الرضاعة الطبيعية .... جد واجتهاد

[مراسي الحب]

:eh_s(17):

السلام عليكم أمهات ...

الرضاعة الطبيعية شي وااااااااااااااايد مهم ... وللأسف وايد ناس تعتقد انه شي طبيعي وبيصير بسهالة ...

والواقع انه يبيله تعب وجد واجتهاد .... بعدين يصير طبيعي وسهل

انا قلت ابدي الموضوع لأن في امهات وايد ما يعرفون عن الرضاعة الطبيعية واهميتها ... وشنو الأخطاء الشائعة فيها ... وشنو التكنيكس اللي تستخدمها الأم ... وشنو وشلون وكيف ولماذا

أنا ما أدعي اني خبيرة ... لكني مريت في تجربة حلوة ... وقريت وايد عن الموضوع ... فحبيت اطلعكم على اللي اعرفه وبالنهاية الاختلاف في الرأي لا يفسد للود قضية واللي عندها شي طافني يا ريت اتقوله علشان الكل يستفيد ويمكن يصير الموضوع مرجع في المستقبل

 

[مراسي الحب]

اشرايكم نبدا مع الأخطاء الشائعة :

- "ما فيني حليب" .... مستحيل .... الله سبحانه خلق الجسم مع هذا الجزء لهذا الغرض ... الأغلب ... انه في شي غلط قاعدة اتسوينه

-"البيبي ما يشبع" ... هم مستحيل ثاني ... عيل اللي قبل شلون كبروا ويابوونه (على افتراض في من الناس اللي قاعدين يقرون الحين هم شربوا حليب صناعي ، انا راضعة من امي الله يحفظها هههههههههه)

-"مالي خلق".... ليش؟؟؟؟ شنو أهم من البيبي في حياتج؟؟

-"الرضاعة تخرب الصدر" ... الحمل اهو اللي يبدي بخراب شكل الصدر ... لأن مع الحمل أصلا الصدر يكبر ... وبعدين في كريمات شد عجيبة هالأيام

-"البيبي ما يبي صدري" .... مرة ثاننية في شي غلط قاعدة اتسوينه

-"الرضاعة تعور" ... يمكن ... بس اكيد مو مثل الولادة !!!!!!!!

-"صدري حلمته داخلة" ... في له حل

-"صدري صغير/كبير" ... ماله علاقة الحجم .....

-"بداوم بسرعة ... ما عندي وقت أرضع" .... في حلول أخرى انا وراج وراج

 

[نيلفار]

يعطيج العافيه مراسي على هالموضوع المهم

وكملي احنا معاج

 

[الأمل باقي]

موضوع حلو ومفيد... ياريت تكملين ودي استفيد لاني ابي ارضع طبيعي واحس اني ماعرف

 

[om__jana]

ايوااااااااااا مراسي موضوع يبرررد القلب وانا معاااااااااااج ابي استفييييييد
اسئله::::
يقولون اهم شي اول الأيام والماده اللي تنزل اول اللبأ انزين اذا انا توني والده وطلعت من غرفه الولاده وودوني لغرفتي متى اقولهم اييبون البيبي عشان ارضعه؟
واذا الوحده مفكره تسوي استقبال بالمستشفى يعني ناس داخله وطالعه شلون أرضع؟
وهل بالفتره اللي انا بالمستشفى لازم الرضعات كلها طبيعي؟ والا عادي اهمه يرضعون البيبي من المميه ؟

 

[محاميةالديرة]

كملي حياتي ..
احنا معاج و صاااجه بكلامج شنو ما فيني حليب !!!!

 

[أم شريفه]

الله يعيني انا بجر وراح احاول

 

[مراسي الحب]

ليش مهم نرضع طبيعي؟؟

- الله سبحانه سواه حق البيبي ... اتهقين منو بيضبط الحليب أكثر ... اتهقين المصنع؟؟
- ما يحتاج تعقيم .. ولا أدوات ... ولا تسخنين الماي ... ولا تقيسين الحليب ... ولا حلمات معقمة ...
- وممكن اتسوينه في أي مكان (تقريبا) هههههههه
- الحرارة دائما مضبوطة للبيبي ... ما يبيلها تفكير ...
- حليب الأم فيه على الأقل 100 عنصر غذائي غير متوافر في الحليب البديل
- يعزز مناعة الطفل بشكل ملحوووووظ ... خصوصا الأطفال اللي يتم رضاعتهم بشكل حصري لمدة 6 شهور الأولى ...
- هناك رابط بين زيادة معدل ذكاء الطفل والرضاعة الطبيعية ، ملاحظ أن أطفال الرضاعة الطبيعية معدل الذكاء لديهم عالي
- الأطفال اللي يرضعون طبيعي وبشكل عام ... لا يعانون من السمنة ، اتلاحظون ما يصيرون متان مو مثل اعيال الحليب الصناعي ...
- الرضاعة الطبيعية تقلل من الإصابة بالربو
- تساعد على الحماية من بعيد الشر عن الجميع .. سرطان الدم
- تساعد على التقليل من فرص الإصابة بأمراض القلب ، هشاشة العظام ، مرض تصلب الأعصاب المتعدد
- وآخر سبب بقوله هني .... اقري مكونات الحليب الصناعي ... ما يكسر خاطرج ضناج تعطينه هالمكونات وانتي تقدرين تعطيننه أحسن شي في الدنيا؟؟؟؟

 

[مراسي الحب]

ونااااااااسة أكو ردت فعل إيجابية شجعتوووووووووووني

 

[om__jana]

عاشت مراسي
عاشت مراسي
عاشت مراسي

:eh_s(9): :eh_s(9): :eh_s(9):

 

[نيلفار]

عاشت مراسي


:eh_s(9):

انا بعد سمعت ان الماده الصفرا الي اول شي وايد مهمه

بس بعرف متى تنزل

اخاف اكون مبنجه وتنزل وانا مارضعته

 

[وحده كويتيه]

الله عليج يا مراااسي والله يزاج الله خير بدعيلج من قلبي ... كملي حبيبتي

 

[نيلفار]

اكثر ثنتين مشتطين بالموضوع انا وام جنى :dddds:

 

[om__jana]

ههههههههههههههه اي والله نيلفار وشكلنا بنطقها نومه عقب الولاده

 

[مراسي الحب]

قبل كل شي ... شرايكم نتعرف على تركيبة الصدر أصلا؟؟

الصدر عبارة عن دهون وغدد الحليب (في مجاري للحليب وغدد إفراز الحيب) ... ما فيه عضلات ... يعني ... احم ... عقب ماكو رياضة اتشد الصدر ... الللي ينشد اهي العضلات اللي تحت الصدر ...

من برة انشوف الجلد العادي .... والهالة ... اللي اهي المنطقة الغامجة ... والحلمة ... اللي اهي التنوء اللي بالطرف ...

ماشي؟؟؟ ركزوا معاي بالأسماء ... لأنها مهمة

 

[أم شعوولي]

والأهم من هذا كله انه ينححححححححححححححححححححححححححف لأن يحرق سعرات حراريه

 

[مراسي الحب]

حبيباااااااتي الله يفرحكم مثل ما فرحتونننننننننننننييييييييييي

 

[مراسي الحب]

والأهم من هذا كله انه ينححححححححححححححححححححححححححف لأن يحرق سعرات حراريه

الله يذكرج بالشهادة ان شاء الله .... الرضاعة ممكن تحرق 500 كالوري باليوم ... يعني لاعبين أكثر من ساعة ايروبكس ... وبعدين الرضاعة اتشد الرحم مكانه ... اللي تحس بعوار في بطنها اثناء الرضاعة اهو الرحم قاعد يرجع مكانه ... عوار يشبه الدورة ...

بس ها لا تفتلتون على الأكل على ابو انها تحرق كالوريز ههههههههه

 

[Pissy Missy]

تسلمييييين على هل موضوع

انا توني والده صارلي شهر والحمدالله بنتي ما طب حلجها الحليب الصناعي وانشالله الله يقدرني وارضعها على الاقل 6 اشهر

 

[مراسي الحب]

ماشي ... وين وصلنا ... الحين احنا حمل وناوييين انرضع طبيعي ... صح؟؟ شنو انسوي؟؟

وانتي حامل ... خليج حريصة انه الحمالات (الستيانات) اللي تلبسينه اتكون مريحة وما تضغط على الصدر ... اتلاقونهم يشبهون ملوم الرضاعة بس مكتوب عليهم Support ... مو Nursing ... علشان الحديدة ممكن تضغط على غدد الحليب أو قنوات الحليب وتسكرها ...

في راي يقول انه الحامل تبدي اتخشن الحلمة قبل الرضاعة عن طريق فركها بفوطة كل يوم شوية ... وجذي تنشف الحلمة شوية وتتهيأ حق الاستخدام القادم .... بس بصراحة مو كل خبراء الرضاعة الطبيعية يأيدون هذا الراي ... اييي أكو ناس خبيرة رضاعة طبيعية ... هذي شغلتها في الحياة

والراي الثاني واللي انا بجربه هالمرة يقول ان نرطب الحلمة ... قلتوا لي شلووووووووون