الرضاعة الطبيعية .... جد واجتهاد

[أم حيدر]

ام جنى سلامات وماتشوفين شر ومأجورة انشالله

حبيبتي انا اتصلتلج بحضتنة المواساة السسترات هناك يهبلون - شلونج بالانجليزي ؟

 

[ام الداده]

ام حيييييييييدر

شلونج؟

انتي موجوده

 

[الشيخه فطامي]

انا بدق عل المواساه باخذ منهم كتيب الرضاعه ولدت بدار الشافا او صارحه مو شي ما عندهم عنايه بالرضاعه بالغصب علمتني طريقه وحده مافي غيرها لا او انا مناديتها قايلتلها علميني اول شي علموني غلط

ابله اوبرا او ابله مراسي ماعليكم امر سؤال

الحين انتو ترضعون طبيعي خل نقول لين 6 اشهر
6 اشهر ما تطلعون من البي <<< ذابحتها الطلعه

شتسون يعني اذا بروح مثلا مجمع ولا مكان شسوي اذا بطول مثلا نص يوم انا بره باخذ ولدي معاي شنو التكنيك الصح
امس رحت العياده او بجى حاولت ارضعه بالسياره غلط الوضع ما يساعد كلش ؟ شسوي بلييز ابي اعرف

او اذا بشفط جم شفطه جم مميه مثلا اودي معاي اذا بروح مجمع
امس سألت دكتور اللي بدار الشفا عن الحليب اذا شافطته يقولي ساعه بس تخلينه بره او ساعتين بالثلاجه او يوم بالفريزر بس

بس انتو هني قلتو 3 اشهر بالفريزر او يومين بالثلاجه او ساعتين بره ؟ّّّّ

 

[أم حيدر]

انا موجودة هنا ام الدادة صباح الخير

فطامي بالنيابة عن خواتي ارد عليج

مستشفى المواساة يهبلووووووووون من ناحية الرضاعه وعندهم استعداد يقعدون ساعه عندج يعلمونج

المهم لا تخلين الرضاعه الطبيعه تصير هم بالنسبة لج طلعي واستانسي والبيبي لما ما تكونين موجودة شفطيله وخليه بالثلاجة ومو مشكله اذا شرب رضعه صناعي حزة الطوارئ

 

[ام الداده]

صباح الورد

شلونج وشلون عيالج؟؟

اشتريتي للعيد؟؟

تصدقين توني ادري يعطون دروس للرضاعه؟؟

بس بالفطره الوحده تتعلم

بس لي الحين يعووووووووور

والله جني يموت

وبفضل نصايحكم

خففت الصناعي

وصار مره

او مرتين

بالكثير

صج الله يجزيكم خير

 

[opera]

back

انا رديت


عادي انا كنت اطلع مع ولدي ارضعه قبل لا اطلع وماتطول طلعتي اكثر من ساعه

اما الزواره .. عادي ارضع هناك

 

[opera]

تذكرت موقف

هههههههههههههههههه


مره كنت رايحه مع ريلي وولدي كان عنونو .. كنا رايحين وكاله الانفنتي عشان بشتري سياره ..مره وحده بدووور قام يعافر يوووعان واحنا قاعدين عند المدير وطالبلنا قهوه

هههههههههههه

جان اخذه و اقولهم عن اذنكم ..

رحت الحمام ورضعته شوي سكت جان ارد اروح لهم

 

[ipink]

هلووو
منو موجود ؟

 

[om__jana]

ام حيدر ومراسي مشكورين امس رحت حق مستشفى الشركه لأنه امي ذبحتني على الورمه تحاتي وقالتلي الدكتورة نفس الكلام هذي قناه مسدوده ولازم 24 ساعه احط كمادات وعلمتني شلون ادلك

بنووكه انتي نفس حالتي انا بنتي تبجي يوعانه اشيلها تاكل وييهي واحط صبعي تفتح حلجها وبس احطها ترضع تشرب 3 دقايق وتنام وانا احاول اكلمها والعب بأذانها واقعد فيها ماكو وبس اشيلها من صدري 5 دقايق او 10 دقايق ترد تبجي تبي ترضع وااااااااي احس طول اليوم بس اطلع صدري وادخله هذي حالتي طول اليوم

 

[بحر الغموض]

الشيخه فطامي ماكو مثلي بالطلعات

كنت اشفط له رضعتين يعني لو شفته نايم وصدري فيه حليب اقعد عالنت او اشوف التلفزيون واشفط

واخلي الرضعات بالثلاجيه ليومين وممكن لثلاث

واذا خلصت الرضعات وانا بره اخليهم يعطونه صناعي

احياانا اخذه معاي اروح لمصلى وارضعه او ممكن تروحين لاي مكان صاد

واذا بمجمع اروح لمحلات مذركير فيه غرف رضاعه

حبيبتي بالمواساة عندهم غرف رضاعه مجهزه فيها كراسي للرضاعه ومعاها مخدات الرضاعه وجدول حاطين وكتيبات وناااااااااااااااسه وغرف كيره موصغيره

فارتاح اذا رحت لمراجعاتي او مراجعه ولدي

وبالنسبه لاهتمامهم بالرضاعه ماشفت مثله ابد بصراحه حييييييييييييييييييييييييييل يهتمون بالرضاعه الطبيعيه واثنين اييولج للغرفه ويساعتدونج ويعلمونج بكل صدر رحب حتى لو تضايقتي بالهم طويل معاج وشاطرات

وفي وحده قالتلي عنها ام حيدر قالتلي اطلبي فلانه كان البيبي وقتها يعفر مايمسك الحلمه هذه بثانيه خلته يعرف الحلمه ويمسكها شاطره

روحي لهم وبيرحبون فيج وسئليهم مثل ما تبين

اذكر حتى لما كانوا ياخذون البيبي يسئلوني رضعتيه واذا لا يقولون رضعيه احنا معاج نساعدج وصج مايقصرون
واذا صار الليل يقولون احنا صاحين باي وقت تبينه انييبه لج واحيانا اهم يتصلون علي يقولون لي ها تقدرين ترضعينه انييبه؟
واذا مارضع وراح مني وشافوه رجع بجي بعد جم دقيقه اييبونه عادي واهم يبتسمون ويهونون عليج
يحليلهم والله

حتى الممرضه اللي يتلي البيت يحليلها ماقصرت والله دشت معاي تكرمون الحمام لاني كنت ماقدر اسبح بروحي واخاف من العمليه وشافت صدري مورم كسرت خاطرها
قامت وحطلي ماي دافي وصارت تنزل الحليب من صدري وتعلمني الطريقه تقولي موزين تخلينه جذي بعدين راح تتعبين

ويعطونا رقمهم حتى بالمستشفى بس بصراحه ماحتجت اتصل عليهم لانهم ماقصروا وانا قادره امشي حالي الحين تمام التمام

بس ولدي الحين من النشله قام يعفر مايقدر يرضع لانه خشمه يصكر

 

[الشيخه فطامي]

ههههههههههه ام جنون هذي ضريبه الرضاعه خلصنا من ضريبه الحمل ها الله يسهل علينا ويقدرنا

انا بس احاتي الطلعه خخخخخخخخخخخخخخ مادري شسسوي

 

[بحر الغموض]

ام جنى حبيبتي اي عادي هههههههههههههه اذكر كنت احس نفسي بقره بشركه البان ومستنزفه بعد

حبيبتي لا تلومين البيبي تراه تعبان ومنهد حيله بهالدنيا اللي طلع لها

توه صغيره والرضاعه بالنسبه له مجهود كبير فخليه على راحته خل يرتاح حبيبي والله

طولي بالج عليه ترى تتعبين واهو يتعب اكثر منج لو شفتيه مارضى يصحى خليه واعليه يبي يرتاح لاتظلمينه حبيبي

معليش ادري تتعبين ترى والله كلنا تعبنا وشفت التعب يطلع من روحي صج

بس صدقيني بعدين تستانسين خصوصا لما تذوقين لذه انه يقعد يطالع بعيونج ويبتسم لج والا يطق صدرج بايده تهبل سلم قلبهم

اصبري وبالاخير بترتاحين وبتستانسين عالرضاعه وربي انها نعمه
ربي لك الحمد والشكر

 

[بحر الغموض]

سهالات

ياشيخه

 

[om__jana]

مشكورين فطامي وبحوره انزين بسألكم البيبي متى يبدي يبتسم ويناغي ؟؟ انا بنتي بس تبجي ولمن تنام تقعد تتبوسم!! وحقنا كله بجي ومبرطمه

 

[بحر الغموض]

بالشهر الثالث ويبين اكثر بالرابع ان شاء الله

 

[om__jana]

عيل ليش امي تقوللي من الاسبوع الثاني حبطتني

 

[بحر الغموض]

والله هذا اللي اعرفه حبيبتي وترى في فروقات بين الاطفال مو شرط

 

[أم حيدر]

السلااااااااااااااااام عليكم

شلونكم يا مامات

الياهل يناغي اواخر الشهر الثاني اروحلهم فدوة شحلاتهم

بنات اني اواجه مشكلة

بنوتي رافضة الممية وانا دوااااام من8-4 شالحل ؟

 

[ام الداده]

الله يعينج

انزين ماتشربينها ماي بالمميه؟؟

يعني كلش مو متعوده؟؟

حاولي شنو يتسوين يعني

مثل المصاصه..

ليمن تتعود

 

[الشيخه فطامي]

بنات سألت الرداده عن ترهل الصدر تقول اللي ترضع صدرها ما يترهل يالعكس يمسك او يوقف صج