الرضاعة الطبيعية .... جد واجتهاد

[مراسي الحب]

تسلمييييين على هل موضوع

انا توني والده صارلي شهر والحمدالله بنتي ما طب حلجها الحليب الصناعي وانشالله الله يقدرني وارضعها على الاقل 6 اشهر

احيييييج واوقف لج احتراما الله يتمم عليج ويقدرج يا رب :eh_s(9):

 

[Pissy Missy]

احيييييج واوقف لج احتراما الله يتمم عليج ويقدرج يا رب :eh_s(9):

تسلمين يا قلبي

تره وايد مستمتعه بموضوعج

لا يوقف

 

[تآعِبنْ قَلْبِيْ]

الموضوع حلوووو

انا رضعت بنتي سنة و7 شهوور والى الآن أرضعهآآ << مجتهده صح لوووووول

ولاعمري عطيتها حليب صنآعي كللللش

بس مشكلتي اني حملت الحين واهي مازالت ترضع مني قالوا لي لازم أتغذى عدددددل عشان أوفي الاثنين حقهم

بس مآآشتهي آكل << الله يعين

وترى الرضآآعه حيل مفيده للطفل ولاتستصعبون طول المده انها سنتين ترى بسسسرعه تطير

والله انا ماحسيت فيها

 

[مراسي الحب]

في كريم عند مركز سلطان ينباع عند رف أغراض البيبي ... لونه بننفسجي وعليه شكل بيضاوي أخضر ومكتوب عليه لانسينوه Lansinoh

هذا الرابط فيه عن الماركة http://www.lansinoh.co.uk

مديلا Medela ومذركير عندهم نفس الفكرة كريمات ثانية ... واهيا تعتمد على المواد الطبيعية غير ضارة بالطفل ... مرطبة ... وممكن استخدامها على الصدر مباشرة وما تحتاج تنمسح أو تنغسل قبل الرضاعة ... بصراحة البيبي يلعي مو مال تركضين الحمام اتغسلين ههههههههه

الكريم يشبه الفازلين يعني ثقيل ... وكمية صغيرة تكفيج وايد ...

ابدي من الحين رطبي الحلمة ... على ما تولدين ان شاء الله ... الا الحلمة رطبة ومو ناشفة

 

[مراسي الحب]

الموضوع حلوووو

انا رضعت بنتي سنة و7 شهوور والى الآن أرضعهآآ << مجتهده صح لوووووول

بس مشكلتي اني حملت الحين واهي مازالت ترضع مني قالوا لي لازم أتغذى عدددددل عشان أوفي الاثنين حقهم

بس مآآشتهي آكل << الله يعين

وترى الرضآآعه حيل مفيده للطفل ولاتستصعبون طول المده انها سنتين ترى بسسسرعه تطير

والله انا ماحسيت فيها

ما شاء الله ... الله يتمم عليج ويعينج طبعا ... لازم اقول ان الرضاعة ممكن تمنع الحمل بس مو في كل الأحوال ... تكون فعالة أكثر في حالة ان البيبي يرضع متى ما يبي ... ولما يتنظم اكله ... يقل تأثير منع الحمل مال الرضاعة

 

[om__jana]

 

[مراسي الحب]

اوكي ... شرينا الحمالات ... وشرينا الكريم ... بعد الولادة تحتاجين شي اسمه Breast Pads ... أو غطاء الثدي ... تستعملينه خصوصا في أول الأيام ... واول شهر بعد ... لما الحليب يقرر فجأة يطلع وانتي مو يم البيبي وفجأه هدوووومج ناقعة ... فهذا الغطا يمص الحليب الزايد ...

في أكثر من ماركة وأشكال وايد ... بصراحة حبيت اللي يكون ما فيه حاجز نايلون من برة علشان يخلي المنطقة تتنفس شوية ... وعند المحلات السورية اتلاقون في أغطية تنغسل ويعاد استخدامها مثل الفوطة ... اللي يحب يستعملهم ...

أنا وقت الرضاعة كنت اسوي فيهم شي ثاني ... كنت احط الكريم مال الحلمة على الغطا ، واغطي الحلمة للي الرضعة الثانية ... جذي يكون ترطيب 100% ههههههههه

 

[طــمــوحــي]

وناسه والله حتى انا انشاءالله ناويه ارضع البيبي و حيل حابه يرضع ... بس انا استخدم ستايين بو حديد بس شريت ستايين الرضاعه مافيهم حديد

 

[نيلفار]

الكريم من اي شهر نبتدي نحطه ؟؟؟

 

[طــمــوحــي]

و ما عرفت اخذ مقاسي بستيين الرضاعه بعد ما ادري اخذ كبير ولا اخذ نفس مقاسي الحين؟؟؟؟؟؟

 

[حوور العين]

واايد حاو الموضوع وانا من أشد المؤيديين للرضاعة الطبيعية
صج البيبي يكسر الخاطر حلمة الممية أكبر من وجهه...الحمدلله رضعت عياالي طبيعي
وعلى راي الدكتور خلوا حليب البقرة لعيالها هذا اذا كان فعلا حليب بقر مو اشياء ثانية

 

[مراسي الحب]

وشغلة ثانية مفيدة ... وعلشان المميات ما اتطيح بجبدكم ... شفاطة الحليب ...

طبعا في شفاطة يدوية وشفاطة كهربائية ... بصراحة مالي خلق اقعد افقص بيدي باليدوية ... فعلى طول شريت الكهربائية ...

ما له داعي اقول اني جربت اربع على ما طحت على واحدة محترمة لوووووووووول

اللي انا استعملتها مالت فيليبس وآفنت ... الكهربائية الذكية لأنها تسمح لج بضبط السرعة على راحتج ... واهيا اتكمل على السرعة اللي انتي ضبطتيها ... مو زرار 1 2 3 4 5 ... فهمتوني؟؟

اوكي ... شنو اللي يخلي الشفاطة تشتغل؟؟ في شغلة اول اول اول ما يبدي البيبي يرضع يسويها ... آفنت اتخليج اتسوينها .. شنو اهيا؟؟

البيبي أول ما اتحطينه على الصدر يمص 4-5 مصات سريعة ... هذي الحركة اهي اللي اتخلي المخ ياخذ إشارة الرضاعة ... ويبدي يطلع الحليب ... وعقبهم يطلع الحليب ويبدي البيبي يمص شوي شوي ... الشفاطة اللي اقولكم عنها اتخليج اتسوين 4-5 حركات سريعة بعدين اتسوينها أبطأ

 

[مراسي الحب]

ستيان الرضاعة اخيه شوي أكبر لأن ما شاء الله الصدر يكبر أكثر مع الحليب ...

والكريم تبدين تستخدمينه آخر السابع ... علشان اتلحقين

 

[om__jana]

مراسي
- ماينفع نلبس حمالات الرضاعه الحين والا لازم النوع اللي ذكرتيه؟؟
- وانا حامل بالليل لمن انام لازم ألبس الحمالات والا لأ ؟ لأنه انا بالبيت ما ألبس بس لمن أطلع ألبس حماله
- الكريم جم مره احطه باليوم؟؟

 

[مراسي الحب]

واايد حاو الموضوع وانا من أشد المؤيديين للرضاعة الطبيعية
صج البيبي يكسر الخاطر حلمة الممية أكبر من وجهه...الحمدلله رضعت عياالي طبيعي
وعلى راي الدكتور خلوا حليب البقرة لعيالها هذا اذا كان فعلا حليب بقر مو اشياء ثانية

والله انج صاااااجة الله يقدرنا يا رب ونعطيهم أحسن شي

أم جنى ... الأفضل انج تظلين لابسه الحمالة طول الوقت علشان اتسوين سبورت حق الصدر والأنسجة ... يعني من صغير .. يصير كبير ويخترع من الجاذبية الأرضية ههههههههههه

اي ممكن تستخدمين حمالات الرضاعة اذا تبين

الكريم مرة في اليوم للترطيب قبل الولادة ... وبعد الولادة ... بعد كل رضعة

 

[مراسي الحب]

يالله شرينا كل الأغراض؟؟ خلصنا من السوق؟؟؟ ندخل بالجد

أول ما ينولد البيبي يطلع من الأم الحليب اللبي Colostrum ... وهو شكله أصفر شوي شفاف وكمية صغيرة .... هذا اهم شي بالموضوع ... لأنه عبارة عن دفعة مضادات ومواد مساندة لجهاز المناعة ... سبحان الله ... البيبي توه طالع ... فاول شي جسمه يحتاجه اهو هذا الحليب ... هذا يطلع اول وثاني ويمكن ثالث يوم ... عقب يطلع الحليب الطبيعي ...

 

[أسماء]

خووووووووووش موضوع ..

الله يعطيج العافية ..

متااابعة معاج : )

 

[طــمــوحــي]

حبي مراسي ما تقصرين والله موضوعج مفيد حده

 

[مراسي الحب]

المفروض ... المفروض .... اول ما ينولد البيبي ينحط على طول على صدر الأم ...

علشان جذي الكمام اللي يسطل الأم ويخليها تولد وهيا ما تدري .... مو شي زين لأنه ما تدري عن البيبي ...

لما تحطين البيبي على صدرج بعد الولادة على طول ، راح ياخذ صدرج اسرع ويسرع من ادرار الحليب ... لما البيبي ياخذونه الحضانة ... ويعطونه جرعة حليب صناعي من ممية اتدق دق في حلجة ما يحتاج يمص ولا شي ... راح تقل فرصتج في تعليمه على الرضاعة الطبيعية

فاللي داخلة ولادة ... اتقول اول ما توصل المستشفى ... البيبي رضاعة طبيعية فقط لا غير ... جذي ما يعطونه حليب صناعي ... غير جذي ترى يبون الفكة من الصياح ... وبسرعة يدعسون بحلجة ممية ...

فكثر ما تقدرون خليكم واعين بعد الولادة ... الكماااااااااااام سخيف ... ويخليج اتدوخين ...

واللي بتولد قيصرية ... نصيحة تاخذ ابرة الظهر علشان بعد ما البيبي ينولد ... تقدر اترضع على طول ...

 

[brownness]

الحمدالله انا في طفلي الثاني قاعدة ارضعه صج تعب اكون مداومة والصدر ينتفخ بس تعب حلو اول جم شهر لوية بعدين تتعودين

طفلي الاول ماقدرت ارضعة الا 20 يوم كان فيني كابة نفاس ودراسة واول ياهل تعب وسهر شي يديد مو متعودة وكنت صغيرة وماتطلع حلمتي واسخن يعني كل الطرق ماقدرت شفطت الحليب مت من العوار شريت حلمات لوية وماكو فايدة اخر شي مارضعتها بس تحسفت


الحمدالله الحين لا ثاني ياهل عادي متاقلمة على السهر وعندي ياهل من قبل فعرفت ارضع

خالتي ام ريلي تقولي بسج لي الحين ترضعين صدرج قتلها اي برضع