه في عامين ... مو في الحديث .. لأ .. في القرآن ... يعني جملة ما فيها اعتراض ...

انا بصراحة يطفروني اللي يفتون !!!!!!!!!!

على ألأقل الرضاعة 6 شهور ... اذا قدرتي ... هم 3 شهور الله يعطيج العافية

 

[مراسي الحب]

وهي صاجة امممووووووووونة .. بغيت اقول خل تستريح .. ما عندها سالفة جدا جدا جدا

 

[om__jana]

انشالله باجر امر مذركير واخذ اللي قلتيلي عليه مع اني اليوم كنت رايحه هههه وسألت بوتس عن الكريم اللي انا ماخذته قاللي مافيه كريم مرطب طبيعي مكوناته الا اللي يصير فيهم التهاب اواكزيما هذا كريم غير ! ماعجبني كلامه هديته ومشيت