الرضاعة الطبيعية .... جد واجتهاد

[ipink]

مريم انا استعمل كريم لانسينوه اسمه بصيدليه رويال حياه موجود وبالمرز اب بوتتس زينين وايد

 

[بحر الغموض]

اشفي البنات ماكواحد والتواجد مو مثل قبل

 

[ipink]

مايندرى يمكن لاهين بالعيال
انا ما اقدر اشبك قبل بس الحين قمت اشبك وانا ارضع
المهم
الحين ابي الجواب الاكيد شلون ناس تقول الشفط يقلل الحليب وناس تقول يزيده ششلون شنو الصح؟
وقلتولي انه الشفط اكثر من مره باليوم ينشف الحليب شلون انا رفيجتي قالتلي انها تشفط كل ثلاث ساعات كل يوم ججدي ومشالله قاعد اترضع ولدهها وعمره الحين سبع اشهر
المشكله شسوي لمن اشفط ومايطلع حليب الا بالقطاره شالحل ؟

 

[بحر الغموض]

صباااااااااااااح الخير
عساكم طيبين انتوا وبيبياتكم

ايبنك
خير الامور الوسط لما تشفطين لازم تعوضين بالتغذيه واتكين على الاكل اللي يكثر الحليب
مره تشفطين وبعدها تخلين البيبي يرضع

انا كنت اشفط مره الى مرتين
اظن ان توج يعني ممكن يصير احيانا يطلع بالقطاره طبيعي اكلي عدل وقعدي على النت وخلي الشفاطه شغاله فجاه راح يطلع حليب
بس اذا حسيتي بعوار حيل تركيها وبعد فتره ساعه او اقل ردي شفطي واذا ماطلع شوفي اكلج

هذا اللي اعرفه وتراني بجر شوفي راي البنات يمكن ينفعونج احسن

 

[أم حيدر]

صبااح الخير

بنوكة - انا وحده كان معاي ضغط حمل وضليت اشرب سوائل عقب ما ولدت لان ضغطي مو منتظم - الزبدة كاني دردعت سوائل لما قلت بس مافيني الا العافية وبعدين تعالي اقولج اللي ترضع تعطش لان الياهل قاعد يسحب السوائل اللي بجسمج انا خلال الرضاعه يمي عصير وماي.
بالنسبة للشفط وقلة الحليب - انتي صارلج شكثر والدة ؟ لان ترى مو من اول مدة يكون الحليب وايد بصدر الام- رب العالمين يزيد كمية ضخ الحليب بصدر الام كل ما يكبر البيبي - لان المولود حديثا حاجته قليلة جدا فتخيلي ان انتي انتي صدرج في وايد حليب والبيبي بس يحتاج شوية ... عن خبرة اول فترة مايكون الحليب وايد بعدين يزيد مالج شغل بالشفاط.

 

[أم حيدر]

وييييييي مريم اللي كانت تسأل عن السوائل يالله رديت على بنوكة

بنوكة انا ولدي العود ما كان ياخذ صدري كنت دايما اشفط واعطي بالممية الشفاط صار ولدي العزيز وعقب شهرين ونص قالي الحليب باااااااااااااااي

 

[أم حيدر]

غموضة روحي نامي شتسوين قاعده هني؟؟؟

بنتي ما نومتني امس ومعصبة لان محد يسولف معاها آآآآآآآآآآآآآآوووووووو ايييييييييييييييييييي آآآآآآآآآآآو وانا يا ماما نامي مو وقت سوالف وراي دوام

 

[بحر الغموض]

هههههههههه يحليلها لا انا امس ولدي صار ريال ونام زين

لاننا سهران ماخليته ينام قبلها

 

[opera]

صباح الخيييييييير


امس كشت بولدي ورحت السينما


الفلم طول ساعتين مدته وانا اصلا طالعه قبل الفلم بساعه وعلى مارديت البيت ...


اقوله بدوووري تعال .. يحقرني مايبيني يروح عند يدته


جنه زعلان ليش مخليته

 

[opera]

ام حيدر تذكرت شي على طاري المميه والياهل كلما يكبر يفهم

تصدقين الحين لمن اعطي بدور مميه .. تدرين شيسوي .. يمسكها ويقلبها .. عاد تعالي شوفي يلعوزنا الحليب كله ينقط من المميه

او ياخذها يلعب فيها ولمن احطها بحلجه مايمصها .ز بس يعضض بالحلمه مالت المميه :\


غير عن اليهال اللي يشربونها كامله

 

[أم حيدر]

صباخ الخير اوبرا

امس معافر مع بتولي عالممية والحليب يتكتت بكل صوب عيااااااارة

 

[الشيخه فطامي]

سلام بنات شخباركم مع الرضاعه


تسولفون عن المميه جم رضعه تعطون صناعي ولا قصدكم عن الشفط تعطون بالمميه ؟

امس رحت المواساه او علمتني النيرس عن الرضاعه الطبيعيه سألته الرضعه اللي بالشفط جم ساعه تظل بره قالتلي 4 ساعات

عندي سؤال متى اعطي ولدي المصاصه ضروري اعلمها عليها و متى اعطيه المميه ؟

 

[opera]

الشيخه

احنا نتكلم عن الصناعي وقت الحاجه


انا علمت ولدي عالمصاصه قبل لايطلع من الاربعين النفاس.. يعني من اول اسبوع ولاده علمته

ولي يومج عمره سنه ما اينام الا فيها

 

[ام الداده]

مرحبااااا يابنات

شلونكم

بصراحه المصاصه رووووعه

شوي عليها

بس ماترضى تمصها بنيتي الا بطلعة الروح

بس اغصبها ليمن تقتنع وتمص

غصب

لأني مرات احسها شبعانه وتتلهى بصدري

تشرب وتكت الباقي

احسن شي عوديها

ويعدين مفيد صحيا بالسنه الاولى

تفتح مجرى التنفس للطفل خاصة واهو نايم

شلونج اوبرا؟؟

 

[opera]

هلا ام الداداه

انا بخير

انا مع المصاصه ولا تصدقين اللي يقولون تخرب الاسنان وتنشف الريج

 

[الشيخه فطامي]

اوبرا يعني متى وقت الحاجه ؟

مو لازم تشفطين .؟

 

[opera]

الشيخه

انا اقصد مرات ماتكونين شافطه رضعه او شفطتي وطلعتي وياع الياهل

او كنتي حاطته عند احد وطالعه

او بالدوام


يعني اي ظرف ممكن يعطلج عن الرضاعه


انا بصراحه كنت اشفط اول ما ولدت بعدين وقفت .. وصار ياخذ رضعه صناعي لمن اكون بالدوام

 

[ام الداده]

بنات شنو احسن آله للشفط

واحسن ماركه

عشان بروح اجهز حق طلعتي

وراح اطول عليها وما ابي اعطيها صناعي؟؟؟

انا عندي وحده كسرت اصابعي من كثر ما اضغط:0bee2e8d89:

 

[opera]

ام الداده انا اللي عندي جيكو .. بس همن يدويه مو كهرباء


يمكن الكهرباء احسن



انا ما اشفط وايد عشان جذي ماتفرق معاي

 

[أم حيدر]

داده دودي شلونج فطامي قوة واوبرا وياهم

احسن جهاز شفط ماركة مديلا لونه اصفر رووووووووعه يشتغل عالبطاريات وعالكهريا ماشالله تبارك الرحمن صارله عندي 4 سنين وفي سرعات

بالنسبة للمصاصة انا الصبيان خذوها العود قطعتها منه عقب السنة والوسطي عمره سنه و3 شهور ياخذها بسسسسسسسسسسسسسس حزة النوم

والعروسة اللي قاعده تربيني رفضت تاخذها خيييييير شر بس احطها بحلجها عزكم الله تتفلها وتدزها بلسانها وتصير جنها بتزوع وبيني وبينكم احسن

اوبرا ترى فعلا المصاصة تأثر على اللثة بس هذا بالنسبة للطفل اللي 24 ساعه بحلجه، والشي السلبي بالمصاصة على قولة الاوليين انها تضيع يوعة الياهل من شبعته يعني مسكن ممكن يكون يوعان وطايحلة مص بهالسيليكونة لووووول